Kenese 11
11
‘Ua Faia Papelu
1Sa tasi lava le gagana e tasi fo‘i le tautala a le lalolagi uma. 2‘Ua o‘o fo‘i ‘ina latou ō mai mai sasa‘e, ‘ona maua lea e i latou le fanua laugatasi i le nu‘u o Senara, ‘ona latou mau ai lea.#Tani 1.2 3‘Ona latou fetautalatala‘i lea o le tasi ma le tasi, “Sau ia, ‘inā tatou faia ia o ma‘a‘omea, ma matuā tunu ai i le afi.” ‘Ona fai lea o ma‘a‘omea mo latou ma‘a, ‘ua fai fo‘i le pulu emeri mo latou panisina. 4‘Ona latou fai ane lea, “Ō mai ia, ‘inā tatou fai ia o se ‘a‘ai, ma se ‘olo, ‘ia o‘o lona tumutumu i le lagi, ‘ia tatou faia fo‘i se mea e ta‘ua ai i tatou, ne‘i fa‘ata‘ape‘apeina i tatou i le fogā‘ele‘ele uma.”
5‘Ona afio ifo lea o le ALI‘I e silasila i le ‘a‘ai ma le ‘olo ‘ua faia e tagata. 6‘Ona fetalai ane lea o le ALI‘I, “Fa‘auta, ‘ua tasi le nu‘u e tasi fo‘i le gagana ‘iā te i latou uma; ‘ua amata fo‘i i latou ‘ona fai o lenei mea; o lenei fo‘i, e lē toe tāofia i latou i se mea e tasi. ‘Ua latou manatu i ai e fai. 7Ō mai ia, ‘inā tatou ō ifo ia, ma ‘ia tatou fa‘a‘ese‘eseina i lea mea a latou gagana, ‘ina ‘ia lē lagona e le tasi le gagana a le tasi.”#Kene 1.26; 3.22; Isai 6.8 8‘Ona fa‘ata‘ape‘ape lea e le ALI‘I ‘iā te i latou ai lea mea i le lalolagi uma; ‘ona tu‘ua lea e i latou ‘ona faia o le ‘a‘ai. 9O le mea lea ‘ua igoa ai ia o Papelu;#11.9 Papelu: mai le gagana Eperu “fa‘a‘ese‘eseina” po o “fefiloi fa‘atasi.” auā na fa‘a‘ese‘eseina i lea mea e le ALI‘I o le gagana a le lalolagi uma; na fa‘ata‘ape‘ape fo‘i e le ALI‘I ‘iā te i latou ai lea mea i le lalolagi uma.
O le Gafa o Semu
(1 No 1.24-27)
10O le gafa lenei o Semu; na ola Semu i tausaga e selau, ‘ona fānaua lea e ia o Afasata i le lua o tausaga talu mai le lolo; 11‘ona ola lea o Semu talu ‘ina fānauina e ia o Afasata i tausaga e lima selau, ma ‘ua fānaua ai e ia o atali‘i ma afafine.
12Na ola Afasata i tausaga e tolugafulu ma le lima, ‘ona fānaua lea e ia o Selaa; 13‘ona ola lea o Afasata talu ‘ina fānauina e ia o Selaa i tausaga e fa selau ma le tolu, ma ‘ua fānaua ai e ia o atali‘i ma afafine.
14Na ola Selaa i tausaga e tolugafulu, ‘ona fānaua lea e ia o Eperu; 15‘ona ola lea o Selaa talu ‘ina fānauina e ia o Eperu i tausaga e fa selau ma le tolu, ma ‘ua fānaua ai e ia o atali‘i ma afafine.
16Na ola Eperu i tausaga e tolugafulu ma le fa, ‘ona fānaua lea e ia o Peleko; 17‘ona ola lea o Eperu talu ‘ina fānauina e ia o Peleko i tausaga e fa selau ma le tolugafulu, ma ‘ua fānaua ai e ia o atali‘i ma afafine.
18Na ola Peleko i tausaga e tolugafulu, ‘ona fānaua lea e ia o Reu; 19‘ona ola lea o Peleko talu ‘ina fānauina e ia o Reu i tausaga e lua selau ma le iva, ma ‘ua fānaua ai e ia o atali‘i ma afafine.
20Na ola Reu i tausaga e tolugafulu ma le lua, ‘ona fānaua lea e ia o Seruka; 21‘ona ola lea o Reu talu ‘ina fānauina e ia o Seruka i tausaga e lua selau ma le fitu, ma ‘ua fānaua ai e ia o atali‘i ma afafine.
