Luca 4
4
Zezusi hã a'ubuni wi hâimana ré, Wa'uburé te te ipibuzé wasu'u
Mateu 4.1-11; Marcu 1.12-13
1Tawamhã Zodã pa hawi, te oto mo Zezusi hã, tirob u apâ morĩ da. 'Re ihâimana u'âsi mono pẽ'ẽzani ré, te 're mo. Taha si, te te 're wapari pese. Tawamhã Ipẽ'ẽzani hã te saprõ, a'ubuni u. 2A'ubuni wi hâimana ré hã, bâdâ hã ahâ na ma tô ãma ai'utõ, 40 na. Tame hâimana ré, ma tô itẽme wi Wa'uburé hã, te te nasi pibu da, isimiroti na te te saze da. Taha ré hã, sai ãna te tihâiba, Zezusi hã. Tahawa, ma tô mra hã sépata. 3Tawamhã Wa'uburé hã te Zezusihi ma tinha, ãne:
— Sena a hã, 'Re ihâimana u'âsi mono 'ra wamhã, ma'ãpé ẽtẽ ma nharĩ, i'u'ẽtẽ wapu na aima si'manharĩ da.
4Tawamhã Zezusi te asa tãma tinha, ãne:
— 'Re ihâimana u'âsi mono mreme na rob'ui'éré, ãne: “Dasa na si 're danhiptete za'ra mono õ di za.”
5Tawamhã Wa'uburé hã te Zezusi saprõ, sa'a nhisi u. Tawamhã sa'a nhisi sima'wara wamhã, ma tô Zezusihi ma tinha, danhib'apito norĩ nhipti'ai mono bâ, te te 're rob'madâ'â mono da. 6-7Tawamhã te te rob'madâ'â mono pari, te duré tãma tinha, ãne Zezusihi ma:
— Uburé danhipti'a hã ma tô ĩma sõmri ni, ĩte da. Tawamhã te ĩsima iwẽzéb uwaibaba, wa za dama te 're anhomri. Aihi'rãtitõ, te za ĩnho're ĩma aime, asib'apito na ĩ'ãma aiwata da. Tawamhã wa za aima tisõ danhipti'ai mono bâ, ate da. Tawamhã danhipai u, dama aipire di za. Duré asibrob ahâ uptabi di za.
8Tahawa, te Zezusi hã asa tãma tinha, ãne:
— Mare di. 'Re ihâimana u'âsi mono zadawa 'mahârâ'wa, ma tô ãne rob'ui'éré, ibaihâ na hã: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si, te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré hã.
9-11Tawamhã Wa'uburé hã ma tô Zezusi hã saprõ Zeruzalẽ u, te te duré pibu da. 'Re ihâimana u'âsi mono nhorõwa 'ri u, te saprõ, 'ri nhisi u sab da hâimo, 'ri 'rãihâ uptabi nhisi. Tawamhã Zezusihi ma, te tinha, ãne:
— Sena a hã 'Re ihâimana u'âsi mono 'ra wamhã, ma'ãpé ã hawi atobro, ti'ai u. 'Re ihâimana u'âsi mono, te za, u, hâiwa hawi we atẽme satõrĩ za'ra, te te ai'madâ'â za'ra da, tãma iromhuri'wa norĩ hã. Tinhib'rata na te za, u, siwi asapa, ẽne hã te te ai'u'a õ'umnhasite, aipara wi. Ãne 'Re ihâimana u'âsi mono zadawa 'mahârâ'wa nhimirob'ui'éré, ibaihâ na hã.
12Tawamhã Zezusi te asa tãma tinha, ãne:
— Mare di. “Asib'apito za'ra wa'wa hã 'Re ihâimana u'âsi mono hã, marĩ hã te te aima 're pisutu za'ra wa'aba mono õ nherẽ, 're pibu za'ra wa'aba mono õ di za, ta hã te te 're aipawaptob za'ra wa'aba mono zô.” Ãne imreme na rob'ui'éré hã.
13Tawamhã Wa'uburé hã taré te te Zezusi hã pibui mono pari, te oto isiti mo, isimiroti na te te sazei õ wa, a'â sadawa utu da.
Zezusi hã, tinhimiromhuri na te te isãna'ratazé wasu'u, Galiléa ãma
Mateu 4.12-17; Marcu 1.14-15
14Tawamhã apâ te mo Galiléa u, Zezusi hã. 'Re ihâimana u'âsi mono pẽ'ẽzani ré, te 're mo. Iré 're morĩ wa, te waihu'u pese na 're mo. Tawamhã ma tô iwasu'u hã wapari za'ra ni, Galiléa ãma daro mono bâ. 15Zezusi hã te te dama 're rowahutu, zudeu norĩ te, rowahutuzé mono bâ. Tawamhã da te 're wapari za'ra mono wamhã, te ãma 're dawata za'ra, isimirowasu'u hã wẽ uptabi wa.
