Zenezi 19
19
Sodoma 'ri nho'u wasété na ihâimanazé wasu'u
1Tawamhã robza'rã wi, ma tô hâiwa ãma romhuri'wa norĩ aimasisi zahuré, Sodoma u. Tahawa, te Lo hã 'ri nho'õmo te 'ridawa za'ẽtẽ ãma nhamra. Taha ré hâiwa ãma romhuri'wa itẽme isimasi te te 'madâ'â zahuré wamhã, ma tô wahudu, te te sina uzusi zahuré da. Tawamhã hi'rãtitõ ma tô isõ'reb zahuré hã nhamra. Ipaparab zahuré, ma tô ti'ubu na ti'ai u hã ropto. 2Taha sina, ma tô ãne tãma nharĩ zahuré:
— Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za.
— Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.
3Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré. 4Tane nherẽ, zahadu sõtõ zahuré õ ré, Sodoma ãma aibâ 're ihâimana za'ra mono norĩ, ipréduptém norĩ, duré ihi norĩ, ma tô iré zahuré hã 'ri siwi uirĩ. 5Tawamhã ta norĩ ma tô Lo hã siwi 'mahâ, ãne:
— E mahãta aibâ norĩ, ã bara na asõrõwa u we izasi zahuré hã. Ma'ãpé we rob u wama za'ra sani zahuré na. Wa wasima wẽ za'ra ni, ãma zahuré wahâimana za'ra da.
6Tawamhã Lo, rob u ma te watobro, aibâ norĩ ma, te te tãma nharĩ za'ra da hã. Tawamhã sisa'u 'ridawa te te tété wamhã, 7ma tô ãne dama tinha:
— Ĩzawi na hã ĩsiwaihu'u norĩ, ma'ãpé ãne na aiwasédé 'manharĩ za'ra wa'aba tõ! 8Ma'ãpé asiwi ĩwapari aba! Ĩ'ra sipi'õ norĩ ihâiba ubuni zahuré te maparane tihâimana zahuré, 'riparamhã. Ta norĩ hã wa za we rob u aima za'ra wa'aba hã sani zahuré, ta norĩ ãmap si marĩ hã asima iwẽ na ãma 'manharĩ za'ra wa'aba da. Taré oto ã hã aibâ norĩ ãma marĩ hã i'manharĩ za'ra wa'aba da hã, mare di za. E marĩ wa. Ta norĩ hã ĩnhorõwa u te 'mazasi zahuré wa, wa hã i'wawib zahuré isimapa'wa na ĩhâimana wa.
9Tane nherẽ, ma te ãne asa ãma tãma wa'rãmi za'ra:
— Wanho're hawimhã ai'ré na!
Tawamhã te ãne duré sima nharĩ za'ra:
— Ã hã aibâ wasiré a'uwẽ'õ, te sima wẽ, marĩ hã te te wama 're a'rui mono da!
Taha pari Loho u, ma apâ itẽme aipizari za'ra. Tawamhã te ãne tãma nharĩ za'ra:
— Ãhã na wa za marĩ iwasété uptabi hã aima 'manharĩ za'ra ni, asõrõwa u i'mazasi norĩ ma, marĩ hã wa te aré tãma i'manharĩ za'ra zém nhipai u.
Tawamhã Sodoma ãma aibâ norĩ, ma tô Lo 'ridawa nhiti siwi time. Taha pari, ma tô 'ridawa tẽme aihutu, te te siwi prub da aré. 10Tane nherẽ, itẽme isimasisi zahuré hã ma tô Lo hã sitẽme 'wani zahuré, 'ri para u. Taha pari ma tô 'ridawa hã iré sitob zahuré. 11Tahawa, niha ma te aibâ norĩ ma, iprédupté ma, duré ihi rowi isimasam norĩ ma hã tãma rob'manharĩ za'ra, tob'a na hâimana za'ra da hã. Ãne wa, 'ridawa te te siwi uwaimrami waihu'u õ di oto.
Lo, Sodoma hawi iwatobrozé wasu'u
12Tawamhã itẽme isimasi, te ãne Loho ma tãma nharĩ zahuré:
— E ãme te asiré 'ri nho'õmo 'remhã, 're da'maihâimana, ai'ra si'aibâ norĩ hã, ai'ra sipi'õ norĩ hã, asa'õmo norĩ hã, duré asisãnawã norĩ hã. Iré wamhã, ma'ãpé ã hawimhã uburé pese sani za'ra na. 13E marĩ wa. Ã hã daza'ru wa za wa norĩ hã uprosi ni. Uburé Danhib'apito, iwa 're idahâimana za'ra mono norĩ nhimi'manharĩ wasété zarina, iwasédé da te ãma 're inomro mono zé hã, ma tô te te 're wapari. Tahawa ma tô wama ti'ru, Sodoma hã wa te uprosi da.
