Mateu 22
22
Haga 22
Miitꞌin Woꞌokyiꞌat Hap
Iruka 14.15-24 Piat Ewy
1Miꞌi hawyi wẽtup hãꞌãkap wuo Iesui tiꞌatumuꞌe itotiaria -Pyno ahenoi teran ehepe aikotã Tupana aikay kay temiitno hap e. 2Pyno so wẽtup eꞌat pe wẽtup ok morekuat koro toꞌe teropat haria pe -Atunug neran ienuk hap iwato kahato uhaꞌyru motypot hamo katupono uhaꞌyru iharyꞌi hap eꞌat putꞌok e raꞌyn e. 3Pyno worohoꞌopoꞌoro uhetama kape itotiaria napin hamo mio tã eweiꞌe -Waku eweiõꞌẽ ienuk iwato hap kape e temiitꞌin me. Tohenoi hawyi tuwat raꞌyn hemiitꞌin iꞌatunapin hamo. Maꞌato so imikay kay koꞌi yt tuwat teran i. 4Miꞌi pote so iraniaꞌin teropat haria toiꞌatupoꞌoro iraꞌyn iꞌatunapin hamo. -Waku yne raꞌyn wyti aimiꞌu eweiꞌe ro iꞌatuepe. Ikahu kahato ti ienuk hap tutunug eweiꞌe o e. Ihũ Wewato ahup koꞌi ikap takaria iwyp taꞌyn imepyt hit koꞌi ikãꞌã koꞌi wo raꞌyn eweiꞌe o e. 5Mio tã e hawyi tuwat maꞌato iꞌewyte -Yt urutuwat kuap i iꞌatuꞌe neꞌi. Iraniaꞌin toꞌokyryꞌi neꞌi imipoꞌororia ete. Wẽtup ok toto toko kape wẽtup ok kyiꞌat toꞌe hamo neꞌi toto. 6Maꞌato iraniaꞌin tawa piaria toꞌokyryꞌi imipoꞌororia ete. Wẽtup ok wẽtup ok taꞌatuꞌauka raꞌyn imipoꞌoro. 7Miꞌi hap morekuat koro tikuap hawyi ipyꞌahak kahato. Miꞌi hawyi toiꞌatupoꞌoro tesuraraꞌin topotpoꞌororia etiat mikyryꞌi haria auka hamo. Iꞌewyte iꞌatuetawa wuk hamo. 8Miꞌi hawyi toꞌe tomiꞌatupoꞌororia pe -Taꞌi waku raꞌyn ti aimiꞌu e maꞌato saꞌawyꞌi wuaria uimiꞌatukay kay koꞌi yt nakuaria i e. Iꞌatuewaku hap ti yt putꞌok e i uhaꞌyru wywuat teꞌerenuk hamo e. 9Miꞌi tupono eweiwat yne ro muap upiaria koꞌi kape e. Miꞌiria ro eweiꞌatukay kay yne meikowo uhaꞌyru eharyꞌi hap eꞌat kape e. 10Miꞌi hawyi tuwat yne muap upiat kape wuatꞌi miitꞌin atukay kay hamo. Taꞌatukay kay wakuaria iꞌewyte yt nakuaria i. Howopy kahato morekuat enuk hap eiam getap koro miitꞌin wo yt toꞌoꞌewy ewywuaria i wo. 11Meiũran morekuat koro teke iꞌatuwywo hawyi toipuẽti wẽtup ok iꞌatupyꞌasetpe hesokpe yt naku i teke hamuat ienuk wato woꞌokyiꞌat hap rakat pe. Yt iraniaꞌin ewywuat i. 12Miꞌi pote morekuat toꞌe miꞌi hat pe -Mehin aikotã ereke kuap meikowo yt kat i esokpe waku rakat woꞌokyiꞌat hap pe e. Maꞌato mekewat yt hesokpe waku rakat i yt iwesat i. 13Miꞌi hawyi morekuat tiꞌatukay kay tesuraraꞌin -Eweipopoꞌi ro meiẽwat miit ipo ete ipy ete e. Miꞌi hawyi ewetioto ro meiũpe pyi hawyi eweipun no iꞌypyryp wato pe aikope kyryet kyryet iꞌatuꞌe taꞌatuwak popuat hap kape e. 14Toiꞌatukay kay miitꞌin iꞌatu rakaria woꞌokyiꞌat eꞌat pe ienuk hap kape wen maꞌato yt yne imiꞌairo wo tukupteꞌen e Iesui toꞌywania pe Iuteuria pe.
