Kushangumuka 26
26
Isake ali mu Ngelale
1Mu lifuti lije mwakele lalo njala ya lyangengela, kutuvakana njala ije yakeleko a simbu ya Avilahama. Co Isake waile ku Ngelale kuli Ambimeleki, mwene wa vaFilisitiya. 2Shukulu Kalunga washolokele kuli Isake, wendekele ngwendi, “Kesi uye ku Ingito. Kala mu lifuti eli linjikuleka. 3Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama. 4Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika. 5#Kus 22:16-18 Njikakuvezikisa omwo Avilahama wanjononokele, co wanyungile mashiko ange oshe na vizilika vyange vije vinjamushikile.”
6Ngecivene, Isake wakele ku Ngelale. 7#Kus 12:13; 20:2 Omo vanalume va ku Ngelale vamwihwile ali munakazi wendi, Isake wavalekele ngwendi, “Ou napu ndokazi yange.” Isake watewele kwendeka ngwendi, “Ou napu munakazi wange,” omwo wakele na lyova ngwendi amo vanalume va ku mutambela uje vakamutsiya ngeci vambate Lembeka, omwo Lembeka akumukenga wapwile wamuvwa manene. 8Simbu imo, omo Isake wakele kuje, Ambimeleki mwene wa vaFilisitiya, omo wakengelele munjanena yendi, wamwene Isake alinakulisapula na munakazi wendi Lembeka. 9Co Ambimeleki wasanene Isake nakumwihula ngwendi, “Kuma ou wapwa munakazi wove! Omwo vikajo unendekele ngwove wapwa ndokazi yove?”
Isake wamukumbulwile ngwendi, “Njayongwele ngwange amo vakanjitsiya nga njendeka ngwange napu munakazi wange.”
10Co Ambimeleki wendekele kuli ikeye ngwendi, “Omwo vikajo walingilamo ngacije kuli yetu? Nga umo wa vanu vange nalalele na munakazi wove, nga unatuwanesa mulonga.” 11Ngecivene, Ambimeleki wanangwile vanu vendi voshe ngwendi, “Kesi kukale umo akayandese ou munalume na munakazi wendi, nga umo akalinga ngacije, co vakamutsiya.”
12Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile. 13Isake wakele nakunganyala noo wapwile fuki wakama manene. 14VaFilisitiya vakele na muuka ali ikeye omwo wakele na matanga amangi manene a vimanga na vingombe amo na vangamba vavangi. 15Co vazikile masima oshe aje vendile vangamba va ishe Avilahama a simbu ije Avilahama wakele nakuyoya.
16Asinoni Ambimeleki wendekele kuli Isake ngwendi, “Tunda mu lifuti lyetu omwo yove uli na nzili manene kutuvakana yetu.” 17Ngecivene, Isake wajalukile, wakatungile cilombo cendi mu Cimbongo ca Ngelale, co wakele kuje. 18Wofulwile masima aje vendile a simbu ya ishe Avilahama, aje vazikile vaFilisitiya omo Avilahama watsile, co Isake walukile aje masima mazina aje vene ishe wawalukile.
19Asinoni vangamba va Isake vendile lisima mu cimbongo, co vawanene mema, 20oloni tunyungi va ku Ngelale valizungile na tunyungi va Isake, vendekele ngwavo, “Mema awa apwa etu.” Ngecivene, Isake walukile lisima lije ngwendi “Kulizunga.”
21Vangamba va Isake vendile lisima likwavo, co valizungilelyo lalo, ngeci walilukile ngwendi “Cizindo.” 22Co watundile kuje nakuya alyala, kuje wakendile lisima likwavo lalo. Co lije kuvalizungilelyo, ngeci walilukile ngwendi “Kupatuka.” Wendekele ngwendi, “Ololo Shukulu Kalunga natupatula ngeci tuvezike mu lifuti lino.”
23Ngecivene, Isake watundile kuje, waile ku Mbeleshemba. 24Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.” 25Isake watungile mutula kuje nakulemesa Shukulu Kalunga. Asinoni watungile cilombo cendi kuje, co vangamba vendi vendile lisima likwavo lalo.
