Zenezi 14
14
Abrã, Lo te te isõ'reptuzé wasu'u
1Taha wahub 'remhã, te Anrafe na isisi, Sina na romnhisi ãma apito na 're hâimana. Arioqui, Elasa na romnhisi ãma apito na te 're hâimana. Quedorlaome, Elã na romnhisi ãma te apito na hã 're hâimana. Duré Tidau, te Go'ĩ na romnhisi ãma apito na hã 're hâimana. 2Tawamhã ã norĩ maparane si'uiwa na apito, ma tô ãne 'ri nho'õmo nhisi norĩ ãma apito norĩ te te 're 'wapé za'ra: Bera Sodoma ãma, Birsa Gomora ãmamhã, Sinabe Adma ãmamhã, duré Semebe Zebo'ĩ ãmamhã. Bela na 'ri nho'õmo nhisi ãma zama ma to apito te te siwi 're 'wapé. ('Ri nho'õmo nhisi amo hã Zoa na.) 3Tawamhã ã hã 5 na apito norĩ, ma tô tite dasi'wapéi 'manharĩ'wa norĩ hã 'rã'õtõ za'ra, romharé Sidĩ na isisi ãma, Â warĩrĩ na pu'u nhisi 're ihâimana mono ãma. 4Ta norĩ hã ma tô aré 12 na wahub 'remhã apito Quedorlaome nhimi'madâ'â zahi na 're hâimana za'ra. Tane nherẽ, ta norĩ 13 na wahub ãma hã ma tô ihawi iwairébé da hã sada tihâimana za'ra oto. 5Tawamhã duré Quedorlaome, tisiré apito na 're ihâimana za'ra mono norĩ me ma tô 14 wahub ãma ãne a'uwẽ wamri norĩ ãma hã ai'uté za'ra: Refa'ĩ norĩ Asterote-Carna'ĩ ãmamhã, zuzĩ norĩ Hã ãmamhã, duré emi norĩ Savé-Quiriataĩ ãmamhã. 6Duré horeu norĩ zarina Se'i na ẽtẽ nhisi 're ihâimana mono hawi, El-Parã na romnhisi 're ihâimana mono u, rop si 're irosa'wari mono nhana'rata u isarina si'aba'réi wamhã, ma tô ta norĩ ãmab zama duré ai'uté za'ra. 7Taha parimhã En-Mispate na romnhisi u ma tô apâ ai'aba'ré, tô Cadi na isisi amoi u. Tahawa, ma tô amalequita norĩ nhipti'ai ãma hã, duré amoreu norĩ Hazazã-Tama na 'ri wa'õtõ nhisi ãma 're ihâimana za'ra mono norĩ ãma ai'uté za'ra. 8Tahawa, Sodoma ãma apito, Gomora ãma apito, Adma ãma apito, Zebo'ĩ ãma apito, duré Bela ãma apito, ma tô ta norĩ hã tite dasi'wapéi 'manharĩ'wa norĩ ré hã wairé, Sidĩ na romharé nhisi u tame te te 'wapé za'ra da hã, 9Elã ãma apito hã, Go'ĩ ãma apito hã, Sina ãma apito hã, duré Elasa ãma apito hã. Tawamhã 4 na apito norĩ hã te za 5 na apito me hã sisada tihâimana za'ra. 10Tawamhã Sidĩ na romharé nhisi ãma te ab're, wedewa'u tob ré hã ahâ na 're hâimana za'ra. Tawamhã Sodoma ãma apito, Gomora ãma apito me dasi'wapéi wi sima'uri pibu zahuré da sisamroi wamhã, ma tô nima norĩ ite dasi'wapé 'manharĩ'wa hã ab're 'remhã nasi titobro za'ra. Tahawa, nima norĩ si ma tô dawi aimani za'ra, ẽne 're ihâimana za'ra mono u hã. 11Tawamhã maparane si'uiwa na apito norĩ hã ma tô uburé Sodoma ãma duré Gomora ãma dasa norĩ hã siwi waibu za'ra, uburé marĩ iwa'âbâ za'ẽtẽ me. Taha pari ma tô oto iré ai'aba'ré. 12Lo, Abrãhã 'ra wapté Sodoma ãma ma tô 're hâimana. Tahawa taha zama ma tô duré da'u'âbâmhã dasiwi saprõni ni. Duré uburé isimarĩ, tãma 're ihâimana za'ra mono zama, ma tô dasiwi 'wasari ni.