22Na ola Seruka i tausaga e tolugafulu, ‘ona fānaua lea e ia o Nakori 23‘ona ola lea o Seruka talu ‘ina fānauina e ia o Nakori i tausaga e lua selau, ma ‘ua fānaua ai e ia o atali‘i ma afafine.
24Na ola Nakori i tausaga e lua sefulu ma le iva, ‘ona fānaua lea e ia o Tara; 25‘ona ola lea o Nakori talu ‘ina fānauina e ia o Tara i tausaga e selau ma le sefulu ma le iva, ma ‘ua fānaua ai e ia o atali‘i ma afafine.
26Na ola Tara i tausaga e fitugafulu, ‘ona fānaua lea e ia o Aperamo, ma Nakori, ma Arana.#Iosu 24.2
O le Gafa a Tara
27O gafa fo‘i nei o Tara; na fānaua e Tara o Aperamo, o Nakori ma Arana; na fānaua fo‘i e Arana o Lota. 28‘Ua oti fo‘i Arana, a o nofo mai lona tama o Tara i le nu‘u, na fānau ai o ia, o Uro lea i Kaletaia. 29‘Ona fai avā lea o i lā‘ua o Aperamo ma Nakori; o le igoa o le avā a Aperamo o Sarai lea; a o le igoa o le avā a Nakori o Meleka, o le afafine o Arana, o le tamā o ia o Meleka, o le tamā fo‘i o Iseka. 30O Sarai fo‘i na pā o ia, ‘ua leai sana tama.
31Na ‘ave fo‘i e Tara lona atali‘i o Aperamo ma Lota le atali‘i o Arana, o le atali‘i lea o lona atali‘i, o Sarai fo‘i le avā a lona atali‘i, o le avā lea a lona atali‘i o Aperamo; ‘ona latou ō atu lea ma i latou a‘i Uro i Kaletaia, o le a ō atu i le nu‘u o Kanana; ‘ona latou o‘o lea i Karana ma nonofo ai.#Kene 15.7; Nee 9.7; Galu 7.4 32O aso fo‘i o Tara e lua selau ma le lima, o ona tausaga ia; ‘ona oti lea o Tara i Karana.
Currently Selected:
Kenese 11: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Kenese 11
11
‘Ua Faia Papelu
1Sa tasi lava le gagana e tasi fo‘i le tautala a le lalolagi uma. 2‘Ua o‘o fo‘i ‘ina latou ō mai mai sasa‘e, ‘ona maua lea e i latou le fanua laugatasi i le nu‘u o Senara, ‘ona latou mau ai lea.#Tani 1.2 3‘Ona latou fetautalatala‘i lea o le tasi ma le tasi, “Sau ia, ‘inā tatou faia ia o ma‘a‘omea, ma matuā tunu ai i le afi.” ‘Ona fai lea o ma‘a‘omea mo latou ma‘a, ‘ua fai fo‘i le pulu emeri mo latou panisina. 4‘Ona latou fai ane lea, “Ō mai ia, ‘inā tatou fai ia o se ‘a‘ai, ma se ‘olo, ‘ia o‘o lona tumutumu i le lagi, ‘ia tatou faia fo‘i se mea e ta‘ua ai i tatou, ne‘i fa‘ata‘ape‘apeina i tatou i le fogā‘ele‘ele uma.”
5‘Ona afio ifo lea o le ALI‘I e silasila i le ‘a‘ai ma le ‘olo ‘ua faia e tagata. 6‘Ona fetalai ane lea o le ALI‘I, “Fa‘auta, ‘ua tasi le nu‘u e tasi fo‘i le gagana ‘iā te i latou uma; ‘ua amata fo‘i i latou ‘ona fai o lenei mea; o lenei fo‘i, e lē toe tāofia i latou i se mea e tasi. ‘Ua latou manatu i ai e fai. 7Ō mai ia, ‘inā tatou ō ifo ia, ma ‘ia tatou fa‘a‘ese‘eseina i lea mea a latou gagana, ‘ina ‘ia lē lagona e le tasi le gagana a le tasi.”#Kene 1.26; 3.22; Isai 6.8 8‘Ona fa‘ata‘ape‘ape lea e le ALI‘I ‘iā te i latou ai lea mea i le lalolagi uma; ‘ona tu‘ua lea e i latou ‘ona faia o le ‘a‘ai. 9O le mea lea ‘ua igoa ai ia o Papelu;#11.9 Papelu: mai le gagana Eperu “fa‘a‘ese‘eseina” po o “fefiloi fa‘atasi.” auā na fa‘a‘ese‘eseina i lea mea e le ALI‘I o le gagana a le lalolagi uma; na fa‘ata‘ape‘ape fo‘i e le ALI‘I ‘iā te i latou ai lea mea i le lalolagi uma.
