Zuwã 7
7
Zezusi hã isisãnawã norĩ, Zudéa u te te siwi isatõrĩzé wasu'u
1Tawamhã Zezusi hã te datẽme 're mo, Galiléa na danhipti'ai ãma si. Zudéa ãma oto datẽme 're morĩ õ di. E marĩ wa. Te te siwi wĩrĩ da, te te sima ãma roti za'ra wa, dama ipire norĩ hã. Tahawa, te oto isiti si datẽmemhã 're timorĩ za'ra, Galiléa ãmap si. 2Ãhã wamhã, romhuture di oto bâdâ hã dasi'rã'õtõzéb u da hã, ãma idasipo're pu'u za'ra zéb da hã, 'Re ihâimana u'âsi mono te te idanhimroi wẽ mono zém na a'ubuni wi, darop téb u hã. 3Tawamhã ino norĩ hã te apâ siwi satõ Zezusi hã, Zudéa u morĩ da. Ãne te tawamhã tãma nharĩ za'ra:
— Apâ te za oto aimo, Zudéa u asazei'wa norĩ u, marĩ iwẽ hã dama ab'manharĩ ré, te te ãma ai'madâ'â za'ra da, asazei'wa norĩ hã. 4Ni'wam norĩ hã te te sima 're dawẽ za'ra mono wamhã, dama marĩ 'manharĩ wẽ na da te 're waihu'u za'ra mono da, pi'uriwi iwẽ hã te te dama 're 'manharĩ za'ra mono õ di za. Sõ'awi te za te te dama 're ab'manharĩ. Tahawa, ma'ãpé sõ'awi dama 're ab'manharĩ u'âsi mono za, da te ãma 're aiwaihu'u za'ra mono da.
5Ta norĩ hã tidub'rada hã zahadu te te saze za'ra õ di, 'Re ihâimana u'âsi mono, we te te isatõrĩ na Danho'reptui'wa da.
6Tahawa, te Zezusi hã asa tãma nharĩ za'ra, ãne:
— Zahadu bâdâ hã iwa waptã'ã õ di, ãma ĩmorĩzéb da hã. Niwam na ãma ai'aba'réi wa'aba wamhã, aima rowẽ za'ra wa'aba di za. 7Da te 're ai'ruiwapari za'ra wa'aba mono õ di za. Ĩwétési te da te dasiwi 're ĩ'ruiwapari. E marĩ wa. Da te 're i'manharĩ wasété za'ra mono zé hã te dama 're awaihu'u mono wa. 8A norĩ wa'aba si te za ai'aba'réi wa'wa, dasi'rã'õtõzéb u hã. Ãhã na ĩmorĩ õ di za. Zahadu bâdâ hã iwa waptã'ã õ di, ãma ĩmorĩzéb da hã.
9Tahawa, te a'â nhamra Galiléa ãma, Zezusi hã.
Zezusi hã dasi'rã'õtõzéb ãma isãmrazé wasu'u
10Tawamhã ino norĩ hã datozéb u si'aba'ré za'u si, te oto Zezusi hã mo pi'uriwi. 11Dasi'rã'õtõ wamhã, te sô rob'madâ'â za'ra, dama ipire norĩ hã. Te nasi sô anharĩ za'ra, ãne:
— E mahãta Zezusi hã.
12Dasi'rã'õtõzéb u idasito mono norĩ hã te duré nasi ãma tasisada 'rãmi za'ra ni, damreme sipu'u pese na. Ni'wam norĩ hã te ãne dama rowasu'u za'ra:
— Õ hã te 're timorĩ wẽ, Zezusi hã.
Ni'wam norĩ hã te duré dama rowasu'u za'ra, ãne:
— Mare di. Sadawa nhipese na te õ hã te te dama 're rowasu'u.
Tawamhã iwasu'u na ãma dasisaze za'ra õ di.
13Pi'uriwi te ãne dasima wasu'u za'ra ni, Zezusi hã. Sõ'awi da te dasima rowasu'u za'ra õ di, dama ipire norĩ pipa te.
14Tawamhã dasi'rã'õtõ ré, ma tô Zezusi hã wi, 'ri u, 'Re ihâimana u'âsi mono nhorõwa u. 'Ri 'wawi wa'ra 're, te dama rowahutu. 15Tawamhã dama ipire norĩ hã imreme te te wapari za'ra wamhã, ma tô ãma titob'uzu za'ra. Ãne te sima rowasu'u za'ra:
— Õ hã watẽme 're zasi mono õ di, 'Re ihâimana u'âsi mono nhimiroti, wa te tãma 're waihu'u za'ra mono da. E niha ma tô waihu'u pese, te te dama 're irowasu'u mono zéb da hã.
