Lucas 21
21
Muchuq viüda ofrendashqan
Marcos 12.41-44
1Saypitanami templucho Jesús rikarqan ofrenda winakuyänan babulman rïcu runakuna ofrendata winaykäyaqta. 2Saynöpis rikarqan muchuq viüdata ishkay centävulata winaykaqta. 3Saymi Jesús nirqan: <<Rasunpami nï: Kay muchuq viüdami lapanpitapis mas askata winash. 4Wakinkunaqa pusuq qellaylantami winayash. Kay viüdami isanqa saylana rantipakunanpaq kaykaptinpis lapanta winash>>.
Templuta juchusiyänanpaq kashqanta Jesús wilashqan
Mateo 24.1-2; Marcos 13.1-2
5Templu perqaraq rumikuna kuyaylapaq kashqanta y templu shumaq adornash kashqanta parlayaptinmi Jesús nirqan: 6<<Kay lapan rikaykäyashqaykita chipyaqmi juchusiyanqa. Manami ni juk rumilapis perqaranqanasu>>.
Manaraq kutimuptin imano kananpaq Jesús nishqan
Mateo 24.3-28; Marcos 13.3-23
7Saymi Jesústa tapuyarqan: <<Rabí, ¿imaytaq nishqaykino kanqa? Sayno kananpaq ¿ima señaltaq kanqa?>>
8Sayno niyaptinmi Jesús nirqan: <<Cuidätaq pipis lulapaykäyäshunkiman. Askaqmi jutïcho shayämunqa: <Noqami Cristo kä> nir y <kay pasa ushakanqanami> nir. Sayno niyäshuptikipis ama chaskipäyankisu. 9Guërra kashqanta y wanusinakuy kashqanta mayarpis ama mansakäyaysu. Puntataqa saykunaraqmi kanqa. Sayno kaptinpis kay pasa manaraqmi ushakanqaraqsu>>.
10Mastapis Jesús nirqan: <<Juk nacionmi juk nacionwan guërrata rurayanqa y juk marka runakunami juk marka runakunawan wanusinakuyanqa. 11Pasapis fiyupami kuyunqa. Muchuypis y pestipis maysaychömi kanqa. Jana pasachöpis mansariypaq señalkunami rikakämunqa.
12<<Saykuna manaraq kaptinmi qatikachäyäshushpayki prësu sariyäshunki. Sinagögakunaman apaykur juzgayäshushpaykimi carcilmanpis wichqayäshunki. Noqaman yärakayämashqaykipitami reykunamanpis y gobernadorkunamanpis prësu apayäshunki. 13Saynöpami wilakuynïta paykunatapis wilapäyanki. 14Saycho imata parlayänaykipaqpis ama yarpachakuyankisu. 15Noqami tantiyasishayki imata niyänaykipaqpis. Saymi chikiyäshuqnikikunapis ima niytapis kamäpakuyanqasu.
16<<Qamkunapa contraykikunami sharkuyanqa mamayki, taytayki, wawqikikuna, aylluykikuna y reqinakuyashqaykikunapis. Wakinnikitaqa wanusiyäshunkimi. 17Noqaman yärakayämashqaykipitami pïmaypis chikiyäshunki. 18Sayno kaptinpis Tayta Dios manami kachaykuyäshunkisu. Manami juk aqsalaykipis oqrakanqasu. 19Imano nakarpis yärakamarqa salvakuyankimi.
20<<Soldädukuna Jerusalénta jiruruparaykaqta rikarmi ushakänanpaqna kaykashqanta musyayanki. 21Sayno kaykaqta rikar Judea markakunacho taqkuna jirkakunapa qeshpir aywakuyäsun. Jerusaléncho taqkunapis qeshpir aywakuyäsun. Chakrakunacho kaykaqkunapis markaman ama kutiyäsunsu. 22Say junaqkuna fiyupa castïgu kaptinmi Tayta Diospa palabrancho qelqaraykaqkuna lapanpis cumplikanqa.
23<<¡Ay imanöraq nakaykuyanqa qeshyaq warmikuna y iti wawayuq warmikuna! Maysaychöpis Israel runakunata Tayta Dios castigaptin fiyupami nakayanqa. 24Wakintami espädawan wanusiyanqa y wakin kaqtanami maysay nacionkunapa prësu apayanqa. Tayta Diosta mana cäsukuq runakunami Jerusalénta munaynincho sararäyanqa imayyaqpis Tayta Dios nishqanyaq.
