Zuwã 5
5
Zezusi hã aibâ ihi'ré te te ipesezé wasu'u
1Tawamhã suru na ãma ronomro pari, ma tô dato isa'ẽne hã tihâiba, zudeu norĩ te hã. Tahawa, ma tô Zeruzalẽ u dame mo Zezusi hã, taha na dame hâimana da. 2-5Tawamhã Zeruzalẽ ãma te aibâ hã 're sãmra, ihâzé ré hã. 38 na ma tô oto ãma tiwahu, tihâzé te te 're sépata mono ré hã. Ta hã te dame nomro, ihâzé ré norĩ me, itob'a norĩ me, duré i'rãtẽire norĩ me, duré ihi'ré norĩ me zama. Pu'u 'rata te ta norĩ hã 're simi'wara, pu'u wawẽ 'rata. 'Ri 'wawi wa'ra ãma, pu hã. Tame 'ridawa hã pone'ẽrebâ 'mazasizé hã. Hebreu norĩ mreme na Betezata na 'ridawa nhisi hã. Pu'u 'rata te uridi hã 're simasa, 5 na ihâiba hã. Tame te da'ahâ na 're danhimi'wara uriti wa, ihâzé ré hã. Hâiwa ãma Danhib'apito uptabi ma romhuri'wa zô, te dasina 're danhimipari za'ra. Ta hã te we 're ne hâiwa hawi, â hã te te 're upi mono wa, 're âsisasisi mono da. Tawamhã ni'wa hã â sisasisi ré, te te isi'rai 'rada hã te za séptârâ. 6Tawamhã Zezusi hã ma tô oto datẽme wi, ihâzé ré norĩ u. Wisi wi, ma aibâ hã tisã. Hâzé ré ãma iwahub ahâ na ma tô waihu'u, Zezusi hã. Tahawa, te aibâ ma tinha, ãne:
— E aséptâ'â da hã te asima iwẽ.
7Tawamhã aibâ ma te asa ãma sada'â, ãne:
— Apito, ni'wa hã hâimana õ di, 're âsisasisi mono ré, ĩ'ãma isi'rai'wa da hã pu'u u. E marĩ wa. Âi ba hã atãma hâire nasi ĩsi'réi mono ré, te nasi ĩwana si'ra za'ra ni.
8Tahawa, ma tô Zezusi hã tãma tinha, ãne:
— Ma'ãpé, aiwahutu. Asa'warizé hã âri, aimorĩ da oto.
9Ãhã wamhã, ma tô awa'awi tipese, aibâ hã. Pese wamhã, tiza'warizé hã ma tô ti'â. Tawamhã para na te oto 're mo. Ãne na hã sabadu na ma tô tiromhâiba, romhuri zahârizém na. 10Tahawa, ma tô zudeu norĩ nhib'apito hã tãma nharĩ za'ra, ãne:
— 'Re ihâimana u'âsi mono ma tô dama roti, da te 're romhuri za'ra mono tõ da, sabadu na hã. A hã isimiroti 'madâ'â ãna te asa'warizé hã 're i'â, romhuri zahârizém na.
11Tahawa, te aibâ hã asa tãma nharĩ za'ra, ãne:
— Aibâ hã ĩpese'wa, ma tô ĩza'warizé hã ĩma ti'ru, te âri da, ĩpara na oto 're ĩmorĩ da.
12Tawamhã te sadanharĩ za'ra, ãne:
— E 'wa hã ma tô asa'warizé hã aima ti'ru, âri da, aipara na 're aimorĩ da oto.
13Tawamhã ma tô duré aibâ hã asa ãma tãma wa'rãmi za'ra, ãne:
— Me. Te waihu'u õ di, wa hã. — Ãne ma te asa ãma sada'âbâ za'ra. Zezusi hã te te pese pari, ãma sapa'a õ di. Da'ahâ wa, te awa'awi isiti mo. Ãne wa, Zezusihi nhisi hã te te waihu'u õ di tô, aibâ hã.
