Marcos 16
16
Jix Pitzcꞌu A Jesús
(Mateo 28:1-10; Lucas 24:1-12; Juan 20:1-10)
1Jaꞌ yet jix ey can cꞌu yet scꞌual xewilal, jix sman ix María Magdalena yetoj ix Salomé, cꞌal María xutx naj Jacobo wan tzetyetal sukꞌukꞌi sabꞌ, yu stoo yaon oc ebꞌ yin Jesús. 2Jaꞌ yet jix sajbꞌi a yet Domingo, jix too ebꞌ bꞌey chꞌen chꞌen bꞌey jix muji octoj tuꞌ. Lalan yaol cꞌu, yet jix apni ebꞌ. 3Catuꞌ jix yalon ebꞌ jaxca tiꞌ:
—¿Mac oj bꞌalon el chꞌen smajil bꞌey mujan octoj tuꞌ ey jon? ẍi ebꞌ. 4Jaꞌ chꞌen smajil tuꞌ caw miman chꞌen. Jaxa jix yun yilontoj ebꞌ, tol elnaj xa chꞌen. 5Catuꞌ jix yilon ebꞌ yet jix oc apnoj ebꞌ yul chꞌen chꞌen tuꞌ, chotan ey jun ángel bꞌey swatxꞌ kꞌabꞌ ebꞌ, jaxca yili junoj achꞌe. Eyoc jun jojan saj pichile yu. Caw jix xiwa ebꞌ ix sicꞌlebꞌil. 6Catuꞌ jix yalon jun ángel tuꞌ tet ebꞌ ix:
—Manche jex xiwi. Jaex tiꞌ, jaꞌ Jesús a Nazaret che seyecꞌoj, jun jix ale oc yin culus. Jix pitzcꞌu aoj. Cꞌamxa mac eyecꞌ yul chꞌen chꞌen tiꞌ. Ilwej bꞌey jix jul ale octoj Naj yu ebꞌ tiꞌ. 7Asiꞌwej, alwej tet wan ebꞌ scuywom cꞌal tet Pedro, tol bꞌabꞌel stoo Naj je sattaj bꞌey Galilea. Oj je yil yin tituꞌ jaxca jix yute yalon can ey jex, ẍi jun ángel tuꞌ tet ebꞌ ix. 8Catuꞌ jix eltej ebꞌ ix yul chꞌen chꞌen tuꞌ. Catuꞌ jix too ebꞌ. Caw chi bꞌilwi ebꞌ yu xiwcanil. Cꞌam junoj mac tet jix yalel ebꞌ, yutol chi xiw ebꞌ.
Jix Xꞌoxa Sbꞌa Jesús Tet Ix María Magdalena
(Juan 20:11-18)
9/Jaꞌ yet Domingo yet eyto sajbꞌi jix pitzcꞌu a Jesús. Jaꞌ tet ix María Magdalena jix bꞌabꞌi xꞌoxa sbꞌa. Jaꞌton yin jun ix tuꞌ iꞌbꞌil el jujwan pena espíritu yu Jesús. 10Jix bꞌet yal ix tet wan ebꞌ naj jix ecꞌ yetoj Jesús yet yalantoj. Yutol caw chi okꞌ ebꞌ yu cusilal. 11Jaꞌ yet jix yalon ix tet ebꞌ, tol jix pitzcꞌu a Jesús, catuꞌ tol jix yil ix yin Naj, ma ẍaꞌ yabꞌ ebꞌ.
Jix Xꞌoxa Sbꞌa Jesús Tet Cawan Ebꞌ Scuywom
(Lucas 24:13-35)
12Catuꞌ jix xꞌoxon a sbꞌa Jesús tet cawan ebꞌ scuywom, stiꞌel conobꞌ yet lalan sbꞌey ebꞌ. Txꞌoj yili jix yil ebꞌ. 13Yu jun tuꞌ xin, jix meltzo ebꞌ yu bꞌet yalon ebꞌ tet wanxa yet cuywomal. Ma pax ẍaꞌ yabꞌ ebꞌ.
