Jenesis 11
11
Long Babilon, olketa man wakem wanfala haos wea i barava hae fogud
1Long barava bifoa kam, olketa pipol long olketa ples long wol olketa garem wanfala langguis nomoa, an olketa gohed fo yusim sem toktok nomoa. 2Nao taem olketa muv go from saet long ist, olketa faendem wanfala flat ples long kantri long Sinaa.#11:2 “Sinaa” hemi olfala nem blong Babilonia. Nao olketa mekem taon blong olketa long disfala ples. 3Nao olketa tok olsem, “!Olketa! Yumi tekem samfala graon, an wakem olketa brik long hem, an hotem long faea fo mekem olketa strong.” Taem olketa duim olsem, olketa garem plande brik fo yusim olsem ston fo wakem haos, an olketa garem ta fo joenem olketa. 4Nao olketa tok olsem, “Hemi gud fo yumi wakem wanfala taon blong yumi wea bae hemi garem wanfala haos long hem wea i barava hae tumas go-go hemi kasem long skae. From diswan bae yumi garem biknem, an bae yumi no stap seleva olobaot long evri ples long wol, bat bae yumi save stap tugeta nomoa.” So olketa gohed fo wakem taon wetem haos ya nao.
5Nao Yawe hemi kamdaon fo lukim olketa waka ya blong olketa, 6an hemi tok olsem, “!Maewat! Olketa pipol ya i pipol blong wanfala ples nomoa, an olketa gohed fo yusim wanfala langguis tu. Disfala haos olketa jes wakem, hemi fas waka blong olketa nomoa ya. Bae no longtaem, olketa save mekem enisamting wea olketa laekem nomoa ya. 7Moabeta yumi godaon fo miksimap langguis blong olketa, mekem olketa no save fo heresave long toktok blong olketa narawan.” 8Nao Yawe hemi mekem olketa fo lusim ples ya, an mekem olketa fo go stap olobaot long evri ples long wol, an olketa no wakem taon ya moa. 9Nem blong taon ya nao Babilon,#11:9 “Babilon” Long Hibru langguis ‘Babilon’ hemi here olsem wod wea hemi minim “miksimap”. bikos long ples ya, Yawe hemi miksimap langguis blong olketa pipol long wol, an long ples ya, hemi ranemaot olketa pipol mekem olketa go stap olobaot long evri ples long wol.
Olketa wea i bon kam long laen blong Siem
10 Stori abaotem laen blong Siem hemi olsem:
Hem ya nao olketa wea i bon kam long laen blong oloman Siem hemi olsem. Long taem wea bikfala wata hemi finis, Siem hemi kasem 98 yia, an tu yia moa bihaen hemi bonem Afaksad. 11Nao Siem hemi stap 500 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
12Taem Afaksad hemi kasem 35 yia hemi bonem Sela. 13Nao Afaksad hemi stap 403 yia moa, an hemi gohed fo bonem olketa narafala pikinini moa, samfala wea i boe an samfala wea i gele. 14Taem Sela hemi kasem 30 yia hemi bonem Eba. 15Nao Sela hemi stap 403 yia moa, an hemi gohed fo bonem olketa narafala pikinini moa, samfala wea i boe an samfala wea i gele. 16Taem Eba hemi kasem 34 yia hemi bonem Pileg. 17Nao Eba hemi stap 430 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
18Taem Pileg hemi kasem 30 yia hemi bonem Riu. 19Nao Pileg hemi stap 209 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
20Taem Riu hemi kasem 32 yia hemi bonem Serug. 21Nao Riu hemi stap 207 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
22Taem Serug hemi kasem 30 yia hemi bonem Nehoa. 23Nao Serug hemi stap 200 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
24Taem Nehoa hemi kasem 29 yia hemi bonem Tera. 25Nao Nehoa hemi stap 119 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
26An Tera hemi kasem 70 yia, nao hemi bonem Ebram, an Nehoa, an Haran.
Olketa wea i bon kam long laen blong Tera
27-29 Stori abaotem laen blong Tera hemi olsem:
Hem ya nao olketa wea i bon kam long laen blong oloman Tera hemi olsem. Olketa pikinini boe blong hem nao, hemi Ebram, an Nehoa, an Haran. An olketa pikinini blong Haran nao, hemi Lot, an Milka, an Iska. Nao Haran hemi dae long taon long Ur, long Kaldia, bat dadi blong hem hemi laef yet. Nao Ebram hemi maritim wanfala gele, nem blong hem Sarae, an Nehoa hemi maritim Milka, dota blong brata blong hem. 30Nao Sarae hemi no garem pikinini, bikos hemi no save babule.
31Nao Tera hemi tekem pikinini blong hem Ebram wetem Sarae wea i waef blong Ebram, an hemi tekem smolfala grani blong hem Lot wea dadi blong hem nao Haran. Nao olketa goaot long taon ya wea olketa kolem Ur long Kaldia, mekem olketa go long kantri wea olketa kolem Kenan. Bat taem olketa kasem wanfala ples wea olketa kolem Haran, olketa mekem hom blong olketa long hem nao. 32Tera hemi dae long ples ya nao taem hemi kasem 205 yia.
