Génesis 14
14
Lot wl̈ikara Abramdë
1-2Eshkoshko ga pjl̈upga dogl̈o pkëng (4), e ëngkjwono pjl̈upga dogl̈o shkëng (5) tjok. Pjl̈upga dogl̈o pkëng (4) l̈i, e Sinar so pjl̈uyo ko Amrafel, Elasar so pjl̈uyo ko Arioc, Elam so pjl̈uyo ko Quedorlaómer, Goyim so pjl̈uyo ko Tidal. Pjl̈upga dogl̈o shkëng (5) l̈i, e Sodoma so pjl̈uyo ko Bera, Gomorra so pjl̈uyo ko Birsá, Admá so pjl̈uyo ko Sinab, Zeboyín so pjl̈uyo ko Semeber, Bela so pjl̈uyo. (Bela kjokyo, e ko Zoar kjokyo bakoe.) 3-4Eshko dbaryo ga pjl̈upga dogl̈o shkëng (5) l̈i ichaga Pjl̈u Quedorlaómer l̈irë sök l̈u sak kjwara kjingsho pjök (12) tjän. Gueniyo öötong l̈uyo sak kjwara kjingsho myashko (13) ga epga wotjl̈ĩno ëngkjwë ba tjok. Eni ga shkëng (5) jĩkong l̈i ëng töno l̈ok, ga ba ëngkjwagaga söra jek l̈ok Sidín sdamyo, Di Bäng Buk Kësbang Dl̈ek l̈ishko.
5Öötong l̈u pjl̈ara obi ga Pjl̈u Quedorlaómer jongya jong eshko, pjl̈upga l̈öng ba shwo l̈ëkong l̈i tjok, ëngkjwë wl̈o. Jek l̈öng eshko wopro ga refaítaga zana l̈ok Astarot Carnayin kjokyo, zuzitaga zana l̈ok Jam kjokyo, emitaga zana l̈ok Save Quiriatayin kjokyo. 6Horeoga zana l̈ok Seir kjokyo dl̈up shwo l̈ëkong, irpjana l̈ok äär l̈öng Parán kjokyo. E ber buk kjok dogro no l̇l̇ëmshko l̈i worbo go. 7Tek iröng shrono l̈öng Enmispat kjokyo, e ko Cades kjokyo bakoe. Eshko ga Amalec tjëyoga zana l̈ok pjire. Amorreoga l̈öng Jazezón Tamar kjokyo l̈i zana l̈ok pjir bakoe.
8-9Epga zana l̈ok pjir irgo ga jek öötong l̈öng Sidín sdamyo shara. Eshko ga pjl̈upga dogl̈o pkëng (4) l̈i ëngkjwono pjl̈upga dogl̈o shkëng (5) l̈i tjok. 10Sidín sdamyo l̈ishko ga pjl̈ëbgwo l̈ok träk l̇l̇ëm, roshko di shäng sho sĩ tjeng tjunge. Eni ga Sodoma so pjl̈uyo, Gomorra so pjl̈uyo, e tök l̈e l̈okshko ga l̈ono jer l̈ok pjl̈ëbgwo l̈i roshko. Eshko ga pjl̈upga zana l̈ok pjir dogl̈o mya obi l̈i, e töktong jem l̈ok dl̈up shwo l̈ëkong.
11Sodoma kjokyo, Gomorra kjokyo ga dl̈i l̇l̇ë, l̇l̇ëbo tjeng kës tjwl̈õ tjok l̈i, e söra l̈ok pjl̈upga ba kjangyoga l̈irë drete. 12Abram shtop Lot, e sök Sodoma kjokyo kuzong ga shara l̈ok, söra to ba l̇l̇ëbo tjeng kës l̈i tjok bakoe. 13Gueniyo ga no töktong kjl̈ara, ga Lot roy söra jek öötong Abram, hebreo l̈i kong.
