Zuwã 11
11
Lazaru idâ'âzé wasu'u
1-3Tawamhã aibâ hã te 're hâimana, Lazaru na isisi hã, Betãnha na 'ri wa'õtõ nhisi ãma. Tame te duré ihidiba norĩ hã 're simasisi zahuré Maria norĩ hã, Martaha me. Maria hã niwapsi te za Zezusihi hã para u'ré, wedewa'u zadaze na, tãma rowẽ da. Taha parip si te za duré para u'õ, tizéré na hã.
Tawamhã ma tô tihâzé, Lazaru hã. Hâzé wa, ma tô ihidiba norĩ hã da'mazatõrĩ zahuré, Zezusihi zô da'maimorĩ da, ihitébré zahuré hã te te tãma 'maiwasu'u da. Itẽme wisi wamhã, ãne te Zezusihi ma wasu'u:
— Apito, aibâ 're isawi pese mono hã ma tô tihâzé.
4Tawamhã Zezusi, ãne hã te te wapari wamhã, te tinha, ãne:
— Tane tô. Dâ'â u'âsi nomro õ di za. Tahawa, te za 'Re ihâimana u'âsi mono ãma 're dawata za'ra, waihu'u pese wa. Ĩ'ãma zama te za duré 're dawata za'ra. Wa hã i'ra wa, te za duré ĩ'ãma 're dawata za'ra.
5Marta norĩ hã Zezusihi ma, sawi pese za'ra di, Lazaru norĩ me. 6Tane nherẽ, iwasu'u te te wapari wamhã, awa'awi itẽme morĩ õ di. Maparane ma tô ãma timara, tame sãmra ré a'â. 7Taha pari, te oto tisiré 're inomro mono norĩ ma nharĩ za'ra:
— Oto apâ Zudéa u wasi'aba'réi wa'aba.
8Tahawa, ma tô asa tãma nharĩ za'ra, ãne:
— Rowahutu'wa, e niha te za apâ aimo. Nimosi dama ipire norĩ hã te aré siwi aiwĩ, ẽtẽ na.
9Tawamhã ãne te tãma rowasu'u za'ra, Zezusi hã:
— Bâtâ pusizém hawimhã bâdâ sébrézéb u hã rowa'a di. Tawamhã ni'wa hã rowa'a na morĩ wamhã, simei õ di za. E marĩ wa. Rowa'a na hã rob'madâ'â pibui pese wa. 10Robra na morĩ wapsi hã, te za duré aime.
11Tawamhã Zezusi te duré tãma nharĩ za'ra, ãne:
— Wasiwadi te nhono, Lazaru hã. Wa za itẽme mo, te utu da.
12Tahawa ma tô duré asa tãma nharĩ za'ra, ãne:
— E marĩ da, te za itẽme aimo. Séptâ'â wa, te oto tinhotõ wẽ.
13Zezusihi si ma tô idâ'â uptabi na waihu'u. Isõtõ na te te tãma wasu'u za'ra wamhã, idâ'âzé te wasu'u. Taré sõtõ newa, te te waihu'u za'ra õ di, idâ'âzé hã. 14Te te waihu'u za'ra õ wa, sõ'awi te oto tãma rowasu'u za'ra, ãne:
— Lazaru hã ma tô dârâ. 15Hâzé ré i'rata ĩnhamra õ nherẽ, ĩma rowẽ di. E marĩ wa. Romhâimanazéb zarina, ĩwaihu'u pese na ĩzaze za'ra wa'aba wa za, ĩma rowẽ di. Oto itẽme wasi'aba'réi wa'aba.
16Tahawa, Tome hã isi'ubza na da te 're isisi za'ra mono hã te tãma nharĩ za'ra, ãne:
— Oto ime wasi'aba'réi wa'aba, isu da te wa'uprosi da nherẽ.
Didimo na isisi hã dasi'ubza, te wasu'u.
