Kushangumuka 17
17
Kuutuka cinapu cizivukiso ca cikumiiyo
1Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe, 2njikalikumiiya cikumiiyo nove, co njikatumisa vatekulwila vove.” 3Co Avilama watsikamene, nakukulamena asi, co Njambi wendekele nendi ngwendi, 4“Kenga, njilikumiiya cikumiiyo nove. Njikukulaesa ngwange yove ukapwa kukulwila ya miyati yaingi. 5Lizina lyove kuvakalitumbula lalo Avilama, oloni likapwa Avilahama, omwo njilinakukupwisa kukulwila ya miyati yaingi. 6Ngecivene, njikatumisa manene vatekulwila vove, co njikakupwisa miyati, na vimyene vakatunda kuli yove.
7“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove. 8#Luk 1:55; Vil 7:5 Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”
9Co Njambi wendekele kuli Avilahama ngwendi, “Nove lalo ukanyunga cikumiiyo cange, muvuvali vweni, nove na vatekulwila vove na visemwa vyavo vya kulutwe. 10#Vil 7:8; Lom 4:11 Eci cikeco cikumiiyo cange cimunapande kunyunga, eci njalikumiiya mukati kange nove na vatekulwila vove vaje vakaija munima yove, ngeci munalume woshe ali akati keni napande kutuuka. 11Co mukatuuka ku situ ya cikonde ceni ngeci cikapwe cizivukiso ca cikumiiyo akati kange neni. 12Tunde ano na kulutwe, munapande kutuula mbututu woshe wa munalume omo ali na matangwa atanu na atatu akusemuka kwendi, amo na vindungo vakukitila mu vinjuvo vyeni, amo na vindungo lalo vakulanda kuli vangenzi. Eci cinapu cizivukiso ca cikumiiyo akati keni nange ku visemwa vyeni vyoshe vya kulutwe. 13Munalume woshe uvakakita mu vinjuvo vyeni, nambe wakulanda na vimbongo, napande kutuuka. Co cikumiiyo cange cikakala a mivila yeni mukupwa cikumiiyo ca ku myaka yoshe. 14Munalume woshe uje katuukile, kuvakamulava lalo kupwa umo wa vanu vange, omwo ikeye kanyungile cikumiiyo cange.”
15Co Njambi wendekele kuli Avilahama ngwendi, “Yove kuwapandele kutumbula munakazi wove lalo ngwove Salai, embwe. Kutunda ku litangwa lya lelo, lizina lyendi likapwa Sala.#17:15 SALA: Eli lizina mu ciHevelu lyanunguluka ngwalyo, muna vamwene. 16Njikamuvezikisa, akakita mwana wa munalume. Co njikamuvezikisa, ngeci akapwe cisemi ca miyati, co mukati ka vatekulwila vendi mukakala vimyene.”
17Asinoni Avilahama watsikamene nakukulamena asi, oloni washangumukile kujola omwo wayongwele ngwendi, “Kuma munu asa kukita mwana omo ali laja na myaka 100? Kuma Sala lalo asa kukita mwana omo ali laja na myaka makumi atanu na awana ndi?” 18Avilahama wendekele kuli Njambi ngwendi, “Omwo vikajo kuutavela Ishimela kupwa shwana yange?”
19Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake.#17:19 ISAKE: Eli lizina mu ciHevelu lyanunguluka ngwalyo, ajola. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe. 20Njazivi kulomba kwove ali Ishimela, ngecivene, kenga njikamuvezikisa nakumwana vana vavangi nakutumisa vatekulwila vendi. Ikeye akapwa ishe ya vana va vimyene va vanalume likumi na vavali, co njikapwisa vatekulwila vendi muyati wakama. 21Oloni njikakolesa cikumiiyo cange na munove Isake, uje akasemuka kuli Sala a simbu ino vene mungolosika.” 22Omo wamanesele kwendeka na Avilahama, co Njambi wamusezele waile mwilu.
23A litangwa lije vene, Avilahama wononokele Njambi, co watuwile munendi Ishimela, na voshe vaje vanalume vakele mu njuvo yendi, amo na vindungo vaje vavakitilile mu njuvo yendi, amo na vindungo vaje vavalandele. 24Avilahama watuukile omo wakele na myaka makumi atanu na awana na myaka itanu na iwana, 25co munendi Ishimela wakele na myaka likumi na itatu omo watuukile. 26Voshe vatuukile litangwa limo, 27amo na vanalume voshe vaje vakele ku njuvo ya Avilahama, vaje vavakitilile mu njuvo yendi, na vaje vavalandele, voshe vatuukile amo nendi.