Iesui Maꞌat Haria Taꞌatuẽtup Sio Waku Morekuat Kape Haꞌup Nug Hamo
Maku 12.13-17; Iruka 20.20-26 Piat Ewy
15Miꞌi hawyi woꞌomuꞌe haria yt iꞌatuwese i Iesui ete -Tupana tiꞌatukay kay wyti aru iraniaꞌin ywania e Iesui pote. Miꞌi hawyi tuwat raꞌyn Iesui yatypepyi hawyi teꞌeruwaꞌatunug iꞌatuꞌakag koro koꞌi Iesui maꞌat hap etiat toꞌoehay hamo. Miꞌi hawyi taꞌatuehay kat ehay wo kat ehay wo waku Iesui ehay aparap taꞌatuꞌauka teran haype. 16Miꞌi hawyi taꞌatupoꞌoro taꞌatuemiitꞌin morekuat Eroti emiitꞌin wywo Iesui maꞌat teran haype. Miꞌi hawyi teꞌeroꞌe -Urumuꞌe hat taꞌi uruikuap taꞌyn wyti ehay hãpyk hap iꞌatuꞌe. Taꞌi etiꞌatumuꞌe hãpyk kahato ti miitꞌin Tupana mikyꞌesat ewy iꞌatuꞌe. Iꞌewyte ti yt erekenꞌẽ hin i miitꞌin mupi iꞌatuꞌe. Iꞌewyte uruikuap ti aikotã miitꞌin etiꞌatumotypot toꞌoꞌewyꞌewy iꞌatuꞌe iwatoꞌin nakaria iꞌewyte kurin nakaria iꞌatuꞌe hap uruikuap taꞌyn uruto iꞌatuꞌe. 17Miꞌi tupono etomoherep to ewanetup hap uruepe sio waku apo iꞌatuporekuat Sesa pe wahaꞌupnug iꞌatuꞌe sio yt tomikyꞌesat ewy imiẽtup ahepiat iꞌatuꞌe. 18Maꞌato mio tã iꞌatuꞌe iꞌatuehay hap Iesui tikuap tuwanetup hawe tomaꞌat hamuat hap etiat toikuap. Miꞌi hawyi toiꞌatuwesat -Typy ihay rakaria sese ti eipe katupono uimaꞌat reran neꞌi are uhãꞌãg neran haype hap atikuap taꞌyn e. 19Pyno eweimoherep to uhepe iꞌape rakat iꞌatuetineiru e. Taꞌatuium hawyi Iesui toꞌe 20-Uwe iãꞌãkap meiũ iꞌape tote toineꞌen e. 21Miꞌi pote -Taꞌi morekuat wato Sesa iãꞌãkap iꞌatuꞌe. -Pyno iwat hãꞌãkap wywuat pywuat tupono tope ro ewetum are maꞌato Tupana watnuat waku ewetum no Tupana pe e. 22Mio tã ihay taꞌatukuap taꞌyn hawyi iꞌatuperup kahato raꞌyn teꞌeruwanetup kahato iweꞌeg hap ete. Miꞌi hawyi tuwat imaꞌat reran haria.