14Tawamhã ãne te te tãma waihu'u zahuré wa, ma tô Lo, ti'ra sipi'õi mro norĩ da hã, te te po're pu'u za'ra da hã mo. Tahawa, ma tô ãne tãma nharĩ za'ra:
— Awa'awi ã hawimhã aiwairébé aba. Uburé Danhib'apito, ã hã 'ri nho'u hã te za uprosi!
Tane nherẽ, te ãma rosa'rata za'ra, sima to na te te tãma nharĩ za'ra newa.
15Tawamhã hâiwa ãma romhuri'wa norĩ, robza'rã ré te Loho ma rob'ru zahi za'ra, ãne:
— Ma'ãpé ai'aba'ré na aimro norĩ, ai'ra sipi'õ maparane ihâimana zahuré me ã hawimhã sani za'ra na, 'ri nho'u si'utõrĩ wa, dame ai'utõrĩ aba tõ da.
16Tawamhã Lo, timro ré duré ti'ra norĩ ré 're siwairĩ mono wa, ma tô hâiwa ãma romhuri'wa norĩ hã pawaibu za'ra. Tahawa ma tô 'ri nho'õmo hawi oto te te simro. E marĩ wa. Uburé Danhib'apito, Loho ãma siwamri wa. 17Tawamhã 'ri nho'õmo hawi te te oto sani za'ra wamhã, te ãne nima hã hâiwa ãma romhuri'wa tãma tinha, Loho ma:
— Ma'ãpé aiwara sina si aiwara, asisõ'reptu da! Asiwa'rãmi hã we rob'madâ'â tõ. Romharé rowa'wa 're ihâimana mono ãma hã asimizazâri tõ. Ẽtẽ u si ãma aiwara waré na. Tamomo aiwara õ wamhã, te za atâ.
18Tane nherẽ Lo, ma te duré ãne asa ãma tãma wa'rã:
— Ĩnhib'apito, ãne te 'manharĩ da hã ĩma 'rui õ di za. Ĩ'ãma aiwamri na, ĩzawi na hã! 19Ma tô ĩ'ãma i'aiwamrizéb zarina ĩma i'manha. Ma tô ĩnho'reptu. Ã hawimhã ẽtẽ u ĩwara da hã ĩma romhâ uptabi di. Marĩ iwatobro, ĩwara ré te te ĩzasãmri wamhã, ĩsisõ'reptu dai õ di za, wa hã. Te za ĩwĩ. 20Õhõta te 'ri wa'õno hã wa'rata tihâiba, 'râwibre hã. Ĩsisõ'reptu da, tamomop si ĩwara da hã ĩma rowairébé. 'Ri surure nherẽ, tamep si wa za ĩsisõ'reptu za.
21Tawamhã hâiwa ãma romhuri'wa te asa ãne tãma tinha:
— Wẽ di tô! Wa ãma asaze. Ta hã 'ri nho'u hã te uprosi õ di za tô. 22Ma'ãpé tô tamomop si ai'aba'ré na sa'ẽtẽ hã aiwara. E marĩ wa. Tamomo zahadu aiwisi õ ré, marĩ hã te 'manharĩ waihu'u õ di za a'â.
Tahawa 'ri nho'u hã ma tô Zoa#19.22 Zoa hã hebreu norĩ mreme na “isurure” aiwa prã na ne iwapari na hã. na da te 're sisi za'ra.
'Ri nho'u Sodoma norĩ, Gomora me isi'utõrĩ zahuré zé wasu'u
23Tawamhã Lo, bâdâ 'rãi watobro parip si ma tô Zoa u hã wi. 24Wisi wi, ma tô Uburé Danhib'apito, hâiwa hawi tã 're ita'a mono ne unhama norĩ, ẽtẽ ro'o nhizédé uzé pire me sisa'wari zahuré mono da hã 'manha, Sodoma norĩ nhisiwi Gomora me. 25Tahawa, maparane 'ri nho'õmo norĩ, ma tô uprosi zahuré. Romharé wa 're idahâimana za'ra mono norĩ hã, rob're norĩ hã, duré taha ti'ai 're, wede 're isimasa mono norĩ zama ma tô uburé uprosi pese. 26Tane nherẽ, Loho mro hã ma tô siwa'rãmimhã 'rãihaipi'ra, te te rob'madâ'â da. Tahawa, te te rob'madâ'â wamhã, ma tô dasai warĩrĩzé te te ihâiba ubu zarina si'manha, sa na.