14Tawamhã 'ri 'wawi wa'ra 're, ma tô aibâ hã sõpẽtẽ Zezusi hã, 'Re ihâimana u'âsi mono nhorõwa ãma. Te te sõpẽtẽ wamhã, ãne te aibâ ma tinha, Zezusi hã:
— Ma tô oto aséptâ, ãhã na hã. Tahawa, aiwasédé hã 're 'manharĩ mono õ di za oto, 're 'manharĩ u'âsi mono wa, marĩ iwasété uptabi aima 're hâimana mono õ'umnhasite.
15Tawamhã aibâ te mo, dama ipire norĩ u. Ãne te tãma siwasu'u za'ra oto:
— Ĩpese'wa hã, wa tô oto waihu'u. Zezusi hã ma te tô ĩpese.
16Tahawa, dama ipire norĩ hã te oto sada tihâimana za'ra, romhuri zahârizém na te te pese wa, sabadu na.
17Tawamhã Zezusi hã ma tô tãma nharĩ za'ra, ãne:
— Ĩmama hã te za te te 're da'apawaptob u'âsi. Ĩzama wa za duré te 're da'apawapto.
18Tahawa, te ãma sima roti za'ra, te te siwi wĩrĩ da, romhuri zahârizé hã isimiroti za'ra zarina, te te 'madâ'â õ wa, duré 'Re ihâimana u'âsi mono hã Timama na te te wasu'u wa, aiwa iwaihu'u pese zahuré na hã.
Zezusi hã, Timama zadawa para dama pire na 're ihâimana mono zé wasu'u
19Tawamhã Zezusi hã te duré tãma nharĩ za'ra, ãne:
— Tô sena, wa aima waihu'u za'ra wa'wa. Wa hã ĩsi'uihâ na dama i'manharĩ waihu'u'õ na te 're da'apawapto waihu'u mono õ di. Ĩmama zadawa para, wa tô te 're da'apawapto. Ĩmama hã tiwaihu'u pese na te te 're ida'apawapto mono ne, wa tô te 're da'apawapto. 20Wa hã i'ra wa, te te 're ĩzawi pese. Ta hã ma tô ĩpisutu, dama i'manharĩ waihu'u'õ na te te 're ida'apawapto mono ne, te duré 're da'apawapto mono da. Wa hã te 're da'apese mono wa, ma tô ĩ'ãma 're datob'uzu za'ra. Zahadu wapsi, Ĩmama te za duré ĩma tinha, tiwaihu'u pese na te te 're ida'apawapto mono zarina, te 're da'apawapto mono da. Tawamhã te za duré ĩ'ãma 're datob'uzu za'ra, ĩwaihu'u pese uptabi wa. 21'Re dadâ'â za'ra mono wa, te Ĩmama hã ab're hawi te te 're da'ahâiwa'utu, apâ 're danomro u'âsi mono da. Ĩzama te ĩsima 're i'awẽ mono norĩ ma, wa za duré te 're anharĩ, apâ 're hâiwa'utu za'ra mono wa, 're nomro u'âsi mono da, wa hã i'ra wa. Tawapsi te za da te 're ĩwaihu'u za'ra, ĩwaihu'u pese uptabi na. 22-23Ĩmama hã 'râwi sipisutu õ di, ti'ai ãma dahâimanazéb zarina te te dama 're arowairébé mono da. Taha da, ma tô ti'ra wa, ĩpisutu. E marĩ da. Ãma 're idawata za'ra mono ne, isine ĩwaihu'u pese wa, ĩ'ãma zama 're dawata za'ra mono da. Ĩ'ãma 're dawata za'ra mono õ wamhã, we ĩzatõrĩ'wai ãma zama duré 're dawata za'ra mono õ di za, Ĩmama ãma hã.
24-25— Ĩmreme hã da te 're wapari za'ra mono wamhã, duré we ĩzatõrĩ'wa hã da te dasina 're umnhasi za'ra mono wamhã, te za dapẽ'ẽ na da te sina 're uwaimrami siromo za'ra, rowẽ na 're idahâimana u'âsi za'ra mono zé hã. 'Re ihâimana u'âsi mono nhimihâzé hã da te dasina 're waihu'u za'ra mono õ di za. Te za dapẽ'ẽ na ãma saprĩ siromo za'ra ni, dapẽ'ẽ 're, dadâ'â u'âsi 're idahâimana za'ra mono zém hawi, dapẽ'ẽ 're rowẽ na 're idahâimana u'âsi za'ra mono zéb u hã. 26Imama hã dapẽ'ẽ 're, dadâ'â ãna rowẽ na 're idahâimana u'âsi za'ra mono zé nhomri'wa dama. I'ra wa, ma tô duré pisutu, taha zama 're idahâimana u'âsi za'ra mono zé nhomri'wa na dama 're ihâimana mono da hã. 27Ta hã ma tô duré tãma tinha, ti'ai ãma dahâimanazéb zarina, te te dama 're arowairébé mono da, isadawa para ti'ai ãma Dasiré Ipodo hã 're hâimana mono wa.
