Naṉ. 21
21
Isak akiiniamu
1Uunt Yus Saran waitnentar uchi takustatme timia núnaka ímiatrusaṉ umikmiayi. 2Tura weamtánam ajapruk Yus timia nú tsawant jeamtai uchin Aprajámnan takusmiayi. 3Tura Sara takusmatai Aprajámka nú uchin Isak anaikiamiayi. 4Isak akiiniamuka uchu tsawant jeamtai Aprajámka Yus túrunati timia núnisaṉ ni shunirí̱ nuape̱n tsupirkamiayi. 5Aprajám Isakan yajutmarmia nui̱ṉkia sian uwí takakuyayi. 6Tuma asamtai Sara chichaak “Urukakua Yussha wishimtikrawa, uchin weamtánam takumtikraksha. Auka wi uchin takusman nekaawar wiji̱a̱i̱ métek warasar wishirartatui” tímiayi. 7Nu arant chichaak “Aprajáma nuwe̱ Sara uchin takustatui ¿yaki tiarma? Túrasha Aprajámka úuntach ái̱ṉchak wikia uchin takursaj” tímiayi.
Aprajáma je̱e̱nia̱ Akaar Ismaerja̱i̱ ji̱i̱ki̱ akupma
8Nuyá̱ Isak úuntmasmatai Sáraka muntsun utsurkámiayi. Tura uchi muntsun tsurakmia nui̱ Aprajámka namperan najatamiayi. 9Tura Ejiptunmaya̱ nuwa̱ Akaar Aprajámnan takusmia nu uchi Isakan wíshikiun Sara wainkiamiayi. 10Wainiak Aprajáman werí chichareak “Jú̱ Ejiptunmaya̱ nuwa̱ Akaar takartinia nu uchirtiuk ji̱i̱ki̱ akupkata. Warí áminiu ainia nu mash winia uchirnak áchamniakait” tímiayi Sara.
11Nuya̱ṉka Aprajám nu tutai ni uchirí̱ asamtai enentáimias enentái najuakmiayi. 12Tura Yus Aprajáman chichareak “Ame uchiram Ismaer tura takartámin Akaarai̱ itiurchat enentáimsaip. Antsu áyatik Sara turamtatna nuke umirkata. Kame Wikia aya Isakai̱ya̱nak ame shuarum tiártatjai. 13Túrasha ame uchiram asamtai, ame takartámniu uchirí̱ya̱ncha nútiksanak ti untsurí aents mátsatka awajsattajai” tímiayi Yus.
14Kashin tsawa̱r ti káshik Aprajámka Akaaran yurumkan tura entsan nuapnum yaratá áentsak nuyá̱ uchin susa áujas akupkámiayi. Túram Akaarka jiinkí̱ kampuntin atsú Pirshiwia nuṉkanam we náṉkamas wekaikiní̱ ajamiayi. 15Tura nuapnum entsa uwamu amukámtai uchinkia numich wajamunam áepas ikiukmiayi. 16Tura uchichiri̱ jaakui íistinian nakitiak naṉki tíshimkiuja̱i̱ ekenkam iniarmin jeamu nekapek arant we pujus kakantar útmiayi. 17Nuyá̱ Yussha uchi útun anturkamiayi. Tura Yusa suntarí̱sha nayaimpinmaya̱ Akaaran chichareak “¿Urukamea Akaara? Ashamkaipia. Uchi tepes útun Yus anturkayi. 18Weme uchi iyuta. Wi nú uchinmaya̱n untsurí pepru mátsatka awajsattajai. Tuma asamtai uchiram iniantkim eṉkesam jukitia” tímiayi Yusa suntari̱.
19Nui̱ṉkia Yus Akaaran yumirmatan iniaktusmiayi. Túram Akaar yumirmat we nuapnum entsá áimiak itiá uchin áarmiayi. 20-21Tura Yus nú uchin yáimiayi túram tsakar uunt ajas kampuntin atsú Parannum pujusmiayi. Tura nui̱ pujus naṉki ekentan unuimiátramiayi. Nuyá̱ ukunam ni nukurí̱ Ejiptunmaya̱ nuwa̱ja̱i̱ nuatmamtikiamiayi.
Aprajám Awimiríkji̱a̱i̱ chícham najanamu
22Tura chíkich tsawantai̱ akupin Awimirík Aprajámja̱i̱ chichastaj tusa wémiayi. Tura nui̱ wénamunam suntara uuntri̱ Jikiur atamprimiayi. Tura Awimirík Aprajáman chicharuk “Ashí ame túramna nui̱ Yus yáintmana nu nékaji. 23Tuma asamtai amesha chichartakum ‘Aminkí̱sha, uchirminki̱sha tura ame tiraṉminki̱sha yajauch awajsachartatjai. Tura nekas winia waitnentrurmiamna nútiksanak waitnentrartatjai. Nuyá̱ wi pujukí̱ winiajna nu nuṉkanmaya̱ncha waitnentrartatjai’ tusam ju̱i̱ yamaik ‘Yus íimmianum nekas túrattajai’ turuttia” tímiayi Awimirík Aprajáman. 24Tutai Aprajám chichaak “Yus íimmianum nekas tájame” tímiayi.
25Túrasha Aprajámka taurma yumirmatri̱n Awimiríkia takarniúri̱ ataṉkiarmia nuna urukamtai áitkiarawarma tusa ujakmiayi. 26Tutai Awimirík áimiuk “Yaki nuna túrait nékatsjai. Warí nuik ujatkachu asakmin yama nékajai” tímiayi. 27Kame nú tsawantai̱k Aprajámka Awimiríkji̱a̱i̱ chichaman najanawarmiayi. Túrawar Aprajám muriknasha waakancha Awimiríkian suramiayi.
28Tura Aprajámka siati murikiun nuwa̱n achik akankámiayi. 29Tura Awimirík nuna wainiak Aprajáman chichareak “¿Urukamtai siati muriksha akankám?” tímiayi. 30Tutai Aprajám chichaak “Jú̱ siati murik nuwa̱n amaajna ju̱ka taurma yumirmatan wi najanamaj nu nekas paant nekanati tusan amaajai” tímiayi. 31Kame nui̱ chícham najanamu asamtai Pirshiwia#21:31 Pirshiwia támaka taurma yumirmatnum chícham najanamu tawai. anaikiamiayi. 32Tura chichaman Pirshiwianam najanawar Awimirík tura suntara uuntri̱ Jikiurja̱i̱ Jiristíu aentsu nuṉke̱n waketkiarmiayi. 33Waketkiarmatai Pirshiwianam Aprajámka tamarísku numin araamiayi. Tura nui̱ Tuke Pujú Uunt Yusa náari̱n pachis shiir awajsámiayi. 34Tura Aprajámka nui̱ Jiristíu aentsu nuṉke̱n núkap tsawant pujumiayi.
Currently Selected:
Naṉ. 21: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