27Tawamhã awẽ wi mararé Abra'ã, ma tô wahudu. Tahawa Uburé Danhib'apito nho're ihâimanazéb u hã ma tô oto mo. 28Tawamhã Sodoma norĩ nho'õmoi baba Gomora me, uburé romharé na zama ma tô te te rob'madâ'â. Tahawa, ma tô ti'ai hawimhã unhama nhizé 're isi'ré mono hã 'madâ, robzebrezém hawi unhama nhizé 're isi'réi mono ne hã. 29Ãne 'Re ihâimana u'âsi mono, romharé na 'ri nho'õmo norĩ ãma ma tô da'uprosi. Tane nherẽ, ma tô Abra'ã ãma hã po're puru. Tahawa Lo, 'ri nho'õmo 're, 're ihâimana mono zéb ãma te te da'uprosi wamhã, dazu dâ'â tõ da hã, ma tô tinhimihâzé wi hã waze.
Loho nhihudu norĩ wasu'u
30Tawamhã Lo, Zoa ãma 're ihâimana mono da hã pahi di. Tahawa ti'ra sipi'õ norĩ ré, ma tô ẽtẽ u hã mo, tame siré 're si'ubumroi mono da. Tawamhã tame ẽtẽ na ab're wa, ma tô ti'ra sipi'õ norĩ maparane ihâimana zahuré ré hã 're hâimana. 31Tawamhã nimahã bâtâ na te i'ra dub'rada tinoi ma hã tãma tinha ãne:
— Wamama hã ma tô oto si'ihire. Ni'wa hã aibâ aimawi hã ã hã ti'ai 'remhã hâimana õ di, iré 're waza'wari mono wa, te te iwa'ra da hã, daro mono bâ dahâimanazéb zarina. 32Tahawa oto wamama ma, uwa 'rãi wa'u isé wa te tãma õ na, te te i'rãiwamnarĩ pese zéb u. Tawamhã wa za iré waza'wari ni. Ãhã wamhã, te za i'ra hã wa hawimhã wama ti'maihâimana za.
33Tawamhã tô taha mara na, ma tô uwa 'rãi wa'u isé hã timama ma tãma õb zahuré. Tahawa i'ra dub'rada ma tô oto iré nomro. Tawamhã imama 'rãi wasété uptabi ré wa, i'ra i'rata nomro ré hã, duré apâ ihawi wahutu ré hã te te waihu'u õ di, 'rãihâ za'õtõ ré wa. 34Tawamhã awẽm na i'ra dub'rada te tinoi ma hã tinha ãne:
— Ahâmhâ bara na ĩmama ré, wa tô nomro. Tahawa, duré ã mara na wa te 'rãiwamnarĩ zahu na za apâ. Tawamhã a hã te za oto iré ano za. Ãhã wamhã, wazahuré te za wa'ra hã wama ti'maihâimana, isihudu zahuré da hã.
35Tawamhã tô taha mara na te te duré tãma õb zahuré wamhã, ma tô oto ino hã iré nomro. Ãhã wa, iré nomro wa, duré apâ ihawi wahutu wamhã, imama hã te te duré sina waihu'u õ di. 36Ãne Loho 'ra norĩ hã ma tô imama hã 'râwi wasã zahuré. 37Tawamhã idub'rata ma i'ra hã, ma tô tãma podo. Ta hã ma tô sisi, Moabi#19.37 Moabi hã hebreu norĩ mreme na “ĩmama hawi” aiwa prã na ne iwapari na hã. na. Ta hã te moabita norĩ hi'rata na hã 're hâimana, ãhã na hã. 38Tawamhã duré inoi ma zama i'ra hã, ma tô tãma podo. Ta hã ma tô duré sisi, Bẽ-Ami#19.38 Bẽ-Ami hã hebreu norĩ mreme na “ĩsisãnawãi 'ra” te wasu'u. na. Ta hã te oto amonita norĩ hi'rata na ãhã na hã 're hâimana.