28-29— Ĩmreme na atob'uzu za'ra wa'aba mono õ di za. Niwapsi te za 're idadâ'â za'ra mono hã tahâiwa'utu za'ra ni. Ihârâ hã da te wapari za'ra wa, te za ab're hawi tawairébé ni. Tawamhã 're inomro wẽ mono norĩ hã te za apâ hâiwa'utu za'ra, rowẽ u'âsi 're hâimana u'âsi za'ra mono da oto, 'Re ihâimana u'âsi mono 'rata. 'Re inomro wasété mono norĩ zama, te za duré apâ hâiwa'utu za'ra, 'Re ihâimana u'âsi mono nhimihâzé hã te te sina 're waihu'u za'ra mono da oto.
Zezusi hã, Timama zadawa para datẽme 're imorĩzém na dama isiwasu'uzé
30— Ĩnhimipisutu zarina si, marĩ na te dama 're arowairébé mono õ di za. Ĩmama nhimipisutu zarina si, wa za ti'ai ãma 're idahâimana za'ra mono zéb zarina, te dama 're arowairébé. Ĩnhimipisutu zarina, marĩ na te dama 're arowairébé mono da, te ĩsima 're da'awẽ mono õ di, wa hã. We ĩzatõrĩ'wa nhimipisutu zarina si, te dama 're arowairébé mono da, wa ĩsima te 're da'awẽ u'âsi. Tahawa, te dama 're arowairébé mono wamhã, te dama ãma upa za'ra õ di za. Duré ropipa hã 're inomro wasété mono norĩ ma, te 're apisutu mono wamhã, te tãma ãma 're a'upai mono õ di za.
31— Ĩsiwaprosi uptabi, aima ĩsiwasu'u za'ra wa'aba õ di. Ni'wa te te ĩzadawa waptob õ wamhã, ãté te za ĩzadawa nhipese na ĩma 're inharĩ za'ra wa'aba mo. Tahawa, ĩsiwaprosi uptabi, aima ĩsiwasu'u za'ra wa'aba õ di. 32Ihâiba amo hã ma tô ĩzadawa wapto. Tô sena ma tô aima sina ĩwasu'u za'ra wa'wa. Ãne na wa tô waihu'u.
33-37— Â ro'ore hã te te dama rob'uiwẽ wamhã, dama rowẽ di. Tane Zuwã Batista hã ma tô simi'ẽ na te te dama 're sadawa wasu'u, 'Re ihâimana u'âsi mono hã. Tawamhã te te dama 're sadawa wasu'u mono ré hã, dama 're rowẽ za'ra mono di. A norĩ wa'wa hã ma tô itẽme ida'mazatõrĩ za'ra wa'wa, te te siwi sadanharĩ da hã, isimirowasu'u na. Tô sena isimirowasu'u hã. E marĩ da, wa ãma aipo're pu'u za'ra wa'wa, Zuwã Batista te te ĩ'ãma irowasu'uzém na hã. 'Re ĩzaze za'ra wa'aba mono wa, te 're asõ'reptu za'ra wa'aba mono da, wa ãma aipo're pu'u za'ra wa'wa, isimirowasu'u na hã ĩ'ãma. Zuwã Batista hã ma tô mreme pire na te te dama 're ĩwasu'u wẽ. Mreme pire nherẽ, ti'ai ãma ipodo, õ hã. Ti'ai ãma 're ipoto za'ra mono zô si, 're ĩnhimipari mono õ di, te te dama 're ĩwasu'u wẽ za'ra mono wa, da te 're ĩzaze za'ra mono da. E marĩ wa. Ĩmama hã te te dama 're ĩwasu'u wẽ mono wa, 'Re ihâimana u'âsi mono hã. Ta hã ma tô ĩpisutu, te te 're iromhõsi mono zarina, te 're da'apawapto