Kushangumuka 24
24
Vendekeya munakazi wa Isake
1Avilahama wakuluvalele manene, co Shukulu Kalunga wamuvezikisile mu vyuma vyoshe vyalingile. 2Avilahama wendekele kuli ngamba yendi wa mukulunu, uje wakele na moko a vyuma vyoshe vije wakele navyo ngwendi, “Aka livoko lyove mukati ka mao ange#24:2 AKA LIVOKO LYOVE MUKATI KA MAO ANGE: Eyi yapwile ngila ivalisingile nayo yakwonwa kutengulula cisingo. nakulisinga. 3Njishaka yove ulisinge mu lizina lya Shukulu Kalunga Njambi ou wa lilu na asi, ngeci kesi ukambatele munange munakazi wa ku muyati wa vaKanana ava njinatungu navo embwe. 4Kuvanga ukeluke ku lifuti lyange kuli vavushoko vwange ukambateleko munange Isake munakazi wa akati ka vavushoko vwange.” 5Oloni uje ngamba wamwihwile ngwendi, “Vatijo nga uje mumbanda akavyana kutunda hembo lyavo nakwija nange mu lifuti lino? Kuma canjipande kwilwisa munove ku lifuti lije kuwatundile ndi?”
6Avilahama wamukumbulwile ngwendi, “Avwe! Kesi ukelwisile munange kuje! 7Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje. 8Oloni nga uje mumbanda akavyana kwija nove amo, co unapatuka ku cisingo eci. Oloni yove kuwapandele kwilwisila lalo munange kuje embwe.” 9Ngecivene, uje ngamba waakele livoko lyendi mukati ka mao a shukulu yendi Avilahama, co walisingile kulinga vije Avilahama wamushikilevyo.
10Ngamba wa mukulunu, uje wakele na moko a vufuko vwa Avilahama, wambatele tumelo twa shukulu yendi likumi, co waile ku nganda ya ku kunto ya Mesopotamya kuje kwakele Nahole. 11Omo wetele kuje, co tumelo vavutamene ku lisima anja ya nganda. Capwile cingwezi, simbu ije vanakazi vakaija-ija ku lisima nakutekula mema. 12Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama. 13Kenga, yange uno njili ano a lisima, aje vambanda va mu nganda vakaija-ija nakutekula mema. 14Co njikendeka kuli umo wavo ngwange, ‘Mwane, njaneko mema njinwe.’ Nga akendeka ngwendi, ‘Nwa, co lalo njikanena mema a tumelo twove,’ ou ikeye vene iwangwile kupwa munakazi wa ngamba yove Isake. Nga eci cikalingiwa, co njikazivuka ngwange yove unamwesa cikulaeso cove cije kucesi kutenguluka kuli shukulu yange.”
15Omo simbu kanda acimanese kulombela, kenga! Lembeka wetele nambata njava yendi a citsili. Lembeka wapwile muna Mbetwele, muna Nahole na munakazi wendi Mileka. Nahole wapwile ndolome ya Avilahama. 16Co uje mumbanda akumukenga wapwile wamuvwa manene, ikeye wapwile mumbanda kanda alimone na munalume. Washelumukile ku lisima, washulisile njava yendi ya mema, co walamatele. 17Co uje ngamba ya Avilahama wamushatukilile wendekele nendi ngwendi, “Mwane, njaneniko mema njinwe.”
18Lembeka wamukumbulwile ngwendi, “Nweni mwane.” Co vwasi-vwasi watulile njava yendi ya mema ije yambatele a citsili cendi, waijendekele, co wanwile. 19Omo wamanesele kunwa, Lembeka wendekele ngwendi, “Njitekwila lalo mema tumelo twove noo vanajauka voshe.” 20Vwasi-vwasi wetilile mema a mu njava yendi mu cinwilo ca vimuna, co washatukilile ku lisima kukatekula mema akwavo lalo, noo wanwisile tumelo twoshe twa uje ngamba. 21Co uje munalume wamukengele shwii wolokele kuluu, mukumona nga ikeye yanamuvwaesela Shukulu Kalunga nambe embwe.
22Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi. 23Uje ngamba ya Avilahama wamwihwile ngwendi, “Mwane, icinjilekeniko isho iya? Vati njasa kuwanako mulili mu njuvo ya isho ngeci njikalalemo na vanu vange vutsiki vuno ndi?”