Currently Selected:
Zenezi 19: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Zenezi 19
19
Sodoma 'ri nho'u wasété na ihâimanazé wasu'u
1Tawamhã robza'rã wi, ma tô hâiwa ãma romhuri'wa norĩ aimasisi zahuré, Sodoma u. Tahawa, te Lo hã 'ri nho'õmo te 'ridawa za'ẽtẽ ãma nhamra. Taha ré hâiwa ãma romhuri'wa itẽme isimasi te te 'madâ'â zahuré wamhã, ma tô wahudu, te te sina uzusi zahuré da. Tawamhã hi'rãtitõ ma tô isõ'reb zahuré hã nhamra. Ipaparab zahuré, ma tô ti'ubu na ti'ai u hã ropto. 2Taha sina, ma tô ãne tãma nharĩ zahuré:
— Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za.
— Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.
3Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré. 4Tane nherẽ, zahadu sõtõ zahuré õ ré, Sodoma ãma aibâ 're ihâimana za'ra mono norĩ, ipréduptém norĩ, duré ihi norĩ, ma tô iré zahuré hã 'ri siwi uirĩ. 5Tawamhã ta norĩ ma tô Lo hã siwi 'mahâ, ãne:
— E mahãta aibâ norĩ, ã bara na asõrõwa u we izasi zahuré hã. Ma'ãpé we rob u wama za'ra sani zahuré na. Wa wasima wẽ za'ra ni, ãma zahuré wahâimana za'ra da.
6Tawamhã Lo, rob u ma te watobro, aibâ norĩ ma, te te tãma nharĩ za'ra da hã. Tawamhã sisa'u 'ridawa te te tété wamhã, 7ma tô ãne dama tinha:
— Ĩzawi na hã ĩsiwaihu'u norĩ, ma'ãpé ãne na aiwasédé 'manharĩ za'ra wa'aba tõ! 8Ma'ãpé asiwi ĩwapari aba! Ĩ'ra sipi'õ norĩ ihâiba ubuni zahuré te maparane tihâimana zahuré, 'riparamhã. Ta norĩ hã wa za we rob u aima za'ra wa'aba hã sani zahuré, ta norĩ ãmap si marĩ hã asima iwẽ na ãma 'manharĩ za'ra wa'aba da. Taré oto ã hã aibâ norĩ ãma marĩ hã i'manharĩ za'ra wa'aba da hã, mare di za. E marĩ wa. Ta norĩ hã ĩnhorõwa u te 'mazasi zahuré wa, wa hã i'wawib zahuré isimapa'wa na ĩhâimana wa.
9Tane nherẽ, ma te ãne asa ãma tãma wa'rãmi za'ra:
— Wanho're hawimhã ai'ré na!
Tawamhã te ãne duré sima nharĩ za'ra:
— Ã hã aibâ wasiré a'uwẽ'õ, te sima wẽ, marĩ hã te te wama 're a'rui mono da!
Taha pari Loho u, ma apâ itẽme aipizari za'ra. Tawamhã te ãne tãma nharĩ za'ra:
— Ãhã na wa za marĩ iwasété uptabi hã aima 'manharĩ za'ra ni, asõrõwa u i'mazasi norĩ ma, marĩ hã wa te aré tãma i'manharĩ za'ra zém nhipai u.
Tawamhã Sodoma ãma aibâ norĩ, ma tô Lo 'ridawa nhiti siwi time. Taha pari, ma tô 'ridawa tẽme aihutu, te te siwi prub da aré. 10Tane nherẽ, itẽme isimasisi zahuré hã ma tô Lo hã sitẽme 'wani zahuré, 'ri para u. Taha pari ma tô 'ridawa hã iré sitob zahuré. 11Tahawa, niha ma te aibâ norĩ ma, iprédupté ma, duré ihi rowi isimasam norĩ ma hã tãma rob'manharĩ za'ra, tob'a na hâimana za'ra da hã. Ãne wa, 'ridawa te te siwi uwaimrami waihu'u õ di oto.
Lo, Sodoma hawi iwatobrozé wasu'u
12Tawamhã itẽme isimasi, te ãne Loho ma tãma nharĩ zahuré:
— E ãme te asiré 'ri nho'õmo 'remhã, 're da'maihâimana, ai'ra si'aibâ norĩ hã, ai'ra sipi'õ norĩ hã, asa'õmo norĩ hã, duré asisãnawã norĩ hã. Iré wamhã, ma'ãpé ã hawimhã uburé pese sani za'ra na. 13E marĩ wa. Ã hã daza'ru wa za wa norĩ hã uprosi ni. Uburé Danhib'apito, iwa 're idahâimana za'ra mono norĩ nhimi'manharĩ wasété zarina, iwasédé da te ãma 're inomro mono zé hã, ma tô te te 're wapari. Tahawa ma tô wama ti'ru, Sodoma hã wa te uprosi da.