mono da, we te te ĩzatõrĩ na da te dasiwi 're waihu'u za'ra mono da. A norĩ wa'wa hã niwa atõmo na 'madâ'â za'ra wa'aba õ di, Ĩmama hã. Duré niwa aipo're na imreme hã wapari za'ra wa'aba õ di. 38Duré imreme hã aipẽ'ẽ 're, 're hâimana za'ra wa'aba mono õ di. Tahawa, te te we atẽme ĩzatõrĩ za'ra wa'aba nherẽ, asina 're ĩ'umnhasi za'ra wa'aba mono õ di. 39-40A norĩ wa'wa hã te ãne asima 're irowasu'u za'ra wa'aba mo: “Wa norĩ hã wa wa te 're sõré u'âsi za'ra, 'Re ihâimana u'âsi mono mreme ui'éré hã. Tahawa, wa za ãma wasina uwaimrami za'ra ni, 're idanomro u'âsi mono zé hã.” Ãne te asima 're irowasu'u za'ra wa'aba mo. Ta hã te ĩwasu'u, 'Re ihâimana u'âsi mono mreme ui'éré hã. 'Re sõré u'âsi za'ra wa'aba mono nherẽ, asima 're ĩwẽ za'ra wa'aba mono õ di, 're ĩzaze za'ra wa'aba mono da hã. 'Re ĩzaze za'ra wa'aba mono 'wa'âhã, wa aré aima pisutu za'ra wa'wa, 're idanomro u'âsi mono zé hã asina uwaimrami za'ra wa'aba da.
41— Wa hã ĩ'ãma 're aiwata za'ra wa'aba mono zô, ĩsina 're ĩnhimnhasi mono õ di. 42E marĩ wa. Te ĩsina aiwaihu'u za'ra wa'aba wa, asimirosa'rata za'ra wa'aba na. 'Re ihâimana u'âsi mono, 're sawi pese za'ra wa'aba mono õ di. 43Ĩzama asiwi 're ĩzawi pese za'ra wa'aba mono õ di. Ĩmama zadawa para we atẽme ĩmorĩ za'ra wa'aba nherẽ, ãma 're ĩzaze za'ra wa'aba mono õ di. Ãté te za ni'wam norĩ nhimirowasu'u si 're isazei pese za'ra wa'aba mo, 'Re ihâimana u'âsi mono te te we datẽme 're satõrĩ za'ra mono õ nherẽ, ta norĩ hã. 44A norĩ wa'wa hã 'Re ihâimana u'âsi mono te te 're aiwẽsãmri za'ra wa'aba mono da, asima 're wẽ uptabi za'ra wa'aba mono õ di. Ma tô asima 're idawẽ uptabi za'ra wa'aba mo, ti'ai ãma 're idanomro mono si te te 're aiwẽsãmri za'ra wa'aba mono da. E niha te za tawamhã, asina 're ĩ'umnhasi za'ra wa'aba mo. Wa hã i'ra nherẽ, ãté asina 're ĩ'umnhasi za'ra wa'aba mono õ di za. 45E Ĩmama ma, wa za aiwasu'u za'ra wa'wa, 're ĩzaze za'ra wa'aba mono õ na. Mare di. Mozési hã te za tãma aiwasu'u za'ra wa'wa, 're ĩzaze za'ra wa'aba mono õ na, aima i'umnhasi za'ra wa'wa hã. 46Duréihã Mozési hã ma tô ĩwana ĩ'ãma rob'ui'éré siro dama. Tane nherẽ, isimi'ui'éré hã sena na 're saze za'ra wa'aba mono õ di. 'Re saze za'ra wa'aba mono 'wa'âhã, te aré 're ĩzaze za'ra wa'aba mo. 47Ĩ'ãma rob'ui'éré hã sena na 're saze za'ra wa'aba mono õ wamhã, e niha te za tawamhã ĩmreme na 're ĩzaze za'ra wa'aba mo. Ãté ĩmreme na 're ĩzaze za'ra wa'aba mono õ di za.