Maku 12.18-27; Iruka 20.27-40 Piat Ewy
23Miꞌi hawyi meimuẽwaria miitꞌin ikuꞌuro hawyi yt teꞌeruwehymut hin i e haria teꞌeroꞌe Iesui pe 24-Urumuꞌe hat saꞌawyꞌi Muisei toꞌe uruepe -Karãpe eiwyꞌok eheykeꞌet ikuꞌuro yt imepyt i te turan miꞌi pote waku hehiwu iꞌywyt po pe i raꞌyn topyhuꞌat ikuꞌuro rakat mepyt nug hamo e Muisei saꞌawyꞌi iꞌatuꞌe. Mio tã e tupono ti uruhenoi teran epe wẽtup sehay uhyt iꞌatuꞌe. 25Pyno saꞌawyꞌi so ihainia so haꞌyruꞌin sok 7 ok takaria. Miꞌiria so iꞌatueykeꞌet iharyꞌi raꞌyn maꞌato so yt tomepyt i te turan ikuꞌuro raꞌyn iꞌatueykeꞌet. 26Miꞌi hawyi so iꞌywyt wywo i raꞌyn imiꞌatoiat hehiwu iꞌatuꞌe. Miꞌi so iꞌewyte ikuꞌuro raꞌyn yt tomepyt i te turan. Miꞌi tã me so wẽtup i wẽtup i wywo toineꞌen sake so topap yne. 27Miꞌi hawyi yt uwe i imepyt rakirẽ ikuꞌuro raꞌyn haryporia iꞌatuꞌe. 28Miꞌi tupono karãpe tuwenoꞌẽ guꞌuro pyi hawyi apuru uwe wary wo meiẽ haryporia iꞌatuꞌe 7 ok heꞌaito rakat ieineꞌen hat iꞌatuꞌe. 29Pyno eipe eweiꞌaparap kahato e Iesui iꞌatuepe. Yt eweikuap i Tupana ehay miwan miat pote e. Katupono yt eweikuap hin i Tupana hesaika hap yne nug kuap hamuat. 30Pywo pe ti guꞌuro pyi miitꞌin tuwẽtem hawyi yt kat i raꞌyn iꞌatueharyꞌi hamuat itote. Maꞌato ti tukupteꞌen aikotã atipy pe yt iwary i rakaria ewy i raꞌyn tukupteꞌen irane e. Katupono Tupana emiitꞌin atipy piat ewywuat tukupteꞌen. Miꞌi Iesui toꞌe miitꞌin ikuꞌuro hawyi yt teꞌeruwehymut hin i raꞌyn e haria pe 31-Pyno ahenoi ehepe aikotã miitꞌin guꞌuro pywiat wẽtem hap e. Yt karamuo i apo eiwemuꞌe Tupana ehay miwan ete aikotã saꞌawyꞌi Tupana toꞌe 32-Uito ti Aparãu eTupana Isaki eTupana. Uito ti Iako eTupana e. Taꞌi Tupana ti yt map haria eTupana i. Taꞌi ihãite rakaria eTupana yn e Iesui. 33Mio tã e pote meimuẽwat miitꞌin typyꞌi rakaria teꞌeruwanetup hawyi iꞌatuperup taꞌyn. -Pyno yt uwe i wyti aimuꞌe meiũwat ewywuat aimuꞌe poꞌog iꞌatuꞌe.
Maku 12.28-34 Piat Ewy
34Miꞌi hawyi paꞌi akag koro koꞌi tikuap taꞌyn aikotã wani wani haria ehay wo taꞌatuꞌakit teran Iesui maꞌato Iesui tiꞌatumohit akit neran haria. Miꞌi pote paꞌi akag koro koꞌi teꞌeruwaꞌatunug -Aikotã som watunug meimewat miit ete ihay moma hamo iꞌatuꞌe. 35Iꞌewyte iꞌatupyꞌasetpe toineꞌen wẽtup ok woꞌonapin kuap hat apo apo toꞌe Iesui piat hamo. Iesui wehay aparap hap kyewi. 36Wẽtup ok -Woꞌomuꞌe hat e kat e hap kat e hap som poꞌog iwato Tupana ainapin hap wuatꞌi kai apo e Iesui pe. 37-Pyno ahenoi poꞌog hesaika rakat piat ainapin hap e. -Waku watikyꞌe kahato Aikaꞌiwat Tupana yne aipyꞌa pe yne aiwanetup hawe yne aiweꞌeg hawe e miwan me. 38Miꞌi ti poꞌog iwato Tupana woꞌonapin hap torannia kai e. 39Maꞌato wẽtup te woꞌonapin hap saꞌawyꞌi wuat ewy waku watunug. Mio tã e -Eweikyꞌe ro iraniaꞌin. Waku watiꞌatukyꞌe kahato iraniaꞌin aikotã aiwekyꞌe hap ewy e miwan me. 40Meimuẽwat typy rakat kaipyi ti watikuap yne raꞌyn woꞌonapin hap. Miꞌi hap watunug miꞌi pote ti yne saꞌawyꞌi wuat Tupana ehay enoi haria woꞌonapin hap ewy raꞌyn watunug e Iesui woꞌonapin hat kuap hat pe mekewat woꞌomuꞌe hat pyꞌasetpiat.