Zezusi hã apâ dahâiwa'utu'wa na isiwasu'uzé wasu'u
17-19Tawamhã Zezusi hã Betãnha u wisi wamhã, ma tô ni'wa hã tãma rowasu'u, ãne:
— Lazaru hã ma tô dârâ. Ma tô duré dasiwi sẽrẽ ni. Maparane si'uiwa na ma tô ãma timara oto, da te dasiwi isẽrẽzém na hã.
Tawamhã Betãnha u hã romhuture wa, ma tô da'ahâ na iwana aihutu ni, Zeruzalẽ hawimhã. Si'ubdatõ ti'ai pibuzé hã Betãnha u da hã. Marta norĩ hã da te dasina pẽ'ẽtété zahuré da, ma itẽme hã aihutu ni, ihitébré hã tiwi dâ'â zahuré wa. 20Tawamhã Marta, Zezusi iwisizé te te waihu'u wamhã, ma tô itẽme watobro, te te sõpẽtẽ da. Taha wamhã, Mariaha si te isa'u nhamra, 'ri para. 21Tawamhã Marta hã Zezusi te te sina uzusi wamhã, ãne ma tô tãma tinha:
— Wanhib'apito, wahitébré hã hâzé ré wa'rata asãmra 'wa'âhã, aré wawi dâ'â õ di. 22Dâ'â nherẽ, 'Re ihâimana u'âsi mono ma, aimreme wamhã, te za aima ãma uwaimra.
23Tawamhã Zezusi te asa tãma tinha, ãne:
— Tane tô. Dâ'â nherẽ, te za hâiwa'udu, aihitébré 'wa hã.
24Marta te duré asa tãma tinha, ãne:
— Tane tô. Bâdâ ma tô sima pisutu 'Re ihâimana u'âsi mono hã, adâ hã te te i'ahâiwa'utuzéb da hã. Tawapsi te za wahitébré hã dazu hâiwa'utu.
25-26Tawamhã Zezusi te duré asa tãma tinha, ãne:
— Wa hã, 're dadâ'â za'ra mono nherẽ, te 're da'ahâiwa'utu mono pari, 're idanomro u'âsi mono zé te dama 're i'apisutu mono. Ni'wam norĩ hã Danho'reptui'wa na te te sina 're ĩ'umnhasi za'ra mono wamhã, tãma 're rowẽ za'ra mono di za. 'Re dâ'â za'ra mono wamhã, dâ'â ãna te za 're hâimana u'âsi za'ra, hâiwa ãma. E tô sena ma ĩmreme hã isaze.
27Tawamhã Marta ma asa ãma tãma wa'rã ãne:
— Ĩhe. Tô sena, wa aimreme hã saze. A hã Danho'reptui'wa da, 'Re ihâimana u'âsi mono te te i'aipisudu. A hã 'Re ihâimana u'âsi mono 'ra. Wahi'rata norĩ hã asô 're isimipari za'ra mono, a hã, ti'ai u we aimorĩ da hã.
Zezusi isiwa'õzé wasu'u
28Tawamhã apâ te mo Marta hã, 'ri tẽme. Ti'awi pesere ma tô tinoi ma rowasu'u, ãne Mariaha ma:
— Rowahutu'wa te we asô hâ, itẽme aimorĩ da.
29-30Tahawa, ma si'aba'ré na wahudu, Zezusihi u wei morĩ da, Maria hã. Ãhã wamhã, zahadu 'ri tẽmemhã, wisi õ di, Zezusi hã. Marta te te i'uzusizéb ãma, te zahadu tihâiba. 31Tawamhã Maria hã watobro wamhã, ma isarina wairé rob u, isõrõwa ãma te te sina ipẽ'ẽtété za'ra norĩ hã, tihitébré 'ru u morĩ newa, ãma wawa da. Tane nherẽ, tihitébré 'ru u morĩ õ di, Maria hã. Zezusihi u te wei mo.