Jesucristo kay pasaman kutimunanpaq kashqan
Mateo 24.29-31; Marcos 13.24-27
25<<Intipis killapis y qoyllarkunapis mansariypaqmi rikakuyanqa. Kay pasachönami lamar bunyaypa bunyar kuyuptin runakuna mansariywan turbatäyanqa. 26Jana pasapis suksukyaptinmi imapis kay pasata päsananpaq kashqanta yarpar runakuna pasaypa mansariywan pitiyanqa. 27Saypitanami runakuna rikayanqa Runapa Surin pukutay janancho chipipiykar seqaypa munayyuq shamuykaqta.#Dan. 7.13. 28Say nishqänöla lapanpis qalaykuptin valorta sarir kushikuyanki. Saykunata rikarmi musyayanki nakaykunapita Tayta Dios salvayäshunaykipaqna kaykashqanta>>.
29Saynölami tinkusiypa yachasir Jesús nirqan: <<Hïgus jachata y wakin jachatapis rikar tantiyakuyay. 30Raprankuna chinkimuqta rikarmi usya tiempu qalaykunanpaqna kashqanta musyayanki. 31Saynölami nishqäno päsaykashqanta rikar musyayanki Tayta Dios mandaykashqan cercachöna kashqanta. 32Rasunpami nï: Kanan tiempu runakuna manaraq ushakaptinmi lapan nishqäkuna cumplikanqa. 33Jana pasa y kay pasa ushakaptinpis noqa nishqäkuna manami ushakanqasu.
34<<Cuidätaq say junaq elaqpita shamur tariyäshunkiman jusalikuykäyaqta, shinkash kaykäyaqta y imaykayuqpis kayänaykipaq yarpachakur chukru shonqu kaykäyaqta. 35Elaqpita uywata trampa sarishqannömi kay pasacho lapan runakunata say junaq elaqpita sapunqa. 36Sayno kananpaq kaykaptinqa Tayta Diosta imaypis manakur kamarikushla kaykäyay. Saynöpami shamunanpaq kaq nakaykunapita qeshpir Runapa Surinpa nawpancho kushikuyankipaq>>.
37Junaqpami templucho Jesús yachasiq y sakaypanami Olivos lömaman aywaq saycho posädakunanpaq. 38Jesús yachasishqanta wiyayänanpaqmi tuta tutala lapan runakuna templuman aywayaq.
Currently Selected:
Lucas 21: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Lucas 21
21
Muchuq viüda ofrendashqan
Marcos 12.41-44
1Saypitanami templucho Jesús rikarqan ofrenda winakuyänan babulman rïcu runakuna ofrendata winaykäyaqta. 2Saynöpis rikarqan muchuq viüdata ishkay centävulata winaykaqta. 3Saymi Jesús nirqan: <<Rasunpami nï: Kay muchuq viüdami lapanpitapis mas askata winash. 4Wakinkunaqa pusuq qellaylantami winayash. Kay viüdami isanqa saylana rantipakunanpaq kaykaptinpis lapanta winash>>.
Templuta juchusiyänanpaq kashqanta Jesús wilashqan
Mateo 24.1-2; Marcos 13.1-2
5Templu perqaraq rumikuna kuyaylapaq kashqanta y templu shumaq adornash kashqanta parlayaptinmi Jesús nirqan: 6<<Kay lapan rikaykäyashqaykita chipyaqmi juchusiyanqa. Manami ni juk rumilapis perqaranqanasu>>.
Manaraq kutimuptin imano kananpaq Jesús nishqan
Mateo 24.3-28; Marcos 13.3-23
7Saymi Jesústa tapuyarqan: <<Rabí, ¿imaytaq nishqaykino kanqa? Sayno kananpaq ¿ima señaltaq kanqa?>>
8Sayno niyaptinmi Jesús nirqan: <<Cuidätaq pipis lulapaykäyäshunkiman. Askaqmi jutïcho shayämunqa: <Noqami Cristo kä> nir y <kay pasa ushakanqanami> nir. Sayno niyäshuptikipis ama chaskipäyankisu. 9Guërra kashqanta y wanusinakuy kashqanta mayarpis ama mansakäyaysu. Puntataqa saykunaraqmi kanqa. Sayno kaptinpis kay pasa manaraqmi ushakanqaraqsu>>.
10Mastapis Jesús nirqan: <<Juk nacionmi juk nacionwan guërrata rurayanqa y juk marka runakunami juk marka runakunawan wanusinakuyanqa. 11Pasapis fiyupami kuyunqa. Muchuypis y pestipis maysaychömi kanqa. Jana pasachöpis mansariypaq señalkunami rikakämunqa.