Eshkoshko ga Abram sök Mamré kjor këskës l̈ok l̈ishko. Mamré, e amorreo. E l̈ëmga tjeng do pjök, kjl̈ara ko Escol, kjl̈ara ko Aner. Pjl̈ara ga domerga dogl̈o mya l̈i tjl̈õkwo l̈ono ëng kong Abram tjok. Tjl̈ẽno ëng kong jl̈õkoyo ga «Oba ëngkjwë woydë bi tjok wl̈eni ga shji ëng wl̈ikë sharae» l̈ara eni.
14Eni ga roy kura Abramdë ga ba shtop söraba toe. Eshko ga Abram ëngkjwagaga tjeng dogl̈o sak dbäw pjl̈ogl̈o mya kjingsho sak kjwara kjingsho kjwong (318). Epga kuno jem l̈öng uunkong ba tjok. Eni ga söra jek pjl̈upga pkëng (4) l̈i irpjang, äär jong Dan tjëyoga kjokyo. 15E shkëyo ga ba ëngkjwagaga l̈i shdöra beno tjeng dboy dboy, ga pjl̈upga l̈i kopjrina l̈ok pjribrie. Eshko ga popdara, irpjana l̈ok öötong l̈öng Hobá kjokyo, e Damasco kjokyo pjl̈or kal̈ëkong. 16Eni ga l̇l̇ëbo kjrara, söra tjeng ba tjok l̈i döra Abramdë ba shjiryo drete. Ba shtop Lot, ba l̇l̇ëbo, ba wal̈ëga, ba nopga uunkong, e döra eni.
Melquisedec tjl̈õkwo l̈ono beno pjl̈ú Abram kong
17Quedorlaómer, pjl̈upga l̈öng ba shwo l̈ëkong l̈i, e zana pjir ga Abram bojono tek iröng obi. Öötong shäng Save sdamyo ga Sodoma so pjl̈uyo opshino jek ba wl̈okjrë irbo. 18Domer shäng kjl̈ara ko Melquisedec. E Salem so pjl̈uyo. E omwl̈okjrono bakoe. E syõshtaga Sbö Tjwl̈õ Kësbangyo kong ba pjeyoga kjĩshko. Eshko ga pjl̈ung shosho suk pjir shira, twara Abram kong, kjil̇l̇gwo bo dyo dbo ara tjok. 19Ga tjl̈ẽno beno pjl̈ú ba kong. Tjl̈ẽ ga
«Pja kjimte Sbö Tjwl̈õ Kësbangyorë ara.
E kjok uunkong shäryaga.
20Pja kjimtara,
bop moskwoga iara beno tjeng bop wl̈oshko,
ga zanop song erä.
E kjĩshko ga e poshrëy kësbang ĩyado» l̈e.
Eni ga l̇l̇ëbo wl̈ẽna Abramdë kës l̈i shtara äär ba sakyo (10) go, ba sakyo (10) go, shira kjrina kjrina, ga twara beno Melquisedec kong.
21E irgo ga Sodoma so pjl̈uyo tjl̈ẽ Abram kong ga «L̇l̇ëbo uunkong dörop kjwe ber tjeng bop kong ga pjl̈ú, gueniyo bor nopga kjwera twos bor kong iröng obi» l̈e.
22Kuya ga tjl̈ẽ ba kong ga «Tja tjl̈ẽno Jehová kong jl̈õkoyo. E Sbö Tjwl̈õ Kësbangyo. E kjok uunkong shäryaga. 23L̈oror ba kong jl̈õkoyo ga l̇l̇ëye bopoya kjrër l̇l̇ëm, trer kjwara l̇l̇ëm, drepkwota pjrikkl̈o pjl̈ara l̇l̇ëm bakoe. Eni ga l̇l̇ono ga tja l̇l̇ëbo ara wl̈eni ga twaga pjarë bor kong l̈ëp ga äe. 24L̇l̇ëye woydër ber bor kong l̇l̇ëm, dl̈i uara bor nopgarë l̈i döe. Gueniyo ga domerga bor yorkaga Aner, Escol, Mamré, kjwepga wl̈e kongda l̇l̇ëbo twos kjrina kjrinae» l̈e.
