Lucas 4:9-12

Upe rire anhaygwasu ogweraha jevy íxupe Jerusalém tetã-my. Nhandejáry róga kakwaa apy-rehe omoĩ íxupe. Ombojejavy ukase mo'ã-gwi Hesu-pe he'i: —Nde Tupã Nhandejáry ra'y tee ramo, a-gwi erejeity va'erã yvy-py, he'i íxupe otantea-vy. He'i ave —Tupã Nhandejáry nhe'ẽ ohai uka va'ekwe-py he'i: “Tupã Nhandejáry he'i va'erã gwembigwái yváy pygwa kwéry-pe onhangareko hagwã nde-rehe pono mba'e vai ojehu nde-vy, pono erevyapi. Ipo-py nde reraha va'erã pono ererokwa nde py ita-rehe” he'i anhaygwasu Hesu-pe. Upéi Hesu he'i: —Nhandejáry nhe'ẽ-py he'i ave: “Ani katu eretantea teĩ Tupã Nhandejáry-pe hemimbota e'ỹ erejapo-vy” he'i íxupe Hesu.