13Tane nherẽ, ma tô aibâ misi dawi aimani. Tawamhã ta hã ma tô mo, uburé marĩ ihâimanazé hebreu Abrãhã ma, te te tãma rowasu'u da. Abrã hã te rowede iwazéb zahi 'rata 're hâimana, amoreu norĩ siré Mare te rowede 'rata. Tawamhã Mare norĩ hã te tisisãnawã Escol me Aner norĩ me hã Abrãhã niwĩmhã 're hâimana za'ra. 14Tawamhã Abrã, i'ra wapté da te dasiwi âri wa, da te dasiwi isaprõnizé te te waihu'u wamhã, ma tô tite aibâ norĩ dasi'wapé na ãma 're isisanho za'ra mono hã sima 'rã'õtõ, uburé isõrõwa mono bâ 're ipoto za'ra mono norĩ hã. Uburé ta norĩ hâiba za'ra hã 318 na. Tawamhã Abrã, maparane si'uiwa na apito norĩ zarina ma tô isiré za'ra mo, 'rinho'u Dã na isisi u hã. 15Tawamhã tame tite aibâ norĩ na maparane iwa'õtõ na hã ma tô ãma aipo'o. Tawamhã tinhitob'ru norĩ, bara na te te sima sahui wamhã, ma tô ãma ai'uté za'ra. Te duré isarina hã timorĩ za'ra, Damascu nhipai ãma hâiwa nhimi'e niwĩ, Hoba na 'ri nho'õmo nhisi 're ihâimana mono u. 16Tahawa, isitob'ru norĩ, marĩ te te aré tiwi i'wasari hã ma tô Abrã hã uburé apâ tiwi waibu za'ra, te te apâ 'wasari da. Tawamhã tizamarĩ'wai 'ra Loho zama ma tô apâ saprõ. Duré isimarĩ zama hã ma tô apâ tidu. Pi'õ norĩ zama ma tô duré apâ te te tãma simro. Duré isib'a'uwẽ tãma isi'mairẽme norĩ zama ma tô te te tãma simro apâ.
Mequizédéqui, Abrãhã ma, iwẽ hã te te tãma ipisutuzé wasu'u
17Tawamhã Quedorlaome ãma, duré isiré norĩ apito ãma te te ai'uté za'ra pari, Abrã apâ tinhorõwa u te te sina siri wa, ma tô Sodoma ãma apito hã itẽme mo, 'râwi te te sõpẽtẽ da, romharé Savé na isisi ãma, isisi amo hã romharé Danhib'apito na iwamri ãma. 18Tawamhã Mequizédéqui, Salẽ#14.18 Salẽ nhisi amo hã Zeruzalẽ na. na 'ri nho'õmo nhisi ãma apito, duré Danhipai u pese 'Re ihâimana u'âsi mono te, sasedoti na 're ihâimana mono hã ma tô i'u'ẽtẽ wapu norĩ, uwa 'rãi wa'u isé me hã tãma mrami zahuré. 19Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha:
“Abrã, 'Re ihâimana u'âsi mono, danhipai u 're ihâimana mono,
hâiwa 'manhari'wa hã, duré ti'ai 'manharĩ'wa hã
iwẽ si te te aima 're pisutu mono da, wa tiwi te 're waptẽrẽ.
20Duré 'Re ihâimana u'âsi mono danhipai u 're ihâimana mono,
asitob'ru norĩ asib'rata te te aima isõmri za'ra ãma si 're wawata za'ra aba mono!”
Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.
21Tawamhã taha pari Sodoma ãma apito, te Abrãhã ma hã tãma tinha ãne:
— Marĩ hã aima hâimana za'ra. A'uwẽ norĩ si te za apâ ĩma isõmri za'ra.
22Tane nherẽ, Abrã ma te ãne asa ãma tãma wa'rã:
— Uburé Danhib'apito, danhipai u 're ihâimana mono, hâiwa 'manharĩ'wa, duré ti'ai 'manharĩ'wa, taha nho'a wa za ĩnhib'rada hã hâimo wẽ, 23asimarĩ hã za ĩma ihâimana za'ra õ na te tãma ropisutu da hã, niha wamhã, abazi isidi surure na, niha wamhã duré dapara'uza wasisizém na hã. Ãhã wamhã, a hã niwamhã ãne na inharĩ da hã mare di za: “Tãma ĩnhimi'manharĩ wẽ zéb zarina ma tô Abrã hã sisimarĩ pese.” 24Marĩ ĩma ihâimana da hã te ĩsima wẽ õ di. Ĩnhib'a'uwẽ norĩ tisa te te ãma ihuri si te za ĩma ti'maihâiba za. Tane nherẽ, te za ĩsiré norĩ ma si marĩ hã ite mono bâ tãma tihâimana za'ra, ã norĩ ma, Aner, Escol, duré Mare.
Currently Selected:
Zenezi 14: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
