Levitiko 19
19
O le Ola Pa‘ia ma le Faimeatonu
1‘Ua fetalai mai fo‘i le ALI‘I ‘iā Mose, ‘ua fa‘apea mai:
2Fai atu ia i le fa‘apotopotoga uma o le fānauga a Isaraelu, ‘ia fa‘apea atu ‘iā i latou: ‘Ia pa‘ia ‘outou; auā o a‘u o le ALI‘I lo ‘outou Atua e pa‘ia lava a‘u.#Levi 11.44-45; 1 Pete 1.16 3‘Ia ta‘ito‘atasi ‘outou ma āva i lona tinā ma lona tamā, ma ‘ia ‘outou tausiusi i o‘u sapati: O a‘u o le ALI‘I lo ‘outou Atua.#Eso 20.8, 12; Teu 5.12, 16
4‘Aua tou te liliu atu i tupua, ‘aua fo‘i ne‘i faia atua u‘amea mo ‘outou: O a‘u o le ALI‘I lo ‘outou Atua.#Levi 26.1; Eso 20.23; 34.17; Teu 27.15
5‘Āfai fo‘i tou te faia se taulaga fa‘afetai i le ALI‘I, ‘ia ‘outou fai taulaga ‘ina ‘ia alofagia ‘outou. 6E ‘aina lava ia i lea lava aso na ‘outou fai taulaga ai, ‘atoa ma a taeao; ‘ae ‘āfai ‘ua toe sina mea i le aso tolu, ‘ia susunuina lea i le afi. 7‘Āfai fo‘i e ‘aina sina mea i le aso tolu, o le mea e ‘inosia lea; e lē talia lava. 8O lē na te ‘aina e nofo sala o ia, auā ‘ua leaga ‘iā te ia le mea pa‘ia a le ALI‘I e vavae‘eseina lava lea tagata i lona nu‘u.
9A ‘outou selesele fo‘i i le seleselegāsaito i o ‘outou fanua, ‘aua ‘e te selesele uma ou pito fanua, ‘aua fo‘i ‘e te ao ni saito ‘ua pa‘u‘ū i lau seleselega.#Levi 23.22; Teu 24.19-22 10‘Aua ‘e te fo‘i fa‘alua e tau vine o i lou tōvine, ‘aua fo‘i ‘e te fa‘aputu le fua ‘ua totoe i lou tōvine; a ‘ia tu‘u ai mo ē matitiva ma tagata ‘ese: O a‘u o le ALI‘I lo ‘outou Atua.
11‘Aua tou te gaoi, ‘aua fo‘i tou te fa‘a‘ole‘ole, ‘aua fo‘i tou te pelopelo le tasi i le tasi.#Eso 20.15, 16; Teu 5.19-20 12‘Aua tou te tautō i lo‘u igoa ma le pepelo; ‘aua fo‘i ‘e te fa‘aleaga le igoa o lou Atua: O a‘u o le ALI‘I.#Eso 20.7; Teu 5.11; Mata 5.33
13‘Aua ‘e te fa‘asauā i lē lua te tuā‘oi, pe faoa ana mea; ‘aua ne‘i tu‘u pea ‘iā te oe se‘ia taeao o le taui o lē ‘ua faia lau galuega.#Teu 24.14-15 14‘Aua ‘e te fāifai i lē tutuli, ‘aua fo‘i ‘e te tu‘u se mea e tausuai ai i luma o le tauaso, a ‘ia e mata‘u i lou Atua: O a‘u o le ALI‘I.#Teu 27.18
15‘Aua tou te faia se mea lē tonu i le fa‘amasinoga; ‘aua ‘e te fa‘ailogaina le tagata mativa, ‘aua fo‘i fa‘aaloalo i le tagata mau‘oa; a ‘ia e fa‘amasino ma le tonu lē lua te tuā‘oi. 16‘Aua ‘e te fealua‘i i lou nu‘u ma fe‘ave‘avea‘i; ‘aua fo‘i ‘e te molimau pepelo i lē lua te tuā‘oi e oti ai o ia: O a‘u o le ALI‘I.