16Tahawa, te Zezusi hã asa tãma nharĩ za'ra, ãne:
— Ĩsi'uihâ na te dama 're rowasu'u mono õ di. 'Re ihâimana u'âsi mono, ma tô we ĩzatõ, te dama 're rowasu'u mono da. Taha zadawa para, wa tô te dama 're rowasu'u. 17E niha te za da te 're ĩwaihu'u za'ra, 'Re ihâimana u'âsi mono nhimiroti na si te dama 're irowasu'u mono na hã, niha wamhã, ĩsi'uihâ na ĩnhimiroti na si te dama 're irowasu'u mono õ na hã. 'Re ihâimana u'âsi mono nhimiroti si, da te 're 'madâ'â pese za'ra mono wamhã, te za da te ãma 're ĩwaihu'u za'ra. 18Dasi'uihâ na danhimirosa'rata na da te dama 're rowasu'u za'ra mono wamhã, te za sô 're simnhasi za'ra, mreme wẽ wa, ãma 're dawata za'ra mono zô. Datẽme dazatõrĩ'wai ãma si 're dawata za'ra mono da, da te dasima 're wẽ za'ra mono wamhã, tô sena na si danhimirowasu'u hã, dazadawa nhipese ãna. 19Duréihã Mozési hã ma tô aima sõmri za'ra wa'wa, 'Re ihâimana u'âsi mono nhimiroti hã, aihi'rata norĩ wa'aba ma hã. Tane nherẽ, isimiroti hã 're 'madâ'â pese za'ra wa'aba mono õ di. E marĩ wa, te bété asima iwẽ za'ra wa'wa, asiwi ĩwĩrĩ aba da.
20Tawamhã ãne hã da te wapari za'ra wamhã, te asa tãma nharĩ za'ra ni, ãne:
— E 'wam norĩ hã ma tô sima aiwẽ za'ra, te te siwi aiwĩrĩ da hã. Wa'uburé te te aima nharĩ wa, te asimiza'rese ãna wama inharĩ za'ra.
21-23Tawamhã te Zezusi hã asa dama tinha, ãne:
— Misi dama i'manharĩ waihu'u'õ hã wẽ nherẽ, te dama 'manharĩ 'ru te, ma tô ĩ'ãma atob'uzu za'ra wa'wa. Duréihã Mozési hã ma tô dama pisutu danhihâiwata nhihârizé hã, iwana wahi'rata norĩ hã te te dama ipisutuzéb zarina. Tahawa, bâdâ te te ipisutuzém na te za 'watébrémi hã 're isihâiwata nhihâri za'ra wa'aba mo, sabadu na. Ãne na te za tãma ãma 're i'uwaimrami za'ra wa'aba mo, Mozési te te dama ipisutuzé hã. Tawamhã e marĩ da, ma bété ĩzada asahi za'ra wa'wa, romhuri zahârizém na aibâ te pese wa, sabadu na. 24Ma'ãpé atõmo na dahâiba mana wawi, asiwi 're ida'madâ'â za'ra wa'aba mono zéb zarina si, asiwi 're dawẽ'õ za'ra wa'aba mono tõ, i'uwaibaba si 're dawaihu'u za'ra wa'aba mono da.
Zezusi hã 'Re ihâimana u'âsi mono te te ipisutu na rowasu'u
25Tawamhã ni'wam norĩ hã ma tô Zezusihi mreme hã wapari za'ra, Zeruzalẽ ãma 're isi'ubumroi mono norĩ hã. Tahawa, te ãne ãma sima robzanhamri za'ra:
— E õhõi õ di aibâ, da te dasiwi wĩrĩ da, da te dasima iwẽ za'ra hã. 26Ma'ãpé 'madâ'â za'ra wa'aba. Dabâ sõ'awi te te dama 're rowasu'u mono nherẽ, da te tãma nharĩ waihu'u õ di, rowahutu na te te sazâri da hã. E tawamhã Danho'reptui'wa na ma tô siwi waihu'u, wama ipire norĩ hã. Ãté te te siwi waihu'u õ di. 27Danho'reptui'wa wei morĩ wamhã, isa'ru hã dama waihu'u õ di za. Õhõ za'ru hã wama waihu'u pese za'ra di.