Zezusi iprédubzéb ãma, da te dasiwi iwẽ'õzé wasu'u
Mateu 13.53-58; Marcu 6.1-6
16Tawamhã Nazaré u te mo Zezusi hã, tiprédubzéb u. Sabadu sidâpâsi dame 're zasi mono wa, ma duré dame ãzé, zudeu norĩ te, rowahutuzéb u, romhuri zahârizém na hã. Tawamhã rowahutuzéb ãma sãmra wamhã, ma wahudu. Hâiwi te za, 'Re ihâimana u'âsi mono mreme ui'éré hã te te dama sõré da. 17Tawamhã ma tô tãma sõmri ni, Izaiaha nhimi'ui'éré hã. 'Re ihâimana u'âsi mono zadawa 'mahârâ 'rata 'wa, Izaia hã. Tawamhã ma tô oto sima sõzi, ibaihâ hã. Te te sõzi wamhã, ma tô tisã, da te ãma irob'ui'éré hã, ãne:
18“'Re ihâimana u'âsi mono, ma tô ĩma tisõ, Tipẽ'ẽzani hã. Ta hã ma tô ĩpisutu, iwasu'uwẽ na, isibrob'õ norĩ hã te 're apo're pu'u mono da. Ma tô we ĩzatõ, dama romhuri'wa da, da te iwaibu za'ra norĩ hã te 're apawapto mono da, apâ oto 're nomro mono da, robze u'âsi. Duré itob'a hã te 're ato pese mono da, ma tô we ĩzatõ, datõmo wẽ na apâ oto 're danomro mono da, robze na. Duré ma tô we ĩzatõ, da te tãma 're i'manharĩ wasété za'ra mono zém hawi, te 're da'awaibui mono da.
19'Re ihâimana u'âsi mono hã te te sima iropisutuzé hã ma tô iwa waptãrã, tinhib'a'uwẽ hã te te 're i'anho'reptui mono zéb da hã. Taha wasu'u na te 're da'apo're pu'u mono da, ma tô wẽ ĩzatõ.”
20Tawamhã te te sõré pari, ma tô apâ sito, ibaihâ hã. Tawamhã apâ ma tô tãma tisõ, dapawapto'wai ma. Taha pari ma tô oto nhamra, te te dama rowasu'u da. Taha wamhã, uburé rowahutuzéb ãma isi'ubumro norĩ hã tãma rĩtĩ si'ré za'ra ãna, ma tô Zezusi hã siwi 'madâ'â pese. 21Tahawa, ma tô Zezusi hã tãma nharĩ za'ra, ãne:
— Wa tô aima sõré za'ra wa'wa, 'Re ihâimana u'âsi mono mreme ui'éré hã. Iwasu'u hã ma tô iwapari za'ra wa'wa. Ãhã na ĩwapari za'ra wa'aba ré, ma tô oto we ãma uwaimra, 'Re ihâimana u'âsi mono hã.
22Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne:
— E niha õ hã simirowasu'u waihu'u pese di, Zuzéhé 'ra nherẽ.
23Tawamhã Zezusi te dama tinha, ãne:
— Ãté da te dasima inharĩ za'ra zém na, te za ĩma inharĩ za'ra wa'wa, ãne: “Wawede'wa, ma'ãpé 'râwi asipese.” Ãté te za duré ĩma inharĩ za'ra wa'wa, ãne: “Ma'ãpé, ãmeb zama 're wa'apawapto mono, aiwaihu'u pese na, Cafanau ãma 're ida'apawapto mono ne. Aiwasu'u hã wa tô wapari za'ra ni.” Ãté, ãne te za ĩma inharĩ za'ra wa'wa.