Currently Selected:
Zuwã 5: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Zuwã 5
5
Zezusi hã aibâ ihi'ré te te ipesezé wasu'u
1Tawamhã suru na ãma ronomro pari, ma tô dato isa'ẽne hã tihâiba, zudeu norĩ te hã. Tahawa, ma tô Zeruzalẽ u dame mo Zezusi hã, taha na dame hâimana da. 2-5Tawamhã Zeruzalẽ ãma te aibâ hã 're sãmra, ihâzé ré hã. 38 na ma tô oto ãma tiwahu, tihâzé te te 're sépata mono ré hã. Ta hã te dame nomro, ihâzé ré norĩ me, itob'a norĩ me, duré i'rãtẽire norĩ me, duré ihi'ré norĩ me zama. Pu'u 'rata te ta norĩ hã 're simi'wara, pu'u wawẽ 'rata. 'Ri 'wawi wa'ra ãma, pu hã. Tame 'ridawa hã pone'ẽrebâ 'mazasizé hã. Hebreu norĩ mreme na Betezata na 'ridawa nhisi hã. Pu'u 'rata te uridi hã 're simasa, 5 na ihâiba hã. Tame te da'ahâ na 're danhimi'wara uriti wa, ihâzé ré hã. Hâiwa ãma Danhib'apito uptabi ma romhuri'wa zô, te dasina 're danhimipari za'ra. Ta hã te we 're ne hâiwa hawi, â hã te te 're upi mono wa, 're âsisasisi mono da. Tawamhã ni'wa hã â sisasisi ré, te te isi'rai 'rada hã te za séptârâ. 6Tawamhã Zezusi hã ma tô oto datẽme wi, ihâzé ré norĩ u. Wisi wi, ma aibâ hã tisã. Hâzé ré ãma iwahub ahâ na ma tô waihu'u, Zezusi hã. Tahawa, te aibâ ma tinha, ãne:
— E aséptâ'â da hã te asima iwẽ.
7Tawamhã aibâ ma te asa ãma sada'â, ãne:
— Apito, ni'wa hã hâimana õ di, 're âsisasisi mono ré, ĩ'ãma isi'rai'wa da hã pu'u u. E marĩ wa. Âi ba hã atãma hâire nasi ĩsi'réi mono ré, te nasi ĩwana si'ra za'ra ni.
8Tahawa, ma tô Zezusi hã tãma tinha, ãne:
— Ma'ãpé, aiwahutu. Asa'warizé hã âri, aimorĩ da oto.
9Ãhã wamhã, ma tô awa'awi tipese, aibâ hã. Pese wamhã, tiza'warizé hã ma tô ti'â. Tawamhã para na te oto 're mo. Ãne na hã sabadu na ma tô tiromhâiba, romhuri zahârizém na. 10Tahawa, ma tô zudeu norĩ nhib'apito hã tãma nharĩ za'ra, ãne:
— 'Re ihâimana u'âsi mono ma tô dama roti, da te 're romhuri za'ra mono tõ da, sabadu na hã. A hã isimiroti 'madâ'â ãna te asa'warizé hã 're i'â, romhuri zahârizém na.
11Tahawa, te aibâ hã asa tãma nharĩ za'ra, ãne:
— Aibâ hã ĩpese'wa, ma tô ĩza'warizé hã ĩma ti'ru, te âri da, ĩpara na oto 're ĩmorĩ da.
12Tawamhã te sadanharĩ za'ra, ãne:
— E 'wa hã ma tô asa'warizé hã aima ti'ru, âri da, aipara na 're aimorĩ da oto.
13Tawamhã ma tô duré aibâ hã asa ãma tãma wa'rãmi za'ra, ãne:
— Me. Te waihu'u õ di, wa hã. — Ãne ma te asa ãma sada'âbâ za'ra. Zezusi hã te te pese pari, ãma sapa'a õ di. Da'ahâ wa, te awa'awi isiti mo. Ãne wa, Zezusihi nhisi hã te te waihu'u õ di tô, aibâ hã.