Maku 12.35-37; Iruka 20.41-44 Piat Ewy
41Miꞌi pote Iesui apo e iraniaꞌin waꞌatunug haria pe woꞌomuꞌe haria pe 42-Atikuap teran ti aikotã eweiwanetup mekewat Tupana Mipoꞌoro Aiporekuat hap etiat e. Miꞌi tupono uiwesat ro eipe uwe Saꞌyru Miꞌi e. Miꞌi hawyi teꞌeroꞌe -Taꞌi morekuat Tawi saꞌyru iꞌatuꞌe. 43Miꞌi hawyi Iesui toꞌe -Maꞌato ti saꞌawyꞌi morekuat Tawi ti toꞌe -Uhetupana toꞌe Uikaꞌiwat pe. 44-Eraꞌapyk o meiũpe uipo sese kai e ti. Taꞌi meiũran ti aru epy ywytꞌokpype yne atunug ewanikaptia e ti Tupana e morekuat Tawi Tupana Paꞌãu kaipyi wepy 110.1 pe e. 45Morekuat Tawi Uikaꞌiwat e Tupana Mipoꞌoro Aiporekuatnuat kape. Miꞌi tupono aikotã som toineꞌen Tawi saipepiatno apo e. 46Mio tã e pote yt taꞌatuwesat kuap i raꞌyn. Miꞌi hawyi iꞌatuwẽpohep yne raꞌyn Iesui iãꞌãg i iãꞌãg i hap ete. Katupono yt kat i iꞌatuꞌe kuap i raꞌyn imaꞌat reran haria are.
Currently Selected:
Mateu 22: mav
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Mateu 22
22
Haga 22
Miitꞌin Woꞌokyiꞌat Hap
Iruka 14.15-24 Piat Ewy
1Miꞌi hawyi wẽtup hãꞌãkap wuo Iesui tiꞌatumuꞌe itotiaria -Pyno ahenoi teran ehepe aikotã Tupana aikay kay temiitno hap e. 2Pyno so wẽtup eꞌat pe wẽtup ok morekuat koro toꞌe teropat haria pe -Atunug neran ienuk hap iwato kahato uhaꞌyru motypot hamo katupono uhaꞌyru iharyꞌi hap eꞌat putꞌok e raꞌyn e. 3Pyno worohoꞌopoꞌoro uhetama kape itotiaria napin hamo mio tã eweiꞌe -Waku eweiõꞌẽ ienuk iwato hap kape e temiitꞌin me. Tohenoi hawyi tuwat raꞌyn hemiitꞌin iꞌatunapin hamo. Maꞌato so imikay kay koꞌi yt tuwat teran i. 4Miꞌi pote so iraniaꞌin teropat haria toiꞌatupoꞌoro iraꞌyn iꞌatunapin hamo. -Waku yne raꞌyn wyti aimiꞌu eweiꞌe ro iꞌatuepe. Ikahu kahato ti ienuk hap tutunug eweiꞌe o e. Ihũ Wewato ahup koꞌi ikap takaria iwyp taꞌyn imepyt hit koꞌi ikãꞌã koꞌi wo raꞌyn eweiꞌe o e. 5Mio tã e hawyi tuwat maꞌato iꞌewyte -Yt urutuwat kuap i iꞌatuꞌe neꞌi. Iraniaꞌin toꞌokyryꞌi neꞌi imipoꞌororia ete. Wẽtup ok toto toko kape wẽtup ok kyiꞌat toꞌe hamo neꞌi toto. 6Maꞌato iraniaꞌin tawa piaria toꞌokyryꞌi imipoꞌororia ete. Wẽtup ok wẽtup ok taꞌatuꞌauka raꞌyn imipoꞌoro. 