Vakatekivu 28
28
1A sa kacivi Jekope o Aisake, ka vakabula vua, ka sa kaya vua, “Mo kakua sara ni vakawati kei na dua na yalewa ni Kenani. 2Mo vakarau, ka lako ki Mesopotemia, ki na vale i Pecueli na tama i tinamu, ka la'ki taura kina e dua na goneyalewa mai kea me watimu, e dua vei ira na luve i Lepani na ganei tinamu. 3Me vakalougatataka na nomu vakawati na Kalou Kaukauwa o Jiova ka solia me vuqa na luvemu, mo yaco rawa kina mo tamadra e vuqa na veimatanitu. 4Me solia vei iko na Kalou o Jiova na veivakalougatataki me vaka sa solia vei Epara-ama, ka mo taukena talega na vanua o sa tiko kina oqo, na vanua sa solia na Kalou vei Epara-ama.”#Vteki 17.4-8 5Sa qai vakatalai Jekope yani o Aisake, ka sa mai lako yani o Jekope ki Mesopotemia vei Lepani na luve i Pecueli na kai Aramea, na ganei Repeka, na tina i Jekope kei Iso.
Taura Tale e Dua na Watina o Iso
6A sa kila o Iso ni sa vakalougatataki Jekope o Aisake ka sa vakatalai koya yani ki Mesopotemia me la'ki vakawati kei na dua na yalewa mai kea. Sa kila talega ni sa vakaroti koya ena gauna e sa vosa vakalougatataki koya kina me kakua sara ni vakawati kei na dua na yalewa ni Kenani. 7A sa kunea talega ni sa talairawarawa o Jekope vei rau na tamana kei na tinana, ka sa lako yani ki Mesopotemia. 8Ia sa qai kila o Iso ni sega ni vinakati ira na yalewa ni Kenani o tamana. 9A mai lako yani vei Isimeli ka la'ki vakawati tale kei na dua na yalewa, o Meleci na ganei Nepeioci na luve i Isimeli, o koya na luve i Epara-ama mei kuri ni watina.
Na Tadra i Jekope mai Peceli
10A sa biuti Perisepa o Jekope ka lako yani ki Karana.#Ym 10.10 11A sa yaco yani ki na dua na vanua ni sa bogi na vanua. A taura e dua na vatu e kea me nona i lokoloko, ka davo sobu me moce. 12Sa qai tadra o koya, ka raica ni sa tu e kea e dua na i kabakaba balavu, ka sa tu na vuna mai vuravura ka yaco yani i lomalagi na ulu ni kabakaba; era sa siro sobu ka cabe cake na agilosi i Jiova ena i kabakaba o ya.#Joni 1.51 13Ia sa duri tu e yasana#28.13 e yasana; se e delana. o Jiova, ka kaya vua, “Oi au o Jiova, na Kalou i Epara-ama na tamamu kei na Kalou i Aisake, au na solia na vanua o davo koto kina oqo vei iko kei ira na nomu kawa.#Vteki 13.14-15 14Era na lewe vuqa sara na nomu kawa me vaka na kuvu ni soso, era na tete yani ki na ra, ki na tokalau, ki na vualiku, ka vakakina ki na ceva. Ena vukumu kei ira na nomu kawa ka'u na vakalougatataki ira kina na veimatanitu kecega e vuravura.#28.14 Ena vukumu… e vuravura; se Na veimatanitu e vuravura era na kerei au me'u vakalougatataki ira me vaka ni'u sa vakalougatataki iko kei ira na nomu kawa. #Vteki 12.3; 22.18 15Au na tiko ga kei iko, ka taqomaki iko ena vanua kecega o lakova, ka'u na kauti iko lesu tale mai ki na vanua oqo. Au na sega sara ni laivi iko me yacova ni'u sa vakayacora rawa na ka au sa yalataka oqo vei iko.”
16Sa qai yadra mai ena nona moce o Jekope ka kaya, “Sa tiko vakaidina o Jiova ena vanua oqo, ia ka'u a sega tiko ni kila.” 17Sa qai tuburi koya na rere ka kaya, “Sa dua na vanua rerevaki oqo! Sai koya ga oqo na vale ni Kalou; sai koya oqo na matamata sa tadola yani ki lomalagi.”
18A sa yadra sara ena mataka lailai o Jekope, ka sa taura na vatu e vakalokoloko tiko kina, ka vakaduria me vatu ni vakananumi, ka lumuta na delana ena waiwai. 19Sa qai vakatoka me yaca ni vanua o ya o Peceli.#28.19 Peceli: Na yaca oqo e kena i balebale vakaiperiu na “vale ni Kalou”. (Na yaca ni koro o ya e liu o Lusa.) 20Sa qai bubului yani o Jekope ka kaya, “Kevaka ena tiko ga kei au na Kalou, ka taqomaki au ena noqu i lakolako oqo, ka solia vei au na kakana me'u kania kei na i sulu me'u vakaisulu kina, 21ia kevaka au na lesu bula tale mai ki na vale i tamaqu, o ni sa na qai noqu Kalou. 22Ia na vatu au sa vakaduria oqo me i vakananumi ena yaco me nomuni vale, ka'u na solia vei kemuni na dua na i katini ni ka kecega o ni solia vei au.”
