VAKATEKIVU 19
19
Valavala Ca ni Kai Sotoma
1Ni rau yaco yani na agilosi ki Sotoma ena yakavi, a dabe toka o Loti ena matamata ni koro. Ena gauna sa raici rau kina, a tucake ka lako yani me tavaki rau. A tekiduru ka cuva sobu ki na qele, 2ka kaya vei rau, “Kemudrau na noqu turaga, au kerei kemudrau, mo drau mai vakacegu ena noqu vale ena bogi edaidai ka vuya na yavamudrau ka mo drau qai gole yani ki na nomudrau i lakolako ena mataka lailai.”
E rau a kaya, “Sega, keirau na qai moce ga e gaunisala.”
3A cikevi rau matua o Loti ka rau mani lako vata kaya ki na nona vale. Sa vavia eso na madrai, vakarautaka eso na kakana, ka rau vakayagataka.
4Ni bera ni rau davo na vulagi, era a vakavolivolita na vale na kai Sotoma. O ira kece sara na lewe ni koro, me tekivu vei ira na gone ka yaco vei ira na qase. 5Era a kacivi Loti yani ka tarogi koya, “Sa evei oi rau na tamata erau a lako mai me tiko kei iko ena bogi edaidai? Vakatalai rau mai ki tuba me keimami veiyacovi kei rau.”#Dvei 19.22-24
6A sa lako yani ki tuba o Loti ka sogota mai na katuba. 7Sa kaya vei ira, “Kemuni na wekaqu, au kerea mo ni kakua ni vakayacora na i tovo lolovira oqo. 8Raica, erau lewe rua na luvequ yalewa erau sa bera ni bau veiyacovi kei na tagane. Au sa na kauti rau mai vei kemuni ka mo ni qai lewa ga na ka o ni cakava vei rau. Ia mo ni kakua ga ni cakava e dua na ka vei rau na tamata oqo, ka ni rau sa vulagi mai ki na noqu vale.”
9Ia era sa qai kaya, “Toso tani yani, kai tani! O cei o iko mo mai lewa na ka keimami cakava? Toso tani sara de na qai ca vakalevu na ka keimami cakava vei iko.” Era a biligi Loti ka toso yani me ra basuka na katuba. 10Erau a qai dreti Loti na tamata e rua o ya ki loma ni vale ka sogota yani na katuba. 11E rau sa qai vakamatabokotaki ira kece sara era tiko e tautuba, ka ra sega ni kunea rawa kina na katuba.#2Tui 6.18
Sa Biuti Sotoma o Loti
12E rau a tarogi Loti na tamata o ya ka kaya, “E bau dua tale na wekamu e tiko eke? Mo kauti ira na luvemu tagane kei na luvemu yalewa, kei na wekamu kecega ena koro oqo ka lako tani yani, 13ni keirau na vakarusa na vanua oqo. Sa rogoca ko Jiova na veika vakasisila baleti ira na tamata oqo, sa mani talai keirau mai kina me keirau mai vakarusa na koro oqo o Sotoma.”
14A sa lako o Loti ka kaya vei rau na tagane a nanumi me watidrau na luvena yalewa, “Mo drau vakatotolo ka biuta na vanua oqo, ni na vakarusa ko Jiova.” Ia erau a qai nanuma ni veiwali wale ga o Loti.
15Ni kida na mataka, erau sa vakatotolotaki Loti na agilosi ka kaya, “Vakatotolo, kauta na watimu kei rau na luvemu yalewa ka lako tani yani mai na vanua oqo, ka me kakua ni yali na nomudou bula ena kena vakarusai na koro oqo.” 16A vakaberabera tiko o Loti. E rau sa qai taura na ligana, kei na watina, kei rau na luvena yalewa, ka kauti iratou yani ki na taudaku ni koro ka la'ki biuti iratou kina.#2Pita 2.7 17Ni ratou yaco yani ki na taudaku ni koro, a qai kaya vei Loti e dua na agilosi, “Mo dro yani, mo na bula kina, kakua ni rai ki muri, se vakacegu ena buca. Mo cici sara ki na ulunivanua, mo kakua kina ni mate.”