28Tawamhã ma tô sina damreme waihu'u, Zezusi hã. Tahawa, 'ri za'ẽtẽ 'wawi wa'ra 're, zahadu te te dama rowahutu ré, te ãne da'mahâ, mreme 'rãihâ na:
— Oro asiwi ĩwaihu'u za'ra wa'aba za. Oro duré ĩza'ru hã aima waihu'u pese za'ra wa'aba za. Tô sena ĩwaihu'u za'ra wa'aba õ di. Ĩza'ru uptabi hã waihu'u za'ra wa'aba õ di duré. Ĩsi'uihâ na we ĩmorĩ õ di. 'Re ihâimana u'âsi mono zadawa para, wa wei mo. Tô sena we ĩzatõrĩ'wa nhimiroti hã te 're hâimana. Tane nherẽ, ta hã asiwi waihu'u za'ra wa'aba õ di. 29Wa hã ĩma waihu'u pese di we ĩzatõrĩ'wa hã, ihawi we ĩmorĩ wa.
30Tawamhã ma tô duré sima ãma roti za'ra, te te siwi âri da, dama ipire norĩ hã. Tane nherẽ, te te siwi âri õ di. E marĩ wa. Zahadu bâdâ hã 'Re ihâimana u'âsi mono te te ãma ipisutuzé hã, iwa waptã'ã õ wa. 31Tawamhã ta norĩ hã sada hâimana za'ra nherẽ, ma tô da'ahâ na saze za'ra ni, Zezusi hã. Tahawa, te ãne dasima rowasu'u za'ra ni:
— Danho'reptui'wa da, 'Re ihâimana u'âsi mono te te ipisudu hã oto wei morĩ wamhã, e te za te te dama 're ab'manharĩ, marĩ dama i'manharĩ waihu'u'õ hã, Zezusi te te dama 're i'ab'manharĩ mono nhipai u hã.
Farizeu norĩ hã, Zezusihi zô te te idazatõrĩ za'ra zé wasu'u
32Tawamhã farizeu norĩ hã ma tô Zezusihi ãma dawapari za'ra. Tahawa, ma tô sô satõrĩ za'ra, Zezusi hã te te siwi âri da, 'ri 'madâ'â'wa norĩ hã, 'Re ihâimana u'âsi mono nhorõwa 'madâ'â'wa norĩ hã. 'Re ihâimana u'âsi mono ma, da'ãma romhuri'wa ipire norĩ me, duré sasedoti ipire norĩ me, ma tô sô satõrĩ za'ra.
33Tawamhã itẽme sihutu wamhã, Zezusi te tãma nharĩ za'ra, ãne:
— Suru na wa za oto ai'rata ĩnhamra 'wa. Taha pari, wa za apâ mo, we ĩzatõrĩ'wai u hã. 34Tawamhã ĩzô rob'madâ'â za'ra wa'aba nherẽ, asiwi ĩsãmri aba õ di za. Nimomo wa za mo. Ãhã wamhã, nimomo ĩmorĩzéb u hã, ãma ĩtẽme 're anomro waihu'u aba mono õ di za.
35Tahawa, te sima nharĩ za'ra, dama ipire norĩ hã, ãne:
— E momo te za merẽ mo, wa te wasiwi sãmri tõ da hã. E darob amoi u te za mo, wasiré zudeu norĩ u gregu norĩ 'rata, 're isi'ubumroi mono norĩ u. E tamomo te za oto mo, gregu norĩ rob ãma te te 're rowahutu mono da. 36Ma tô wama sina nharĩ za'ra, wa te sô rob'madâ'â za'ra nherẽ, za wa te wasiwi isãmri waihu'u õ na hã za. Ma tô duré wama nharĩ za'ra, nimomo morĩ wamhã, za itẽme 're iwasihutu waihu'u mono õ na hã. Wa te wasiwi waihu'u za'ra õ di, te te wama inharĩ za'ra zé hã.
Zezusi hã â u'âsi na dama isiwasu'uzé wasu'u
37Tawamhã irẽme ma dasi'rã'õtõ mono wa, ma tô Zezusi hã hâiwi za, te te dama rowahutu da, datozém na bâdâ ipire uptabi na. Ãne te tawamhã dama tinha:
— 'Rubu wamhã, ma'ãpé we ĩtẽme 're anomro aba mono za, â u'â hã te aima 're sõmri za'ra wa'aba mono wa, 're âhuri aba mono da. 38Duréihã ma tô ãne â u'âsi na rob'ui'éré, 'Re ihâimana u'âsi mono zadawa 'mahârâ'wa hã: “Â u'â hã 're sidototo u'âsi mono wamhã, dama 're irowẽ za'ra mono zé hã te za dama 're hâimana u'âsi za'ra, isipti hã. Tane Danho'reptui'wa na da te dasina 're ĩ'umnhasi za'ra mono wamhã, taha zarina te za rowẽ nhomri'wa hã dama 're hâimana za'ra.” Ãne ma tô ãma rob'ui'éré, ibaihâ na hã.
