Jenesis 46
46
Jekob wetem olketa pikinini blong hem i go fo stap long Ijip
1So Jekob hemi mekredi long evrisamting blong hem finis, hemi stat fo go nao long gogo blong hem long Ijip. Taem hemi kam kasem Beereseba, hemi mekem sakrifaes fo wosipim Yawe hu hemi God blong dadi blong hem Aesak. 2Long naet ya nomoa, Yawe hemi tok olsem long hem long wanfala spesol drim, “!Jekob! !Jekob!” An hemi ansarem olsem, “Ya. Mi long hia.”
3Nao God hemi tok moa olsem long hem, “Mi nao Yawe, wea mi God blong dadi blong yu. Yu no fraet fo go long Ijip bikos long kantri ya nao bae mi mekem olketa pikinini wea bae olketa bon kam bihaen long yu, i kamap plande fogud. 4Bae mi go wetem yu, an bihaen, bae mi tekemaot olketa wea bae i bon kam bihaen long yu fo kambaek moa long Kenan. An long taem wea yu dae bae, Josef seleva nao hemi stap wetem yu fo satem ae blong yu.”
5Bihaen, Jekob hemi lusim Beereseba an go long Ijip nao. Olketa pikinini blong hem olketa putum hem wetem olketa smol pikinini blong olketa an olketa waef blong olketa fo sidaon insaet long olketa kaat ya wea king blong Ijip hemi sendem kam. 6-7Olketa tekem tu olketa animol blong olketa an olketa narafala samting moa wea olketa garem taem olketa stap long Kenan, an go wetem long Ijip. Hemi tekem olketa pikinini boe blong hem wetem olketa dota blong hem, an olketa pikinini boe blong olketa ya wetem olketa dota blong olketa, an evriwan nao i go fo stap long Ijip.
Olketa pikinini blong Jekob wea i go long Ijip
8Hem nao olketa pikinini blong Jekob wea olketa go wetem hem long Ijip. Fasbon pikinini blong hem nao Ruben, 9wetem olketa pikinini blong hem, wea nem blong olketa nao, Hanok, an Palu, an Hesron, an Kami.
10An narafala nao Simion, wetem olketa pikinini blong hem, wea nem blong olketa nao Jemuel, an Jamin, an Ohad, an Jakin, an Soha, an Saol. Saol ya hemi pikinini blong wanfala woman blong Kenan.
11An narafala nao Livae, wetem olketa pikinini blong hem, wea nem blong olketa nao, Geson, an Kohat, an Merari.
12An narafala nao Jiuda, wetem olketa pikinini blong hem, wea nem blong olketa nao, Sela, an Peres, an Jera. Tufala narafala pikinini blong hem wea nem blong tufala nao Era an Onan, tufala dae finis long Kenan. Tufala pikinini blong Peres, nem blong tufala nao, Hesron an Hamul.
13An narafala nao Isaka, wetem olketa pikinini blong hem, wea nem blong olketa nao, Tola, an Pua, an Jasub, an Simron.
14An narafala nao Sebulun, wetem olketa pikinini blong hem wea nem blong olketa nao, Sered, an Elon, an Jaleel.
15Hem nao olketa pikinini boe wea i bon long Jekob an Lea, wetem olketa smolfala grani blong tufala, taem olketa stap yet long Mesopotemia. An tufala garem wanfala dota tu, an nem blong hem nao Daena. Olketa ya, namba blong olketa hemi kasem teti-tri.
16Nao narafala hemi Gad, wetem olketa pikinini blong hem, wea nem blong olketa nao, Sefon, an Hagi, an Suni, an Esbon, an Eri, an Arod, an Areli.
17An narafala nao Asa, wetem olketa pikinini blong hem, wea nem blong olketa nao, Imna, an Isva, an Isvi, an Beria, wetem sista blong olketa Sera. Tufala pikinini blong Beria, nem blong tufala nao, Heba an Malkiel.
18Hem nao olketa pikinini wea i bon long Jekob an Silpa, wetem olketa smolfala grani blong tufala. Silpa ya hemi slev woman wea Laban hemi givim kam long dota blong hem Lea. Olketa ya, namba blong olketa hemi kasem sikstin.