14Tawamhã 'ri 'wawi wa'ra 're, ma tô aibâ hã sõpẽtẽ Zezusi hã, 'Re ihâimana u'âsi mono nhorõwa ãma. Te te sõpẽtẽ wamhã, ãne te aibâ ma tinha, Zezusi hã:
— Ma tô oto aséptâ, ãhã na hã. Tahawa, aiwasédé hã 're 'manharĩ mono õ di za oto, 're 'manharĩ u'âsi mono wa, marĩ iwasété uptabi aima 're hâimana mono õ'umnhasite.
15Tawamhã aibâ te mo, dama ipire norĩ u. Ãne te tãma siwasu'u za'ra oto:
— Ĩpese'wa hã, wa tô oto waihu'u. Zezusi hã ma te tô ĩpese.
16Tahawa, dama ipire norĩ hã te oto sada tihâimana za'ra, romhuri zahârizém na te te pese wa, sabadu na.
17Tawamhã Zezusi hã ma tô tãma nharĩ za'ra, ãne:
— Ĩmama hã te za te te 're da'apawaptob u'âsi. Ĩzama wa za duré te 're da'apawapto.
18Tahawa, te ãma sima roti za'ra, te te siwi wĩrĩ da, romhuri zahârizé hã isimiroti za'ra zarina, te te 'madâ'â õ wa, duré 'Re ihâimana u'âsi mono hã Timama na te te wasu'u wa, aiwa iwaihu'u pese zahuré na hã.
Zezusi hã, Timama zadawa para dama pire na 're ihâimana mono zé wasu'u
19Tawamhã Zezusi hã te duré tãma nharĩ za'ra, ãne:
— Tô sena, wa aima waihu'u za'ra wa'wa. Wa hã ĩsi'uihâ na dama i'manharĩ waihu'u'õ na te 're da'apawapto waihu'u mono õ di. Ĩmama zadawa para, wa tô te 're da'apawapto. Ĩmama hã tiwaihu'u pese na te te 're ida'apawapto mono ne, wa tô te 're da'apawapto. 20Wa hã i'ra wa, te te 're ĩzawi pese. Ta hã ma tô ĩpisutu, dama i'manharĩ waihu'u'õ na te te 're ida'apawapto mono ne, te duré 're da'apawapto mono da. Wa hã te 're da'apese mono wa, ma tô ĩ'ãma 're datob'uzu za'ra. Zahadu wapsi, Ĩmama te za duré ĩma tinha, tiwaihu'u pese na te te 're ida'apawapto mono zarina, te 're da'apawapto mono da. Tawamhã te za duré ĩ'ãma 're datob'uzu za'ra, ĩwaihu'u pese uptabi wa. 21'Re dadâ'â za'ra mono wa, te Ĩmama hã ab're hawi te te 're da'ahâiwa'utu, apâ 're danomro u'âsi mono da. Ĩzama te ĩsima 're i'awẽ mono norĩ ma, wa za duré te 're anharĩ, apâ 're hâiwa'utu za'ra mono wa, 're nomro u'âsi mono da, wa hã i'ra wa. Tawapsi te za da te 're ĩwaihu'u za'ra, ĩwaihu'u pese uptabi na. 22-23Ĩmama hã 'râwi sipisutu õ di, ti'ai ãma dahâimanazéb zarina te te dama 're arowairébé mono da. Taha da, ma tô ti'ra wa, ĩpisutu. E marĩ da. Ãma 're idawata za'ra mono ne, isine ĩwaihu'u pese wa, ĩ'ãma zama 're dawata za'ra mono da. Ĩ'ãma 're dawata za'ra mono õ wamhã, we ĩzatõrĩ'wai ãma zama duré 're dawata za'ra mono õ di za, Ĩmama ãma hã.
24-25— Ĩmreme hã da te 're wapari za'ra mono wamhã, duré we ĩzatõrĩ'wa hã da te dasina 're umnhasi za'ra mono wamhã, te za dapẽ'ẽ na da te sina 're uwaimrami siromo za'ra, rowẽ na 're idahâimana u'âsi za'ra mono zé hã. 'Re ihâimana u'âsi mono nhimihâzé hã da te dasina 're waihu'u za'ra mono õ di za. Te za dapẽ'ẽ na ãma saprĩ siromo za'ra ni, dapẽ'ẽ 're, dadâ'â u'âsi 're idahâimana za'ra mono zém hawi, dapẽ'ẽ 're rowẽ na 're idahâimana u'âsi za'ra mono zéb u hã. 26Imama hã dapẽ'ẽ 're, dadâ'â ãna rowẽ na 're idahâimana u'âsi za'ra mono zé nhomri'wa dama. I'ra wa, ma tô duré pisutu, taha zama 're idahâimana u'âsi za'ra mono zé nhomri'wa na dama 're ihâimana mono da hã. 27Ta hã ma tô duré tãma tinha, ti'ai ãma dahâimanazéb zarina, te te dama 're arowairébé mono da, isadawa para ti'ai ãma Dasiré Ipodo hã 're hâimana mono wa.
