Kushangumuka 19
19
Vuvi vwa Sondoma
1Cingwezi cije tungelo vavali vezile ku Sondoma, Lote watumbamene ku cikolo ca nganda. Omo Lote wavamwene wakatukile, co wavasheshele. Co watsikamene, nakukulamena asi. 2Wendekele kuli vakevo ngwendi, “Vashukulu, tuyeni ku njuvo ya ngamba yeni, mukajwele ku mendi nakuhwimako vutsiki vuno vene. Asinoni mukaya ku vungenzi vweni mutondo-tondo.”
Oloni vakevo vamukumbulwile ngwavo, “Embwe, vuno vutsiki tulala vene muno mu nganda mushandangala yangoco.”
3Oloni wavasindiiye manene nakuvalomba ngeci vatumbame, co akukotoka vamutavele, ngeci vaile nendi ku njuvo yendi. Co Lote washikile vangamba vendi kutika makende amo, nakuvwaesela vangenzi vyakulya vyavivwa, co valile.
4Omo kanda vangenzi vaciye ku vulili, vanalume va mu Sondoma vazengelekele njuvo. Vanalume voshe va mu nganda, vakwenje na vakulunu, vakele kuje. 5#Maa 19:22-24 Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.
6Lote watuukile anja, co washokele lipito. 7Wendekele kuli vakevo ngwendi, “Eni vandolome vange, njimilomba ngwange kesi mulinge cuma cacivi ngacije! 8Kengeni, njili na vana va vanakazi vavali vaje kanda valimone na vanalume. Imaneni njimituwisilevo anja, co mwasa kulinga vyoshe vimushaka kuli vakevo. Oloni kesi mulinge cuma cimo cacivi kuli vanalume ava, omwo vakevo vanapu vangenzi mu njuvo yange, co njinapande kuvavingilikiya.”
9Oloni vanalume va mu Sondoma vendekele ngwavo, “Tunda mu ngila yetu, yove mungenzi! Yove iyajo ngeci utuleke vyakulinga? Tunda lika mu ngila, nga uvyana, tukalinga vyavivi manene kuli yove kutuvakana vije tukalinga kuli vakevo.” Vanakwilile Lote munima, co vashwenyele ku njuvo ngeci vatavule lipito. 10Oloni vaje vanalume va vangenzi vakele mukati, vakokelele Lote mu njuvo nakushoka lipito. 11#2 Vim 6:18 Asinoni vazivalesele mesho a vaje vanalume voshe vakele ku cikolo, vakwenje na vakulunu, ngeci kuvasele kuwana cikolo.
Lote vamutundisa mu Sondoma
12Vaje vanalume vavali vendekele kuli Lote ngwavo, “Nga uli na vakweni veka muno, nambe vana vove va vanalume, nambe vana vove va vanakazi, nambe vaishomweno, nambe vavushoko vwove veka vali mu nganda ino, unapande kuvatundisamo. 13Tulinakunyongesa nganda ino, omwo Shukulu Kalunga nazivi vuvi vwakukomokesa vwa vanu ava ngeci natutumu kunyongesa Sondoma.”
14Asinoni Lote waile kuli vanalume vaje vashakele kwambata vana vendi, wavalekele ngwendi, “Zambuleniko mutunde muno, omwo Shukulu Kalunga ashaka kunyongesa nganda ino.” Oloni vakevo vayongwele ngwavo alinakulinga lyepe.
15A mungulungengu, tungelo vesekele kuzambwisa Lote. Vendekele ngwavo, “Zambula! Ambata munakazi wove na vana vove va vanakazi vavali mutuuke muye, ngeci kesi mutse omwo nganda eyi ikanyonga.” 16#2 Pet 2:7 Akulivanga Lote wemanene lika nevi vyalinga vyai, oloni Shukulu Kalunga washakele kumwovola. Ngecivene, vaje vanalume vavali vakwatele Lote, na munakazi wendi, na vana vendi vavali ku mavoko nakuvatuwisa anja ya nganda. 17Asinoni kangelo umo wendekele ngwendi, “Teweni mwamene myonyo yeni! Kesi mukenge kunima nambe kwimana mu cimbongo! Teweleni ku malundu ngeci mukayoyeleko!”