39Â u'â te te dama wasu'u wamhã, Tipẽ'ẽzani te wasu'u, Zezusi hã. Niwapsi te za te te tãma 're anhomri, tizazei'wa norĩ ma. Dâ'â wa, hâiwa'utu parip si, te za Tipẽ'ẽzani hã te te tãma 're anhomri.
Zezusihi ãma idasisadanharĩ za'ra zé wasu'u
40Tawamhã Zezusihi mreme, da te wapari za'ra wamhã, te dasima ãma nharĩ za'ra ni, ãne:
— Tô sena õ hã 'Re ihâimana u'âsi mono zadawa 'mahârâ'wa zô, 're idanhimipari za'ra mono.
41Ni'wam norĩ hã te duré dama nharĩ za'ra, ãne:
— Õ hã Danho'reptui'wa da, 'Re ihâimana u'âsi mono te te ipisudu.
Ni'wam norĩ hã te duré dama ãma nharĩ za'ra, ãne:
— Oro õ hã Galiléa hawi wei morĩ za. Danho'reptui'wa da, 'Re ihâimana u'âsi mono te te ipisudu hã Galiléa hawi wei morĩ õ di za. 42Danho'reptui'wa da hã apito Dawihi nhihudu te za, u, 're mo. Belẽ ãma te za, u, podo, tihi'rata za'ru ãma, Dawihi za'ru ãma. Ãne duréihã ma tô ãma rob'ui'éré siro, 'Re ihâimana u'âsi mono zadawa 'mahârâ'wa hã.
43Tahawa, iwasu'u na dasisaze za'ra õ di. 44Ãhã wa, ni'wam norĩ si ma tô sima wẽ za'ra, te te siwi âri da hã. Tane nherẽ, duré ta norĩ hã te te siwi âri waihu'u õ di.
Dama ipire norĩ hã, Zezusi, Danho'reptui'wa na te te dame 're isaze za'ra mono õ zé wasu'u
45Tawamhã Zezusihi zô isihutu norĩ hã te apâ ai'aba'ré, sasedoti ipire norĩ u, farizeu norĩ u zama. Ubana itẽme sihutu wamhã, te sadanharĩ za'ra, ãne:
— E mahã. E marĩ da, we asiwi saprõni aba õ di, watẽmemhã.
46Tawamhã ma te asa ãma tãma wa'rãmi za'ra, ãne:
— Ni'wa te te ãma wabzu õ di, isimiroti wẽ na hã. Tahawa, wa te wasiwi âri õ di, wa te wei wasiwi saprõni da, atẽme za'ra wa'aba hã.
47Tahawa, te farizeu norĩ hã asa tãma nharĩ za'ra, ãne:
— E niha a norĩ wa'aba zama ma tô imreme hã dame isaze za'ra wa'wa, tô sena te te dama 're rowasu'u mono newa. 48E Danho'reptui'wa na hã ma tô dame siwi 'mazaze dama ipire hã, duré farizeu norĩ hã. Mare di. Ni'wa te te ãma sazei õ di. 49Õ norĩ hã ma tô saze za'ra, tãma waihu'u pese za'ra õ wa, 'Re ihâimana u'âsi mono nhimiroti na Mozési te te ãma irob'ui'érézé hã. Tahawa, te za õ norĩ hã te te siwi 're wẽ'õ pese za'ra, 'Re ihâimana u'âsi mono hã.
50-51Tawamhã farizeu norĩ siré hã ma tô oto rowasu'u, Nicodemosi hã, Zezusihi u aré imorĩ hã bara na. Ãne te tãma rowasu'u za'ra, tisiré farizeu norĩ ma hã:
— E imorĩ'rata na wa te wasiwi wapari õ ré, duré marĩ te te i'manharĩzé wa te wasiwi waihu'u õ ré, wa za wasiwi wẽ'õ za'ra ni. Mare di. E ãne wahi'rada Mozési ma tô dama roti, 'Re ihâimana u'âsi mono nhimiroti zarina. Mare di. Ãne te te dama roti õ di.
52Tahawa, ma duré asa ãma sada'âbâ za'ra, ãne:
— E a zama Galiléa hawi we aimorĩ wa, te ãne wama iwaihu'u za'ra. Galiléa hawi te te 're da'azatõrĩ mono õ di, te te dama 're isadawa wasu'u za'ra mono da hã, 'Re ihâimana u'âsi mono hã. Imreme ui'éré hã robaba di, ãma. Ma'ãpé sõré na za, ãma irob'ui'éré õ na waihu'u da.
53Taha pari, tinhorõwa u te te ropé da, ma oto wairé.