32Maria hã we itẽme wisi wamhã, hi'rãtitõ ma ipapara nhamra, Zezusihi ma hã wapure wa. Tawamhã ãne te tãma tinha:
— Wanhib'apito, wahitébré hã hâzé ré, wa'rata asãmra 'wa'âhã, aré wawi dâ'â õ di.
33Tawamhã Maria hã pẽ'ẽzé te, siwa'õ wa, duré we isarina isihutu zama 'ru'ru wa, pẽ'ẽzé di, Zezusi hã. Duré ãhã wamhã pẽ'ẽzé ahâ di. 34Tahawa, ãne ma tô sadanharĩ za'ra:
— E mame ma tô asiwi isẽrẽ 'wa.
Tawamhã asa te tãma wasu'u za'ra, ãne:
— We aimorĩ wasiré, sabu da.
35Tawamhã pẽ'ẽzé ahâ wa, te aiwa'õ, Zezusi hã.
36Ãne wa, te dasima nharĩ za'ra ni, ãne:
— Õ hã te te sawi pese uptabi di. Te te sawi pese uptabi wa, te sô tiwawa.
37Tawamhã da'umro na te tãma nharĩ za'ra ni, ãne:
— Õ hã aibâ itob'a, ma tô to pese. E niha bété hâzé ré te te pese õ di, dâ'â tõ da, Lazaru hã.
Zezusi hã Lazaru te te ihâiwa'utuzé wasu'u
38Tawamhã Zezusi hã ma tô apâ ipẽ'ẽzé uptabi hã iwab ãzé. Tahawa te mo, ab're u, sa'a zahâpâ ab're ihâimana u. Tawamhã ab're u wisi wamhã, da te dasiwi ãma sitom haré, te ẽne hã za, itõmo za'ẽne hã.
39Tawamhã ma tô Zezusi hã ẽne hã dama ti'ru, isitobzé hã da te dasiwi sa'ré da.
Tahawa, ma tô Marta hã Zezusihi ma tinha, ãne:
— Wanhib'apito, da te dasiwi isẽrẽzém na hã, maparane si'uiwa na ma tô ãma timara. Tahawa, ma tô ti'ro. E 'ro nherẽ, te za isitobzé hã dasiwi sa'ré ni.
40Tawamhã Zezusi ma te asa ãma tãma wa'rã ãne:
— Tane nherẽ, te za dasiwi sa'ré ni. Ãma ĩzazei wamhã, dama iwaihu'u'õ te za i'madâ, 'Re ihâimana u'âsi mono te te i'manharĩzé hã. E ãne na hã te aima rowasu'u õ di bété aré. Wa tô aima rowasu'u.
41-42Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha:
— Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.
43Timama ma mreme pari, te oto Lazaruhu zô hâ, mreme 'rãihâ na, ãne:
— Lazaru, ab're hawi we aiwatobro, rob u.
44Tawamhã sô hârâ pari, ma tô watobro, dâ'â nherẽ, sib'rata ubu ré, duré para ubu ré, duré 'rã ubu ré. Tawamhã ma tô Zezusi hã dama ti'ru, ãne:
— I'ubuzé hã asiwi wasihui wa'aba, morĩ da.
Tahawa, ma tô siwi wasihu, i'ubuzé hã.