14Tawamhã ãne te te tãma waihu'u zahuré wa, ma tô Lo, ti'ra sipi'õi mro norĩ da hã, te te po're pu'u za'ra da hã mo. Tahawa, ma tô ãne tãma nharĩ za'ra:
— Awa'awi ã hawimhã aiwairébé aba. Uburé Danhib'apito, ã hã 'ri nho'u hã te za uprosi!
Tane nherẽ, te ãma rosa'rata za'ra, sima to na te te tãma nharĩ za'ra newa.
15Tawamhã hâiwa ãma romhuri'wa norĩ, robza'rã ré te Loho ma rob'ru zahi za'ra, ãne:
— Ma'ãpé ai'aba'ré na aimro norĩ, ai'ra sipi'õ maparane ihâimana zahuré me ã hawimhã sani za'ra na, 'ri nho'u si'utõrĩ wa, dame ai'utõrĩ aba tõ da.
16Tawamhã Lo, timro ré duré ti'ra norĩ ré 're siwairĩ mono wa, ma tô hâiwa ãma romhuri'wa norĩ hã pawaibu za'ra. Tahawa ma tô 'ri nho'õmo hawi oto te te simro. E marĩ wa. Uburé Danhib'apito, Loho ãma siwamri wa. 17Tawamhã 'ri nho'õmo hawi te te oto sani za'ra wamhã, te ãne nima hã hâiwa ãma romhuri'wa tãma tinha, Loho ma:
— Ma'ãpé aiwara sina si aiwara, asisõ'reptu da! Asiwa'rãmi hã we rob'madâ'â tõ. Romharé rowa'wa 're ihâimana mono ãma hã asimizazâri tõ. Ẽtẽ u si ãma aiwara waré na. Tamomo aiwara õ wamhã, te za atâ.
18Tane nherẽ Lo, ma te duré ãne asa ãma tãma wa'rã:
— Ĩnhib'apito, ãne te 'manharĩ da hã ĩma 'rui õ di za. Ĩ'ãma aiwamri na, ĩzawi na hã! 19Ma tô ĩ'ãma i'aiwamrizéb zarina ĩma i'manha. Ma tô ĩnho'reptu. Ã hawimhã ẽtẽ u ĩwara da hã ĩma romhâ uptabi di. Marĩ iwatobro, ĩwara ré te te ĩzasãmri wamhã, ĩsisõ'reptu dai õ di za, wa hã. Te za ĩwĩ. 20Õhõta te 'ri wa'õno hã wa'rata tihâiba, 'râwibre hã. Ĩsisõ'reptu da, tamomop si ĩwara da hã ĩma rowairébé. 'Ri surure nherẽ, tamep si wa za ĩsisõ'reptu za.
21Tawamhã hâiwa ãma romhuri'wa te asa ãne tãma tinha:
— Wẽ di tô! Wa ãma asaze. Ta hã 'ri nho'u hã te uprosi õ di za tô. 22Ma'ãpé tô tamomop si ai'aba'ré na sa'ẽtẽ hã aiwara. E marĩ wa. Tamomo zahadu aiwisi õ ré, marĩ hã te 'manharĩ waihu'u õ di za a'â.
Tahawa 'ri nho'u hã ma tô Zoa#19.22 Zoa hã hebreu norĩ mreme na “isurure” aiwa prã na ne iwapari na hã. na da te 're sisi za'ra.
'Ri nho'u Sodoma norĩ, Gomora me isi'utõrĩ zahuré zé wasu'u
23Tawamhã Lo, bâdâ 'rãi watobro parip si ma tô Zoa u hã wi. 24Wisi wi, ma tô Uburé Danhib'apito, hâiwa hawi tã 're ita'a mono ne unhama norĩ, ẽtẽ ro'o nhizédé uzé pire me sisa'wari zahuré mono da hã 'manha, Sodoma norĩ nhisiwi Gomora me. 25Tahawa, maparane 'ri nho'õmo norĩ, ma tô uprosi zahuré. Romharé wa 're idahâimana za'ra mono norĩ hã, rob're norĩ hã, duré taha ti'ai 're, wede 're isimasa mono norĩ zama ma tô uburé uprosi pese. 26Tane nherẽ, Loho mro hã ma tô siwa'rãmimhã 'rãihaipi'ra, te te rob'madâ'â da. Tahawa, te te rob'madâ'â wamhã, ma tô dasai warĩrĩzé te te ihâiba ubu zarina si'manha, sa na.