19Nao Jekob wetem woman blong hem Resel, tufala bonem tufala pikinini boe, wea nem blong tufala nao, Josef an Benjamin.
20Long Ijip, Josef hemi maritim dota blong wanfala man blong Heliopolis hu hemi kastom prist, wea nem blong hem nao Potifera. Woman ya, nem blong hem nao Asenat, an tufala bonem tufala pikinini boe, wea nem blong tufala nao, Manase an Efrem.
21An olketa pikinini blong Benjamin, nem blong olketa nao, Bela, an Bekea, an Asbel, an Gera, an Naman, an Ehi, an Ros, an Mupim, an Hupim, an Ad.
22Hem nao olketa pikinini wea i bon long Jekob an Resel, wetem olketa smolfala grani blong tufala. Olketa ya, namba blong olketa hemi kasem fotin.
23Narafala pikinini blong hem nao Dan, wetem pikinini blong hem, wea nem blong hem nao Husim.
24An narafala nao Naftali, wetem olketa pikinini blong hem, wea nem blong olketa nao, Jasiel, an Guni, an Jesa, an Silem.
25Hem nao olketa pikinini wea i bon long Jekob an Bilha, wetem olketa smolfala grani blong tufala. Bilha ya hemi slev woman wea Laban hemi givim kam long dota blong hem Resel. Olketa ya, namba blong olketa hemi kasem seven.
26Olketa ya wea i bon kam bihaen long Jekob, an olketa go wetem hem long Ijip hemi kasem siksti-siks, olketa no kaontem nomoa olketa waef blong olketa pikinini blong hem. 27Jekob wetem ful namba blong olketa pikinini blong hem ya wea olketa go an stap long Ijip, wetem Josef an tufala pikinini blong hem ya wea i bon long ples ya, olketa evriwan i kasem seventi.
Jekob wetem olketa pikinini blong hem i kasem Ijip
28Nao Jekob hemi sendem Jiuda fo hemi go fastaem, mekem hemi go lukim Josef, an talem hem fo hemi kam mitim olketa long Gosen. An taem Jekob an olketa ya i kasem Gosen, 29Josef hemi go long kaat blong hem wea hos nao hemi pulum, an hemi kam long ples ya fo mitim dadi blong hem. Taem tufala mit, Josef hemi putum han blong hem raonem nek blong dadi blong hem, hemi gohed fo holem hem, an hemi gohed fo krae fo longtaem. 30Nao dadi blong hem hemi tok olsem long hem, “Pikinini blong mi, distaem sapos mi dae, hemi gud nomoa, bikos mi lukim finis fes blong yu an mi barava save nao dat yu laef yet.”
31Nao Josef hemi tok olsem long olketa brata blong hem wetem olketa pikinini blong olketa, “Mi mas go talem king dat yufala long hia finis. Bae mi tok olsem long hem, ‘Olketa brata blong mi wetem olketa pikinini blong olketa, wea olketa stap long Kenan, distaem olketa evriwan i kamap finis fo stap wetem mi. 32Olketa ya i man fo lukaftarem sipsip, wea olketa garem olketa sipsip an olketa nanigot an olketa buluka, wetem olketa narafala samting blong olketa moa, wea olketa tekem kam. An bae olketa gohed fo lukaftarem nomoa olketa animol blong olketa ya long hia.’ 33Nao sapos king hemi kolem yufala fo go lukim hem, nao hemi askem yufala olsem, ‘?Watkaen waka nao yufala save duim?’, 34bae yufala mas talemgud long hem wea stat kam bifoa, oltaem yufala i pipol fo lukaftarem animol nomoa olsem olketa grani blong yumi bifoa. Nao long wei ya, bae hemi save letem yufala fo mekem ples blong yufala long hia.” Hemi tok olsem, bikos long wei blong olketa pipol blong Ijip, olketa no laek fo stap tugeta wetem olketa pipol hu i lukaftarem sipsip.