17‘Aua ‘e te ‘ino‘ino i lou uso i lou loto; ‘ia e a‘oa‘i lava i lē lua te tuā‘oi, ‘aua fo‘i ne‘i tu‘u ai pea le agasala ‘iā te ia.#Mata 18.15 18‘Aua ‘e te taui ma sui, ‘aua fo‘i le fa‘amoemoe lou ita i tagata o lou nu‘u, a ‘e te alofa atu i lē lua te tuā‘oi ia pei o oe lava ‘iā te oe: O a‘u o le ALI‘I.#Mata 5.43; 19.19; 22.39; Mare 12.31; Luka 10.27; Roma 13.9; Kala 5.14; Iako 2.8
19‘Ia ‘outou tausiusi i a‘u tulafono; ‘aua ne‘i fela‘aa‘i ona ofia o au manu uiga ‘ese‘ese; ‘aua fo‘i ‘e te totō fua uiga ‘ese‘ese i lou fanua; ‘aua fo‘i ‘e te ‘ofu i se ‘ofu i le ‘ie lalaga fefiloi i mea uiga ‘ese‘ese.#Teu 22.9-11
20‘Ai se la te momoe ma le fafine ‘ua nofo pologa, ‘ua faufautane ‘ua lē fa‘atauina lava, pe fa‘asa‘olotoina; ‘ona sasaina lea, ‘ae lē fasiotia i lā‘ua, auā na lē sa‘oloto o ia. 21E ‘aumaia fo‘i e le tane lana taulaga mo le sesē i le ALI‘I i le faitoto‘a o le fale fetāfa‘i o le fa‘apotopotoga, o le mamoe po‘a e fai ma taulaga mo le sesē. 22‘Ona fai ai lea e le ositaulaga se togiola mo ia i le mamoe po‘a o le taulaga mo le sesē i luma o le ALI‘I ‘ona o lana agasala ‘ua ia agasala ai; ‘ona fa‘amāgaloina ai lea o ia ai le agasala ‘ua ia agasala ai.
23A ‘outou o‘o i le nu‘u, a uma fo‘i ‘ona ‘outou totōina o la‘au ‘ese‘ese e fai ma mea e ai, ona ta‘uleperitomeina ai lea e ‘outou o latou fua; o tausaga e tolu e fai ma mea e le‘i peritomeina ‘iā te ‘outou; e lē ‘aina lava. 24A o lona fa o tausaga e pa‘ia uma o latou fua e fa‘afetai ai i le ALI‘I. 25O lona lima o tausaga tou te ‘a‘ai ai i o latou fua, ‘ina ‘ia fua mai ai ‘iā te ‘outou i o latou fua: O a‘u o le ALI‘I lo ‘outou Atua.
26‘Aua tou te ‘a‘ai ma le toto; ‘aua fo‘i le fai togafiti fa‘ataulāitu, ‘aua fo‘i tou te ‘i‘ite i ao o le lagi.#Kene 9.4; Levi 7.26-27; 17.10-14; Teu 12.16, 23; 15.23; 18.10 27‘Aua tou te sele fa‘ata‘ali‘oli‘o i o ‘outou lauulu, ‘aua fo‘i ‘e te fa‘asaunoa i ou pito ‘ava.#Levi 2.5; Teu 14.1 28‘Aua tou te saei o ‘outou tino ‘ona o lē ‘ua oti, ‘aua fo‘i ne‘i ta tatau ‘iā te ‘outou: O a‘u o le ALI‘I.