Currently Selected:
Kushangumuka 17: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kushangumuka 17
17
Kuutuka cinapu cizivukiso ca cikumiiyo
1Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe, 2njikalikumiiya cikumiiyo nove, co njikatumisa vatekulwila vove.” 3Co Avilama watsikamene, nakukulamena asi, co Njambi wendekele nendi ngwendi, 4“Kenga, njilikumiiya cikumiiyo nove. Njikukulaesa ngwange yove ukapwa kukulwila ya miyati yaingi. 5Lizina lyove kuvakalitumbula lalo Avilama, oloni likapwa Avilahama, omwo njilinakukupwisa kukulwila ya miyati yaingi. 6Ngecivene, njikatumisa manene vatekulwila vove, co njikakupwisa miyati, na vimyene vakatunda kuli yove.
7“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove. 8#Luk 1:55; Vil 7:5 Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”
9Co Njambi wendekele kuli Avilahama ngwendi, “Nove lalo ukanyunga cikumiiyo cange, muvuvali vweni, nove na vatekulwila vove na visemwa vyavo vya kulutwe. 10#Vil 7:8; Lom 4:11 Eci cikeco cikumiiyo cange cimunapande kunyunga, eci njalikumiiya mukati kange nove na vatekulwila vove vaje vakaija munima yove, ngeci munalume woshe ali akati keni napande kutuuka. 11Co mukatuuka ku situ ya cikonde ceni ngeci cikapwe cizivukiso ca cikumiiyo akati kange neni. 12Tunde ano na kulutwe, munapande kutuula mbututu woshe wa munalume omo ali na matangwa atanu na atatu akusemuka kwendi, amo na vindungo vakukitila mu vinjuvo vyeni, amo na vindungo lalo vakulanda kuli vangenzi. Eci cinapu cizivukiso ca cikumiiyo akati keni nange ku visemwa vyeni vyoshe vya kulutwe. 13Munalume woshe uvakakita mu vinjuvo vyeni, nambe wakulanda na vimbongo, napande kutuuka. Co cikumiiyo cange cikakala a mivila yeni mukupwa cikumiiyo ca ku myaka yoshe. 14Munalume woshe uje katuukile, kuvakamulava lalo kupwa umo wa vanu vange, omwo ikeye kanyungile cikumiiyo cange.”
15Co Njambi wendekele kuli Avilahama ngwendi, “Yove kuwapandele kutumbula munakazi wove lalo ngwove Salai, embwe. Kutunda ku litangwa lya lelo, lizina lyendi likapwa Sala.#17:15 SALA: Eli lizina mu ciHevelu lyanunguluka ngwalyo, muna vamwene. 16Njikamuvezikisa, akakita mwana wa munalume. Co njikamuvezikisa, ngeci akapwe cisemi ca miyati, co mukati ka vatekulwila vendi mukakala vimyene.”
17Asinoni Avilahama watsikamene nakukulamena asi, oloni washangumukile kujola omwo wayongwele ngwendi, “Kuma munu asa kukita mwana omo ali laja na myaka 100? Kuma Sala lalo asa kukita mwana omo ali laja na myaka makumi atanu na awana ndi?” 18Avilahama wendekele kuli Njambi ngwendi, “Omwo vikajo kuutavela Ishimela kupwa shwana yange?”
19Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake.#17:19 ISAKE: Eli lizina mu ciHevelu lyanunguluka ngwalyo, ajola. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe. 20Njazivi kulomba kwove ali Ishimela, ngecivene, kenga njikamuvezikisa nakumwana vana vavangi nakutumisa vatekulwila vendi. Ikeye akapwa ishe ya vana va vimyene va vanalume likumi na vavali, co njikapwisa vatekulwila vendi muyati wakama. 21Oloni njikakolesa cikumiiyo cange na munove Isake, uje akasemuka kuli Sala a simbu ino vene mungolosika.” 22Omo wamanesele kwendeka na Avilahama, co Njambi wamusezele waile mwilu.
23A litangwa lije vene, Avilahama wononokele Njambi, co watuwile munendi Ishimela, na voshe vaje vanalume vakele mu njuvo yendi, amo na vindungo vaje vavakitilile mu njuvo yendi, amo na vindungo vaje vavalandele. 24Avilahama watuukile omo wakele na myaka makumi atanu na awana na myaka itanu na iwana, 25co munendi Ishimela wakele na myaka likumi na itatu omo watuukile. 26Voshe vatuukile litangwa limo, 27amo na vanalume voshe vaje vakele ku njuvo ya Avilahama, vaje vavakitilile mu njuvo yendi, na vaje vavalandele, voshe vatuukile amo nendi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006