7Miꞌi hap morekuat koro tikuap hawyi ipyꞌahak kahato. Miꞌi hawyi toiꞌatupoꞌoro tesuraraꞌin topotpoꞌororia etiat mikyryꞌi haria auka hamo. Iꞌewyte iꞌatuetawa wuk hamo. 8Miꞌi hawyi toꞌe tomiꞌatupoꞌororia pe -Taꞌi waku raꞌyn ti aimiꞌu e maꞌato saꞌawyꞌi wuaria uimiꞌatukay kay koꞌi yt nakuaria i e. Iꞌatuewaku hap ti yt putꞌok e i uhaꞌyru wywuat teꞌerenuk hamo e. 9Miꞌi tupono eweiwat yne ro muap upiaria koꞌi kape e. Miꞌiria ro eweiꞌatukay kay yne meikowo uhaꞌyru eharyꞌi hap eꞌat kape e. 10Miꞌi hawyi tuwat yne muap upiat kape wuatꞌi miitꞌin atukay kay hamo. Taꞌatukay kay wakuaria iꞌewyte yt nakuaria i. Howopy kahato morekuat enuk hap eiam getap koro miitꞌin wo yt toꞌoꞌewy ewywuaria i wo. 11Meiũran morekuat koro teke iꞌatuwywo hawyi toipuẽti wẽtup ok iꞌatupyꞌasetpe hesokpe yt naku i teke hamuat ienuk wato woꞌokyiꞌat hap rakat pe. Yt iraniaꞌin ewywuat i. 12Miꞌi pote morekuat toꞌe miꞌi hat pe -Mehin aikotã ereke kuap meikowo yt kat i esokpe waku rakat woꞌokyiꞌat hap pe e. Maꞌato mekewat yt hesokpe waku rakat i yt iwesat i. 13Miꞌi hawyi morekuat tiꞌatukay kay tesuraraꞌin -Eweipopoꞌi ro meiẽwat miit ipo ete ipy ete e. Miꞌi hawyi ewetioto ro meiũpe pyi hawyi eweipun no iꞌypyryp wato pe aikope kyryet kyryet iꞌatuꞌe taꞌatuwak popuat hap kape e. 14Toiꞌatukay kay miitꞌin iꞌatu rakaria woꞌokyiꞌat eꞌat pe ienuk hap kape wen maꞌato yt yne imiꞌairo wo tukupteꞌen e Iesui toꞌywania pe Iuteuria pe.
Iesui Maꞌat Haria Taꞌatuẽtup Sio Waku Morekuat Kape Haꞌup Nug Hamo
Maku 12.13-17; Iruka 20.20-26 Piat Ewy
15Miꞌi hawyi woꞌomuꞌe haria yt iꞌatuwese i Iesui ete -Tupana tiꞌatukay kay wyti aru iraniaꞌin ywania e Iesui pote. Miꞌi hawyi tuwat raꞌyn Iesui yatypepyi hawyi teꞌeruwaꞌatunug iꞌatuꞌakag koro koꞌi Iesui maꞌat hap etiat toꞌoehay hamo. Miꞌi hawyi taꞌatuehay kat ehay wo kat ehay wo waku Iesui ehay aparap taꞌatuꞌauka teran haype. 16Miꞌi hawyi taꞌatupoꞌoro taꞌatuemiitꞌin morekuat Eroti emiitꞌin wywo Iesui maꞌat teran haype. Miꞌi hawyi teꞌeroꞌe -Urumuꞌe hat taꞌi uruikuap taꞌyn wyti ehay hãpyk hap iꞌatuꞌe. Taꞌi etiꞌatumuꞌe hãpyk kahato ti miitꞌin Tupana mikyꞌesat ewy iꞌatuꞌe. Iꞌewyte ti yt erekenꞌẽ hin i miitꞌin mupi iꞌatuꞌe. Iꞌewyte uruikuap ti aikotã miitꞌin etiꞌatumotypot toꞌoꞌewyꞌewy iꞌatuꞌe iwatoꞌin nakaria iꞌewyte kurin nakaria iꞌatuꞌe hap uruikuap taꞌyn uruto iꞌatuꞌe. 17Miꞌi tupono etomoherep to ewanetup hap uruepe sio waku apo iꞌatuporekuat Sesa pe wahaꞌupnug iꞌatuꞌe sio yt tomikyꞌesat ewy imiẽtup ahepiat iꞌatuꞌe. 