San Lucas 4
4
Li Jesús quiyaleꞌ ra̱lenquil xban laj tza
1Li Jesús nujenak chi Santil Musikꞌej nak qui-el saꞌ li naꞌajej cuan cuiꞌ li nimaꞌ Jordán. Li Santil Musikꞌej quixcꞌut chiru nak tento ta̱xic saꞌ li chaki chꞌochꞌ bar ma̱cꞌaꞌ cuiꞌ cristian. 2Ut aran quicuan caꞌcꞌa̱l cutan. Ut laj tza quixyal ra̱lenquil. Abanan incꞌaꞌ quixqꞌue rib chi a̱le̱c. Chiruheb li cutan aꞌan ma̱cꞌaꞌ naxtzaca ut saꞌ xrakic li caꞌcꞌa̱l cutan quichal xtzꞌocajic. 3Laj tza quixye re: —Cui tzꞌakal ya̱l nak la̱at Ralal li Dios, sukꞌisi chokꞌ caxlan cua li pec aꞌin, chan. 4Li Jesús quichakꞌoc ut quixye: —Tzꞌi̱banbil saꞌ li Santil Hu chi joꞌcaꞌin:
Ma̱cuaꞌ caꞌaj cuiꞌ riqꞌuin li naxtzaca yoꞌyo̱k cuiꞌ li cui̱nk, chan. (Deut. 8:3a)
5Tojoꞌnak laj tza quixcꞌam li Jesús saꞌ jun li tzu̱l kꞌaxal najt xteram ut saꞌ li ho̱nal ajcuiꞌ aꞌan quixcꞌut chiru chixjunileb li xni̱nkal ru tenamit li cuan saꞌ ruchichꞌochꞌ. 6Laj tza quixye re li Jesús: —Tinkꞌaxtesi saꞌ a̱cuukꞌ li xni̱nkal ru tenamit aꞌan ut lix lokꞌal. Eb li tenamit aꞌan kꞌaxtesinbileb saꞌ cuukꞌ la̱in ut naru ninqꞌue re li ani tincuaj la̱in. 7Chixjunil aꞌan tinqꞌue a̱cue cui la̱at ta̱cuikꞌib a̱cuib chicuu ut tina̱lokꞌoni, chan. 8Quichakꞌoc li Jesús ut quixye re: —Elen chicuu la̱at aj tza xban nak joꞌcaꞌin tzꞌi̱banbil saꞌ li Santil Hu:
Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak, chan. (Deut. 6:13)
9Ut laj tza quixcꞌam li Jesús saꞌ li tenamit Jerusalén ut coxxakab toj takecꞌ saꞌ xbe̱n li templo. Quixye re: —Cui tzꞌakal ya̱l nak la̱at Ralal li Dios, cut a̱cuib takꞌa. 10Ma̱cꞌaꞌ ta̱cꞌul xban nak joꞌcaꞌin tzꞌi̱banbil saꞌ li Santil Hu:
Tixtaklaheb lix ángel cha̱cuilbal.
11Ut riqꞌuin rukꞌeb tateꞌxchap re nak incꞌaꞌ ta̱tochꞌ la̱ cuok chiru pec, chan. (Sal. 91:11-12)
12Li Jesús quichakꞌoc ut quixye re: —Tzꞌi̱banbil ajcuiꞌ saꞌ li Santil Hu chi joꞌcaꞌin:
Ma̱tzꞌa̱ma xmilagro li Ka̱cuaꞌ la̱ Dios yal chi ma̱cꞌaꞌ rajbal.— (Deut. 6:16)
13Quiril laj tza nak incꞌaꞌ quiru ra̱lenquil li Jesús, toj quixcanab cuan.
Nak quixtiquib lix cꞌanjel li Jesús aran Galilea
14Ut quisukꞌi li Jesús Galilea chi cuan xcuanquil li Santil Musikꞌej riqꞌuin. Saꞌ chixjunil li naꞌajej li cuanqueb chi xjun sutam li tenamit Galilea, queꞌrabi resil li Jesús. 15Yo̱ chixchꞌolobanquil lix ya̱lal saꞌ eb li cab li nequeꞌxchꞌutub cuiꞌ ribeb laj judío. Ut chixjunileb yo̱queb chixqꞌuebal xlokꞌal.
