Naṉ. 25
25
Aprajám Seturai̱ yajutmakma
1Nuyá̱ Aprajám ataksha chíkich nuwa̱n Seturan nuatkamiayi. 2Tura Setura uchirí̱ṉkia ju̱ ármiayi, Sempram, Juksan, Mitian, Matian, Ispak tura Súwaj ármiayi. 3Juksana uchirí̱ṉkia Shiwia tura Tetan ármiayi. Tetana uchirí̱sha Asurim tura Ritusim nuyá̱ Riumin ármiayi. 4Tura Matiana uchirí̱sha ju̱ ármiayi, Ipiá, Epir, Aanuk, Apitia nuyá̱ Irta. Nú shuarka Setura tiraṉki̱ ármiayi. 5Kame Aprajámka ni warirí̱n takakuya núnaka Isakan mash susamiayi. 6Antsu iwiaaku pujusaṉ chíkich nuwa̱nam yajutmakuya núnaka ishichik kuítian aṉkant aṉkant súsar ni uchirí̱ Isakai̱ya̱ṉka ji̱i̱ki̱ etsa̱ jintiainmaani̱ yajá akupkarmiayi.
Aprajám jakamu
7Nuyá̱ Aprajámka siantu sataintia seṉku uwí pujus jakamiayi. 8Kame tí uuntach ajas ni uuntri̱ jákar ayamainiamunam ayamumai. 9Jakamtai ni uchirí̱ Isak Ismaerja̱i̱ Makpira wá̱a̱nam iwiarsarmiayi. Nú wa̱a̱ka Jet aents Sujar náartinia uchirí̱ Ijruna nuṉke̱nte. Tura nú nuṉkaka Mámprinmaya̱ṉka etsa̱ jintiainmaani̱nti. 10Kame nú nuṉkaṉka Aprajám yaunchu Jet aentsun kuitji̱a̱i̱ sumarkamia nui̱ nincha ni nuwe̱ Sara iwiarsamunmaṉ ikiusármiayi. 11Tura Aprajámka jaka ai̱ ni uchirí̱n Isakan Yus shiir pujutnum yumiṉkramiayi. Túramu asa “Iwiaaku Yus Iirna Nu” tú anaikiamu yumirmat ayamach Isakka pujuyayi.
Ismaer aents
12Kame Akaar Ejiptunmaya̱ nuwa̱ Sará iniatairi̱n Aprajám Ismaeran yajutmarmia nuna shuari̱ṉkia ju̱ áiniawai, 13iwia̱i̱ri̱ṉkia Nepayút nuyá̱ Ketar, Atpiir, tura Mipsam, 14Misma, Tuma, Masa, 15Atat, Tema, Jetur, Napis nuyá̱ iniaṉnamuri̱ṉkia Setimia. 16Ju̱ ármiayi Ismaera uchirí̱. Tura ni náari̱sha ashí tuse armia nuka ní naari̱niak nuṉke̱ncha tura pépruri̱ncha anaikiaru ármiayi. Tura aṉkant aṉkant ní nuṉke̱ni̱n akupin ármiayi.
17Kame Ismaerka siantu traintisiáti uwí ejé jakamiayi. Ni shuari̱ jákar ayamprarmia nui̱ ayamumai. 18Tura Awiiranmaya̱ juarki̱ Shur nuṉka ímianai Ismaer shuarka matsamkarmiayi. Nú nuṉkaka Ásurnumaani̱ Ejiptu nuṉkaja̱i̱ íṉkiuasmakete. Tura Ismaer shuarka ni aents matsatainiamunmaṉ ayamach matsamkarmiayi.
Isaka uchirí̱ jímiampramu
19Jú̱nisaiti Aprajáma uchirí̱ túrunamuri̱, Isaknaka Aprajám yajutmarmiayi. 20Tura Isakka kuaraintia uwí takaku Riwikianka nuatkamiayi. Riwikiaka Pitiuira nawantri̱ tura Rapana umai̱yayi. Nú shuarka Aram aents ármiayi tura Patanarám nuṉkanam matsamármiayi. 21Kame Riwikiaka kaa asamtai uchin takusat tusa Isakka Uunt Yusan seatmiayi. Túramtai Uunt Yus Isakan anturkamiayi, nuyá̱ Riwikiasha ajaprukmiayi. 22Tura init eṉkemas uchi muchitruiniam ti itiurchat enentáimiar “Jú̱niamunmasha ¿wisha itiura péṉkersha pujustataj?” tusa Uunt Yusan aniasmiayi. 23Takui̱ Uunt Yus Riwikian aya̱k
“Aminí̱ṉkia jimiará uchi eṉketáiniawai.
Tuma asa ukunam jimiará nuṉkanam mátsatka ajasártatui.
Tuma ásar ame uchirmeka akiintsuk mánainiawai.
Chikichik matsatka tí kakaram átatui.
Túrasha iwiai̱ṉkia ni patai̱n umirin átatui” tímiayi.
24Nuya̱ṉka takustin tsawant jeamtai uchin jímiampramiayi. 25-26Emka iwiá̱i̱ akiiniamia nuka kapasuch tura ashí ni aya̱shchiri̱ncha ure ajasu akiiniamiayi. Tura chíkichkia yachí̱ saṉkani̱n áchitkia jiinkimiayi. Emka akiinianka Esaú anaikiarmiayi tura uku akiiniaṉka Jakup anaikiarmiayi. Kame Riwikia uchin takusmia nui̱ṉkia Isakka sasaintia uwí takakuyayi.
Esaú iwiai̱niun surukma
27Kame uchisha uunt ajasármiayi. Tura Esauka kampunniunam we e̱a̱mniuyayi. Antsu Jakupka esetar enentáimin tura je̱a̱ pujuyayi. 28Isakka Esaú e̱a̱mpruka ayurtai asa ti anenuyayi antsu Riwikiaka Jakupan timiá anenuyayi.
29Chíkich tsawant Jakup tuumpin kutan iniarak pujurai̱ Esaú wekasataj tusa wéu ti pimpiki̱ támiayi. 30Tura je̱á̱ taa Jakupan chicharuk “Maa, ti pimpikin winiajai. Waitneasam kapa̱a̱ku tuump uka̱i̱m surusta yuátaj” tímiayi. Tuma asamtai Esauka Etum#25:30 Etum támaka kapantin támaiti. anaikiamuiti. 31Tura nu tutai Jakup aya̱k “Nuikia iwiá̱i̱ asam ashí achiktiniaitmena nuja̱i̱ yapaji̱átai” tímiayi.
32Tutai Esaú aya̱k “Warí imiá tsukái jaancha ukunam júkitniuitjiana nusha ¿itiurak yaintkiat? Wats nui̱ṉkia áminiu atí tájame” tímiayi. 33Nu tutai Jakup chicharuk “Wats yamaik Yus íimmianum nekas amaajme turuttia” nu tutai Esausha “Maa, nekas Yus íimmianum iwiai̱niu átinia nuna amaajme” tímiayi. 34Tura susam Jakupsha Esaun paṉja̱i̱ miik tuumpiamun ukati susamiayi. Tura Esausha yurumá umik iwiá̱i̱ asa achiktiniuya nuna patai̱n susatjame tímiania núnaka enentáimtutsuk wajaki̱ wémiayi.
Currently Selected:
Naṉ. 25: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