27Tawamhã awẽ wi mararé Abra'ã, ma tô wahudu. Tahawa Uburé Danhib'apito nho're ihâimanazéb u hã ma tô oto mo. 28Tawamhã Sodoma norĩ nho'õmoi baba Gomora me, uburé romharé na zama ma tô te te rob'madâ'â. Tahawa, ma tô ti'ai hawimhã unhama nhizé 're isi'ré mono hã 'madâ, robzebrezém hawi unhama nhizé 're isi'réi mono ne hã. 29Ãne 'Re ihâimana u'âsi mono, romharé na 'ri nho'õmo norĩ ãma ma tô da'uprosi. Tane nherẽ, ma tô Abra'ã ãma hã po're puru. Tahawa Lo, 'ri nho'õmo 're, 're ihâimana mono zéb ãma te te da'uprosi wamhã, dazu dâ'â tõ da hã, ma tô tinhimihâzé wi hã waze.
Loho nhihudu norĩ wasu'u
30Tawamhã Lo, Zoa ãma 're ihâimana mono da hã pahi di. Tahawa ti'ra sipi'õ norĩ ré, ma tô ẽtẽ u hã mo, tame siré 're si'ubumroi mono da. Tawamhã tame ẽtẽ na ab're wa, ma tô ti'ra sipi'õ norĩ maparane ihâimana zahuré ré hã 're hâimana. 31Tawamhã nimahã bâtâ na te i'ra dub'rada tinoi ma hã tãma tinha ãne:
— Wamama hã ma tô oto si'ihire. Ni'wa hã aibâ aimawi hã ã hã ti'ai 'remhã hâimana õ di, iré 're waza'wari mono wa, te te iwa'ra da hã, daro mono bâ dahâimanazéb zarina. 32Tahawa oto wamama ma, uwa 'rãi wa'u isé wa te tãma õ na, te te i'rãiwamnarĩ pese zéb u. Tawamhã wa za iré waza'wari ni. Ãhã wamhã, te za i'ra hã wa hawimhã wama ti'maihâimana za.
33Tawamhã tô taha mara na, ma tô uwa 'rãi wa'u isé hã timama ma tãma õb zahuré. Tahawa i'ra dub'rada ma tô oto iré nomro. Tawamhã imama 'rãi wasété uptabi ré wa, i'ra i'rata nomro ré hã, duré apâ ihawi wahutu ré hã te te waihu'u õ di, 'rãihâ za'õtõ ré wa. 34Tawamhã awẽm na i'ra dub'rada te tinoi ma hã tinha ãne:
— Ahâmhâ bara na ĩmama ré, wa tô nomro. Tahawa, duré ã mara na wa te 'rãiwamnarĩ zahu na za apâ. Tawamhã a hã te za oto iré ano za. Ãhã wamhã, wazahuré te za wa'ra hã wama ti'maihâimana, isihudu zahuré da hã.
35Tawamhã tô taha mara na te te duré tãma õb zahuré wamhã, ma tô oto ino hã iré nomro. Ãhã wa, iré nomro wa, duré apâ ihawi wahutu wamhã, imama hã te te duré sina waihu'u õ di. 36Ãne Loho 'ra norĩ hã ma tô imama hã 'râwi wasã zahuré. 37Tawamhã idub'rata ma i'ra hã, ma tô tãma podo. Ta hã ma tô sisi, Moabi#19.37 Moabi hã hebreu norĩ mreme na “ĩmama hawi” aiwa prã na ne iwapari na hã. na. Ta hã te moabita norĩ hi'rata na hã 're hâimana, ãhã na hã. 38Tawamhã duré inoi ma zama i'ra hã, ma tô tãma podo. Ta hã ma tô duré sisi, Bẽ-Ami#19.38 Bẽ-Ami hã hebreu norĩ mreme na “ĩsisãnawãi 'ra” te wasu'u. na. Ta hã te oto amonita norĩ hi'rata na ãhã na hã 're hâimana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.