24Lembeka wamukumbulwile ngwendi, “Tate Mbetwele muna Nahole na Mileka. 25Kuuli mwila waungi na vyakulya ku njuvo yetu, co lalo mulili wakulala kuuli.”
26Ngamba ya Avilahama, watsikamene nakulemesa Shukulu Kalunga. 27Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”
28Mumbanda uje washatukilile ku njuvo ya vaina nakuvaleka majwi oshe. 29Lembeka wakele na ndolome yendi lizina lyendi Lambani. Co Lambani watuukile anja, waile ku lisima kuje kwakele uje ngamba ya Avilahama. 30Lambani wamwene kanzeya mu majulu a ndokazi yendi na makayi ku mavoko endi. Co lalo wazivile majwi aje endekele uje munalume na ndokazi yendi. Ngecivene, waile kuli uje ngamba ya Avilahama, co kenga, wamuwanene nemana a lisima na tumelo twendi. 31Lambani wendekele ngwendi, “Ijeni tuye kwimbo. Yove unapu u munu uje yanavezikisa Shukulu Kalunga. Omwo vikajo unemanena kuno? Njamivwaesela mulili ku njuvo yange, co na mutambela lalo wakuvutama tumelo twove kuuli.”
32Co uje munalume wakovelele mu njuvo, co Lambani watundisile vivala a tumelo, nakuvana mwila na vyakulya. Asinoni wanenele mema kuli ngamba ya Avilahama na vanu vendi ngeci vajwele ku mendi avo. 33Co omo vamunenelele vyakulya, uje ngamba ya Avilahama wendekele ngwendi, “Kunjasa kulya kuvanga njinatanga muzimbu wange tai.”
Lambani wendekele ngwendi, “Endekeni evi mushaka kwendeka.”
34Ngecivene, washangumukile kutanga muzimbu wendi ngwendi, “Yange nji ngamba ya Avilahama. 35Shukulu Kalunga navezikisa manene shukulu yange, namupwisa wakufuka manene. Co namwana matanga a vimanga, na vimembe, na vingombe, na siliva, na ngolinde, amo na vindungo va vanalume, na vindungo lalo va vanakazi, na tumelo, na vimulu. 36Sala, munakazi wa shukulu yange, wakitile nendi mwana wa munalume omo ikeye nakuluvala laja, co shukulu yange naana vyuma vyoshe kuli ikeye. 37Ngecivene, shukulu yange wanjisingisile ngwendi, ‘Kesi ukambatele munange munakazi wa ku muyati wa vaKanana, vavenya lifuti muno munjili embwe. 38Oloni, ukaya ku vanu va tate kuli vavushoko vwange, co ukamwangwilako munakazi kuje.’ 39Co yange njehwile shukulu yange ngwange, ‘Vatijo nga mumbanda akavyana kwija nange amo?’ 40Co wanjikumbulwile ngwendi, ‘Shukulu Kalunga, uje injononoka visimbu vyoshe, akatuma kangelo kendi amo nove, kukuvwaesela vya ngila yove. Yove ukambatela munange munakazi kuli vavushoko vwange, munakazi wa ku naanga ya tate. 41Kuli ngila imolika ngeci yove ukapatuke ku cisingo cove, nga yove uya kuli vavushoko vwange, co nga vakevo vakakuvyana, cooni yove unapatuka.’