24Te duré tãma nharĩ za'ra, ãne:
— 'Re ihâimana u'âsi mono zadawa 'mahârâ'wa norĩ zô hã, 're datob'uzu za'ra mono õ di, isipti'ai ãma wa. Mare di. Sô 're datob'uzu za'ra mono õ di za. 25-26Ĩwapari pese za'ra wa'aba. Wahi'rada Eliasi hã, 'Re ihâimana u'âsi mono zadawa 'mahârâ'wa, te 're mo. Tawamhã ti'ai ãma 're morĩ ré hã, tãi ãna hã ma tô da'ãma tiwahu, si'ubdatõ. Tãi õ wa, mra hã te da te 're sépata za'ra. Tawamhã imrotõ ahâ nherẽ, Izaraéu na darom nhisi ãma, ma tô darob amoi u satõ, zudeu'õ u, 'Re ihâimana u'âsi mono hã. Sidõ na danhipti'a nho'õmo nhisi u, ma tô pi'õ mrotõ u satõ, Sarepata na 'ri nho'õmo nhisi u. 27Duré wahi'rada Elizeu hã 're morĩ ré hã, da'ahâ na te 're danomro, i'wa're ré hã, Izaraéu 'remhã. Tane nherẽ, aibâ misi, ma tô pese, Na'ama na isisi hã, Siria na 're ihâimana mono hã zudeu'õ hã.
28Tahawa, isimirowasu'u hã te te wapari za'ra wamhã, ma tô sada tazahi za'ra ni, rowahutuzéb ãma idasi'ubumro norĩ hã. 29Tawamhã ma tô sô tiwahutu za'ra, rob u te te siwi wazere da. Ma tô te te ãma robâdâ za'ra, 'ri nho'õmo nhiti. Sa'a na, ma tô ãma siwi sai'u, sa'a nhisi hawi, i'rã sipra u te te siwi me da. 30Tazahã, ma tô dawa'wai baba ro'razâ. Taha wamhã, te oto dahawimhã mo.
Zezusi hã aibâ ma, wa'uburé te te isatõrĩzé wasu'u
Marcu 1.21-28
31Tawamhã Cafanau na 'ri nho'õmo nhisi u, te mo Zezusi hã. Galiléa ãma, Cafanau hã te 're hâimana. Tame sabadu na te dama rowahutu, zudeu norĩ te, rowahutuzéb ãma. 32Tawamhã mreme pire na te te dama rowasu'u wamhã, ma ãma tatob'uzu za'ra ni. 33Tame te aibâ hã dame nhamra, zudeu norĩ te, rowahutuzéb ãma, wa'uburé ré 're imorĩ hã. Tawamhã aibâ hã te sa'ẽtẽ 'mahâ, ãne:
34— Zezusi, Nazaré nhihudu, e marĩ zô, te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono we te te asatõrĩ na hã. Aiwẽ uptabi di, a hã.
35Tahawa, ma tô Zezusi hã wa'uburé ma tinha, ãne:
— Tô'ã, we ĩma nharĩ tõ, tane na hã. Mo oto aiwatobro, aibâ hawi.
Tawamhã sisa'u ma tô aibâ hã time ti'ai u, danho'a. Taha pari, ma aibâ hawi watobro, te te u'a ãna. 36Tawamhã da te 'madâ'â za'ra wamhã, ma ãma tatob'uzu za'ra ni, uburé. Tahawa, te ãne dasima nharĩ za'ra ni:
— Õ hã mreme pire di. Waihu'u pese di. Dahawi si'aba'ré da, te za tãma rob'ru za'ra. Tawamhã te za dahawi ai'aba'ré.
37Tahawa, Zezusihi wasu'u hã wa'uburé te te dama isãmra na, ma tô iwasu'u hã ropé, daro mono bâ.
Zezusi hã, da'ahâ na te te 're ida'apese mono zé wasu'u
Mateu 8.14-17; Marcu 1.29-39
38Tawamhã ma tô watobro rowahutuzém hawi, Zezusi hã. Simahã nhorõwa u, te oto mo. Tame Simahã maprebaba sipi'õ hã, hâzé ré te nomro, wa'ro za'ẽtẽ na. Tahawa, ma tô Zezusihi ma wasu'u za'ra ni. 39Tahawa, isimiwaptâ u hã te itẽme mo. I'rata te za. Tawamhã iwa'ro ma, te tinha, wahâ da. Tahawa, ma tô tiwahâ. Awa'awi ma tô wahudu. Wahutu wamhã, ma tô tãma api za'ra, saihuri da hã.
40Tawamhã bâdâ sébrézéb u, ma tô we itẽme ãwisi za'ra ni Zezusihi u, isiwadi norĩ hã, ihâzé sipu'u norĩ hã. Tawamhã tinhib'rada, ma tô te te da'ãma aza'ra, misi si. Tahawa, ma tô tazéptâ'â za'ra ni. 41Duré wa'uburé hã ma tô dahawi wairé. Da'ahâ na, iré 're idanomro mono norĩ hawi, ma tô wairé, wa'uburé norĩ hã. Tawamhã dahawi wairébé sina, te ãne 'mahârâ za'ra:
— A hã, 'Re ihâimana u'âsi mono 'ra.