Currently Selected:
Génesis 14: tfr
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Génesis 14
14
Lot wl̈ikara Abramdë
1-2Eshkoshko ga pjl̈upga dogl̈o pkëng (4), e ëngkjwono pjl̈upga dogl̈o shkëng (5) tjok. Pjl̈upga dogl̈o pkëng (4) l̈i, e Sinar so pjl̈uyo ko Amrafel, Elasar so pjl̈uyo ko Arioc, Elam so pjl̈uyo ko Quedorlaómer, Goyim so pjl̈uyo ko Tidal. Pjl̈upga dogl̈o shkëng (5) l̈i, e Sodoma so pjl̈uyo ko Bera, Gomorra so pjl̈uyo ko Birsá, Admá so pjl̈uyo ko Sinab, Zeboyín so pjl̈uyo ko Semeber, Bela so pjl̈uyo. (Bela kjokyo, e ko Zoar kjokyo bakoe.) 3-4Eshko dbaryo ga pjl̈upga dogl̈o shkëng (5) l̈i ichaga Pjl̈u Quedorlaómer l̈irë sök l̈u sak kjwara kjingsho pjök (12) tjän. Gueniyo öötong l̈uyo sak kjwara kjingsho myashko (13) ga epga wotjl̈ĩno ëngkjwë ba tjok. Eni ga shkëng (5) jĩkong l̈i ëng töno l̈ok, ga ba ëngkjwagaga söra jek l̈ok Sidín sdamyo, Di Bäng Buk Kësbang Dl̈ek l̈ishko.
5Öötong l̈u pjl̈ara obi ga Pjl̈u Quedorlaómer jongya jong eshko, pjl̈upga l̈öng ba shwo l̈ëkong l̈i tjok, ëngkjwë wl̈o. Jek l̈öng eshko wopro ga refaítaga zana l̈ok Astarot Carnayin kjokyo, zuzitaga zana l̈ok Jam kjokyo, emitaga zana l̈ok Save Quiriatayin kjokyo. 6Horeoga zana l̈ok Seir kjokyo dl̈up shwo l̈ëkong, irpjana l̈ok äär l̈öng Parán kjokyo. E ber buk kjok dogro no l̇l̇ëmshko l̈i worbo go. 7Tek iröng shrono l̈öng Enmispat kjokyo, e ko Cades kjokyo bakoe. Eshko ga Amalec tjëyoga zana l̈ok pjire. Amorreoga l̈öng Jazezón Tamar kjokyo l̈i zana l̈ok pjir bakoe.
8-9Epga zana l̈ok pjir irgo ga jek öötong l̈öng Sidín sdamyo shara. Eshko ga pjl̈upga dogl̈o pkëng (4) l̈i ëngkjwono pjl̈upga dogl̈o shkëng (5) l̈i tjok. 10Sidín sdamyo l̈ishko ga pjl̈ëbgwo l̈ok träk l̇l̇ëm, roshko di shäng sho sĩ tjeng tjunge. Eni ga Sodoma so pjl̈uyo, Gomorra so pjl̈uyo, e tök l̈e l̈okshko ga l̈ono jer l̈ok pjl̈ëbgwo l̈i roshko. Eshko ga pjl̈upga zana l̈ok pjir dogl̈o mya obi l̈i, e töktong jem l̈ok dl̈up shwo l̈ëkong.
11Sodoma kjokyo, Gomorra kjokyo ga dl̈i l̇l̇ë, l̇l̇ëbo tjeng kës tjwl̈õ tjok l̈i, e söra l̈ok pjl̈upga ba kjangyoga l̈irë drete. 12Abram shtop Lot, e sök Sodoma kjokyo kuzong ga shara l̈ok, söra to ba l̇l̇ëbo tjeng kës l̈i tjok bakoe. 13Gueniyo ga no töktong kjl̈ara, ga Lot roy söra jek öötong Abram, hebreo l̈i kong.