42“Omo lelo njinetele ku lisima, njinalombelele ngwange, ‘Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila. 43Kenga, yange uno ano a lisima. Omo mumbanda aija mukutekula mema a lisima, njikamulomba kunjanako mema akunwa a mu njava yendi. 44Nga atava ngwendi, nwa, co anwisa lalo tumelo twange, co ikeye akapwe vene uje iwangwile kupwa munakazi wa muna shukulu yange.’ 45Omo simbu kanda njicimanese lilombelo lyange, co kenga, Lembeka, wezile na njava yakutekula mema a citsili cendi, washelumukile ku lisima mukutekula mema, co njendekele kuli ikeye ngwange, ‘Njilombako mema akunwa.’ 46Co vwasi-vwasi watulile njava yendi ya mema wendeka ngwendi, ‘Nweni, co lalo njinwisa tumelo tweni.’ Ngecivene, njanwile, asinoni wanwisile lalo tumelo twange. 47Co njamwihwile ngwange, ‘Isho iya?’ Ikeye wanjikumbulwile ngwendi, ‘Tate Mbetwele muna Nahole na Mileka.’ Co njamwakele kanzeya ka ngolinde ka ndando yakama mu majulu endi, na makayi avali akama a ngolinde ku mavoko endi. 48Asinoni njatsikamene nakulemesa Shukulu Kalunga. Co njashangazalele Shukulu Kalunga, Njambi ya shukulu yange Avilahama, uje nanjitwamenenene vushunga-shunga kuli vavushoko vwa shukulu yange, ngeci njawana mumbanda apwe munakazi wa muna shukulu yange. 49Cooni, nga munakundu muzimbu wa shukulu yange, mwane njilekeni. Nga sheni, co lalo endekeni, ngeci njiyongole munjilinga.”
50Lambani na Mbetwele vamukumbulwile ngwavo, “Cuma eci cinatundu kuli Shukulu Kalunga, kutwasa kukukumbulula mwamuvi nambe mwamuvwa embwe. 51Kenga, Lembeka ou, mwambate uye nendi, ngeci akapwe munakazi wa muna shukulu yove, ngwe omwo vavenya Shukulu Kalunga nendekamo.” 52Omo ngamba ya Avilahama wazivile majwi awa, co watsikamene, nakulemesa Shukulu Kalunga. 53Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.
54Asinoni uje ngamba ya Avilahama na vaje vanu vendi valile nakunwa, co valalele kuje vene. Omo vendukile mutondo ngamba ya Avilahama wendekele ngwendi, “Njishuuleni oni njiiluke kuli shukulu yange.”
55Oloni ndolome ya Lembeka na vaina vendekele ngwavo, “Acitave ou mumbanda acikale netu matangwa atanu na avali, nambe matangwa likumi, asinoni aye.”
56Oloni uje ngamba wavalekele ngwendi, “Kesi munjishwalese embwe, omwo Shukulu Kalunga navwaesa laja vungenzi vwange. Njishuuleni ngeci njiiluke kuli shukulu yange.”
57Vamukumbulwile ngwavo, “Tusaneni mumbanda ngeci twakuzive mwakwendekela ikeye vavenya.” 58Ngecivene, vasanene Lembeka, co vamwihwile ngwavo, “Lembeka, unatava kuya nou munalume ndi?”
Co Lembeka wavakumbulwile ngwendi, “Eyo mwane, njinatava kuya nendi.”
59Co vashuwile Lembeka na mukwasi wendi wa ku naanga yendi, vaile amo na ngamba ya Avilahama na vanu vendi. 60Co vavezikisile Lembeka na majwi awa ngwavo,
“Ove ndokazi yetu, ukapwe cisemi ca makulukazi a makulukazi!
Co lalo vatekulwila vove vakafungulule vinganda vya vitozi vavo!”
61Asinoni Lembeka na vaje vangamba vendi valivwaesele, co valondele a tumelo, vaile amo na uje ngamba ya Avilahama.
62Ngecivene, Isake, watundile ku mambo ya “Lisima lya Muka-kuyoya Uje Nanjimono,” co ikeye wakele mu mbwela ya lifuti lya Kanana. 63Co Isake watuukile a simbu ya cingwezi, nakwimazala ku mahya, co kenga, wamwene tumelo valinakwija. 64Omo Lembeka wamwene Isake, washulukile a kamelo kendi, 65wehwile uje ngamba ya Avilahama ngwendi, “Iyajo uje munalume alinakwija mu lihya nakutushesha?”
Co uje ngamba wamukumbulwile ngwendi, “Ikeye shukulu yange vene.” Ngeci Lembeka wanonele lilesu walifwikile ku mesho endi.
66Co uje ngamba walekele Isake vyuma vyoshe vije vyalingile. 67Asinoni Isake watwalele Lembeka mu mbalaka ya vaina Sala, co wapwile munakazi wendi. Ngecivene, Isake wazemene Lembeka, walizembelekele nendi a kutsa kwa vaina.