18A sa kaya o Loti, “Me kakua, au kerei kemudrau na noqu turaga. 19Raica, sa kune loloma na nomudrau tamata ena matamudrau, sa vakaraitaki na nomudrau loloma, ena kena vakavotaki na noqu bula. Sa rui yawa na veiulunivanua. Sa na yacovi au na veivakarusai ni'u bera ni yaco ki kea. 20Raica e dua ga na koro lailai o ya, sa bau voleka, ka rawa ni'u bau dro totolo yani kina.”
21A sa kaya na agilosi, “Au sa vakadonuya, au na sega ni vakarusa na koro oqori. 22Dro vakatotolo sara, ka ni'u sega ni rawa ni cakava e dua na ka, me yacova sara ni o sa yaco ki kea.”
A vakatokai me yaca ni koro o ya o Soa,#19.22 Soa: Na yaca oqo e balebale vaka na “lailai” ena vosa vakaiperiu. baleta ni a kaya o Loti ni koro lailai.
Vakarusai o Sotoma kei Komora
23A sa yaco ki Soa o Loti ni sa cabe mai na matanisiga. 24Sa qai vakatauca vakasauri mai lomalagi ko Jiova na sulifure waqa ki na koro o Sotoma kei Komora#Maciu 10.15; 11.23-24; Luke 10.12; 17.29; 2Pita 2.6; Juta 7 25ka sa vakarusai na veikoro kei na buca taucoko, vata kei na tamata kece ena veikoro oqo kei na veika bula kecega mai na qele. 26Ia sa rai lesu na wati Loti ni sa muri Loti tiko, ka sa yaco me duru masima.#Luke 17.32
27Ena mataka lailai ka tarava, a sou yani o Epara-ama ki na vanua ka a la'ki tu taumada kina ena mata i Jiova. 28Sa rai sobu vaka ki na koro o Sotoma kei Komora kei na buca taucoko, a vaka na kubou ni dua na lovo vakaitamera. 29Ena gauna e vakarusa kina na veikoro ena loma ni buca na Kalou, sa nanumi Epara-ama tiko ka lewa me dro bula mai kina o Loti.
Tekitekivu ni Luve i Moapi kei na Luve i Amoni
30A sa rere ni tiko mai Soa o Loti, ka mani lako yani ki na veidelana kei rau na luvena yalewa, ka la'ki vakaitikotiko ena dua na qara vatu. 31Sa qai kaya na luvena yalewa ka qase, “Sa qase mai na tamadaru, ka sa sega ni vo e dua na tagane ena vuravura taucoko#19.31 vuravura taucoko; se vanua oqo. me vakawati kei kedaru, me rawa ni daru vakaluveni kina. 32Lako mai, me daru vakamatenitaki tamadaru mada, me rawa kina ni daru moceri koya ka vakaluveni mai vua.” 33Ena bogi o ya, erau a qai vagunuvi koya ena waini, ka qai moceri tamana na luvena yalewa e qase cake. Sa rui sivia sara na mateni i Loti ka sa sega ni kila na veika sa yaco.
34Ena siga ka tarava a kaya na luve i Loti yalewa ka qase vei koya na gone, “Ena bogi au a moceri tamadaru; me daru vagunuvi koya tale mada ena bogi edaidai, ka mo qai moceri koya o iko. Sa na qai rawa kina ni daru vakaluveni ruarua vua na tamadaru.” 35Ena bogi o ya, erau a qai vagunuvi tamadrau tale ena waini ka qai moceri tamana kina o koya e gone; sa sivia talega na nona mateni ka sega ni vakila kina na ka oqo. 36Ena sala oqo erau sa bukete ruarua kina na luve i Loti yalewa mai vua na tamadrau. 37A sa vakasucu o koya e qase cake ka vakasucuma e dua na gonetagane, a sa vakatoka me yacana o Moapi.#19.37 Moapi: Na yaca oqo e balebale vaka na “mai vei tamaqu” ena vosa vakaiperiu. Oqo na tamadra na kai Moapi me yacova mai na gauna oqo. 38A sa vakasucu talega o koya e gone vei rau ka vakasucuma e dua na gonetagane, a sa vakatoka me yacana o Peniame.#19.38 Peniame: A kena i balebale vakaiperiu, “na luvena tagane na wekaqu” ka balebale vaka na “Amonaiti” ena vosa vakaiperiu. Oqo na tamadra na Amonaiti me yacova mai na gauna oqo.