18Maꞌato mio tã iꞌatuꞌe iꞌatuehay hap Iesui tikuap tuwanetup hawe tomaꞌat hamuat hap etiat toikuap. Miꞌi hawyi toiꞌatuwesat -Typy ihay rakaria sese ti eipe katupono uimaꞌat reran neꞌi are uhãꞌãg neran haype hap atikuap taꞌyn e. 19Pyno eweimoherep to uhepe iꞌape rakat iꞌatuetineiru e. Taꞌatuium hawyi Iesui toꞌe 20-Uwe iãꞌãkap meiũ iꞌape tote toineꞌen e. 21Miꞌi pote -Taꞌi morekuat wato Sesa iãꞌãkap iꞌatuꞌe. -Pyno iwat hãꞌãkap wywuat pywuat tupono tope ro ewetum are maꞌato Tupana watnuat waku ewetum no Tupana pe e. 22Mio tã ihay taꞌatukuap taꞌyn hawyi iꞌatuperup kahato raꞌyn teꞌeruwanetup kahato iweꞌeg hap ete. Miꞌi hawyi tuwat imaꞌat reran haria.
Maku 12.18-27; Iruka 20.27-40 Piat Ewy
23Miꞌi hawyi meimuẽwaria miitꞌin ikuꞌuro hawyi yt teꞌeruwehymut hin i e haria teꞌeroꞌe Iesui pe 24-Urumuꞌe hat saꞌawyꞌi Muisei toꞌe uruepe -Karãpe eiwyꞌok eheykeꞌet ikuꞌuro yt imepyt i te turan miꞌi pote waku hehiwu iꞌywyt po pe i raꞌyn topyhuꞌat ikuꞌuro rakat mepyt nug hamo e Muisei saꞌawyꞌi iꞌatuꞌe. Mio tã e tupono ti uruhenoi teran epe wẽtup sehay uhyt iꞌatuꞌe. 25Pyno saꞌawyꞌi so ihainia so haꞌyruꞌin sok 7 ok takaria. Miꞌiria so iꞌatueykeꞌet iharyꞌi raꞌyn maꞌato so yt tomepyt i te turan ikuꞌuro raꞌyn iꞌatueykeꞌet. 26Miꞌi hawyi so iꞌywyt wywo i raꞌyn imiꞌatoiat hehiwu iꞌatuꞌe. Miꞌi so iꞌewyte ikuꞌuro raꞌyn yt tomepyt i te turan. Miꞌi tã me so wẽtup i wẽtup i wywo toineꞌen sake so topap yne. 27Miꞌi hawyi yt uwe i imepyt rakirẽ ikuꞌuro raꞌyn haryporia iꞌatuꞌe. 28Miꞌi tupono karãpe tuwenoꞌẽ guꞌuro pyi hawyi apuru uwe wary wo meiẽ haryporia iꞌatuꞌe 7 ok heꞌaito rakat ieineꞌen hat iꞌatuꞌe. 29Pyno eipe eweiꞌaparap kahato e Iesui iꞌatuepe. Yt eweikuap i Tupana ehay miwan miat pote e. Katupono yt eweikuap hin i Tupana hesaika hap yne nug kuap hamuat. 30Pywo pe ti guꞌuro pyi miitꞌin tuwẽtem hawyi yt kat i raꞌyn iꞌatueharyꞌi hamuat itote. Maꞌato ti tukupteꞌen aikotã atipy pe yt iwary i rakaria ewy i raꞌyn tukupteꞌen irane e. Katupono Tupana emiitꞌin atipy piat ewywuat tukupteꞌen. Miꞌi Iesui toꞌe miitꞌin ikuꞌuro hawyi yt teꞌeruwehymut hin i raꞌyn e haria pe 31-Pyno ahenoi ehepe aikotã miitꞌin guꞌuro pywiat wẽtem hap e. Yt karamuo i apo eiwemuꞌe Tupana ehay miwan ete aikotã saꞌawyꞌi Tupana toꞌe 32-Uito ti Aparãu eTupana Isaki eTupana. Uito ti Iako eTupana e. Taꞌi Tupana ti yt map haria eTupana i. Taꞌi ihãite rakaria eTupana yn e Iesui. 33Mio tã e pote meimuẽwat miitꞌin typyꞌi rakaria teꞌeruwanetup hawyi iꞌatuperup taꞌyn. -Pyno yt uwe i wyti aimuꞌe meiũwat ewywuat aimuꞌe poꞌog iꞌatuꞌe.