Zezusi, da te dasiwi wĩrĩ da, dama ipire norĩ te te ãma irosa'rata za'ra zé wasu'u
Mateu 26.1-5; Marcu 14.1-2; Luca 22.1-2
45Tawamhã da'ahâ na ma tô Zezusi hã saze za'ra ni, Mariaha u isihutu norĩ hã. Lazaru hã danho'a te te hâiwa'utu wa, ma saze za'ra ni, 'Re ihâimana u'âsi mono we te te isatõrĩ na. 46Tane nherẽ, ni'wam norĩ hã ma tô apâ ai'aba'ré, Zeruzalẽ u farizeu norĩ u, Lazaru te te ihâiwa'utuzém na te te tãma rowasu'u za'ra da. 47Tawamhã isimirowasu'u hã te te wapari za'ra wamhã, tisiré norĩ zô te sitẽme tihârâ za'ra, dama ipire norĩ zô. Tahawa, ma sitẽme si'rã'õtõ, sasedoti ipire norĩ hã, duré farizeu norĩ hã duré uburé zudeu norĩ ma roti'wa norĩ zama. Sitẽme si'rã'õtõ wamhã, ãne te sima rowasu'u za'ra:
— E marĩ, wa za bété wa norĩ hã wasiwi 'manharĩ ni. Õ hã te marĩ hã dama i'manharĩ waihu'u'õ hã te te dama 're ab'manharĩ u'âsi, tiwaihu'u pese na. 48Marĩ, wa te tãma 'manharĩ za'ra õ wamhã, aihĩni te za da te 're saze za'ra, 'Re ihâimana u'âsi mono te te ipisutu na Danho'reptui'wa da. Tawamhã romanu norĩ hã te za wei wazô aihutu. Taha wamhã, 'Re ihâimana u'âsi mono nhorõwa 'ri hã te za duré wawi sãmra za'ra. Te za duré siwi wa'uprosi za, uburé wasiré zudeu norĩ zu.
49-50Ã wahum na hã te Caifasi hã 're hâimana, sasedoti tisiré norĩ nhipai u ipire uptabi na hã. Tawamhã ta hã te tãma nharĩ za'ra, ãne:
— E marĩ da, rosa'rada hã waihu'u aba õ di bété. Aibâ misire wa te wasiwi wĩrĩ wamhã, aré wama 're rowẽ za'ra mono di. Aré aihĩni wasi'utõrĩ õ di.
51Ãne te te tãma rowasu'u za'ra wamhã, ã wahum na sasedoti ipire uptabi na 're ihâimana mono zéb zarina, si'uihâ nai õ nherẽ, te tãma rowaihu'u siromo za'ra, Zezusi hã dazada idâ'âzém na hã. 52Zudeu norĩ zada si, dâ'â õ di za, Zezusi hã. Daro mono bâ 'Re ihâimana u'âsi mono, ti'ra da, uburé te te 're i'apisutu mono norĩ zada, te za dârâ, simisutu i'ra si 're danomro mono da oto.
53Tawamhã Caifasihi nhimiroti hawi te te sima ãma sé za'ra oto, te te siwi wĩrĩ da, dama ipire norĩ hã. 54Tahawa, irob ãma 're morĩ õ di oto, Zudéa ãma, Zezusi hã. Darob amoi u te mo, Efraĩ na 'ri nho'õmo nhisi u. Rop si 're irosa'wari u'âsi mono 'rata, Efraĩ hã te 're hâimana. Tame te tisiré 're inomro mono norĩ me nhamra, Zezusi hã.
55Romhuture di oto, dato hã da te 're i'manharĩ za'ra mono zéb u hã, Pascowa na dato nhisi hã. Tahawa, da'ahâ na te Zeruzalẽ u 're danomro daro mono bâ, zudeu norĩ hã. Dato hã sãna'rata õ ré, te za dawasété na tasiwasu'u za'ra ni, 'Re ihâimana u'âsi mono ma, dawẽ na datoi u danhisisi da. Taha da, ma tô Zeruzalẽ u aihutu ni, bâdâ hã romhuture wa oto, datoi u hã. 56Dasihutu wamhã, Zezusihi zô te tanhopré ni. Ãne te taha wamhã dasima rowasu'u za'ra ni:
— E datoi u te za wei mo, 're idasi'rã'õtõ mono zéb u hã. Ãté wei morĩ õ di za.
57E marĩ wa. Zezusihi ãma te dama roti za'ra aré, dama ipire norĩ hã:
— Ma'ãpé nimame isãmra na 'mai'madâ'â aba wamhã, wei wama wasu'u za'ra wa'aba za, wa te waihu'u za'ra da.
Te te siwi âri da, ma tô ãne dama ãma nharĩ za'ra.