Currently Selected:
Jenesis 11: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Jenesis 11
11
Long Babilon, olketa man wakem wanfala haos wea i barava hae fogud
1Long barava bifoa kam, olketa pipol long olketa ples long wol olketa garem wanfala langguis nomoa, an olketa gohed fo yusim sem toktok nomoa. 2Nao taem olketa muv go from saet long ist, olketa faendem wanfala flat ples long kantri long Sinaa.#11:2 “Sinaa” hemi olfala nem blong Babilonia. Nao olketa mekem taon blong olketa long disfala ples. 3Nao olketa tok olsem, “!Olketa! Yumi tekem samfala graon, an wakem olketa brik long hem, an hotem long faea fo mekem olketa strong.” Taem olketa duim olsem, olketa garem plande brik fo yusim olsem ston fo wakem haos, an olketa garem ta fo joenem olketa. 4Nao olketa tok olsem, “Hemi gud fo yumi wakem wanfala taon blong yumi wea bae hemi garem wanfala haos long hem wea i barava hae tumas go-go hemi kasem long skae. From diswan bae yumi garem biknem, an bae yumi no stap seleva olobaot long evri ples long wol, bat bae yumi save stap tugeta nomoa.” So olketa gohed fo wakem taon wetem haos ya nao.
5Nao Yawe hemi kamdaon fo lukim olketa waka ya blong olketa, 6an hemi tok olsem, “!Maewat! Olketa pipol ya i pipol blong wanfala ples nomoa, an olketa gohed fo yusim wanfala langguis tu. Disfala haos olketa jes wakem, hemi fas waka blong olketa nomoa ya. Bae no longtaem, olketa save mekem enisamting wea olketa laekem nomoa ya. 7Moabeta yumi godaon fo miksimap langguis blong olketa, mekem olketa no save fo heresave long toktok blong olketa narawan.” 8Nao Yawe hemi mekem olketa fo lusim ples ya, an mekem olketa fo go stap olobaot long evri ples long wol, an olketa no wakem taon ya moa. 9Nem blong taon ya nao Babilon,#11:9 “Babilon” Long Hibru langguis ‘Babilon’ hemi here olsem wod wea hemi minim “miksimap”. bikos long ples ya, Yawe hemi miksimap langguis blong olketa pipol long wol, an long ples ya, hemi ranemaot olketa pipol mekem olketa go stap olobaot long evri ples long wol.
Olketa wea i bon kam long laen blong Siem
10 Stori abaotem laen blong Siem hemi olsem:
Hem ya nao olketa wea i bon kam long laen blong oloman Siem hemi olsem. Long taem wea bikfala wata hemi finis, Siem hemi kasem 98 yia, an tu yia moa bihaen hemi bonem Afaksad. 11Nao Siem hemi stap 500 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
12Taem Afaksad hemi kasem 35 yia hemi bonem Sela. 13Nao Afaksad hemi stap 403 yia moa, an hemi gohed fo bonem olketa narafala pikinini moa, samfala wea i boe an samfala wea i gele. 14Taem Sela hemi kasem 30 yia hemi bonem Eba. 15Nao Sela hemi stap 403 yia moa, an hemi gohed fo bonem olketa narafala pikinini moa, samfala wea i boe an samfala wea i gele. 16Taem Eba hemi kasem 34 yia hemi bonem Pileg. 17Nao Eba hemi stap 430 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
18Taem Pileg hemi kasem 30 yia hemi bonem Riu. 19Nao Pileg hemi stap 209 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
20Taem Riu hemi kasem 32 yia hemi bonem Serug. 21Nao Riu hemi stap 207 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
22Taem Serug hemi kasem 30 yia hemi bonem Nehoa. 23Nao Serug hemi stap 200 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
24Taem Nehoa hemi kasem 29 yia hemi bonem Tera. 25Nao Nehoa hemi stap 119 yia moa, an hemi gohed fo bonem olketa narafala pikinini moa, samfala wea i boe an samfala wea i gele.
26An Tera hemi kasem 70 yia, nao hemi bonem Ebram, an Nehoa, an Haran.
Olketa wea i bon kam long laen blong Tera
27-29 Stori abaotem laen blong Tera hemi olsem:
Hem ya nao olketa wea i bon kam long laen blong oloman Tera hemi olsem. Olketa pikinini boe blong hem nao, hemi Ebram, an Nehoa, an Haran. An olketa pikinini blong Haran nao, hemi Lot, an Milka, an Iska. Nao Haran hemi dae long taon long Ur, long Kaldia, bat dadi blong hem hemi laef yet. Nao Ebram hemi maritim wanfala gele, nem blong hem Sarae, an Nehoa hemi maritim Milka, dota blong brata blong hem. 30Nao Sarae hemi no garem pikinini, bikos hemi no save babule.
31Nao Tera hemi tekem pikinini blong hem Ebram wetem Sarae wea i waef blong Ebram, an hemi tekem smolfala grani blong hem Lot wea dadi blong hem nao Haran. Nao olketa goaot long taon ya wea olketa kolem Ur long Kaldia, mekem olketa go long kantri wea olketa kolem Kenan. Bat taem olketa kasem wanfala ples wea olketa kolem Haran, olketa mekem hom blong olketa long hem nao. 32Tera hemi dae long ples ya nao taem hemi kasem 205 yia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.