18Oloni Lote wakumbulwile ngwendi, “Embwe shukulu, kesi cipwe ngacije. 19Yeni mwanjilingi mwamuvwa manene nakwamena mwonyo wange. Oloni ku malundu kulyala manene, kukaluwa cikanjiwana, co njikatsa omo simbu kanda njicete kuje. 20Mwaimono ije nganda ili kuje? Nolokongano ili muyehi njiteweleko, omwo inapu nganda yaindondo manene, co kuje njikakala mwamuvwa na naanga yange.”
21Kangelo wamukumbulwile ngwendi, “Mwamuvwa njatava, kunjikanyongesa ije nganda. 22Zambula uteweleko! Kunjasa kulinga cuma cimo kuvanga noo unaketa kuje.”
Lote watumbwile ije nganda ngwendi yaindondo, mukemwo ije nganda vailukile ngwavo Zowale. #19:22 ZOWALE: Mu ciHevelu ngwavo, kakandondo.
Kunyonga kwa Sondoma na Ngomola
23Lote wetele ku Zowale te litangwa lyatuuka laja. 24#Mat 10:15; 11:23-24; Luk 10:12; 17:29; 2 Pet 2:6; Yun 7 Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola. 25Co wanyongesele membo oshe, na cana coshe, amo na vanu voshe vakelemo, na vyuma vyoshe vije vyamenene muje. 26#Luk 17:32 Oloni a ngila, munakazi wa Lote wakengele kunima, co wemukile mushinge wa mwongwa.
27Mutondo-tondo uje vene, Avilahama wazambwilile ku mutambela kuje wemanene nakwendeka na Shukulu Kalunga. 28Co wakengele ku Sondoma na Ngomola na mu cana mwoshe, wamwene vwisi vulinakukakama asi, vwisi vwakulifwa ngwe vwakutunda mu litende lyakama lya tuhya. 29Oloni omo Njambi wanyongesele vinganda vya mu cana muje mwakele Lote, wanukile cikulaeso cije wakulaesele Avilahama, co wovwele Lote.
Cikatu ca vaMowavi na vaAmoni
30Lote watundile ku Zowale, na vana vendi vavali va vanakazi, co vajalukilile ku malundu omwo wakele na lyova lyakukala mu Zowale, ngecivene, vakele mu linzenzengoma. 31Muna Lote wa mukulunu wendekele kuli shongo yendi ngwendi, “Tatetu nakuluvala, co mu mutambela uno kumwesi vanalume ngeci vatwambate tuwaneko vana. 32Ija tupendese tatetu vinyu vyakulula, ngeci tulale nendi tuwaneko vana.” 33Ngecivene, a vutsiki vuje, vanwisile ishavo vinyu vyakulula, co uje munendi wa mukulunu walalele na ishe. Oloni Lote wapendele manene kazivukile vije vyalingiwile.
34Alikaki lalo, uje munendi wa mukulunu wendekele kuli shongo yendi ngwendi, “Kenga, yange njinalalele na tate vutsiki vwa izau, co tumupendese lalo vutsiki vwa lelo, ngeci nove ulale nendi. Co muvuvali vwetu tukakala na vana kuli tatetu.” 35Ngecivene, a vutsiki vuje, vanwisile ishavo lalo vinyu vyakulula, co uje munendi wa mwanike walimwene nendi. Oloni Lote wapendele lalo manene, kazivukile vije vyalingiwile. 36Mu ngila eyi vene, muvuvali vwavo vana va Lote, vakele na tufumba twa kuli ishavo. 37Co uje wa mukulunu wakitile mwana wa munalume, wamulukile lizina lyendi Mowavi.#19:37 MOWAVI: Lizina eli linalifu na lijwi lya mu ciHevelu linalumbunuka ngwalyo, kutunda kuli tate. Ikeye kukulwila ya vaMowavi na simbu ino. 38Co shongo yendi lalo wakitile mwana wa munalume, wamulukile lizina lyendi Mbenami.#19:38 MBENAMI: Lizina eli mu ciHevelu lyanunguluka ngwalyo, mwana wa munalume wa kavushoko kange, co linalifu na lijwi lya mu ciHevelu linalumbunuka ngwalyo, vaAmoni. Ikeye kukulwila ya vaAmoni na simbu ino.