Currently Selected:
Zuwã 11: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Zuwã 11
11
Lazaru idâ'âzé wasu'u
1-3Tawamhã aibâ hã te 're hâimana, Lazaru na isisi hã, Betãnha na 'ri wa'õtõ nhisi ãma. Tame te duré ihidiba norĩ hã 're simasisi zahuré Maria norĩ hã, Martaha me. Maria hã niwapsi te za Zezusihi hã para u'ré, wedewa'u zadaze na, tãma rowẽ da. Taha parip si te za duré para u'õ, tizéré na hã.
Tawamhã ma tô tihâzé, Lazaru hã. Hâzé wa, ma tô ihidiba norĩ hã da'mazatõrĩ zahuré, Zezusihi zô da'maimorĩ da, ihitébré zahuré hã te te tãma 'maiwasu'u da. Itẽme wisi wamhã, ãne te Zezusihi ma wasu'u:
— Apito, aibâ 're isawi pese mono hã ma tô tihâzé.
4Tawamhã Zezusi, ãne hã te te wapari wamhã, te tinha, ãne:
— Tane tô. Dâ'â u'âsi nomro õ di za. Tahawa, te za 'Re ihâimana u'âsi mono ãma 're dawata za'ra, waihu'u pese wa. Ĩ'ãma zama te za duré 're dawata za'ra. Wa hã i'ra wa, te za duré ĩ'ãma 're dawata za'ra.
5Marta norĩ hã Zezusihi ma, sawi pese za'ra di, Lazaru norĩ me. 6Tane nherẽ, iwasu'u te te wapari wamhã, awa'awi itẽme morĩ õ di. Maparane ma tô ãma timara, tame sãmra ré a'â. 7Taha pari, te oto tisiré 're inomro mono norĩ ma nharĩ za'ra:
— Oto apâ Zudéa u wasi'aba'réi wa'aba.
8Tahawa, ma tô asa tãma nharĩ za'ra, ãne:
— Rowahutu'wa, e niha te za apâ aimo. Nimosi dama ipire norĩ hã te aré siwi aiwĩ, ẽtẽ na.
9Tawamhã ãne te tãma rowasu'u za'ra, Zezusi hã:
— Bâtâ pusizém hawimhã bâdâ sébrézéb u hã rowa'a di. Tawamhã ni'wa hã rowa'a na morĩ wamhã, simei õ di za. E marĩ wa. Rowa'a na hã rob'madâ'â pibui pese wa. 10Robra na morĩ wapsi hã, te za duré aime.
11Tawamhã Zezusi te duré tãma nharĩ za'ra, ãne:
— Wasiwadi te nhono, Lazaru hã. Wa za itẽme mo, te utu da.
12Tahawa ma tô duré asa tãma nharĩ za'ra, ãne:
— E marĩ da, te za itẽme aimo. Séptâ'â wa, te oto tinhotõ wẽ.
13Zezusihi si ma tô idâ'â uptabi na waihu'u. Isõtõ na te te tãma wasu'u za'ra wamhã, idâ'âzé te wasu'u. Taré sõtõ newa, te te waihu'u za'ra õ di, idâ'âzé hã. 14Te te waihu'u za'ra õ wa, sõ'awi te oto tãma rowasu'u za'ra, ãne:
— Lazaru hã ma tô dârâ. 15Hâzé ré i'rata ĩnhamra õ nherẽ, ĩma rowẽ di. E marĩ wa. Romhâimanazéb zarina, ĩwaihu'u pese na ĩzaze za'ra wa'aba wa za, ĩma rowẽ di. Oto itẽme wasi'aba'réi wa'aba.
16Tahawa, Tome hã isi'ubza na da te 're isisi za'ra mono hã te tãma nharĩ za'ra, ãne:
— Oto ime wasi'aba'réi wa'aba, isu da te wa'uprosi da nherẽ.
Didimo na isisi hã dasi'ubza, te wasu'u.