Currently Selected:
Jenesis 46: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Jenesis 46
46
Jekob wetem olketa pikinini blong hem i go fo stap long Ijip
1So Jekob hemi mekredi long evrisamting blong hem finis, hemi stat fo go nao long gogo blong hem long Ijip. Taem hemi kam kasem Beereseba, hemi mekem sakrifaes fo wosipim Yawe hu hemi God blong dadi blong hem Aesak. 2Long naet ya nomoa, Yawe hemi tok olsem long hem long wanfala spesol drim, “!Jekob! !Jekob!” An hemi ansarem olsem, “Ya. Mi long hia.”
3Nao God hemi tok moa olsem long hem, “Mi nao Yawe, wea mi God blong dadi blong yu. Yu no fraet fo go long Ijip bikos long kantri ya nao bae mi mekem olketa pikinini wea bae olketa bon kam bihaen long yu, i kamap plande fogud. 4Bae mi go wetem yu, an bihaen, bae mi tekemaot olketa wea bae i bon kam bihaen long yu fo kambaek moa long Kenan. An long taem wea yu dae bae, Josef seleva nao hemi stap wetem yu fo satem ae blong yu.”
5Bihaen, Jekob hemi lusim Beereseba an go long Ijip nao. Olketa pikinini blong hem olketa putum hem wetem olketa smol pikinini blong olketa an olketa waef blong olketa fo sidaon insaet long olketa kaat ya wea king blong Ijip hemi sendem kam. 6-7Olketa tekem tu olketa animol blong olketa an olketa narafala samting moa wea olketa garem taem olketa stap long Kenan, an go wetem long Ijip. Hemi tekem olketa pikinini boe blong hem wetem olketa dota blong hem, an olketa pikinini boe blong olketa ya wetem olketa dota blong olketa, an evriwan nao i go fo stap long Ijip.
Olketa pikinini blong Jekob wea i go long Ijip
8Hem nao olketa pikinini blong Jekob wea olketa go wetem hem long Ijip. Fasbon pikinini blong hem nao Ruben, 9wetem olketa pikinini blong hem, wea nem blong olketa nao, Hanok, an Palu, an Hesron, an Kami.
10An narafala nao Simion, wetem olketa pikinini blong hem, wea nem blong olketa nao Jemuel, an Jamin, an Ohad, an Jakin, an Soha, an Saol. Saol ya hemi pikinini blong wanfala woman blong Kenan.
11An narafala nao Livae, wetem olketa pikinini blong hem, wea nem blong olketa nao, Geson, an Kohat, an Merari.
12An narafala nao Jiuda, wetem olketa pikinini blong hem, wea nem blong olketa nao, Sela, an Peres, an Jera. Tufala narafala pikinini blong hem wea nem blong tufala nao Era an Onan, tufala dae finis long Kenan. Tufala pikinini blong Peres, nem blong tufala nao, Hesron an Hamul.
13An narafala nao Isaka, wetem olketa pikinini blong hem, wea nem blong olketa nao, Tola, an Pua, an Jasub, an Simron.
14An narafala nao Sebulun, wetem olketa pikinini blong hem wea nem blong olketa nao, Sered, an Elon, an Jaleel.
15Hem nao olketa pikinini boe wea i bon long Jekob an Lea, wetem olketa smolfala grani blong tufala, taem olketa stap yet long Mesopotemia. An tufala garem wanfala dota tu, an nem blong hem nao Daena. Olketa ya, namba blong olketa hemi kasem teti-tri.
16Nao narafala hemi Gad, wetem olketa pikinini blong hem, wea nem blong olketa nao, Sefon, an Hagi, an Suni, an Esbon, an Eri, an Arod, an Areli.
17An narafala nao Asa, wetem olketa pikinini blong hem, wea nem blong olketa nao, Imna, an Isva, an Isvi, an Beria, wetem sista blong olketa Sera. Tufala pikinini blong Beria, nem blong tufala nao, Heba an Malkiel.