29‘Aua ‘e te fa‘aleaga i lou afafine e fai ma fafine talitane; ‘ina ne‘i masani le nu‘u ma le faita‘aga, ‘ona tumu ai lea o le nu‘u i le amio leaga.#Teu 23.17 30‘Ia ‘outou tausiusi i o‘u sapati, ma ia matata‘u i lo‘u malumalu: O a‘u o le ALI‘I.#Levi 26.2
31‘Aua tou te fa‘asaga atu ‘iā i latou o i ai aitu vavalo, ‘aua fo‘i ‘e te sā‘ili i taulāitu e leaga ai ‘outou: O a‘u o le ALI‘I lo ‘outou Atua.#Teu 18.11; 1 Samu 28.3; 2 Tu 23.4; Isai 8.19
32‘Ia e tula‘i atu i luma o lē ‘ua ulu sinā, ‘ia e āva fo‘i i luma o le toeaina, ma ‘ia e mata‘u i lou Atua: O a‘u o le ALI‘I.
33A āumau ‘iā te oe se tagata ‘ese i lo ‘outou nu‘u, ‘aua tou te fa‘atigā ‘iā te ia.#Eso 22.21; Teu 24.17-18; 27.19 34O le tagata ‘ese o lo‘o āumau ‘iā te ‘outou, ‘ia tusa lava ia ‘iā te ‘outou ma le tama a le ‘ele‘ele, ‘e te alofa atu ‘iā te ia e pei o oe lava ‘iā te oe; auā sa āumau ‘outou i le nu‘u o Aikupito: O a‘u o le ALI‘I lo ‘outou Atua.
35‘Aua tou te faia se mea le tonu i le fa‘amasinoga, i le fua fa‘aloloa, po o le fua fa‘atautau, po o le fua fa‘a‘ofu‘ofu.#Teu 25.13-16; Eseki 45.10; Fa‘aa 20.10 36‘Ia ‘iā te ‘outou le fua fa‘atautau ‘ua tatau, o ma‘a e tatau, o le efa e tatau, ma le sinu e tatau: O a‘u o le ALI‘I lo ‘outou Atua, na ‘ou ‘aumai ‘iā te ‘outou nai le nu‘u o Aikupito. 37O lenei ‘ia ‘outou tausiusi i a‘u tulafono uma, ma a‘u fa‘amasinoga uma, ma ‘ia ‘outou faia: O a‘u o le ALI‘I.
Currently Selected:
Levitiko 19: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Levitiko 19
19
O le Ola Pa‘ia ma le Faimeatonu
1‘Ua fetalai mai fo‘i le ALI‘I ‘iā Mose, ‘ua fa‘apea mai:
2Fai atu ia i le fa‘apotopotoga uma o le fānauga a Isaraelu, ‘ia fa‘apea atu ‘iā i latou: ‘Ia pa‘ia ‘outou; auā o a‘u o le ALI‘I lo ‘outou Atua e pa‘ia lava a‘u.#Levi 11.44-45; 1 Pete 1.16 3‘Ia ta‘ito‘atasi ‘outou ma āva i lona tinā ma lona tamā, ma ‘ia ‘outou tausiusi i o‘u sapati: O a‘u o le ALI‘I lo ‘outou Atua.#Eso 20.8, 12; Teu 5.12, 16
4‘Aua tou te liliu atu i tupua, ‘aua fo‘i ne‘i faia atua u‘amea mo ‘outou: O a‘u o le ALI‘I lo ‘outou Atua.#Levi 26.1; Eso 20.23; 34.17; Teu 27.15
5‘Āfai fo‘i tou te faia se taulaga fa‘afetai i le ALI‘I, ‘ia ‘outou fai taulaga ‘ina ‘ia alofagia ‘outou. 6E ‘aina lava ia i lea lava aso na ‘outou fai taulaga ai, ‘atoa ma a taeao; ‘ae ‘āfai ‘ua toe sina mea i le aso tolu, ‘ia susunuina lea i le afi. 7‘Āfai fo‘i e ‘aina sina mea i le aso tolu, o le mea e ‘inosia lea; e lē talia lava. 8O lē na te ‘aina e nofo sala o ia, auā ‘ua leaga ‘iā te ia le mea pa‘ia a le ALI‘I e vavae‘eseina lava lea tagata i lona nu‘u.