Quitzꞌekta̱na̱c li Jesús saꞌ li tenamit Nazaret li quiqꞌui cuiꞌ
16Saꞌ jun li cutan quicuulac li Jesús saꞌ li tenamit Nazaret li quiqꞌui cuiꞌ. Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío joꞌ cꞌaynak xba̱nunquil. Ut quixakli chiruheb re ta̱ril xsaꞌ li Santil Hu. 17Quiqꞌueheꞌ re li hu li quixtzꞌi̱ba li profeta Isaías. Nak quixte, quixtau aran li a̱tin li naxye chi joꞌcaꞌin:
18Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.
19Quinixtakla xyebal resil nak ac xcuulac xkꞌehil nak li Ka̱cuaꞌ tixcoleb lix tenamit. (Isa. 61:1-2)
20Nak quixbot li hu, quixkꞌaxtesi re li nacꞌanjelac saꞌ li cab aꞌan ut quicꞌojla chiruheb. Ut chixjunileb li cuanqueb aran queꞌcana chirilbal li Jesús. 21Quixye reheb: —Anakcuan xtzꞌakloc ru che̱ru li cꞌaꞌru tzꞌi̱banbil chak saꞌ li Santil Hu aꞌin, chan. 22Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb. 23Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue. 24Ut quixye ajcuiꞌ reheb: —Chi ya̱l tinye a̱cue ma̱ jun profeta nacꞌuleꞌ ta chi cha̱bil saꞌ lix tenamit. 25Relic chi ya̱l nak nabaleb li xma̱lcaꞌan saꞌ li tenamit Israel nak quicuan laj Elías chokꞌ profeta. Saꞌ eb li cutan aꞌan incꞌaꞌ quixqꞌue hab chiru oxib chihab riqꞌuin cuakib po. Ut cꞌajoꞌ li cueꞌej quicuan saꞌ li tenamit aꞌan. 26Usta ra queꞌxcꞌul eb aꞌan, aban incꞌaꞌ quitakla̱c li profeta Elías chixtenkꞌanquileb li xma̱lcaꞌan aj judío. Quitakla̱c ban chixtenkꞌanquil jun li xma̱lcaꞌan li ma̱cuaꞌ aj judío cuan saꞌ li naꞌajej Sarepta li cuan nachꞌ riqꞌuin li tenamit Sidón. 27Joꞌcan ajcuiꞌ saꞌ eb li cutan nak cua̱nk chokꞌ profeta laj Eliseo, nabaleb li saklep rixeb aran Israel. Abanan ma̱ jun reheb laj judío quiqꞌuirtesi̱c. Caꞌaj cuiꞌ jun li cui̱nk li ma̱cuaꞌ aj judío. Li cui̱nk aꞌan aj Naamán xcꞌabaꞌ. Siria xtenamit, chan li Jesús. 28Nak queꞌrabi li a̱tin aꞌin chixjunileb li chꞌutchꞌu̱queb aran, cꞌajoꞌ nak queꞌjoskꞌoꞌ. 29Quilajeꞌcuacli chixjunileb li cuanqueb aran ut queꞌrisi li Jesús saꞌ li tenamit ut queꞌxcꞌam toj saꞌ xbe̱n li tzu̱l li cꞌojcꞌo cuiꞌ lix tenamiteb re nak teꞌxcut chak toj takꞌa. 30Abanan li Jesús quinumeꞌ saꞌ xya̱nkeb ut co̱.