Jix Ẍejtoj Ebꞌ Ẍejabꞌ Jesús
(Mateo 28:16-20; Lucas 24:36-49; Juan 20:19-23)
14Jaꞌ junelxa, yet lalan slow ebꞌ scuywom juslucꞌwanil, jix xꞌoxon a sbꞌa Jesús tet ebꞌ. Jix tzule ebꞌ yu, yutol jix yakꞌ caabꞌcꞌulal ebꞌ, catuꞌ caw caw snaꞌbꞌal ebꞌ. Ilaꞌ ma ẍaꞌ yabꞌ ebꞌ tet ebꞌ jix ilon yet jix pitzcꞌu aoj. 15Catuꞌ jix yalon tet ebꞌ jaxca tiꞌ:
—Asiꞌwej bꞌey masanil yul yibꞌankꞌinal. Asiꞌ alwej el skꞌaneal yet colbꞌanile xol masanil ánima. 16Jaꞌ mac oj yaoc yin scꞌul, catuꞌ chi yakꞌon bautizar sbꞌa, oj colchaoj. Jal pax mac cꞌam chi yaoc yin scꞌul xin, oj jul syaꞌilal yibꞌan. 17Jaꞌ ebꞌ oj yaoc yin scꞌul, oj skeꞌ xꞌoxon wan milagro ebꞌ tiꞌ: Oj skeꞌ yiꞌon can el pena espíritu ebꞌ yin ánima yu wipal an. Oj kꞌanabꞌ a ebꞌ yin txꞌoj tiꞌeal. 18Ta chi smitxꞌ labꞌa ebꞌ, ta chi yucꞌ eytoj ebꞌ junoj tzetyetal tol chi cam ánima yu, cꞌam tzet oj ion ebꞌ. Ta chi sbꞌatxbꞌa oc skꞌabꞌ ebꞌ yibꞌan ebꞌ yaꞌey, oj waꞌxoj can scꞌul ebꞌ yu ebꞌ, ẍi Jesús.
Spaxbꞌal A Jesús Satcan
(Lucas 24:50-53)
19Jaꞌ yet jix lawi yalon jun tiꞌ Naj Kaawil Jesús tet ebꞌ scuywom tuꞌ, jix iꞌle paxa Naj satcan, catuꞌ jix ey chotan bꞌey swatxꞌ kꞌabꞌ Dios. 20Catuꞌ jix too ebꞌ yalon el skꞌane Dios tuꞌ bꞌey junjun conobꞌ. Jix oc cꞌal Naj Kaawil yetoj ebꞌ. Jacꞌal Naj jix mulna yetoj ebꞌ, yet watxꞌ chi txeclo eloj, tol yel jun kꞌane chi ecꞌ yalel ebꞌ tuꞌ./
Currently Selected:
Marcos 16: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Marcos 16
16
Jix Pitzcꞌu A Jesús
(Mateo 28:1-10; Lucas 24:1-12; Juan 20:1-10)
1Jaꞌ yet jix ey can cꞌu yet scꞌual xewilal, jix sman ix María Magdalena yetoj ix Salomé, cꞌal María xutx naj Jacobo wan tzetyetal sukꞌukꞌi sabꞌ, yu stoo yaon oc ebꞌ yin Jesús. 2Jaꞌ yet jix sajbꞌi a yet Domingo, jix too ebꞌ bꞌey chꞌen chꞌen bꞌey jix muji octoj tuꞌ. Lalan yaol cꞌu, yet jix apni ebꞌ. 3Catuꞌ jix yalon ebꞌ jaxca tiꞌ:
—¿Mac oj bꞌalon el chꞌen smajil bꞌey mujan octoj tuꞌ ey jon? ẍi ebꞌ. 4Jaꞌ chꞌen smajil tuꞌ caw miman chꞌen. Jaxa jix yun yilontoj ebꞌ, tol elnaj xa chꞌen. 5Catuꞌ jix yilon ebꞌ yet jix oc apnoj ebꞌ yul chꞌen chꞌen tuꞌ, chotan ey jun ángel bꞌey swatxꞌ kꞌabꞌ ebꞌ, jaxca yili junoj achꞌe. Eyoc jun jojan saj pichile yu. Caw jix xiwa ebꞌ ix sicꞌlebꞌil. 6Catuꞌ jix yalon jun ángel tuꞌ tet ebꞌ ix:
—Manche jex xiwi. Jaex tiꞌ, jaꞌ Jesús a Nazaret che seyecꞌoj, jun jix ale oc yin culus. Jix pitzcꞌu aoj. Cꞌamxa mac eyecꞌ yul chꞌen chꞌen tiꞌ. Ilwej bꞌey jix jul ale octoj Naj yu ebꞌ tiꞌ. 7Asiꞌwej, alwej tet wan ebꞌ scuywom cꞌal tet Pedro, tol bꞌabꞌel stoo Naj je sattaj bꞌey Galilea. Oj je yil yin tituꞌ jaxca jix yute yalon can ey jex, ẍi jun ángel tuꞌ tet ebꞌ ix. 8Catuꞌ jix eltej ebꞌ ix yul chꞌen chꞌen tuꞌ. Catuꞌ jix too ebꞌ. Caw chi bꞌilwi ebꞌ yu xiwcanil. Cꞌam junoj mac tet jix yalel ebꞌ, yutol chi xiw ebꞌ.