Currently Selected:
Kushangumuka 24: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kushangumuka 24
24
Vendekeya munakazi wa Isake
1Avilahama wakuluvalele manene, co Shukulu Kalunga wamuvezikisile mu vyuma vyoshe vyalingile. 2Avilahama wendekele kuli ngamba yendi wa mukulunu, uje wakele na moko a vyuma vyoshe vije wakele navyo ngwendi, “Aka livoko lyove mukati ka mao ange#24:2 AKA LIVOKO LYOVE MUKATI KA MAO ANGE: Eyi yapwile ngila ivalisingile nayo yakwonwa kutengulula cisingo. nakulisinga. 3Njishaka yove ulisinge mu lizina lya Shukulu Kalunga Njambi ou wa lilu na asi, ngeci kesi ukambatele munange munakazi wa ku muyati wa vaKanana ava njinatungu navo embwe. 4Kuvanga ukeluke ku lifuti lyange kuli vavushoko vwange ukambateleko munange Isake munakazi wa akati ka vavushoko vwange.” 5Oloni uje ngamba wamwihwile ngwendi, “Vatijo nga uje mumbanda akavyana kutunda hembo lyavo nakwija nange mu lifuti lino? Kuma canjipande kwilwisa munove ku lifuti lije kuwatundile ndi?”
6Avilahama wamukumbulwile ngwendi, “Avwe! Kesi ukelwisile munange kuje! 7Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje. 8Oloni nga uje mumbanda akavyana kwija nove amo, co unapatuka ku cisingo eci. Oloni yove kuwapandele kwilwisila lalo munange kuje embwe.” 9Ngecivene, uje ngamba waakele livoko lyendi mukati ka mao a shukulu yendi Avilahama, co walisingile kulinga vije Avilahama wamushikilevyo.
10Ngamba wa mukulunu, uje wakele na moko a vufuko vwa Avilahama, wambatele tumelo twa shukulu yendi likumi, co waile ku nganda ya ku kunto ya Mesopotamya kuje kwakele Nahole. 11Omo wetele kuje, co tumelo vavutamene ku lisima anja ya nganda. Capwile cingwezi, simbu ije vanakazi vakaija-ija ku lisima nakutekula mema. 12Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama. 13Kenga, yange uno njili ano a lisima, aje vambanda va mu nganda vakaija-ija nakutekula mema. 14Co njikendeka kuli umo wavo ngwange, ‘Mwane, njaneko mema njinwe.’ Nga akendeka ngwendi, ‘Nwa, co lalo njikanena mema a tumelo twove,’ ou ikeye vene iwangwile kupwa munakazi wa ngamba yove Isake. Nga eci cikalingiwa, co njikazivuka ngwange yove unamwesa cikulaeso cove cije kucesi kutenguluka kuli shukulu yange.”
15Omo simbu kanda acimanese kulombela, kenga! Lembeka wetele nambata njava yendi a citsili. Lembeka wapwile muna Mbetwele, muna Nahole na munakazi wendi Mileka. Nahole wapwile ndolome ya Avilahama. 16Co uje mumbanda akumukenga wapwile wamuvwa manene, ikeye wapwile mumbanda kanda alimone na munalume. Washelumukile ku lisima, washulisile njava yendi ya mema, co walamatele. 17Co uje ngamba ya Avilahama wamushatukilile wendekele nendi ngwendi, “Mwane, njaneniko mema njinwe.”
18Lembeka wamukumbulwile ngwendi, “Nweni mwane.” Co vwasi-vwasi watulile njava yendi ya mema ije yambatele a citsili cendi, waijendekele, co wanwile. 19Omo wamanesele kunwa, Lembeka wendekele ngwendi, “Njitekwila lalo mema tumelo twove noo vanajauka voshe.” 20Vwasi-vwasi wetilile mema a mu njava yendi mu cinwilo ca vimuna, co washatukilile ku lisima kukatekula mema akwavo lalo, noo wanwisile tumelo twoshe twa uje ngamba. 21Co uje munalume wamukengele shwii wolokele kuluu, mukumona nga ikeye yanamuvwaesela Shukulu Kalunga nambe embwe.
22Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi. 23Uje ngamba ya Avilahama wamwihwile ngwendi, “Mwane, icinjilekeniko isho iya? Vati njasa kuwanako mulili mu njuvo ya isho ngeci njikalalemo na vanu vange vutsiki vuno ndi?”
24Lembeka wamukumbulwile ngwendi, “Tate Mbetwele muna Nahole na Mileka. 25Kuuli mwila waungi na vyakulya ku njuvo yetu, co lalo mulili wakulala kuuli.”
26Ngamba ya Avilahama, watsikamene nakulemesa Shukulu Kalunga. 27Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”
28Mumbanda uje washatukilile ku njuvo ya vaina nakuvaleka majwi oshe. 29Lembeka wakele na ndolome yendi lizina lyendi Lambani. Co Lambani watuukile anja, waile ku lisima kuje kwakele uje ngamba ya Avilahama. 30Lambani wamwene kanzeya mu majulu a ndokazi yendi na makayi ku mavoko endi. Co lalo wazivile majwi aje endekele uje munalume na ndokazi yendi. Ngecivene, waile kuli uje ngamba ya Avilahama, co kenga, wamuwanene nemana a lisima na tumelo twendi. 31Lambani wendekele ngwendi, “Ijeni tuye kwimbo. Yove unapu u munu uje yanavezikisa Shukulu Kalunga. Omwo vikajo unemanena kuno? Njamivwaesela mulili ku njuvo yange, co na mutambela lalo wakuvutama tumelo twove kuuli.”
32Co uje munalume wakovelele mu njuvo, co Lambani watundisile vivala a tumelo, nakuvana mwila na vyakulya. Asinoni wanenele mema kuli ngamba ya Avilahama na vanu vendi ngeci vajwele ku mendi avo. 33Co omo vamunenelele vyakulya, uje ngamba ya Avilahama wendekele ngwendi, “Kunjasa kulya kuvanga njinatanga muzimbu wange tai.”
Lambani wendekele ngwendi, “Endekeni evi mushaka kwendeka.”
34Ngecivene, washangumukile kutanga muzimbu wendi ngwendi, “Yange nji ngamba ya Avilahama. 35Shukulu Kalunga navezikisa manene shukulu yange, namupwisa wakufuka manene. Co namwana matanga a vimanga, na vimembe, na vingombe, na siliva, na ngolinde, amo na vindungo va vanalume, na vindungo lalo va vanakazi, na tumelo, na vimulu. 36Sala, munakazi wa shukulu yange, wakitile nendi mwana wa munalume omo ikeye nakuluvala laja, co shukulu yange naana vyuma vyoshe kuli ikeye. 37Ngecivene, shukulu yange wanjisingisile ngwendi, ‘Kesi ukambatele munange munakazi wa ku muyati wa vaKanana, vavenya lifuti muno munjili embwe. 38Oloni, ukaya ku vanu va tate kuli vavushoko vwange, co ukamwangwilako munakazi kuje.’ 39Co yange njehwile shukulu yange ngwange, ‘Vatijo nga mumbanda akavyana kwija nange amo?’ 40Co wanjikumbulwile ngwendi, ‘Shukulu Kalunga, uje injononoka visimbu vyoshe, akatuma kangelo kendi amo nove, kukuvwaesela vya ngila yove. Yove ukambatela munange munakazi kuli vavushoko vwange, munakazi wa ku naanga ya tate. 41Kuli ngila imolika ngeci yove ukapatuke ku cisingo cove, nga yove uya kuli vavushoko vwange, co nga vakevo vakakuvyana, cooni yove unapatuka.’