Currently Selected:
Zuwã 7: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Zuwã 7
7
Zezusi hã isisãnawã norĩ, Zudéa u te te siwi isatõrĩzé wasu'u
1Tawamhã Zezusi hã te datẽme 're mo, Galiléa na danhipti'ai ãma si. Zudéa ãma oto datẽme 're morĩ õ di. E marĩ wa. Te te siwi wĩrĩ da, te te sima ãma roti za'ra wa, dama ipire norĩ hã. Tahawa, te oto isiti si datẽmemhã 're timorĩ za'ra, Galiléa ãmap si. 2Ãhã wamhã, romhuture di oto bâdâ hã dasi'rã'õtõzéb u da hã, ãma idasipo're pu'u za'ra zéb da hã, 'Re ihâimana u'âsi mono te te idanhimroi wẽ mono zém na a'ubuni wi, darop téb u hã. 3Tawamhã ino norĩ hã te apâ siwi satõ Zezusi hã, Zudéa u morĩ da. Ãne te tawamhã tãma nharĩ za'ra:
— Apâ te za oto aimo, Zudéa u asazei'wa norĩ u, marĩ iwẽ hã dama ab'manharĩ ré, te te ãma ai'madâ'â za'ra da, asazei'wa norĩ hã. 4Ni'wam norĩ hã te te sima 're dawẽ za'ra mono wamhã, dama marĩ 'manharĩ wẽ na da te 're waihu'u za'ra mono da, pi'uriwi iwẽ hã te te dama 're 'manharĩ za'ra mono õ di za. Sõ'awi te za te te dama 're ab'manharĩ. Tahawa, ma'ãpé sõ'awi dama 're ab'manharĩ u'âsi mono za, da te ãma 're aiwaihu'u za'ra mono da.
5Ta norĩ hã tidub'rada hã zahadu te te saze za'ra õ di, 'Re ihâimana u'âsi mono, we te te isatõrĩ na Danho'reptui'wa da.
6Tahawa, te Zezusi hã asa tãma nharĩ za'ra, ãne:
— Zahadu bâdâ hã iwa waptã'ã õ di, ãma ĩmorĩzéb da hã. Niwam na ãma ai'aba'réi wa'aba wamhã, aima rowẽ za'ra wa'aba di za. 7Da te 're ai'ruiwapari za'ra wa'aba mono õ di za. Ĩwétési te da te dasiwi 're ĩ'ruiwapari. E marĩ wa. Da te 're i'manharĩ wasété za'ra mono zé hã te dama 're awaihu'u mono wa. 8A norĩ wa'aba si te za ai'aba'réi wa'wa, dasi'rã'õtõzéb u hã. Ãhã na ĩmorĩ õ di za. Zahadu bâdâ hã iwa waptã'ã õ di, ãma ĩmorĩzéb da hã.
9Tahawa, te a'â nhamra Galiléa ãma, Zezusi hã.
Zezusi hã dasi'rã'õtõzéb ãma isãmrazé wasu'u
10Tawamhã ino norĩ hã datozéb u si'aba'ré za'u si, te oto Zezusi hã mo pi'uriwi. 11Dasi'rã'õtõ wamhã, te sô rob'madâ'â za'ra, dama ipire norĩ hã. Te nasi sô anharĩ za'ra, ãne:
— E mahãta Zezusi hã.
12Dasi'rã'õtõzéb u idasito mono norĩ hã te duré nasi ãma tasisada 'rãmi za'ra ni, damreme sipu'u pese na. Ni'wam norĩ hã te ãne dama rowasu'u za'ra:
— Õ hã te 're timorĩ wẽ, Zezusi hã.
Ni'wam norĩ hã te duré dama rowasu'u za'ra, ãne:
— Mare di. Sadawa nhipese na te õ hã te te dama 're rowasu'u.
Tawamhã iwasu'u na ãma dasisaze za'ra õ di.
13Pi'uriwi te ãne dasima wasu'u za'ra ni, Zezusi hã. Sõ'awi da te dasima rowasu'u za'ra õ di, dama ipire norĩ pipa te.
14Tawamhã dasi'rã'õtõ ré, ma tô Zezusi hã wi, 'ri u, 'Re ihâimana u'âsi mono nhorõwa u. 'Ri 'wawi wa'ra 're, te dama rowahutu. 15Tawamhã dama ipire norĩ hã imreme te te wapari za'ra wamhã, ma tô ãma titob'uzu za'ra. Ãne te sima rowasu'u za'ra:
— Õ hã watẽme 're zasi mono õ di, 'Re ihâimana u'âsi mono nhimiroti, wa te tãma 're waihu'u za'ra mono da. E niha ma tô waihu'u pese, te te dama 're irowasu'u mono zéb da hã.