18Hem nao olketa pikinini wea i bon long Jekob an Silpa, wetem olketa smolfala grani blong tufala. Silpa ya hemi slev woman wea Laban hemi givim kam long dota blong hem Lea. Olketa ya, namba blong olketa hemi kasem sikstin.
19Nao Jekob wetem woman blong hem Resel, tufala bonem tufala pikinini boe, wea nem blong tufala nao, Josef an Benjamin.
20Long Ijip, Josef hemi maritim dota blong wanfala man blong Heliopolis hu hemi kastom prist, wea nem blong hem nao Potifera. Woman ya, nem blong hem nao Asenat, an tufala bonem tufala pikinini boe, wea nem blong tufala nao, Manase an Efrem.
21An olketa pikinini blong Benjamin, nem blong olketa nao, Bela, an Bekea, an Asbel, an Gera, an Naman, an Ehi, an Ros, an Mupim, an Hupim, an Ad.
22Hem nao olketa pikinini wea i bon long Jekob an Resel, wetem olketa smolfala grani blong tufala. Olketa ya, namba blong olketa hemi kasem fotin.
23Narafala pikinini blong hem nao Dan, wetem pikinini blong hem, wea nem blong hem nao Husim.
24An narafala nao Naftali, wetem olketa pikinini blong hem, wea nem blong olketa nao, Jasiel, an Guni, an Jesa, an Silem.
25Hem nao olketa pikinini wea i bon long Jekob an Bilha, wetem olketa smolfala grani blong tufala. Bilha ya hemi slev woman wea Laban hemi givim kam long dota blong hem Resel. Olketa ya, namba blong olketa hemi kasem seven.
26Olketa ya wea i bon kam bihaen long Jekob, an olketa go wetem hem long Ijip hemi kasem siksti-siks, olketa no kaontem nomoa olketa waef blong olketa pikinini blong hem. 27Jekob wetem ful namba blong olketa pikinini blong hem ya wea olketa go an stap long Ijip, wetem Josef an tufala pikinini blong hem ya wea i bon long ples ya, olketa evriwan i kasem seventi.
Jekob wetem olketa pikinini blong hem i kasem Ijip
28Nao Jekob hemi sendem Jiuda fo hemi go fastaem, mekem hemi go lukim Josef, an talem hem fo hemi kam mitim olketa long Gosen. An taem Jekob an olketa ya i kasem Gosen, 29Josef hemi go long kaat blong hem wea hos nao hemi pulum, an hemi kam long ples ya fo mitim dadi blong hem. Taem tufala mit, Josef hemi putum han blong hem raonem nek blong dadi blong hem, hemi gohed fo holem hem, an hemi gohed fo krae fo longtaem. 30Nao dadi blong hem hemi tok olsem long hem, “Pikinini blong mi, distaem sapos mi dae, hemi gud nomoa, bikos mi lukim finis fes blong yu an mi barava save nao dat yu laef yet.”
31Nao Josef hemi tok olsem long olketa brata blong hem wetem olketa pikinini blong olketa, “Mi mas go talem king dat yufala long hia finis. Bae mi tok olsem long hem, ‘Olketa brata blong mi wetem olketa pikinini blong olketa, wea olketa stap long Kenan, distaem olketa evriwan i kamap finis fo stap wetem mi. 32Olketa ya i man fo lukaftarem sipsip, wea olketa garem olketa sipsip an olketa nanigot an olketa buluka, wetem olketa narafala samting blong olketa moa, wea olketa tekem kam. An bae olketa gohed fo lukaftarem nomoa olketa animol blong olketa ya long hia.’ 33Nao sapos king hemi kolem yufala fo go lukim hem, nao hemi askem yufala olsem, ‘?Watkaen waka nao yufala save duim?’, 34bae yufala mas talemgud long hem wea stat kam bifoa, oltaem yufala i pipol fo lukaftarem animol nomoa olsem olketa grani blong yumi bifoa. Nao long wei ya, bae hemi save letem yufala fo mekem ples blong yufala long hia.” Hemi tok olsem, bikos long wei blong olketa pipol blong Ijip, olketa no laek fo stap tugeta wetem olketa pipol hu i lukaftarem sipsip.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.