Li Jesús quixqꞌuirtesi jun li cui̱nk cuan ma̱us aj musikꞌej riqꞌuin
31Li Jesús co̱ saꞌ li tenamit Capernaum li cuan saꞌ xcue̱nt Galilea. Yo̱ chixchꞌolobanquil lix ya̱lal chiruheb li tenamit saꞌ eb li hiloba̱l cutan saꞌ li cab li nequeꞌxchꞌutub cuiꞌ ribeb laj judío. 32Naxcꞌut lix ya̱lal chiruheb chi cuan xcuanquil. Ut chixjunileb li yo̱queb chi abi̱nc re queꞌsach xchꞌo̱l chirabinquil li tijleb li yo̱ chixyebal xban nak naxcꞌut lix ya̱lal chiruheb chi cuan xcuanquil. 33Cuan jun li cui̱nk saꞌ xya̱nkeb cuan ma̱us aj musikꞌej riqꞌuin. Qui-oc chixjapbal re chi cau ut quixye: 34—Canabo kajunes. ¿Cꞌaꞌru ta̱cuaj kiqꞌuin, at Jesús aj Nazaret? ¿Ma xatchal chikasachbal? La̱in ninnau nak la̱at lix Santil Alal li Dios, chan. 35Abanan li Jesús quixkꞌus li ma̱us aj musikꞌej ut quixye re: —La̱at ma̱us aj musikꞌej, matchokin. Elen riqꞌuin li cui̱nk aꞌin, chan li Jesús. Ut li ma̱us aj musikꞌej quixtꞌan li cui̱nk chiruheb aꞌan, ut qui-el riqꞌuin ut ma̱cꞌaꞌ quixba̱nu re. 36Chixjunileb li queꞌiloc re, cꞌajoꞌ nak queꞌxucuac ut yo̱queb chixyebal chi ribileb rib: —¿Cꞌaꞌru xya̱lal aꞌin? ¿Cꞌaꞌru li tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, aꞌan nequeꞌxba̱nu, chanqueb. 37Ut queꞌrabi resil saꞌ chixjunileb li tenamit xcue̱nt Galilea cꞌaꞌru quixba̱nu li Jesús.
Li Jesús quixqꞌuirtesi lix naꞌ li rixakil laj Simón Pedro
38Nak qui-el saꞌ li cab li nequeꞌxchꞌutub cuiꞌ ribeb laj judío, li Jesús co̱ saꞌ li rochoch laj Simón. Lix naꞌ li rixakil laj Simón yocyo. Yo̱ xtik. Queꞌxtzꞌa̱ma chiru li Jesús nak tixqꞌuirtesi. 39Li Jesús quijiloc riqꞌuin li yaj ut quixqꞌuirtesi. Ut saꞌ ajcuiꞌ li ho̱nal aꞌan quicuacli li ixk ut qui-oc chi cꞌanjelac chiruheb. 40Nak ac yo̱ chi ecuu̱c, chixjunileb li cuanqueb xyaj, aꞌ yal cꞌaꞌru xyajeleb, quilajeꞌxcꞌam chak riqꞌuin li Jesús. Ut aꞌan quixqꞌue li rukꞌ saꞌ xbe̱neb ut quixqꞌuirtesiheb. 41Ut nabaleb ajcuiꞌ li quirisi ma̱us aj musikꞌej riqꞌuineb. Li ma̱us aj musikꞌej nak nequeꞌel riqꞌuineb, japjo̱queb re chixyebal: —La̱at Ralal li Dios, chanqueb. Abanan li Jesús quixkꞌuseb ut incꞌaꞌ quixcanabeb chi a̱tinac xban nak eb aꞌan queꞌxnau nak aꞌan li Cristo, laj Colonel li yechiꞌinbil xban li Dios. 42Cuulajak chic nak ac xsake̱u, li Jesús co̱ saꞌ jun naꞌajej bar ma̱cꞌaꞌ cuan. Ut eb li tenamit yo̱queb chixsicꞌbal. Queꞌcuulac toj bar cuan cuiꞌ aꞌan ut queꞌraj raj nak quicana riqꞌuineb. Incꞌaꞌ raj queꞌraj nak ta̱xic. 43Abanan li Jesús quixye reheb: —Tento nak tinxic saꞌ jalan tenamit chixchꞌolobanquil li cha̱bil esilal chirix lix nimajcual cuanquilal li Dios xban nak aꞌan aj e nak xintakla̱c chak arin, chan. 44Ut yo̱ chixchꞌolobanquil lix ya̱lal saꞌ eb li cab li nequeꞌxchꞌutub cuiꞌ ribeb laj judío aran Galilea.