16Tahawa, te Zezusi hã asa tãma nharĩ za'ra, ãne:
— Ĩsi'uihâ na te dama 're rowasu'u mono õ di. 'Re ihâimana u'âsi mono, ma tô we ĩzatõ, te dama 're rowasu'u mono da. Taha zadawa para, wa tô te dama 're rowasu'u. 17E niha te za da te 're ĩwaihu'u za'ra, 'Re ihâimana u'âsi mono nhimiroti na si te dama 're irowasu'u mono na hã, niha wamhã, ĩsi'uihâ na ĩnhimiroti na si te dama 're irowasu'u mono õ na hã. 'Re ihâimana u'âsi mono nhimiroti si, da te 're 'madâ'â pese za'ra mono wamhã, te za da te ãma 're ĩwaihu'u za'ra. 18Dasi'uihâ na danhimirosa'rata na da te dama 're rowasu'u za'ra mono wamhã, te za sô 're simnhasi za'ra, mreme wẽ wa, ãma 're dawata za'ra mono zô. Datẽme dazatõrĩ'wai ãma si 're dawata za'ra mono da, da te dasima 're wẽ za'ra mono wamhã, tô sena na si danhimirowasu'u hã, dazadawa nhipese ãna. 19Duréihã Mozési hã ma tô aima sõmri za'ra wa'wa, 'Re ihâimana u'âsi mono nhimiroti hã, aihi'rata norĩ wa'aba ma hã. Tane nherẽ, isimiroti hã 're 'madâ'â pese za'ra wa'aba mono õ di. E marĩ wa, te bété asima iwẽ za'ra wa'wa, asiwi ĩwĩrĩ aba da.
20Tawamhã ãne hã da te wapari za'ra wamhã, te asa tãma nharĩ za'ra ni, ãne:
— E 'wam norĩ hã ma tô sima aiwẽ za'ra, te te siwi aiwĩrĩ da hã. Wa'uburé te te aima nharĩ wa, te asimiza'rese ãna wama inharĩ za'ra.
21-23Tawamhã te Zezusi hã asa dama tinha, ãne:
— Misi dama i'manharĩ waihu'u'õ hã wẽ nherẽ, te dama 'manharĩ 'ru te, ma tô ĩ'ãma atob'uzu za'ra wa'wa. Duréihã Mozési hã ma tô dama pisutu danhihâiwata nhihârizé hã, iwana wahi'rata norĩ hã te te dama ipisutuzéb zarina. Tahawa, bâdâ te te ipisutuzém na te za 'watébrémi hã 're isihâiwata nhihâri za'ra wa'aba mo, sabadu na. Ãne na te za tãma ãma 're i'uwaimrami za'ra wa'aba mo, Mozési te te dama ipisutuzé hã. Tawamhã e marĩ da, ma bété ĩzada asahi za'ra wa'wa, romhuri zahârizém na aibâ te pese wa, sabadu na. 24Ma'ãpé atõmo na dahâiba mana wawi, asiwi 're ida'madâ'â za'ra wa'aba mono zéb zarina si, asiwi 're dawẽ'õ za'ra wa'aba mono tõ, i'uwaibaba si 're dawaihu'u za'ra wa'aba mono da.
Zezusi hã 'Re ihâimana u'âsi mono te te ipisutu na rowasu'u
25Tawamhã ni'wam norĩ hã ma tô Zezusihi mreme hã wapari za'ra, Zeruzalẽ ãma 're isi'ubumroi mono norĩ hã. Tahawa, te ãne ãma sima robzanhamri za'ra:
— E õhõi õ di aibâ, da te dasiwi wĩrĩ da, da te dasima iwẽ za'ra hã. 26Ma'ãpé 'madâ'â za'ra wa'aba. Dabâ sõ'awi te te dama 're rowasu'u mono nherẽ, da te tãma nharĩ waihu'u õ di, rowahutu na te te sazâri da hã. E tawamhã Danho'reptui'wa na ma tô siwi waihu'u, wama ipire norĩ hã. Ãté te te siwi waihu'u õ di. 27Danho'reptui'wa wei morĩ wamhã, isa'ru hã dama waihu'u õ di za. Õhõ za'ru hã wama waihu'u pese za'ra di.