9A ‘outou selesele fo‘i i le seleselegāsaito i o ‘outou fanua, ‘aua ‘e te selesele uma ou pito fanua, ‘aua fo‘i ‘e te ao ni saito ‘ua pa‘u‘ū i lau seleselega.#Levi 23.22; Teu 24.19-22 10‘Aua ‘e te fo‘i fa‘alua e tau vine o i lou tōvine, ‘aua fo‘i ‘e te fa‘aputu le fua ‘ua totoe i lou tōvine; a ‘ia tu‘u ai mo ē matitiva ma tagata ‘ese: O a‘u o le ALI‘I lo ‘outou Atua.
11‘Aua tou te gaoi, ‘aua fo‘i tou te fa‘a‘ole‘ole, ‘aua fo‘i tou te pelopelo le tasi i le tasi.#Eso 20.15, 16; Teu 5.19-20 12‘Aua tou te tautō i lo‘u igoa ma le pepelo; ‘aua fo‘i ‘e te fa‘aleaga le igoa o lou Atua: O a‘u o le ALI‘I.#Eso 20.7; Teu 5.11; Mata 5.33
13‘Aua ‘e te fa‘asauā i lē lua te tuā‘oi, pe faoa ana mea; ‘aua ne‘i tu‘u pea ‘iā te oe se‘ia taeao o le taui o lē ‘ua faia lau galuega.#Teu 24.14-15 14‘Aua ‘e te fāifai i lē tutuli, ‘aua fo‘i ‘e te tu‘u se mea e tausuai ai i luma o le tauaso, a ‘ia e mata‘u i lou Atua: O a‘u o le ALI‘I.#Teu 27.18
15‘Aua tou te faia se mea lē tonu i le fa‘amasinoga; ‘aua ‘e te fa‘ailogaina le tagata mativa, ‘aua fo‘i fa‘aaloalo i le tagata mau‘oa; a ‘ia e fa‘amasino ma le tonu lē lua te tuā‘oi. 16‘Aua ‘e te fealua‘i i lou nu‘u ma fe‘ave‘avea‘i; ‘aua fo‘i ‘e te molimau pepelo i lē lua te tuā‘oi e oti ai o ia: O a‘u o le ALI‘I.
17‘Aua ‘e te ‘ino‘ino i lou uso i lou loto; ‘ia e a‘oa‘i lava i lē lua te tuā‘oi, ‘aua fo‘i ne‘i tu‘u ai pea le agasala ‘iā te ia.#Mata 18.15 18‘Aua ‘e te taui ma sui, ‘aua fo‘i le fa‘amoemoe lou ita i tagata o lou nu‘u, a ‘e te alofa atu i lē lua te tuā‘oi ia pei o oe lava ‘iā te oe: O a‘u o le ALI‘I.#Mata 5.43; 19.19; 22.39; Mare 12.31; Luka 10.27; Roma 13.9; Kala 5.14; Iako 2.8
19‘Ia ‘outou tausiusi i a‘u tulafono; ‘aua ne‘i fela‘aa‘i ona ofia o au manu uiga ‘ese‘ese; ‘aua fo‘i ‘e te totō fua uiga ‘ese‘ese i lou fanua; ‘aua fo‘i ‘e te ‘ofu i se ‘ofu i le ‘ie lalaga fefiloi i mea uiga ‘ese‘ese.#Teu 22.9-11
20‘Ai se la te momoe ma le fafine ‘ua nofo pologa, ‘ua faufautane ‘ua lē fa‘atauina lava, pe fa‘asa‘olotoina; ‘ona sasaina lea, ‘ae lē fasiotia i lā‘ua, auā na lē sa‘oloto o ia. 21E ‘aumaia fo‘i e le tane lana taulaga mo le sesē i le ALI‘I i le faitoto‘a o le fale fetāfa‘i o le fa‘apotopotoga, o le mamoe po‘a e fai ma taulaga mo le sesē. 22‘Ona fai ai lea e le ositaulaga se togiola mo ia i le mamoe po‘a o le taulaga mo le sesē i luma o le ALI‘I ‘ona o lana agasala ‘ua ia agasala ai; ‘ona fa‘amāgaloina ai lea o ia ai le agasala ‘ua ia agasala ai.