Zezusi hã apâ dahâiwa'utu'wa na isiwasu'uzé wasu'u
17-19Tawamhã Zezusi hã Betãnha u wisi wamhã, ma tô ni'wa hã tãma rowasu'u, ãne:
— Lazaru hã ma tô dârâ. Ma tô duré dasiwi sẽrẽ ni. Maparane si'uiwa na ma tô ãma timara oto, da te dasiwi isẽrẽzém na hã.
Tawamhã Betãnha u hã romhuture wa, ma tô da'ahâ na iwana aihutu ni, Zeruzalẽ hawimhã. Si'ubdatõ ti'ai pibuzé hã Betãnha u da hã. Marta norĩ hã da te dasina pẽ'ẽtété zahuré da, ma itẽme hã aihutu ni, ihitébré hã tiwi dâ'â zahuré wa. 20Tawamhã Marta, Zezusi iwisizé te te waihu'u wamhã, ma tô itẽme watobro, te te sõpẽtẽ da. Taha wamhã, Mariaha si te isa'u nhamra, 'ri para. 21Tawamhã Marta hã Zezusi te te sina uzusi wamhã, ãne ma tô tãma tinha:
— Wanhib'apito, wahitébré hã hâzé ré wa'rata asãmra 'wa'âhã, aré wawi dâ'â õ di. 22Dâ'â nherẽ, 'Re ihâimana u'âsi mono ma, aimreme wamhã, te za aima ãma uwaimra.
23Tawamhã Zezusi te asa tãma tinha, ãne:
— Tane tô. Dâ'â nherẽ, te za hâiwa'udu, aihitébré 'wa hã.
24Marta te duré asa tãma tinha, ãne:
— Tane tô. Bâdâ ma tô sima pisutu 'Re ihâimana u'âsi mono hã, adâ hã te te i'ahâiwa'utuzéb da hã. Tawapsi te za wahitébré hã dazu hâiwa'utu.
25-26Tawamhã Zezusi te duré asa tãma tinha, ãne:
— Wa hã, 're dadâ'â za'ra mono nherẽ, te 're da'ahâiwa'utu mono pari, 're idanomro u'âsi mono zé te dama 're i'apisutu mono. Ni'wam norĩ hã Danho'reptui'wa na te te sina 're ĩ'umnhasi za'ra mono wamhã, tãma 're rowẽ za'ra mono di za. 'Re dâ'â za'ra mono wamhã, dâ'â ãna te za 're hâimana u'âsi za'ra, hâiwa ãma. E tô sena ma ĩmreme hã isaze.
27Tawamhã Marta ma asa ãma tãma wa'rã ãne:
— Ĩhe. Tô sena, wa aimreme hã saze. A hã Danho'reptui'wa da, 'Re ihâimana u'âsi mono te te i'aipisudu. A hã 'Re ihâimana u'âsi mono 'ra. Wahi'rata norĩ hã asô 're isimipari za'ra mono, a hã, ti'ai u we aimorĩ da hã.
Zezusi isiwa'õzé wasu'u
28Tawamhã apâ te mo Marta hã, 'ri tẽme. Ti'awi pesere ma tô tinoi ma rowasu'u, ãne Mariaha ma:
— Rowahutu'wa te we asô hâ, itẽme aimorĩ da.
29-30Tahawa, ma si'aba'ré na wahudu, Zezusihi u wei morĩ da, Maria hã. Ãhã wamhã, zahadu 'ri tẽmemhã, wisi õ di, Zezusi hã. Marta te te i'uzusizéb ãma, te zahadu tihâiba. 31Tawamhã Maria hã watobro wamhã, ma isarina wairé rob u, isõrõwa ãma te te sina ipẽ'ẽtété za'ra norĩ hã, tihitébré 'ru u morĩ newa, ãma wawa da. Tane nherẽ, tihitébré 'ru u morĩ õ di, Maria hã. Zezusihi u te wei mo.