Zezusi hã, Danho'reptui'wa da, 'Re ihâimana u'âsi mono te te ipisutu na te te waihu'u za'ra wa, ma tô Zezusi hã imreme hã tiwi sisisi za'ra sa'ẽtẽ, ari'iwi dahawi wairébé da.
42Tawamhã awẽ ma tô watobro, 'ri nho'õmo hawi, a'ubuni u morĩ da, Zezusi hã. Tahawa, ma tô sô danhopré. Da te sõpẽtẽ za'ra wamhã, ma tô ãma ropti za'ra ni, nimomo danhiti morĩ tõ da oto. 43Tahawa, te Zezusi hã asa tãma nharĩ za'ra, ãne:
— 'Re ihâimana u'âsi mono hã danhib'apito uptabi hã, te te dapawapto waihu'u pese di. Ta hã ma tô we ĩzatõ, iwasu'uwẽ na te 're da'apo're pu'u mono da, daza'rui mono bâ. Tahawa, a norĩ wa'aba si te 're aipo're pu'u za'ra wa'aba mono õ di za, iwasu'uwẽ na hã. Uburé wa za iwasu'uwẽ na te 're da'apo're pu'u.
44Tahawa, te datẽme 're mo, zudeu norĩ te, rowahutuzé mono bâ, iwasu'uwẽ na te te 're da'apo're pu'u mono da hã, daro mono bâ.
Currently Selected:
Luca 4: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Luca 4
4
Zezusi hã a'ubuni wi hâimana ré, Wa'uburé te te ipibuzé wasu'u
Mateu 4.1-11; Marcu 1.12-13
1Tawamhã Zodã pa hawi, te oto mo Zezusi hã, tirob u apâ morĩ da. 'Re ihâimana u'âsi mono pẽ'ẽzani ré, te 're mo. Taha si, te te 're wapari pese. Tawamhã Ipẽ'ẽzani hã te saprõ, a'ubuni u. 2A'ubuni wi hâimana ré hã, bâdâ hã ahâ na ma tô ãma ai'utõ, 40 na. Tame hâimana ré, ma tô itẽme wi Wa'uburé hã, te te nasi pibu da, isimiroti na te te saze da. Taha ré hã, sai ãna te tihâiba, Zezusi hã. Tahawa, ma tô mra hã sépata. 3Tawamhã Wa'uburé hã te Zezusihi ma tinha, ãne:
— Sena a hã, 'Re ihâimana u'âsi mono 'ra wamhã, ma'ãpé ẽtẽ ma nharĩ, i'u'ẽtẽ wapu na aima si'manharĩ da.
4Tawamhã Zezusi te asa tãma tinha, ãne:
— 'Re ihâimana u'âsi mono mreme na rob'ui'éré, ãne: “Dasa na si 're danhiptete za'ra mono õ di za.”
5Tawamhã Wa'uburé hã te Zezusi saprõ, sa'a nhisi u. Tawamhã sa'a nhisi sima'wara wamhã, ma tô Zezusihi ma tinha, danhib'apito norĩ nhipti'ai mono bâ, te te 're rob'madâ'â mono da. 6-7Tawamhã te te rob'madâ'â mono pari, te duré tãma tinha, ãne Zezusihi ma:
— Uburé danhipti'a hã ma tô ĩma sõmri ni, ĩte da. Tawamhã te ĩsima iwẽzéb uwaibaba, wa za dama te 're anhomri. Aihi'rãtitõ, te za ĩnho're ĩma aime, asib'apito na ĩ'ãma aiwata da. Tawamhã wa za aima tisõ danhipti'ai mono bâ, ate da. Tawamhã danhipai u, dama aipire di za. Duré asibrob ahâ uptabi di za.
8Tahawa, te Zezusi hã asa tãma tinha, ãne:
— Mare di. 'Re ihâimana u'âsi mono zadawa 'mahârâ'wa, ma tô ãne rob'ui'éré, ibaihâ na hã: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si, te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré hã.