12<<Saykuna manaraq kaptinmi qatikachäyäshushpayki prësu sariyäshunki. Sinagögakunaman apaykur juzgayäshushpaykimi carcilmanpis wichqayäshunki. Noqaman yärakayämashqaykipitami reykunamanpis y gobernadorkunamanpis prësu apayäshunki. 13Saynöpami wilakuynïta paykunatapis wilapäyanki. 14Saycho imata parlayänaykipaqpis ama yarpachakuyankisu. 15Noqami tantiyasishayki imata niyänaykipaqpis. Saymi chikiyäshuqnikikunapis ima niytapis kamäpakuyanqasu.
16<<Qamkunapa contraykikunami sharkuyanqa mamayki, taytayki, wawqikikuna, aylluykikuna y reqinakuyashqaykikunapis. Wakinnikitaqa wanusiyäshunkimi. 17Noqaman yärakayämashqaykipitami pïmaypis chikiyäshunki. 18Sayno kaptinpis Tayta Dios manami kachaykuyäshunkisu. Manami juk aqsalaykipis oqrakanqasu. 19Imano nakarpis yärakamarqa salvakuyankimi.
20<<Soldädukuna Jerusalénta jiruruparaykaqta rikarmi ushakänanpaqna kaykashqanta musyayanki. 21Sayno kaykaqta rikar Judea markakunacho taqkuna jirkakunapa qeshpir aywakuyäsun. Jerusaléncho taqkunapis qeshpir aywakuyäsun. Chakrakunacho kaykaqkunapis markaman ama kutiyäsunsu. 22Say junaqkuna fiyupa castïgu kaptinmi Tayta Diospa palabrancho qelqaraykaqkuna lapanpis cumplikanqa.
23<<¡Ay imanöraq nakaykuyanqa qeshyaq warmikuna y iti wawayuq warmikuna! Maysaychöpis Israel runakunata Tayta Dios castigaptin fiyupami nakayanqa. 24Wakintami espädawan wanusiyanqa y wakin kaqtanami maysay nacionkunapa prësu apayanqa. Tayta Diosta mana cäsukuq runakunami Jerusalénta munaynincho sararäyanqa imayyaqpis Tayta Dios nishqanyaq.
Jesucristo kay pasaman kutimunanpaq kashqan
Mateo 24.29-31; Marcos 13.24-27
25<<Intipis killapis y qoyllarkunapis mansariypaqmi rikakuyanqa. Kay pasachönami lamar bunyaypa bunyar kuyuptin runakuna mansariywan turbatäyanqa. 26Jana pasapis suksukyaptinmi imapis kay pasata päsananpaq kashqanta yarpar runakuna pasaypa mansariywan pitiyanqa. 27Saypitanami runakuna rikayanqa Runapa Surin pukutay janancho chipipiykar seqaypa munayyuq shamuykaqta.#Dan. 7.13. 28Say nishqänöla lapanpis qalaykuptin valorta sarir kushikuyanki. Saykunata rikarmi musyayanki nakaykunapita Tayta Dios salvayäshunaykipaqna kaykashqanta>>.
29Saynölami tinkusiypa yachasir Jesús nirqan: <<Hïgus jachata y wakin jachatapis rikar tantiyakuyay. 30Raprankuna chinkimuqta rikarmi usya tiempu qalaykunanpaqna kashqanta musyayanki. 31Saynölami nishqäno päsaykashqanta rikar musyayanki Tayta Dios mandaykashqan cercachöna kashqanta. 32Rasunpami nï: Kanan tiempu runakuna manaraq ushakaptinmi lapan nishqäkuna cumplikanqa. 33Jana pasa y kay pasa ushakaptinpis noqa nishqäkuna manami ushakanqasu.
34<<Cuidätaq say junaq elaqpita shamur tariyäshunkiman jusalikuykäyaqta, shinkash kaykäyaqta y imaykayuqpis kayänaykipaq yarpachakur chukru shonqu kaykäyaqta. 35Elaqpita uywata trampa sarishqannömi kay pasacho lapan runakunata say junaq elaqpita sapunqa. 36Sayno kananpaq kaykaptinqa Tayta Diosta imaypis manakur kamarikushla kaykäyay. Saynöpami shamunanpaq kaq nakaykunapita qeshpir Runapa Surinpa nawpancho kushikuyankipaq>>.
37Junaqpami templucho Jesús yachasiq y sakaypanami Olivos lömaman aywaq saycho posädakunanpaq. 38Jesús yachasishqanta wiyayänanpaqmi tuta tutala lapan runakuna templuman aywayaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.