Maku 12.28-34 Piat Ewy
34Miꞌi hawyi paꞌi akag koro koꞌi tikuap taꞌyn aikotã wani wani haria ehay wo taꞌatuꞌakit teran Iesui maꞌato Iesui tiꞌatumohit akit neran haria. Miꞌi pote paꞌi akag koro koꞌi teꞌeruwaꞌatunug -Aikotã som watunug meimewat miit ete ihay moma hamo iꞌatuꞌe. 35Iꞌewyte iꞌatupyꞌasetpe toineꞌen wẽtup ok woꞌonapin kuap hat apo apo toꞌe Iesui piat hamo. Iesui wehay aparap hap kyewi. 36Wẽtup ok -Woꞌomuꞌe hat e kat e hap kat e hap som poꞌog iwato Tupana ainapin hap wuatꞌi kai apo e Iesui pe. 37-Pyno ahenoi poꞌog hesaika rakat piat ainapin hap e. -Waku watikyꞌe kahato Aikaꞌiwat Tupana yne aipyꞌa pe yne aiwanetup hawe yne aiweꞌeg hawe e miwan me. 38Miꞌi ti poꞌog iwato Tupana woꞌonapin hap torannia kai e. 39Maꞌato wẽtup te woꞌonapin hap saꞌawyꞌi wuat ewy waku watunug. Mio tã e -Eweikyꞌe ro iraniaꞌin. Waku watiꞌatukyꞌe kahato iraniaꞌin aikotã aiwekyꞌe hap ewy e miwan me. 40Meimuẽwat typy rakat kaipyi ti watikuap yne raꞌyn woꞌonapin hap. Miꞌi hap watunug miꞌi pote ti yne saꞌawyꞌi wuat Tupana ehay enoi haria woꞌonapin hap ewy raꞌyn watunug e Iesui woꞌonapin hat kuap hat pe mekewat woꞌomuꞌe hat pyꞌasetpiat.
Maku 12.35-37; Iruka 20.41-44 Piat Ewy
41Miꞌi pote Iesui apo e iraniaꞌin waꞌatunug haria pe woꞌomuꞌe haria pe 42-Atikuap teran ti aikotã eweiwanetup mekewat Tupana Mipoꞌoro Aiporekuat hap etiat e. Miꞌi tupono uiwesat ro eipe uwe Saꞌyru Miꞌi e. Miꞌi hawyi teꞌeroꞌe -Taꞌi morekuat Tawi saꞌyru iꞌatuꞌe. 43Miꞌi hawyi Iesui toꞌe -Maꞌato ti saꞌawyꞌi morekuat Tawi ti toꞌe -Uhetupana toꞌe Uikaꞌiwat pe. 44-Eraꞌapyk o meiũpe uipo sese kai e ti. Taꞌi meiũran ti aru epy ywytꞌokpype yne atunug ewanikaptia e ti Tupana e morekuat Tawi Tupana Paꞌãu kaipyi wepy 110.1 pe e. 45Morekuat Tawi Uikaꞌiwat e Tupana Mipoꞌoro Aiporekuatnuat kape. Miꞌi tupono aikotã som toineꞌen Tawi saipepiatno apo e. 46Mio tã e pote yt taꞌatuwesat kuap i raꞌyn. Miꞌi hawyi iꞌatuwẽpohep yne raꞌyn Iesui iãꞌãg i iãꞌãg i hap ete. Katupono yt kat i iꞌatuꞌe kuap i raꞌyn imaꞌat reran haria are.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.