Currently Selected:
VAKATEKIVU 19: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
VAKATEKIVU 19
19
Valavala Ca ni Kai Sotoma
1Ni rau yaco yani na agilosi ki Sotoma ena yakavi, a dabe toka o Loti ena matamata ni koro. Ena gauna sa raici rau kina, a tucake ka lako yani me tavaki rau. A tekiduru ka cuva sobu ki na qele, 2ka kaya vei rau, “Kemudrau na noqu turaga, au kerei kemudrau, mo drau mai vakacegu ena noqu vale ena bogi edaidai ka vuya na yavamudrau ka mo drau qai gole yani ki na nomudrau i lakolako ena mataka lailai.”
E rau a kaya, “Sega, keirau na qai moce ga e gaunisala.”
3A cikevi rau matua o Loti ka rau mani lako vata kaya ki na nona vale. Sa vavia eso na madrai, vakarautaka eso na kakana, ka rau vakayagataka.
4Ni bera ni rau davo na vulagi, era a vakavolivolita na vale na kai Sotoma. O ira kece sara na lewe ni koro, me tekivu vei ira na gone ka yaco vei ira na qase. 5Era a kacivi Loti yani ka tarogi koya, “Sa evei oi rau na tamata erau a lako mai me tiko kei iko ena bogi edaidai? Vakatalai rau mai ki tuba me keimami veiyacovi kei rau.”#Dvei 19.22-24
6A sa lako yani ki tuba o Loti ka sogota mai na katuba. 7Sa kaya vei ira, “Kemuni na wekaqu, au kerea mo ni kakua ni vakayacora na i tovo lolovira oqo. 8Raica, erau lewe rua na luvequ yalewa erau sa bera ni bau veiyacovi kei na tagane. Au sa na kauti rau mai vei kemuni ka mo ni qai lewa ga na ka o ni cakava vei rau. Ia mo ni kakua ga ni cakava e dua na ka vei rau na tamata oqo, ka ni rau sa vulagi mai ki na noqu vale.”
9Ia era sa qai kaya, “Toso tani yani, kai tani! O cei o iko mo mai lewa na ka keimami cakava? Toso tani sara de na qai ca vakalevu na ka keimami cakava vei iko.” Era a biligi Loti ka toso yani me ra basuka na katuba. 10Erau a qai dreti Loti na tamata e rua o ya ki loma ni vale ka sogota yani na katuba. 11E rau sa qai vakamatabokotaki ira kece sara era tiko e tautuba, ka ra sega ni kunea rawa kina na katuba.#2Tui 6.18
Sa Biuti Sotoma o Loti
12E rau a tarogi Loti na tamata o ya ka kaya, “E bau dua tale na wekamu e tiko eke? Mo kauti ira na luvemu tagane kei na luvemu yalewa, kei na wekamu kecega ena koro oqo ka lako tani yani, 13ni keirau na vakarusa na vanua oqo. Sa rogoca ko Jiova na veika vakasisila baleti ira na tamata oqo, sa mani talai keirau mai kina me keirau mai vakarusa na koro oqo o Sotoma.”
14A sa lako o Loti ka kaya vei rau na tagane a nanumi me watidrau na luvena yalewa, “Mo drau vakatotolo ka biuta na vanua oqo, ni na vakarusa ko Jiova.” Ia erau a qai nanuma ni veiwali wale ga o Loti.
15Ni kida na mataka, erau sa vakatotolotaki Loti na agilosi ka kaya, “Vakatotolo, kauta na watimu kei rau na luvemu yalewa ka lako tani yani mai na vanua oqo, ka me kakua ni yali na nomudou bula ena kena vakarusai na koro oqo.” 16A vakaberabera tiko o Loti. E rau sa qai taura na ligana, kei na watina, kei rau na luvena yalewa, ka kauti iratou yani ki na taudaku ni koro ka la'ki biuti iratou kina.#2Pita 2.7 17Ni ratou yaco yani ki na taudaku ni koro, a qai kaya vei Loti e dua na agilosi, “Mo dro yani, mo na bula kina, kakua ni rai ki muri, se vakacegu ena buca. Mo cici sara ki na ulunivanua, mo kakua kina ni mate.”