Currently Selected:
Vakatekivu 28: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
Vakatekivu 28
28
1A sa kacivi Jekope o Aisake, ka vakabula vua, ka sa kaya vua, “Mo kakua sara ni vakawati kei na dua na yalewa ni Kenani. 2Mo vakarau, ka lako ki Mesopotemia, ki na vale i Pecueli na tama i tinamu, ka la'ki taura kina e dua na goneyalewa mai kea me watimu, e dua vei ira na luve i Lepani na ganei tinamu. 3Me vakalougatataka na nomu vakawati na Kalou Kaukauwa o Jiova ka solia me vuqa na luvemu, mo yaco rawa kina mo tamadra e vuqa na veimatanitu. 4Me solia vei iko na Kalou o Jiova na veivakalougatataki me vaka sa solia vei Epara-ama, ka mo taukena talega na vanua o sa tiko kina oqo, na vanua sa solia na Kalou vei Epara-ama.”#Vteki 17.4-8 5Sa qai vakatalai Jekope yani o Aisake, ka sa mai lako yani o Jekope ki Mesopotemia vei Lepani na luve i Pecueli na kai Aramea, na ganei Repeka, na tina i Jekope kei Iso.
Taura Tale e Dua na Watina o Iso
6A sa kila o Iso ni sa vakalougatataki Jekope o Aisake ka sa vakatalai koya yani ki Mesopotemia me la'ki vakawati kei na dua na yalewa mai kea. Sa kila talega ni sa vakaroti koya ena gauna e sa vosa vakalougatataki koya kina me kakua sara ni vakawati kei na dua na yalewa ni Kenani. 7A sa kunea talega ni sa talairawarawa o Jekope vei rau na tamana kei na tinana, ka sa lako yani ki Mesopotemia. 8Ia sa qai kila o Iso ni sega ni vinakati ira na yalewa ni Kenani o tamana. 9A mai lako yani vei Isimeli ka la'ki vakawati tale kei na dua na yalewa, o Meleci na ganei Nepeioci na luve i Isimeli, o koya na luve i Epara-ama mei kuri ni watina.
Na Tadra i Jekope mai Peceli
10A sa biuti Perisepa o Jekope ka lako yani ki Karana.#Ym 10.10 11A sa yaco yani ki na dua na vanua ni sa bogi na vanua. A taura e dua na vatu e kea me nona i lokoloko, ka davo sobu me moce. 12Sa qai tadra o koya, ka raica ni sa tu e kea e dua na i kabakaba balavu, ka sa tu na vuna mai vuravura ka yaco yani i lomalagi na ulu ni kabakaba; era sa siro sobu ka cabe cake na agilosi i Jiova ena i kabakaba o ya.#Joni 1.51 13Ia sa duri tu e yasana#28.13 e yasana; se e delana. o Jiova, ka kaya vua, “Oi au o Jiova, na Kalou i Epara-ama na tamamu kei na Kalou i Aisake, au na solia na vanua o davo koto kina oqo vei iko kei ira na nomu kawa.#Vteki 13.14-15 14Era na lewe vuqa sara na nomu kawa me vaka na kuvu ni soso, era na tete yani ki na ra, ki na tokalau, ki na vualiku, ka vakakina ki na ceva. Ena vukumu kei ira na nomu kawa ka'u na vakalougatataki ira kina na veimatanitu kecega e vuravura.#28.14 Ena vukumu… e vuravura; se Na veimatanitu e vuravura era na kerei au me'u vakalougatataki ira me vaka ni'u sa vakalougatataki iko kei ira na nomu kawa. #Vteki 12.3; 22.18 15Au na tiko ga kei iko, ka taqomaki iko ena vanua kecega o lakova, ka'u na kauti iko lesu tale mai ki na vanua oqo. Au na sega sara ni laivi iko me yacova ni'u sa vakayacora rawa na ka au sa yalataka oqo vei iko.”
16Sa qai yadra mai ena nona moce o Jekope ka kaya, “Sa tiko vakaidina o Jiova ena vanua oqo, ia ka'u a sega tiko ni kila.” 17Sa qai tuburi koya na rere ka kaya, “Sa dua na vanua rerevaki oqo! Sai koya ga oqo na vale ni Kalou; sai koya oqo na matamata sa tadola yani ki lomalagi.”
18A sa yadra sara ena mataka lailai o Jekope, ka sa taura na vatu e vakalokoloko tiko kina, ka vakaduria me vatu ni vakananumi, ka lumuta na delana ena waiwai. 19Sa qai vakatoka me yaca ni vanua o ya o Peceli.#28.19 Peceli: Na yaca oqo e kena i balebale vakaiperiu na “vale ni Kalou”. (Na yaca ni koro o ya e liu o Lusa.) 20Sa qai bubului yani o Jekope ka kaya, “Kevaka ena tiko ga kei au na Kalou, ka taqomaki au ena noqu i lakolako oqo, ka solia vei au na kakana me'u kania kei na i sulu me'u vakaisulu kina, 21ia kevaka au na lesu bula tale mai ki na vale i tamaqu, o ni sa na qai noqu Kalou. 22Ia na vatu au sa vakaduria oqo me i vakananumi ena yaco me nomuni vale, ka'u na solia vei kemuni na dua na i katini ni ka kecega o ni solia vei au.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.