EKSODA 10:21-23

Kutani Yehovha a ku eka Muxe: “Tlakusa voko ra wena ehenhla, munyama wu ta va kona etikweni hinkwaro ra Egipta; vanhu va ta ambamba emunyameni.” Muxe a tlakusa voko ra yena ehenhla, kutani munyama lowa ntima wu va kona etikweni ra Egipta hi masiku manharhu. Vanhu va tsandzeka ku vonana, kutani a ku vanga na munhu la sukaka evutshan'weni bya yena hi masiku manharhu. Kambe vana va Israele a va tshama eku vonakaleni emitini ya vona.