Currently Selected:
San Lucas 4: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
San Lucas 4
4
Li Jesús quiyaleꞌ ra̱lenquil xban laj tza
1Li Jesús nujenak chi Santil Musikꞌej nak qui-el saꞌ li naꞌajej cuan cuiꞌ li nimaꞌ Jordán. Li Santil Musikꞌej quixcꞌut chiru nak tento ta̱xic saꞌ li chaki chꞌochꞌ bar ma̱cꞌaꞌ cuiꞌ cristian. 2Ut aran quicuan caꞌcꞌa̱l cutan. Ut laj tza quixyal ra̱lenquil. Abanan incꞌaꞌ quixqꞌue rib chi a̱le̱c. Chiruheb li cutan aꞌan ma̱cꞌaꞌ naxtzaca ut saꞌ xrakic li caꞌcꞌa̱l cutan quichal xtzꞌocajic. 3Laj tza quixye re: —Cui tzꞌakal ya̱l nak la̱at Ralal li Dios, sukꞌisi chokꞌ caxlan cua li pec aꞌin, chan. 4Li Jesús quichakꞌoc ut quixye: —Tzꞌi̱banbil saꞌ li Santil Hu chi joꞌcaꞌin:
Ma̱cuaꞌ caꞌaj cuiꞌ riqꞌuin li naxtzaca yoꞌyo̱k cuiꞌ li cui̱nk, chan. (Deut. 8:3a)
5Tojoꞌnak laj tza quixcꞌam li Jesús saꞌ jun li tzu̱l kꞌaxal najt xteram ut saꞌ li ho̱nal ajcuiꞌ aꞌan quixcꞌut chiru chixjunileb li xni̱nkal ru tenamit li cuan saꞌ ruchichꞌochꞌ. 6Laj tza quixye re li Jesús: —Tinkꞌaxtesi saꞌ a̱cuukꞌ li xni̱nkal ru tenamit aꞌan ut lix lokꞌal. Eb li tenamit aꞌan kꞌaxtesinbileb saꞌ cuukꞌ la̱in ut naru ninqꞌue re li ani tincuaj la̱in. 7Chixjunil aꞌan tinqꞌue a̱cue cui la̱at ta̱cuikꞌib a̱cuib chicuu ut tina̱lokꞌoni, chan. 8Quichakꞌoc li Jesús ut quixye re: —Elen chicuu la̱at aj tza xban nak joꞌcaꞌin tzꞌi̱banbil saꞌ li Santil Hu:
Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak, chan. (Deut. 6:13)
9Ut laj tza quixcꞌam li Jesús saꞌ li tenamit Jerusalén ut coxxakab toj takecꞌ saꞌ xbe̱n li templo. Quixye re: —Cui tzꞌakal ya̱l nak la̱at Ralal li Dios, cut a̱cuib takꞌa. 10Ma̱cꞌaꞌ ta̱cꞌul xban nak joꞌcaꞌin tzꞌi̱banbil saꞌ li Santil Hu:
Tixtaklaheb lix ángel cha̱cuilbal.
11Ut riqꞌuin rukꞌeb tateꞌxchap re nak incꞌaꞌ ta̱tochꞌ la̱ cuok chiru pec, chan. (Sal. 91:11-12)
12Li Jesús quichakꞌoc ut quixye re: —Tzꞌi̱banbil ajcuiꞌ saꞌ li Santil Hu chi joꞌcaꞌin:
Ma̱tzꞌa̱ma xmilagro li Ka̱cuaꞌ la̱ Dios yal chi ma̱cꞌaꞌ rajbal.— (Deut. 6:16)
13Quiril laj tza nak incꞌaꞌ quiru ra̱lenquil li Jesús, toj quixcanab cuan.
Nak quixtiquib lix cꞌanjel li Jesús aran Galilea
14Ut quisukꞌi li Jesús Galilea chi cuan xcuanquil li Santil Musikꞌej riqꞌuin. Saꞌ chixjunil li naꞌajej li cuanqueb chi xjun sutam li tenamit Galilea, queꞌrabi resil li Jesús. 15Yo̱ chixchꞌolobanquil lix ya̱lal saꞌ eb li cab li nequeꞌxchꞌutub cuiꞌ ribeb laj judío. Ut chixjunileb yo̱queb chixqꞌuebal xlokꞌal.