28-29— Ĩmreme na atob'uzu za'ra wa'aba mono õ di za. Niwapsi te za 're idadâ'â za'ra mono hã tahâiwa'utu za'ra ni. Ihârâ hã da te wapari za'ra wa, te za ab're hawi tawairébé ni. Tawamhã 're inomro wẽ mono norĩ hã te za apâ hâiwa'utu za'ra, rowẽ u'âsi 're hâimana u'âsi za'ra mono da oto, 'Re ihâimana u'âsi mono 'rata. 'Re inomro wasété mono norĩ zama, te za duré apâ hâiwa'utu za'ra, 'Re ihâimana u'âsi mono nhimihâzé hã te te sina 're waihu'u za'ra mono da oto.
Zezusi hã, Timama zadawa para datẽme 're imorĩzém na dama isiwasu'uzé
30— Ĩnhimipisutu zarina si, marĩ na te dama 're arowairébé mono õ di za. Ĩmama nhimipisutu zarina si, wa za ti'ai ãma 're idahâimana za'ra mono zéb zarina, te dama 're arowairébé. Ĩnhimipisutu zarina, marĩ na te dama 're arowairébé mono da, te ĩsima 're da'awẽ mono õ di, wa hã. We ĩzatõrĩ'wa nhimipisutu zarina si, te dama 're arowairébé mono da, wa ĩsima te 're da'awẽ u'âsi. Tahawa, te dama 're arowairébé mono wamhã, te dama ãma upa za'ra õ di za. Duré ropipa hã 're inomro wasété mono norĩ ma, te 're apisutu mono wamhã, te tãma ãma 're a'upai mono õ di za.
31— Ĩsiwaprosi uptabi, aima ĩsiwasu'u za'ra wa'aba õ di. Ni'wa te te ĩzadawa waptob õ wamhã, ãté te za ĩzadawa nhipese na ĩma 're inharĩ za'ra wa'aba mo. Tahawa, ĩsiwaprosi uptabi, aima ĩsiwasu'u za'ra wa'aba õ di. 32Ihâiba amo hã ma tô ĩzadawa wapto. Tô sena ma tô aima sina ĩwasu'u za'ra wa'wa. Ãne na wa tô waihu'u.
33-37— Â ro'ore hã te te dama rob'uiwẽ wamhã, dama rowẽ di. Tane Zuwã Batista hã ma tô simi'ẽ na te te dama 're sadawa wasu'u, 'Re ihâimana u'âsi mono hã. Tawamhã te te dama 're sadawa wasu'u mono ré hã, dama 're rowẽ za'ra mono di. A norĩ wa'wa hã ma tô itẽme ida'mazatõrĩ za'ra wa'wa, te te siwi sadanharĩ da hã, isimirowasu'u na. Tô sena isimirowasu'u hã. E marĩ da, wa ãma aipo're pu'u za'ra wa'wa, Zuwã Batista te te ĩ'ãma irowasu'uzém na hã. 'Re ĩzaze za'ra wa'aba mono wa, te 're asõ'reptu za'ra wa'aba mono da, wa ãma aipo're pu'u za'ra wa'wa, isimirowasu'u na hã ĩ'ãma. Zuwã Batista hã ma tô mreme pire na te te dama 're ĩwasu'u wẽ. Mreme pire nherẽ, ti'ai ãma ipodo, õ hã. Ti'ai ãma 're ipoto za'ra mono zô si, 're ĩnhimipari mono õ di, te te dama 're ĩwasu'u wẽ za'ra mono wa, da te 're ĩzaze za'ra mono da. E marĩ wa. Ĩmama hã te te dama 're ĩwasu'u wẽ mono wa, 'Re ihâimana u'âsi mono hã. Ta hã ma tô ĩpisutu, te te 're iromhõsi mono zarina, te 're da'apawapto mono da, we te te ĩzatõrĩ na