O le Gafa o Semu
(1 No 1.24-27)
10O le gafa lenei o Semu; na ola Semu i tausaga e selau, ‘ona fānaua lea e ia o Afasata i le lua o tausaga talu mai le lolo; 11‘ona ola lea o Semu talu ‘ina fānauina e ia o Afasata i tausaga e lima selau, ma ‘ua fānaua ai e ia o atali‘i ma afafine.
12Na ola Afasata i tausaga e tolugafulu ma le lima, ‘ona fānaua lea e ia o Selaa; 13‘ona ola lea o Afasata talu ‘ina fānauina e ia o Selaa i tausaga e fa selau ma le tolu, ma ‘ua fānaua ai e ia o atali‘i ma afafine.
14Na ola Selaa i tausaga e tolugafulu, ‘ona fānaua lea e ia o Eperu; 15‘ona ola lea o Selaa talu ‘ina fānauina e ia o Eperu i tausaga e fa selau ma le tolu, ma ‘ua fānaua ai e ia o atali‘i ma afafine.
16Na ola Eperu i tausaga e tolugafulu ma le fa, ‘ona fānaua lea e ia o Peleko; 17‘ona ola lea o Eperu talu ‘ina fānauina e ia o Peleko i tausaga e fa selau ma le tolugafulu, ma ‘ua fānaua ai e ia o atali‘i ma afafine.
18Na ola Peleko i tausaga e tolugafulu, ‘ona fānaua lea e ia o Reu; 19‘ona ola lea o Peleko talu ‘ina fānauina e ia o Reu i tausaga e lua selau ma le iva, ma ‘ua fānaua ai e ia o atali‘i ma afafine.
20Na ola Reu i tausaga e tolugafulu ma le lua, ‘ona fānaua lea e ia o Seruka; 21‘ona ola lea o Reu talu ‘ina fānauina e ia o Seruka i tausaga e lua selau ma le fitu, ma ‘ua fānaua ai e ia o atali‘i ma afafine.
22Na ola Seruka i tausaga e tolugafulu, ‘ona fānaua lea e ia o Nakori 23‘ona ola lea o Seruka talu ‘ina fānauina e ia o Nakori i tausaga e lua selau, ma ‘ua fānaua ai e ia o atali‘i ma afafine.
24Na ola Nakori i tausaga e lua sefulu ma le iva, ‘ona fānaua lea e ia o Tara; 25‘ona ola lea o Nakori talu ‘ina fānauina e ia o Tara i tausaga e selau ma le sefulu ma le iva, ma ‘ua fānaua ai e ia o atali‘i ma afafine.
26Na ola Tara i tausaga e fitugafulu, ‘ona fānaua lea e ia o Aperamo, ma Nakori, ma Arana.#Iosu 24.2
O le Gafa a Tara
27O gafa fo‘i nei o Tara; na fānaua e Tara o Aperamo, o Nakori ma Arana; na fānaua fo‘i e Arana o Lota. 28‘Ua oti fo‘i Arana, a o nofo mai lona tama o Tara i le nu‘u, na fānau ai o ia, o Uro lea i Kaletaia. 29‘Ona fai avā lea o i lā‘ua o Aperamo ma Nakori; o le igoa o le avā a Aperamo o Sarai lea; a o le igoa o le avā a Nakori o Meleka, o le afafine o Arana, o le tamā o ia o Meleka, o le tamā fo‘i o Iseka. 30O Sarai fo‘i na pā o ia, ‘ua leai sana tama.
31Na ‘ave fo‘i e Tara lona atali‘i o Aperamo ma Lota le atali‘i o Arana, o le atali‘i lea o lona atali‘i, o Sarai fo‘i le avā a lona atali‘i, o le avā lea a lona atali‘i o Aperamo; ‘ona latou ō atu lea ma i latou a‘i Uro i Kaletaia, o le a ō atu i le nu‘u o Kanana; ‘ona latou o‘o lea i Karana ma nonofo ai.#Kene 15.7; Nee 9.7; Galu 7.4 32O aso fo‘i o Tara e lua selau ma le lima, o ona tausaga ia; ‘ona oti lea o Tara i Karana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.