Quitzꞌekta̱na̱c li Jesús saꞌ li tenamit Nazaret li quiqꞌui cuiꞌ
16Saꞌ jun li cutan quicuulac li Jesús saꞌ li tenamit Nazaret li quiqꞌui cuiꞌ. Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío joꞌ cꞌaynak xba̱nunquil. Ut quixakli chiruheb re ta̱ril xsaꞌ li Santil Hu. 17Quiqꞌueheꞌ re li hu li quixtzꞌi̱ba li profeta Isaías. Nak quixte, quixtau aran li a̱tin li naxye chi joꞌcaꞌin:
18Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.
19Quinixtakla xyebal resil nak ac xcuulac xkꞌehil nak li Ka̱cuaꞌ tixcoleb lix tenamit. (Isa. 61:1-2)
20Nak quixbot li hu, quixkꞌaxtesi re li nacꞌanjelac saꞌ li cab aꞌan ut quicꞌojla chiruheb. Ut chixjunileb li cuanqueb aran queꞌcana chirilbal li Jesús. 21Quixye reheb: —Anakcuan xtzꞌakloc ru che̱ru li cꞌaꞌru tzꞌi̱banbil chak saꞌ li Santil Hu aꞌin, chan. 22Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb. 23Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue. 24Ut quixye ajcuiꞌ reheb: —Chi ya̱l tinye a̱cue ma̱ jun profeta nacꞌuleꞌ ta chi cha̱bil saꞌ lix tenamit. 25Relic chi ya̱l nak nabaleb li xma̱lcaꞌan saꞌ li tenamit Israel nak quicuan laj Elías chokꞌ profeta. Saꞌ eb li cutan aꞌan incꞌaꞌ quixqꞌue hab chiru oxib chihab riqꞌuin cuakib po. Ut cꞌajoꞌ li cueꞌej quicuan saꞌ li tenamit aꞌan. 26Usta ra queꞌxcꞌul eb aꞌan, aban incꞌaꞌ quitakla̱c li profeta Elías chixtenkꞌanquileb li xma̱lcaꞌan aj judío. Quitakla̱c ban chixtenkꞌanquil jun li xma̱lcaꞌan li ma̱cuaꞌ aj judío cuan saꞌ li naꞌajej Sarepta li cuan nachꞌ riqꞌuin li tenamit Sidón. 27Joꞌcan ajcuiꞌ saꞌ eb li cutan nak cua̱nk chokꞌ profeta laj Eliseo, nabaleb li saklep rixeb aran Israel. Abanan ma̱ jun reheb laj judío quiqꞌuirtesi̱c. Caꞌaj cuiꞌ jun li cui̱nk li ma̱cuaꞌ aj judío. Li cui̱nk aꞌan aj Naamán xcꞌabaꞌ. Siria xtenamit, chan li Jesús. 28Nak queꞌrabi li a̱tin aꞌin chixjunileb li chꞌutchꞌu̱queb aran, cꞌajoꞌ nak queꞌjoskꞌoꞌ. 29Quilajeꞌcuacli chixjunileb li cuanqueb aran ut queꞌrisi li Jesús saꞌ li tenamit ut queꞌxcꞌam toj saꞌ xbe̱n li tzu̱l li cꞌojcꞌo cuiꞌ lix tenamiteb re nak teꞌxcut chak toj takꞌa. 30Abanan li Jesús quinumeꞌ saꞌ xya̱nkeb ut co̱.