28Tawamhã ma tô sina damreme waihu'u, Zezusi hã. Tahawa, 'ri za'ẽtẽ 'wawi wa'ra 're, zahadu te te dama rowahutu ré, te ãne da'mahâ, mreme 'rãihâ na:
— Oro asiwi ĩwaihu'u za'ra wa'aba za. Oro duré ĩza'ru hã aima waihu'u pese za'ra wa'aba za. Tô sena ĩwaihu'u za'ra wa'aba õ di. Ĩza'ru uptabi hã waihu'u za'ra wa'aba õ di duré. Ĩsi'uihâ na we ĩmorĩ õ di. 'Re ihâimana u'âsi mono zadawa para, wa wei mo. Tô sena we ĩzatõrĩ'wa nhimiroti hã te 're hâimana. Tane nherẽ, ta hã asiwi waihu'u za'ra wa'aba õ di. 29Wa hã ĩma waihu'u pese di we ĩzatõrĩ'wa hã, ihawi we ĩmorĩ wa.
30Tawamhã ma tô duré sima ãma roti za'ra, te te siwi âri da, dama ipire norĩ hã. Tane nherẽ, te te siwi âri õ di. E marĩ wa. Zahadu bâdâ hã 'Re ihâimana u'âsi mono te te ãma ipisutuzé hã, iwa waptã'ã õ wa. 31Tawamhã ta norĩ hã sada hâimana za'ra nherẽ, ma tô da'ahâ na saze za'ra ni, Zezusi hã. Tahawa, te ãne dasima rowasu'u za'ra ni:
— Danho'reptui'wa da, 'Re ihâimana u'âsi mono te te ipisudu hã oto wei morĩ wamhã, e te za te te dama 're ab'manharĩ, marĩ dama i'manharĩ waihu'u'õ hã, Zezusi te te dama 're i'ab'manharĩ mono nhipai u hã.
Farizeu norĩ hã, Zezusihi zô te te idazatõrĩ za'ra zé wasu'u
32Tawamhã farizeu norĩ hã ma tô Zezusihi ãma dawapari za'ra. Tahawa, ma tô sô satõrĩ za'ra, Zezusi hã te te siwi âri da, 'ri 'madâ'â'wa norĩ hã, 'Re ihâimana u'âsi mono nhorõwa 'madâ'â'wa norĩ hã. 'Re ihâimana u'âsi mono ma, da'ãma romhuri'wa ipire norĩ me, duré sasedoti ipire norĩ me, ma tô sô satõrĩ za'ra.
33Tawamhã itẽme sihutu wamhã, Zezusi te tãma nharĩ za'ra, ãne:
— Suru na wa za oto ai'rata ĩnhamra 'wa. Taha pari, wa za apâ mo, we ĩzatõrĩ'wai u hã. 34Tawamhã ĩzô rob'madâ'â za'ra wa'aba nherẽ, asiwi ĩsãmri aba õ di za. Nimomo wa za mo. Ãhã wamhã, nimomo ĩmorĩzéb u hã, ãma ĩtẽme 're anomro waihu'u aba mono õ di za.
35Tahawa, te sima nharĩ za'ra, dama ipire norĩ hã, ãne:
— E momo te za merẽ mo, wa te wasiwi sãmri tõ da hã. E darob amoi u te za mo, wasiré zudeu norĩ u gregu norĩ 'rata, 're isi'ubumroi mono norĩ u. E tamomo te za oto mo, gregu norĩ rob ãma te te 're rowahutu mono da. 36Ma tô wama sina nharĩ za'ra, wa te sô rob'madâ'â za'ra nherẽ, za wa te wasiwi isãmri waihu'u õ na hã za. Ma tô duré wama nharĩ za'ra, nimomo morĩ wamhã, za itẽme 're iwasihutu waihu'u mono õ na hã. Wa te wasiwi waihu'u za'ra õ di, te te wama inharĩ za'ra zé hã.
Zezusi hã â u'âsi na dama isiwasu'uzé wasu'u
37Tawamhã irẽme ma dasi'rã'õtõ mono wa, ma tô Zezusi hã hâiwi za, te te dama rowahutu da, datozém na bâdâ ipire uptabi na. Ãne te tawamhã dama tinha:
— 'Rubu wamhã, ma'ãpé we ĩtẽme 're anomro aba mono za, â u'â hã te aima 're sõmri za'ra wa'aba mono wa, 're âhuri aba mono da. 38Duréihã ma tô ãne â u'âsi na rob'ui'éré, 'Re ihâimana u'âsi mono zadawa 'mahârâ'wa hã: “Â u'â hã 're sidototo u'âsi mono wamhã, dama 're irowẽ za'ra mono zé hã te za dama 're hâimana u'âsi za'ra, isipti hã. Tane Danho'reptui'wa na da te dasina 're ĩ'umnhasi za'ra mono wamhã, taha zarina te za rowẽ nhomri'wa hã dama 're hâimana za'ra.” Ãne ma tô ãma rob'ui'éré, ibaihâ na hã.