Jix Xꞌoxa Sbꞌa Jesús Tet Ix María Magdalena
(Juan 20:11-18)
9/Jaꞌ yet Domingo yet eyto sajbꞌi jix pitzcꞌu a Jesús. Jaꞌ tet ix María Magdalena jix bꞌabꞌi xꞌoxa sbꞌa. Jaꞌton yin jun ix tuꞌ iꞌbꞌil el jujwan pena espíritu yu Jesús. 10Jix bꞌet yal ix tet wan ebꞌ naj jix ecꞌ yetoj Jesús yet yalantoj. Yutol caw chi okꞌ ebꞌ yu cusilal. 11Jaꞌ yet jix yalon ix tet ebꞌ, tol jix pitzcꞌu a Jesús, catuꞌ tol jix yil ix yin Naj, ma ẍaꞌ yabꞌ ebꞌ.
Jix Xꞌoxa Sbꞌa Jesús Tet Cawan Ebꞌ Scuywom
(Lucas 24:13-35)
12Catuꞌ jix xꞌoxon a sbꞌa Jesús tet cawan ebꞌ scuywom, stiꞌel conobꞌ yet lalan sbꞌey ebꞌ. Txꞌoj yili jix yil ebꞌ. 13Yu jun tuꞌ xin, jix meltzo ebꞌ yu bꞌet yalon ebꞌ tet wanxa yet cuywomal. Ma pax ẍaꞌ yabꞌ ebꞌ.
Jix Ẍejtoj Ebꞌ Ẍejabꞌ Jesús
(Mateo 28:16-20; Lucas 24:36-49; Juan 20:19-23)
14Jaꞌ junelxa, yet lalan slow ebꞌ scuywom juslucꞌwanil, jix xꞌoxon a sbꞌa Jesús tet ebꞌ. Jix tzule ebꞌ yu, yutol jix yakꞌ caabꞌcꞌulal ebꞌ, catuꞌ caw caw snaꞌbꞌal ebꞌ. Ilaꞌ ma ẍaꞌ yabꞌ ebꞌ tet ebꞌ jix ilon yet jix pitzcꞌu aoj. 15Catuꞌ jix yalon tet ebꞌ jaxca tiꞌ:
—Asiꞌwej bꞌey masanil yul yibꞌankꞌinal. Asiꞌ alwej el skꞌaneal yet colbꞌanile xol masanil ánima. 16Jaꞌ mac oj yaoc yin scꞌul, catuꞌ chi yakꞌon bautizar sbꞌa, oj colchaoj. Jal pax mac cꞌam chi yaoc yin scꞌul xin, oj jul syaꞌilal yibꞌan. 17Jaꞌ ebꞌ oj yaoc yin scꞌul, oj skeꞌ xꞌoxon wan milagro ebꞌ tiꞌ: Oj skeꞌ yiꞌon can el pena espíritu ebꞌ yin ánima yu wipal an. Oj kꞌanabꞌ a ebꞌ yin txꞌoj tiꞌeal. 18Ta chi smitxꞌ labꞌa ebꞌ, ta chi yucꞌ eytoj ebꞌ junoj tzetyetal tol chi cam ánima yu, cꞌam tzet oj ion ebꞌ. Ta chi sbꞌatxbꞌa oc skꞌabꞌ ebꞌ yibꞌan ebꞌ yaꞌey, oj waꞌxoj can scꞌul ebꞌ yu ebꞌ, ẍi Jesús.
Spaxbꞌal A Jesús Satcan
(Lucas 24:50-53)
19Jaꞌ yet jix lawi yalon jun tiꞌ Naj Kaawil Jesús tet ebꞌ scuywom tuꞌ, jix iꞌle paxa Naj satcan, catuꞌ jix ey chotan bꞌey swatxꞌ kꞌabꞌ Dios. 20Catuꞌ jix too ebꞌ yalon el skꞌane Dios tuꞌ bꞌey junjun conobꞌ. Jix oc cꞌal Naj Kaawil yetoj ebꞌ. Jacꞌal Naj jix mulna yetoj ebꞌ, yet watxꞌ chi txeclo eloj, tol yel jun kꞌane chi ecꞌ yalel ebꞌ tuꞌ./
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.