32Maria hã we itẽme wisi wamhã, hi'rãtitõ ma ipapara nhamra, Zezusihi ma hã wapure wa. Tawamhã ãne te tãma tinha:
— Wanhib'apito, wahitébré hã hâzé ré, wa'rata asãmra 'wa'âhã, aré wawi dâ'â õ di.
33Tawamhã Maria hã pẽ'ẽzé te, siwa'õ wa, duré we isarina isihutu zama 'ru'ru wa, pẽ'ẽzé di, Zezusi hã. Duré ãhã wamhã pẽ'ẽzé ahâ di. 34Tahawa, ãne ma tô sadanharĩ za'ra:
— E mame ma tô asiwi isẽrẽ 'wa.
Tawamhã asa te tãma wasu'u za'ra, ãne:
— We aimorĩ wasiré, sabu da.
35Tawamhã pẽ'ẽzé ahâ wa, te aiwa'õ, Zezusi hã.
36Ãne wa, te dasima nharĩ za'ra ni, ãne:
— Õ hã te te sawi pese uptabi di. Te te sawi pese uptabi wa, te sô tiwawa.
37Tawamhã da'umro na te tãma nharĩ za'ra ni, ãne:
— Õ hã aibâ itob'a, ma tô to pese. E niha bété hâzé ré te te pese õ di, dâ'â tõ da, Lazaru hã.
Zezusi hã Lazaru te te ihâiwa'utuzé wasu'u
38Tawamhã Zezusi hã ma tô apâ ipẽ'ẽzé uptabi hã iwab ãzé. Tahawa te mo, ab're u, sa'a zahâpâ ab're ihâimana u. Tawamhã ab're u wisi wamhã, da te dasiwi ãma sitom haré, te ẽne hã za, itõmo za'ẽne hã.
39Tawamhã ma tô Zezusi hã ẽne hã dama ti'ru, isitobzé hã da te dasiwi sa'ré da.
Tahawa, ma tô Marta hã Zezusihi ma tinha, ãne:
— Wanhib'apito, da te dasiwi isẽrẽzém na hã, maparane si'uiwa na ma tô ãma timara. Tahawa, ma tô ti'ro. E 'ro nherẽ, te za isitobzé hã dasiwi sa'ré ni.
40Tawamhã Zezusi ma te asa ãma tãma wa'rã ãne:
— Tane nherẽ, te za dasiwi sa'ré ni. Ãma ĩzazei wamhã, dama iwaihu'u'õ te za i'madâ, 'Re ihâimana u'âsi mono te te i'manharĩzé hã. E ãne na hã te aima rowasu'u õ di bété aré. Wa tô aima rowasu'u.
41-42Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha:
— Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.
43Timama ma mreme pari, te oto Lazaruhu zô hâ, mreme 'rãihâ na, ãne:
— Lazaru, ab're hawi we aiwatobro, rob u.
44Tawamhã sô hârâ pari, ma tô watobro, dâ'â nherẽ, sib'rata ubu ré, duré para ubu ré, duré 'rã ubu ré. Tawamhã ma tô Zezusi hã dama ti'ru, ãne:
— I'ubuzé hã asiwi wasihui wa'aba, morĩ da.
Tahawa, ma tô siwi wasihu, i'ubuzé hã.