Currently Selected:
Kushangumuka 19: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kushangumuka 19
19
Vuvi vwa Sondoma
1Cingwezi cije tungelo vavali vezile ku Sondoma, Lote watumbamene ku cikolo ca nganda. Omo Lote wavamwene wakatukile, co wavasheshele. Co watsikamene, nakukulamena asi. 2Wendekele kuli vakevo ngwendi, “Vashukulu, tuyeni ku njuvo ya ngamba yeni, mukajwele ku mendi nakuhwimako vutsiki vuno vene. Asinoni mukaya ku vungenzi vweni mutondo-tondo.”
Oloni vakevo vamukumbulwile ngwavo, “Embwe, vuno vutsiki tulala vene muno mu nganda mushandangala yangoco.”
3Oloni wavasindiiye manene nakuvalomba ngeci vatumbame, co akukotoka vamutavele, ngeci vaile nendi ku njuvo yendi. Co Lote washikile vangamba vendi kutika makende amo, nakuvwaesela vangenzi vyakulya vyavivwa, co valile.
4Omo kanda vangenzi vaciye ku vulili, vanalume va mu Sondoma vazengelekele njuvo. Vanalume voshe va mu nganda, vakwenje na vakulunu, vakele kuje. 5#Maa 19:22-24 Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.
6Lote watuukile anja, co washokele lipito. 7Wendekele kuli vakevo ngwendi, “Eni vandolome vange, njimilomba ngwange kesi mulinge cuma cacivi ngacije! 8Kengeni, njili na vana va vanakazi vavali vaje kanda valimone na vanalume. Imaneni njimituwisilevo anja, co mwasa kulinga vyoshe vimushaka kuli vakevo. Oloni kesi mulinge cuma cimo cacivi kuli vanalume ava, omwo vakevo vanapu vangenzi mu njuvo yange, co njinapande kuvavingilikiya.”
9Oloni vanalume va mu Sondoma vendekele ngwavo, “Tunda mu ngila yetu, yove mungenzi! Yove iyajo ngeci utuleke vyakulinga? Tunda lika mu ngila, nga uvyana, tukalinga vyavivi manene kuli yove kutuvakana vije tukalinga kuli vakevo.” Vanakwilile Lote munima, co vashwenyele ku njuvo ngeci vatavule lipito. 10Oloni vaje vanalume va vangenzi vakele mukati, vakokelele Lote mu njuvo nakushoka lipito. 11#2 Vim 6:18 Asinoni vazivalesele mesho a vaje vanalume voshe vakele ku cikolo, vakwenje na vakulunu, ngeci kuvasele kuwana cikolo.
Lote vamutundisa mu Sondoma
12Vaje vanalume vavali vendekele kuli Lote ngwavo, “Nga uli na vakweni veka muno, nambe vana vove va vanalume, nambe vana vove va vanakazi, nambe vaishomweno, nambe vavushoko vwove veka vali mu nganda ino, unapande kuvatundisamo. 13Tulinakunyongesa nganda ino, omwo Shukulu Kalunga nazivi vuvi vwakukomokesa vwa vanu ava ngeci natutumu kunyongesa Sondoma.”
14Asinoni Lote waile kuli vanalume vaje vashakele kwambata vana vendi, wavalekele ngwendi, “Zambuleniko mutunde muno, omwo Shukulu Kalunga ashaka kunyongesa nganda ino.” Oloni vakevo vayongwele ngwavo alinakulinga lyepe.
15A mungulungengu, tungelo vesekele kuzambwisa Lote. Vendekele ngwavo, “Zambula! Ambata munakazi wove na vana vove va vanakazi vavali mutuuke muye, ngeci kesi mutse omwo nganda eyi ikanyonga.” 16#2 Pet 2:7 Akulivanga Lote wemanene lika nevi vyalinga vyai, oloni Shukulu Kalunga washakele kumwovola. Ngecivene, vaje vanalume vavali vakwatele Lote, na munakazi wendi, na vana vendi vavali ku mavoko nakuvatuwisa anja ya nganda. 17Asinoni kangelo umo wendekele ngwendi, “Teweni mwamene myonyo yeni! Kesi mukenge kunima nambe kwimana mu cimbongo! Teweleni ku malundu ngeci mukayoyeleko!”