23A ‘outou o‘o i le nu‘u, a uma fo‘i ‘ona ‘outou totōina o la‘au ‘ese‘ese e fai ma mea e ai, ona ta‘uleperitomeina ai lea e ‘outou o latou fua; o tausaga e tolu e fai ma mea e le‘i peritomeina ‘iā te ‘outou; e lē ‘aina lava. 24A o lona fa o tausaga e pa‘ia uma o latou fua e fa‘afetai ai i le ALI‘I. 25O lona lima o tausaga tou te ‘a‘ai ai i o latou fua, ‘ina ‘ia fua mai ai ‘iā te ‘outou i o latou fua: O a‘u o le ALI‘I lo ‘outou Atua.
26‘Aua tou te ‘a‘ai ma le toto; ‘aua fo‘i le fai togafiti fa‘ataulāitu, ‘aua fo‘i tou te ‘i‘ite i ao o le lagi.#Kene 9.4; Levi 7.26-27; 17.10-14; Teu 12.16, 23; 15.23; 18.10 27‘Aua tou te sele fa‘ata‘ali‘oli‘o i o ‘outou lauulu, ‘aua fo‘i ‘e te fa‘asaunoa i ou pito ‘ava.#Levi 2.5; Teu 14.1 28‘Aua tou te saei o ‘outou tino ‘ona o lē ‘ua oti, ‘aua fo‘i ne‘i ta tatau ‘iā te ‘outou: O a‘u o le ALI‘I.
29‘Aua ‘e te fa‘aleaga i lou afafine e fai ma fafine talitane; ‘ina ne‘i masani le nu‘u ma le faita‘aga, ‘ona tumu ai lea o le nu‘u i le amio leaga.#Teu 23.17 30‘Ia ‘outou tausiusi i o‘u sapati, ma ia matata‘u i lo‘u malumalu: O a‘u o le ALI‘I.#Levi 26.2
31‘Aua tou te fa‘asaga atu ‘iā i latou o i ai aitu vavalo, ‘aua fo‘i ‘e te sā‘ili i taulāitu e leaga ai ‘outou: O a‘u o le ALI‘I lo ‘outou Atua.#Teu 18.11; 1 Samu 28.3; 2 Tu 23.4; Isai 8.19
32‘Ia e tula‘i atu i luma o lē ‘ua ulu sinā, ‘ia e āva fo‘i i luma o le toeaina, ma ‘ia e mata‘u i lou Atua: O a‘u o le ALI‘I.
33A āumau ‘iā te oe se tagata ‘ese i lo ‘outou nu‘u, ‘aua tou te fa‘atigā ‘iā te ia.#Eso 22.21; Teu 24.17-18; 27.19 34O le tagata ‘ese o lo‘o āumau ‘iā te ‘outou, ‘ia tusa lava ia ‘iā te ‘outou ma le tama a le ‘ele‘ele, ‘e te alofa atu ‘iā te ia e pei o oe lava ‘iā te oe; auā sa āumau ‘outou i le nu‘u o Aikupito: O a‘u o le ALI‘I lo ‘outou Atua.
35‘Aua tou te faia se mea le tonu i le fa‘amasinoga, i le fua fa‘aloloa, po o le fua fa‘atautau, po o le fua fa‘a‘ofu‘ofu.#Teu 25.13-16; Eseki 45.10; Fa‘aa 20.10 36‘Ia ‘iā te ‘outou le fua fa‘atautau ‘ua tatau, o ma‘a e tatau, o le efa e tatau, ma le sinu e tatau: O a‘u o le ALI‘I lo ‘outou Atua, na ‘ou ‘aumai ‘iā te ‘outou nai le nu‘u o Aikupito. 37O lenei ‘ia ‘outou tausiusi i a‘u tulafono uma, ma a‘u fa‘amasinoga uma, ma ‘ia ‘outou faia: O a‘u o le ALI‘I.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.