Lizivasano akati ka Isake na Ambimeleki
26 #
Kus 21:22
Ambimeleki watundile ku Ngelale amo na Ahuzete muka-kumunangula na Fikole muka-kushika mbunga ya mashwalale vendi, vaile mukumona Isake. 27Co Isake wavehwile ngwendi, “Omwo vikajo munezila kuli yange omwo yeni mwanjizinda, co mwanjishekele mu lifuti lyeni?”
28Co vakevo vamukumbulwile ngwavo, “Ololo tunazivuka ngwetu Shukulu Kalunga ali amo nove, twayongola ngwetu mwamuvwa kukale lizivasano lyakukola akati ketu. Co tulikumiiye 29ngeci kesi ukatulinge mwamuvi embwe, omwo yetu kutwakulingile mwamuvi. Twakuzivilile mema ku mbunge ngeci twakwecelele mu kwoloka. Co ololo cinasholoka mwa vushunga ngeci yove unapu wakuvezika kuli Shukulu Kalunga.” 30Asinoni Isake wavavwaeselele ciwano, co valile nakunwa. 31Alikaki mutondo-tondo, muvuvali vwavo valisingile. Ambimeleki walisalesele na Isake, co valyangunukile mu kwoloka.
32A litangwa lije vene, vangamba va Isake vezile nakumuleka a vya lisima lije vendile ngwavo, “Tunawana mema.” 33Co Isake walukile lije lisima ngwendi “Cisingo.” Aa akeo atunda lizina lya limbo lya Mbeleshemba.
Isau ambata vanakazi va vaHiti
34Omo Isau wakele na myaka makumi awana, wambatele vanakazi vavali va vaHiti, mazina avo, Njundisi muna Mbeli, na Mbasemate muna Elone. 35Vanakazi ava vakevo vanenele vusiwa kuli Isake na Lembeka.
Currently Selected:
Kushangumuka 26: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kushangumuka 26
26
Isake ali mu Ngelale
1Mu lifuti lije mwakele lalo njala ya lyangengela, kutuvakana njala ije yakeleko a simbu ya Avilahama. Co Isake waile ku Ngelale kuli Ambimeleki, mwene wa vaFilisitiya. 2Shukulu Kalunga washolokele kuli Isake, wendekele ngwendi, “Kesi uye ku Ingito. Kala mu lifuti eli linjikuleka. 3Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama. 4Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika. 5#Kus 22:16-18 Njikakuvezikisa omwo Avilahama wanjononokele, co wanyungile mashiko ange oshe na vizilika vyange vije vinjamushikile.”
6Ngecivene, Isake wakele ku Ngelale. 7#Kus 12:13; 20:2 Omo vanalume va ku Ngelale vamwihwile ali munakazi wendi, Isake wavalekele ngwendi, “Ou napu ndokazi yange.” Isake watewele kwendeka ngwendi, “Ou napu munakazi wange,” omwo wakele na lyova ngwendi amo vanalume va ku mutambela uje vakamutsiya ngeci vambate Lembeka, omwo Lembeka akumukenga wapwile wamuvwa manene. 8Simbu imo, omo Isake wakele kuje, Ambimeleki mwene wa vaFilisitiya, omo wakengelele munjanena yendi, wamwene Isake alinakulisapula na munakazi wendi Lembeka. 9Co Ambimeleki wasanene Isake nakumwihula ngwendi, “Kuma ou wapwa munakazi wove! Omwo vikajo unendekele ngwove wapwa ndokazi yove?”
Isake wamukumbulwile ngwendi, “Njayongwele ngwange amo vakanjitsiya nga njendeka ngwange napu munakazi wange.”