Eshkoshko ga Abram sök Mamré kjor këskës l̈ok l̈ishko. Mamré, e amorreo. E l̈ëmga tjeng do pjök, kjl̈ara ko Escol, kjl̈ara ko Aner. Pjl̈ara ga domerga dogl̈o mya l̈i tjl̈õkwo l̈ono ëng kong Abram tjok. Tjl̈ẽno ëng kong jl̈õkoyo ga «Oba ëngkjwë woydë bi tjok wl̈eni ga shji ëng wl̈ikë sharae» l̈ara eni.
14Eni ga roy kura Abramdë ga ba shtop söraba toe. Eshko ga Abram ëngkjwagaga tjeng dogl̈o sak dbäw pjl̈ogl̈o mya kjingsho sak kjwara kjingsho kjwong (318). Epga kuno jem l̈öng uunkong ba tjok. Eni ga söra jek pjl̈upga pkëng (4) l̈i irpjang, äär jong Dan tjëyoga kjokyo. 15E shkëyo ga ba ëngkjwagaga l̈i shdöra beno tjeng dboy dboy, ga pjl̈upga l̈i kopjrina l̈ok pjribrie. Eshko ga popdara, irpjana l̈ok öötong l̈öng Hobá kjokyo, e Damasco kjokyo pjl̈or kal̈ëkong. 16Eni ga l̇l̇ëbo kjrara, söra tjeng ba tjok l̈i döra Abramdë ba shjiryo drete. Ba shtop Lot, ba l̇l̇ëbo, ba wal̈ëga, ba nopga uunkong, e döra eni.
Melquisedec tjl̈õkwo l̈ono beno pjl̈ú Abram kong
17Quedorlaómer, pjl̈upga l̈öng ba shwo l̈ëkong l̈i, e zana pjir ga Abram bojono tek iröng obi. Öötong shäng Save sdamyo ga Sodoma so pjl̈uyo opshino jek ba wl̈okjrë irbo. 18Domer shäng kjl̈ara ko Melquisedec. E Salem so pjl̈uyo. E omwl̈okjrono bakoe. E syõshtaga Sbö Tjwl̈õ Kësbangyo kong ba pjeyoga kjĩshko. Eshko ga pjl̈ung shosho suk pjir shira, twara Abram kong, kjil̇l̇gwo bo dyo dbo ara tjok. 19Ga tjl̈ẽno beno pjl̈ú ba kong. Tjl̈ẽ ga
«Pja kjimte Sbö Tjwl̈õ Kësbangyorë ara.
E kjok uunkong shäryaga.
20Pja kjimtara,
bop moskwoga iara beno tjeng bop wl̈oshko,
ga zanop song erä.
E kjĩshko ga e poshrëy kësbang ĩyado» l̈e.
Eni ga l̇l̇ëbo wl̈ẽna Abramdë kës l̈i shtara äär ba sakyo (10) go, ba sakyo (10) go, shira kjrina kjrina, ga twara beno Melquisedec kong.
21E irgo ga Sodoma so pjl̈uyo tjl̈ẽ Abram kong ga «L̇l̇ëbo uunkong dörop kjwe ber tjeng bop kong ga pjl̈ú, gueniyo bor nopga kjwera twos bor kong iröng obi» l̈e.
22Kuya ga tjl̈ẽ ba kong ga «Tja tjl̈ẽno Jehová kong jl̈õkoyo. E Sbö Tjwl̈õ Kësbangyo. E kjok uunkong shäryaga. 23L̈oror ba kong jl̈õkoyo ga l̇l̇ëye bopoya kjrër l̇l̇ëm, trer kjwara l̇l̇ëm, drepkwota pjrikkl̈o pjl̈ara l̇l̇ëm bakoe. Eni ga l̇l̇ono ga tja l̇l̇ëbo ara wl̈eni ga twaga pjarë bor kong l̈ëp ga äe. 24L̇l̇ëye woydër ber bor kong l̇l̇ëm, dl̈i uara bor nopgarë l̈i döe. Gueniyo ga domerga bor yorkaga Aner, Escol, Mamré, kjwepga wl̈e kongda l̇l̇ëbo twos kjrina kjrinae» l̈e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.