18Oloni Lote wakumbulwile ngwendi, “Embwe shukulu, kesi cipwe ngacije. 19Yeni mwanjilingi mwamuvwa manene nakwamena mwonyo wange. Oloni ku malundu kulyala manene, kukaluwa cikanjiwana, co njikatsa omo simbu kanda njicete kuje. 20Mwaimono ije nganda ili kuje? Nolokongano ili muyehi njiteweleko, omwo inapu nganda yaindondo manene, co kuje njikakala mwamuvwa na naanga yange.”
21Kangelo wamukumbulwile ngwendi, “Mwamuvwa njatava, kunjikanyongesa ije nganda. 22Zambula uteweleko! Kunjasa kulinga cuma cimo kuvanga noo unaketa kuje.”
Lote watumbwile ije nganda ngwendi yaindondo, mukemwo ije nganda vailukile ngwavo Zowale. #19:22 ZOWALE: Mu ciHevelu ngwavo, kakandondo.
Kunyonga kwa Sondoma na Ngomola
23Lote wetele ku Zowale te litangwa lyatuuka laja. 24#Mat 10:15; 11:23-24; Luk 10:12; 17:29; 2 Pet 2:6; Yun 7 Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola. 25Co wanyongesele membo oshe, na cana coshe, amo na vanu voshe vakelemo, na vyuma vyoshe vije vyamenene muje. 26#Luk 17:32 Oloni a ngila, munakazi wa Lote wakengele kunima, co wemukile mushinge wa mwongwa.
27Mutondo-tondo uje vene, Avilahama wazambwilile ku mutambela kuje wemanene nakwendeka na Shukulu Kalunga. 28Co wakengele ku Sondoma na Ngomola na mu cana mwoshe, wamwene vwisi vulinakukakama asi, vwisi vwakulifwa ngwe vwakutunda mu litende lyakama lya tuhya. 29Oloni omo Njambi wanyongesele vinganda vya mu cana muje mwakele Lote, wanukile cikulaeso cije wakulaesele Avilahama, co wovwele Lote.
Cikatu ca vaMowavi na vaAmoni
30Lote watundile ku Zowale, na vana vendi vavali va vanakazi, co vajalukilile ku malundu omwo wakele na lyova lyakukala mu Zowale, ngecivene, vakele mu linzenzengoma. 31Muna Lote wa mukulunu wendekele kuli shongo yendi ngwendi, “Tatetu nakuluvala, co mu mutambela uno kumwesi vanalume ngeci vatwambate tuwaneko vana. 32Ija tupendese tatetu vinyu vyakulula, ngeci tulale nendi tuwaneko vana.” 33Ngecivene, a vutsiki vuje, vanwisile ishavo vinyu vyakulula, co uje munendi wa mukulunu walalele na ishe. Oloni Lote wapendele manene kazivukile vije vyalingiwile.
34Alikaki lalo, uje munendi wa mukulunu wendekele kuli shongo yendi ngwendi, “Kenga, yange njinalalele na tate vutsiki vwa izau, co tumupendese lalo vutsiki vwa lelo, ngeci nove ulale nendi. Co muvuvali vwetu tukakala na vana kuli tatetu.” 35Ngecivene, a vutsiki vuje, vanwisile ishavo lalo vinyu vyakulula, co uje munendi wa mwanike walimwene nendi. Oloni Lote wapendele lalo manene, kazivukile vije vyalingiwile. 36Mu ngila eyi vene, muvuvali vwavo vana va Lote, vakele na tufumba twa kuli ishavo. 37Co uje wa mukulunu wakitile mwana wa munalume, wamulukile lizina lyendi Mowavi.#19:37 MOWAVI: Lizina eli linalifu na lijwi lya mu ciHevelu linalumbunuka ngwalyo, kutunda kuli tate. Ikeye kukulwila ya vaMowavi na simbu ino. 38Co shongo yendi lalo wakitile mwana wa munalume, wamulukile lizina lyendi Mbenami.#19:38 MBENAMI: Lizina eli mu ciHevelu lyanunguluka ngwalyo, mwana wa munalume wa kavushoko kange, co linalifu na lijwi lya mu ciHevelu linalumbunuka ngwalyo, vaAmoni. Ikeye kukulwila ya vaAmoni na simbu ino.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006