10Co Ambimeleki wendekele kuli ikeye ngwendi, “Omwo vikajo walingilamo ngacije kuli yetu? Nga umo wa vanu vange nalalele na munakazi wove, nga unatuwanesa mulonga.” 11Ngecivene, Ambimeleki wanangwile vanu vendi voshe ngwendi, “Kesi kukale umo akayandese ou munalume na munakazi wendi, nga umo akalinga ngacije, co vakamutsiya.”
12Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile. 13Isake wakele nakunganyala noo wapwile fuki wakama manene. 14VaFilisitiya vakele na muuka ali ikeye omwo wakele na matanga amangi manene a vimanga na vingombe amo na vangamba vavangi. 15Co vazikile masima oshe aje vendile vangamba va ishe Avilahama a simbu ije Avilahama wakele nakuyoya.
16Asinoni Ambimeleki wendekele kuli Isake ngwendi, “Tunda mu lifuti lyetu omwo yove uli na nzili manene kutuvakana yetu.” 17Ngecivene, Isake wajalukile, wakatungile cilombo cendi mu Cimbongo ca Ngelale, co wakele kuje. 18Wofulwile masima aje vendile a simbu ya ishe Avilahama, aje vazikile vaFilisitiya omo Avilahama watsile, co Isake walukile aje masima mazina aje vene ishe wawalukile.
19Asinoni vangamba va Isake vendile lisima mu cimbongo, co vawanene mema, 20oloni tunyungi va ku Ngelale valizungile na tunyungi va Isake, vendekele ngwavo, “Mema awa apwa etu.” Ngecivene, Isake walukile lisima lije ngwendi “Kulizunga.”
21Vangamba va Isake vendile lisima likwavo, co valizungilelyo lalo, ngeci walilukile ngwendi “Cizindo.” 22Co watundile kuje nakuya alyala, kuje wakendile lisima likwavo lalo. Co lije kuvalizungilelyo, ngeci walilukile ngwendi “Kupatuka.” Wendekele ngwendi, “Ololo Shukulu Kalunga natupatula ngeci tuvezike mu lifuti lino.”
23Ngecivene, Isake watundile kuje, waile ku Mbeleshemba. 24Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.” 25Isake watungile mutula kuje nakulemesa Shukulu Kalunga. Asinoni watungile cilombo cendi kuje, co vangamba vendi vendile lisima likwavo lalo.
Lizivasano akati ka Isake na Ambimeleki
26 #
Kus 21:22
Ambimeleki watundile ku Ngelale amo na Ahuzete muka-kumunangula na Fikole muka-kushika mbunga ya mashwalale vendi, vaile mukumona Isake. 27Co Isake wavehwile ngwendi, “Omwo vikajo munezila kuli yange omwo yeni mwanjizinda, co mwanjishekele mu lifuti lyeni?”
28Co vakevo vamukumbulwile ngwavo, “Ololo tunazivuka ngwetu Shukulu Kalunga ali amo nove, twayongola ngwetu mwamuvwa kukale lizivasano lyakukola akati ketu. Co tulikumiiye 29ngeci kesi ukatulinge mwamuvi embwe, omwo yetu kutwakulingile mwamuvi. Twakuzivilile mema ku mbunge ngeci twakwecelele mu kwoloka. Co ololo cinasholoka mwa vushunga ngeci yove unapu wakuvezika kuli Shukulu Kalunga.” 30Asinoni Isake wavavwaeselele ciwano, co valile nakunwa. 31Alikaki mutondo-tondo, muvuvali vwavo valisingile. Ambimeleki walisalesele na Isake, co valyangunukile mu kwoloka.
32A litangwa lije vene, vangamba va Isake vezile nakumuleka a vya lisima lije vendile ngwavo, “Tunawana mema.” 33Co Isake walukile lije lisima ngwendi “Cisingo.” Aa akeo atunda lizina lya limbo lya Mbeleshemba.
Isau ambata vanakazi va vaHiti
34Omo Isau wakele na myaka makumi awana, wambatele vanakazi vavali va vaHiti, mazina avo, Njundisi muna Mbeli, na Mbasemate muna Elone. 35Vanakazi ava vakevo vanenele vusiwa kuli Isake na Lembeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006