Li Jesús quixqꞌuirtesi jun li cui̱nk cuan ma̱us aj musikꞌej riqꞌuin
31Li Jesús co̱ saꞌ li tenamit Capernaum li cuan saꞌ xcue̱nt Galilea. Yo̱ chixchꞌolobanquil lix ya̱lal chiruheb li tenamit saꞌ eb li hiloba̱l cutan saꞌ li cab li nequeꞌxchꞌutub cuiꞌ ribeb laj judío. 32Naxcꞌut lix ya̱lal chiruheb chi cuan xcuanquil. Ut chixjunileb li yo̱queb chi abi̱nc re queꞌsach xchꞌo̱l chirabinquil li tijleb li yo̱ chixyebal xban nak naxcꞌut lix ya̱lal chiruheb chi cuan xcuanquil. 33Cuan jun li cui̱nk saꞌ xya̱nkeb cuan ma̱us aj musikꞌej riqꞌuin. Qui-oc chixjapbal re chi cau ut quixye: 34—Canabo kajunes. ¿Cꞌaꞌru ta̱cuaj kiqꞌuin, at Jesús aj Nazaret? ¿Ma xatchal chikasachbal? La̱in ninnau nak la̱at lix Santil Alal li Dios, chan. 35Abanan li Jesús quixkꞌus li ma̱us aj musikꞌej ut quixye re: —La̱at ma̱us aj musikꞌej, matchokin. Elen riqꞌuin li cui̱nk aꞌin, chan li Jesús. Ut li ma̱us aj musikꞌej quixtꞌan li cui̱nk chiruheb aꞌan, ut qui-el riqꞌuin ut ma̱cꞌaꞌ quixba̱nu re. 36Chixjunileb li queꞌiloc re, cꞌajoꞌ nak queꞌxucuac ut yo̱queb chixyebal chi ribileb rib: —¿Cꞌaꞌru xya̱lal aꞌin? ¿Cꞌaꞌru li tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, aꞌan nequeꞌxba̱nu, chanqueb. 37Ut queꞌrabi resil saꞌ chixjunileb li tenamit xcue̱nt Galilea cꞌaꞌru quixba̱nu li Jesús.
Li Jesús quixqꞌuirtesi lix naꞌ li rixakil laj Simón Pedro
38Nak qui-el saꞌ li cab li nequeꞌxchꞌutub cuiꞌ ribeb laj judío, li Jesús co̱ saꞌ li rochoch laj Simón. Lix naꞌ li rixakil laj Simón yocyo. Yo̱ xtik. Queꞌxtzꞌa̱ma chiru li Jesús nak tixqꞌuirtesi. 39Li Jesús quijiloc riqꞌuin li yaj ut quixqꞌuirtesi. Ut saꞌ ajcuiꞌ li ho̱nal aꞌan quicuacli li ixk ut qui-oc chi cꞌanjelac chiruheb. 40Nak ac yo̱ chi ecuu̱c, chixjunileb li cuanqueb xyaj, aꞌ yal cꞌaꞌru xyajeleb, quilajeꞌxcꞌam chak riqꞌuin li Jesús. Ut aꞌan quixqꞌue li rukꞌ saꞌ xbe̱neb ut quixqꞌuirtesiheb. 41Ut nabaleb ajcuiꞌ li quirisi ma̱us aj musikꞌej riqꞌuineb. Li ma̱us aj musikꞌej nak nequeꞌel riqꞌuineb, japjo̱queb re chixyebal: —La̱at Ralal li Dios, chanqueb. Abanan li Jesús quixkꞌuseb ut incꞌaꞌ quixcanabeb chi a̱tinac xban nak eb aꞌan queꞌxnau nak aꞌan li Cristo, laj Colonel li yechiꞌinbil xban li Dios. 42Cuulajak chic nak ac xsake̱u, li Jesús co̱ saꞌ jun naꞌajej bar ma̱cꞌaꞌ cuan. Ut eb li tenamit yo̱queb chixsicꞌbal. Queꞌcuulac toj bar cuan cuiꞌ aꞌan ut queꞌraj raj nak quicana riqꞌuineb. Incꞌaꞌ raj queꞌraj nak ta̱xic. 43Abanan li Jesús quixye reheb: —Tento nak tinxic saꞌ jalan tenamit chixchꞌolobanquil li cha̱bil esilal chirix lix nimajcual cuanquilal li Dios xban nak aꞌan aj e nak xintakla̱c chak arin, chan. 44Ut yo̱ chixchꞌolobanquil lix ya̱lal saꞌ eb li cab li nequeꞌxchꞌutub cuiꞌ ribeb laj judío aran Galilea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.