18A sa kaya o Loti, “Me kakua, au kerei kemudrau na noqu turaga. 19Raica, sa kune loloma na nomudrau tamata ena matamudrau, sa vakaraitaki na nomudrau loloma, ena kena vakavotaki na noqu bula. Sa rui yawa na veiulunivanua. Sa na yacovi au na veivakarusai ni'u bera ni yaco ki kea. 20Raica e dua ga na koro lailai o ya, sa bau voleka, ka rawa ni'u bau dro totolo yani kina.”
21A sa kaya na agilosi, “Au sa vakadonuya, au na sega ni vakarusa na koro oqori. 22Dro vakatotolo sara, ka ni'u sega ni rawa ni cakava e dua na ka, me yacova sara ni o sa yaco ki kea.”
A vakatokai me yaca ni koro o ya o Soa,#19.22 Soa: Na yaca oqo e balebale vaka na “lailai” ena vosa vakaiperiu. baleta ni a kaya o Loti ni koro lailai.
Vakarusai o Sotoma kei Komora
23A sa yaco ki Soa o Loti ni sa cabe mai na matanisiga. 24Sa qai vakatauca vakasauri mai lomalagi ko Jiova na sulifure waqa ki na koro o Sotoma kei Komora#Maciu 10.15; 11.23-24; Luke 10.12; 17.29; 2Pita 2.6; Juta 7 25ka sa vakarusai na veikoro kei na buca taucoko, vata kei na tamata kece ena veikoro oqo kei na veika bula kecega mai na qele. 26Ia sa rai lesu na wati Loti ni sa muri Loti tiko, ka sa yaco me duru masima.#Luke 17.32
27Ena mataka lailai ka tarava, a sou yani o Epara-ama ki na vanua ka a la'ki tu taumada kina ena mata i Jiova. 28Sa rai sobu vaka ki na koro o Sotoma kei Komora kei na buca taucoko, a vaka na kubou ni dua na lovo vakaitamera. 29Ena gauna e vakarusa kina na veikoro ena loma ni buca na Kalou, sa nanumi Epara-ama tiko ka lewa me dro bula mai kina o Loti.
Tekitekivu ni Luve i Moapi kei na Luve i Amoni
30A sa rere ni tiko mai Soa o Loti, ka mani lako yani ki na veidelana kei rau na luvena yalewa, ka la'ki vakaitikotiko ena dua na qara vatu. 31Sa qai kaya na luvena yalewa ka qase, “Sa qase mai na tamadaru, ka sa sega ni vo e dua na tagane ena vuravura taucoko#19.31 vuravura taucoko; se vanua oqo. me vakawati kei kedaru, me rawa ni daru vakaluveni kina. 32Lako mai, me daru vakamatenitaki tamadaru mada, me rawa kina ni daru moceri koya ka vakaluveni mai vua.” 33Ena bogi o ya, erau a qai vagunuvi koya ena waini, ka qai moceri tamana na luvena yalewa e qase cake. Sa rui sivia sara na mateni i Loti ka sa sega ni kila na veika sa yaco.
34Ena siga ka tarava a kaya na luve i Loti yalewa ka qase vei koya na gone, “Ena bogi au a moceri tamadaru; me daru vagunuvi koya tale mada ena bogi edaidai, ka mo qai moceri koya o iko. Sa na qai rawa kina ni daru vakaluveni ruarua vua na tamadaru.” 35Ena bogi o ya, erau a qai vagunuvi tamadrau tale ena waini ka qai moceri tamana kina o koya e gone; sa sivia talega na nona mateni ka sega ni vakila kina na ka oqo. 36Ena sala oqo erau sa bukete ruarua kina na luve i Loti yalewa mai vua na tamadrau. 37A sa vakasucu o koya e qase cake ka vakasucuma e dua na gonetagane, a sa vakatoka me yacana o Moapi.#19.37 Moapi: Na yaca oqo e balebale vaka na “mai vei tamaqu” ena vosa vakaiperiu. Oqo na tamadra na kai Moapi me yacova mai na gauna oqo. 38A sa vakasucu talega o koya e gone vei rau ka vakasucuma e dua na gonetagane, a sa vakatoka me yacana o Peniame.#19.38 Peniame: A kena i balebale vakaiperiu, “na luvena tagane na wekaqu” ka balebale vaka na “Amonaiti” ena vosa vakaiperiu. Oqo na tamadra na Amonaiti me yacova mai na gauna oqo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.