Zezusi, da te dasiwi wĩrĩ da, dama ipire norĩ te te ãma irosa'rata za'ra zé wasu'u
Mateu 26.1-5; Marcu 14.1-2; Luca 22.1-2
45Tawamhã da'ahâ na ma tô Zezusi hã saze za'ra ni, Mariaha u isihutu norĩ hã. Lazaru hã danho'a te te hâiwa'utu wa, ma saze za'ra ni, 'Re ihâimana u'âsi mono we te te isatõrĩ na. 46Tane nherẽ, ni'wam norĩ hã ma tô apâ ai'aba'ré, Zeruzalẽ u farizeu norĩ u, Lazaru te te ihâiwa'utuzém na te te tãma rowasu'u za'ra da. 47Tawamhã isimirowasu'u hã te te wapari za'ra wamhã, tisiré norĩ zô te sitẽme tihârâ za'ra, dama ipire norĩ zô. Tahawa, ma sitẽme si'rã'õtõ, sasedoti ipire norĩ hã, duré farizeu norĩ hã duré uburé zudeu norĩ ma roti'wa norĩ zama. Sitẽme si'rã'õtõ wamhã, ãne te sima rowasu'u za'ra:
— E marĩ, wa za bété wa norĩ hã wasiwi 'manharĩ ni. Õ hã te marĩ hã dama i'manharĩ waihu'u'õ hã te te dama 're ab'manharĩ u'âsi, tiwaihu'u pese na. 48Marĩ, wa te tãma 'manharĩ za'ra õ wamhã, aihĩni te za da te 're saze za'ra, 'Re ihâimana u'âsi mono te te ipisutu na Danho'reptui'wa da. Tawamhã romanu norĩ hã te za wei wazô aihutu. Taha wamhã, 'Re ihâimana u'âsi mono nhorõwa 'ri hã te za duré wawi sãmra za'ra. Te za duré siwi wa'uprosi za, uburé wasiré zudeu norĩ zu.
49-50Ã wahum na hã te Caifasi hã 're hâimana, sasedoti tisiré norĩ nhipai u ipire uptabi na hã. Tawamhã ta hã te tãma nharĩ za'ra, ãne:
— E marĩ da, rosa'rada hã waihu'u aba õ di bété. Aibâ misire wa te wasiwi wĩrĩ wamhã, aré wama 're rowẽ za'ra mono di. Aré aihĩni wasi'utõrĩ õ di.
51Ãne te te tãma rowasu'u za'ra wamhã, ã wahum na sasedoti ipire uptabi na 're ihâimana mono zéb zarina, si'uihâ nai õ nherẽ, te tãma rowaihu'u siromo za'ra, Zezusi hã dazada idâ'âzém na hã. 52Zudeu norĩ zada si, dâ'â õ di za, Zezusi hã. Daro mono bâ 'Re ihâimana u'âsi mono, ti'ra da, uburé te te 're i'apisutu mono norĩ zada, te za dârâ, simisutu i'ra si 're danomro mono da oto.
53Tawamhã Caifasihi nhimiroti hawi te te sima ãma sé za'ra oto, te te siwi wĩrĩ da, dama ipire norĩ hã. 54Tahawa, irob ãma 're morĩ õ di oto, Zudéa ãma, Zezusi hã. Darob amoi u te mo, Efraĩ na 'ri nho'õmo nhisi u. Rop si 're irosa'wari u'âsi mono 'rata, Efraĩ hã te 're hâimana. Tame te tisiré 're inomro mono norĩ me nhamra, Zezusi hã.
55Romhuture di oto, dato hã da te 're i'manharĩ za'ra mono zéb u hã, Pascowa na dato nhisi hã. Tahawa, da'ahâ na te Zeruzalẽ u 're danomro daro mono bâ, zudeu norĩ hã. Dato hã sãna'rata õ ré, te za dawasété na tasiwasu'u za'ra ni, 'Re ihâimana u'âsi mono ma, dawẽ na datoi u danhisisi da. Taha da, ma tô Zeruzalẽ u aihutu ni, bâdâ hã romhuture wa oto, datoi u hã. 56Dasihutu wamhã, Zezusihi zô te tanhopré ni. Ãne te taha wamhã dasima rowasu'u za'ra ni:
— E datoi u te za wei mo, 're idasi'rã'õtõ mono zéb u hã. Ãté wei morĩ õ di za.
57E marĩ wa. Zezusihi ãma te dama roti za'ra aré, dama ipire norĩ hã:
— Ma'ãpé nimame isãmra na 'mai'madâ'â aba wamhã, wei wama wasu'u za'ra wa'aba za, wa te waihu'u za'ra da.
Te te siwi âri da, ma tô ãne dama ãma nharĩ za'ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.