42“Omo lelo njinetele ku lisima, njinalombelele ngwange, ‘Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila. 43Kenga, yange uno ano a lisima. Omo mumbanda aija mukutekula mema a lisima, njikamulomba kunjanako mema akunwa a mu njava yendi. 44Nga atava ngwendi, nwa, co anwisa lalo tumelo twange, co ikeye akapwe vene uje iwangwile kupwa munakazi wa muna shukulu yange.’ 45Omo simbu kanda njicimanese lilombelo lyange, co kenga, Lembeka, wezile na njava yakutekula mema a citsili cendi, washelumukile ku lisima mukutekula mema, co njendekele kuli ikeye ngwange, ‘Njilombako mema akunwa.’ 46Co vwasi-vwasi watulile njava yendi ya mema wendeka ngwendi, ‘Nweni, co lalo njinwisa tumelo tweni.’ Ngecivene, njanwile, asinoni wanwisile lalo tumelo twange. 47Co njamwihwile ngwange, ‘Isho iya?’ Ikeye wanjikumbulwile ngwendi, ‘Tate Mbetwele muna Nahole na Mileka.’ Co njamwakele kanzeya ka ngolinde ka ndando yakama mu majulu endi, na makayi avali akama a ngolinde ku mavoko endi. 48Asinoni njatsikamene nakulemesa Shukulu Kalunga. Co njashangazalele Shukulu Kalunga, Njambi ya shukulu yange Avilahama, uje nanjitwamenenene vushunga-shunga kuli vavushoko vwa shukulu yange, ngeci njawana mumbanda apwe munakazi wa muna shukulu yange. 49Cooni, nga munakundu muzimbu wa shukulu yange, mwane njilekeni. Nga sheni, co lalo endekeni, ngeci njiyongole munjilinga.”
50Lambani na Mbetwele vamukumbulwile ngwavo, “Cuma eci cinatundu kuli Shukulu Kalunga, kutwasa kukukumbulula mwamuvi nambe mwamuvwa embwe. 51Kenga, Lembeka ou, mwambate uye nendi, ngeci akapwe munakazi wa muna shukulu yove, ngwe omwo vavenya Shukulu Kalunga nendekamo.” 52Omo ngamba ya Avilahama wazivile majwi awa, co watsikamene, nakulemesa Shukulu Kalunga. 53Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.
54Asinoni uje ngamba ya Avilahama na vaje vanu vendi valile nakunwa, co valalele kuje vene. Omo vendukile mutondo ngamba ya Avilahama wendekele ngwendi, “Njishuuleni oni njiiluke kuli shukulu yange.”
55Oloni ndolome ya Lembeka na vaina vendekele ngwavo, “Acitave ou mumbanda acikale netu matangwa atanu na avali, nambe matangwa likumi, asinoni aye.”
56Oloni uje ngamba wavalekele ngwendi, “Kesi munjishwalese embwe, omwo Shukulu Kalunga navwaesa laja vungenzi vwange. Njishuuleni ngeci njiiluke kuli shukulu yange.”
57Vamukumbulwile ngwavo, “Tusaneni mumbanda ngeci twakuzive mwakwendekela ikeye vavenya.” 58Ngecivene, vasanene Lembeka, co vamwihwile ngwavo, “Lembeka, unatava kuya nou munalume ndi?”
Co Lembeka wavakumbulwile ngwendi, “Eyo mwane, njinatava kuya nendi.”
59Co vashuwile Lembeka na mukwasi wendi wa ku naanga yendi, vaile amo na ngamba ya Avilahama na vanu vendi. 60Co vavezikisile Lembeka na majwi awa ngwavo,
“Ove ndokazi yetu, ukapwe cisemi ca makulukazi a makulukazi!
Co lalo vatekulwila vove vakafungulule vinganda vya vitozi vavo!”
61Asinoni Lembeka na vaje vangamba vendi valivwaesele, co valondele a tumelo, vaile amo na uje ngamba ya Avilahama.
62Ngecivene, Isake, watundile ku mambo ya “Lisima lya Muka-kuyoya Uje Nanjimono,” co ikeye wakele mu mbwela ya lifuti lya Kanana. 63Co Isake watuukile a simbu ya cingwezi, nakwimazala ku mahya, co kenga, wamwene tumelo valinakwija. 64Omo Lembeka wamwene Isake, washulukile a kamelo kendi, 65wehwile uje ngamba ya Avilahama ngwendi, “Iyajo uje munalume alinakwija mu lihya nakutushesha?”
Co uje ngamba wamukumbulwile ngwendi, “Ikeye shukulu yange vene.” Ngeci Lembeka wanonele lilesu walifwikile ku mesho endi.
66Co uje ngamba walekele Isake vyuma vyoshe vije vyalingile. 67Asinoni Isake watwalele Lembeka mu mbalaka ya vaina Sala, co wapwile munakazi wendi. Ngecivene, Isake wazemene Lembeka, walizembelekele nendi a kutsa kwa vaina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006