da te dasiwi 're waihu'u za'ra mono da. A norĩ wa'wa hã niwa atõmo na 'madâ'â za'ra wa'aba õ di, Ĩmama hã. Duré niwa aipo're na imreme hã wapari za'ra wa'aba õ di. 38Duré imreme hã aipẽ'ẽ 're, 're hâimana za'ra wa'aba mono õ di. Tahawa, te te we atẽme ĩzatõrĩ za'ra wa'aba nherẽ, asina 're ĩ'umnhasi za'ra wa'aba mono õ di. 39-40A norĩ wa'wa hã te ãne asima 're irowasu'u za'ra wa'aba mo: “Wa norĩ hã wa wa te 're sõré u'âsi za'ra, 'Re ihâimana u'âsi mono mreme ui'éré hã. Tahawa, wa za ãma wasina uwaimrami za'ra ni, 're idanomro u'âsi mono zé hã.” Ãne te asima 're irowasu'u za'ra wa'aba mo. Ta hã te ĩwasu'u, 'Re ihâimana u'âsi mono mreme ui'éré hã. 'Re sõré u'âsi za'ra wa'aba mono nherẽ, asima 're ĩwẽ za'ra wa'aba mono õ di, 're ĩzaze za'ra wa'aba mono da hã. 'Re ĩzaze za'ra wa'aba mono 'wa'âhã, wa aré aima pisutu za'ra wa'wa, 're idanomro u'âsi mono zé hã asina uwaimrami za'ra wa'aba da.
41— Wa hã ĩ'ãma 're aiwata za'ra wa'aba mono zô, ĩsina 're ĩnhimnhasi mono õ di. 42E marĩ wa. Te ĩsina aiwaihu'u za'ra wa'aba wa, asimirosa'rata za'ra wa'aba na. 'Re ihâimana u'âsi mono, 're sawi pese za'ra wa'aba mono õ di. 43Ĩzama asiwi 're ĩzawi pese za'ra wa'aba mono õ di. Ĩmama zadawa para we atẽme ĩmorĩ za'ra wa'aba nherẽ, ãma 're ĩzaze za'ra wa'aba mono õ di. Ãté te za ni'wam norĩ nhimirowasu'u si 're isazei pese za'ra wa'aba mo, 'Re ihâimana u'âsi mono te te we datẽme 're satõrĩ za'ra mono õ nherẽ, ta norĩ hã. 44A norĩ wa'wa hã 'Re ihâimana u'âsi mono te te 're aiwẽsãmri za'ra wa'aba mono da, asima 're wẽ uptabi za'ra wa'aba mono õ di. Ma tô asima 're idawẽ uptabi za'ra wa'aba mo, ti'ai ãma 're idanomro mono si te te 're aiwẽsãmri za'ra wa'aba mono da. E niha te za tawamhã, asina 're ĩ'umnhasi za'ra wa'aba mo. Wa hã i'ra nherẽ, ãté asina 're ĩ'umnhasi za'ra wa'aba mono õ di za. 45E Ĩmama ma, wa za aiwasu'u za'ra wa'wa, 're ĩzaze za'ra wa'aba mono õ na. Mare di. Mozési hã te za tãma aiwasu'u za'ra wa'wa, 're ĩzaze za'ra wa'aba mono õ na, aima i'umnhasi za'ra wa'wa hã. 46Duréihã Mozési hã ma tô ĩwana ĩ'ãma rob'ui'éré siro dama. Tane nherẽ, isimi'ui'éré hã sena na 're saze za'ra wa'aba mono õ di. 'Re saze za'ra wa'aba mono 'wa'âhã, te aré 're ĩzaze za'ra wa'aba mo. 47Ĩ'ãma rob'ui'éré hã sena na 're saze za'ra wa'aba mono õ wamhã, e niha te za tawamhã ĩmreme na 're ĩzaze za'ra wa'aba mo. Ãté ĩmreme na 're ĩzaze za'ra wa'aba mono õ di za.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.