39Â u'â te te dama wasu'u wamhã, Tipẽ'ẽzani te wasu'u, Zezusi hã. Niwapsi te za te te tãma 're anhomri, tizazei'wa norĩ ma. Dâ'â wa, hâiwa'utu parip si, te za Tipẽ'ẽzani hã te te tãma 're anhomri.
Zezusihi ãma idasisadanharĩ za'ra zé wasu'u
40Tawamhã Zezusihi mreme, da te wapari za'ra wamhã, te dasima ãma nharĩ za'ra ni, ãne:
— Tô sena õ hã 'Re ihâimana u'âsi mono zadawa 'mahârâ'wa zô, 're idanhimipari za'ra mono.
41Ni'wam norĩ hã te duré dama nharĩ za'ra, ãne:
— Õ hã Danho'reptui'wa da, 'Re ihâimana u'âsi mono te te ipisudu.
Ni'wam norĩ hã te duré dama ãma nharĩ za'ra, ãne:
— Oro õ hã Galiléa hawi wei morĩ za. Danho'reptui'wa da, 'Re ihâimana u'âsi mono te te ipisudu hã Galiléa hawi wei morĩ õ di za. 42Danho'reptui'wa da hã apito Dawihi nhihudu te za, u, 're mo. Belẽ ãma te za, u, podo, tihi'rata za'ru ãma, Dawihi za'ru ãma. Ãne duréihã ma tô ãma rob'ui'éré siro, 'Re ihâimana u'âsi mono zadawa 'mahârâ'wa hã.
43Tahawa, iwasu'u na dasisaze za'ra õ di. 44Ãhã wa, ni'wam norĩ si ma tô sima wẽ za'ra, te te siwi âri da hã. Tane nherẽ, duré ta norĩ hã te te siwi âri waihu'u õ di.
Dama ipire norĩ hã, Zezusi, Danho'reptui'wa na te te dame 're isaze za'ra mono õ zé wasu'u
45Tawamhã Zezusihi zô isihutu norĩ hã te apâ ai'aba'ré, sasedoti ipire norĩ u, farizeu norĩ u zama. Ubana itẽme sihutu wamhã, te sadanharĩ za'ra, ãne:
— E mahã. E marĩ da, we asiwi saprõni aba õ di, watẽmemhã.
46Tawamhã ma te asa ãma tãma wa'rãmi za'ra, ãne:
— Ni'wa te te ãma wabzu õ di, isimiroti wẽ na hã. Tahawa, wa te wasiwi âri õ di, wa te wei wasiwi saprõni da, atẽme za'ra wa'aba hã.
47Tahawa, te farizeu norĩ hã asa tãma nharĩ za'ra, ãne:
— E niha a norĩ wa'aba zama ma tô imreme hã dame isaze za'ra wa'wa, tô sena te te dama 're rowasu'u mono newa. 48E Danho'reptui'wa na hã ma tô dame siwi 'mazaze dama ipire hã, duré farizeu norĩ hã. Mare di. Ni'wa te te ãma sazei õ di. 49Õ norĩ hã ma tô saze za'ra, tãma waihu'u pese za'ra õ wa, 'Re ihâimana u'âsi mono nhimiroti na Mozési te te ãma irob'ui'érézé hã. Tahawa, te za õ norĩ hã te te siwi 're wẽ'õ pese za'ra, 'Re ihâimana u'âsi mono hã.
50-51Tawamhã farizeu norĩ siré hã ma tô oto rowasu'u, Nicodemosi hã, Zezusihi u aré imorĩ hã bara na. Ãne te tãma rowasu'u za'ra, tisiré farizeu norĩ ma hã:
— E imorĩ'rata na wa te wasiwi wapari õ ré, duré marĩ te te i'manharĩzé wa te wasiwi waihu'u õ ré, wa za wasiwi wẽ'õ za'ra ni. Mare di. E ãne wahi'rada Mozési ma tô dama roti, 'Re ihâimana u'âsi mono nhimiroti zarina. Mare di. Ãne te te dama roti õ di.
52Tahawa, ma duré asa ãma sada'âbâ za'ra, ãne:
— E a zama Galiléa hawi we aimorĩ wa, te ãne wama iwaihu'u za'ra. Galiléa hawi te te 're da'azatõrĩ mono õ di, te te dama 're isadawa wasu'u za'ra mono da hã, 'Re ihâimana u'âsi mono hã. Imreme ui'éré hã robaba di, ãma. Ma'ãpé sõré na za, ãma irob'ui'éré õ na waihu'u da.
53Taha pari, tinhorõwa u te te ropé da, ma oto wairé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.