9-11Tawamhã Wa'uburé hã ma tô Zezusi hã saprõ Zeruzalẽ u, te te duré pibu da. 'Re ihâimana u'âsi mono nhorõwa 'ri u, te saprõ, 'ri nhisi u sab da hâimo, 'ri 'rãihâ uptabi nhisi. Tawamhã Zezusihi ma, te tinha, ãne:
— Sena a hã 'Re ihâimana u'âsi mono 'ra wamhã, ma'ãpé ã hawi atobro, ti'ai u. 'Re ihâimana u'âsi mono, te za, u, hâiwa hawi we atẽme satõrĩ za'ra, te te ai'madâ'â za'ra da, tãma iromhuri'wa norĩ hã. Tinhib'rata na te za, u, siwi asapa, ẽne hã te te ai'u'a õ'umnhasite, aipara wi. Ãne 'Re ihâimana u'âsi mono zadawa 'mahârâ'wa nhimirob'ui'éré, ibaihâ na hã.
12Tawamhã Zezusi te asa tãma tinha, ãne:
— Mare di. “Asib'apito za'ra wa'wa hã 'Re ihâimana u'âsi mono hã, marĩ hã te te aima 're pisutu za'ra wa'aba mono õ nherẽ, 're pibu za'ra wa'aba mono õ di za, ta hã te te 're aipawaptob za'ra wa'aba mono zô.” Ãne imreme na rob'ui'éré hã.
13Tawamhã Wa'uburé hã taré te te Zezusi hã pibui mono pari, te oto isiti mo, isimiroti na te te sazei õ wa, a'â sadawa utu da.
Zezusi hã, tinhimiromhuri na te te isãna'ratazé wasu'u, Galiléa ãma
Mateu 4.12-17; Marcu 1.14-15
14Tawamhã apâ te mo Galiléa u, Zezusi hã. 'Re ihâimana u'âsi mono pẽ'ẽzani ré, te 're mo. Iré 're morĩ wa, te waihu'u pese na 're mo. Tawamhã ma tô iwasu'u hã wapari za'ra ni, Galiléa ãma daro mono bâ. 15Zezusi hã te te dama 're rowahutu, zudeu norĩ te, rowahutuzé mono bâ. Tawamhã da te 're wapari za'ra mono wamhã, te ãma 're dawata za'ra, isimirowasu'u hã wẽ uptabi wa.
Zezusi iprédubzéb ãma, da te dasiwi iwẽ'õzé wasu'u
Mateu 13.53-58; Marcu 6.1-6
16Tawamhã Nazaré u te mo Zezusi hã, tiprédubzéb u. Sabadu sidâpâsi dame 're zasi mono wa, ma duré dame ãzé, zudeu norĩ te, rowahutuzéb u, romhuri zahârizém na hã. Tawamhã rowahutuzéb ãma sãmra wamhã, ma wahudu. Hâiwi te za, 'Re ihâimana u'âsi mono mreme ui'éré hã te te dama sõré da. 17Tawamhã ma tô tãma sõmri ni, Izaiaha nhimi'ui'éré hã. 'Re ihâimana u'âsi mono zadawa 'mahârâ 'rata 'wa, Izaia hã. Tawamhã ma tô oto sima sõzi, ibaihâ hã. Te te sõzi wamhã, ma tô tisã, da te ãma irob'ui'éré hã, ãne:
18“'Re ihâimana u'âsi mono, ma tô ĩma tisõ, Tipẽ'ẽzani hã. Ta hã ma tô ĩpisutu, iwasu'uwẽ na, isibrob'õ norĩ hã te 're apo're pu'u mono da. Ma tô we ĩzatõ, dama romhuri'wa da, da te iwaibu za'ra norĩ hã te 're apawapto mono da, apâ oto 're nomro mono da, robze u'âsi. Duré itob'a hã te 're ato pese mono da, ma tô we ĩzatõ, datõmo wẽ na apâ oto 're danomro mono da, robze na. Duré ma tô we ĩzatõ, da te tãma 're i'manharĩ wasété za'ra mono zém hawi, te 're da'awaibui mono da.
19'Re ihâimana u'âsi mono hã te te sima iropisutuzé hã ma tô iwa waptãrã, tinhib'a'uwẽ hã te te 're i'anho'reptui mono zéb da hã. Taha wasu'u na te 're da'apo're pu'u mono da, ma tô wẽ ĩzatõ.”
20Tawamhã te te sõré pari, ma tô apâ sito, ibaihâ hã. Tawamhã apâ ma tô tãma tisõ, dapawapto'wai ma. Taha pari ma tô oto nhamra, te te dama rowasu'u da. Taha wamhã, uburé rowahutuzéb ãma isi'ubumro norĩ hã tãma rĩtĩ si'ré za'ra ãna, ma tô Zezusi hã siwi 'madâ'â pese. 21Tahawa, ma tô Zezusi hã tãma nharĩ za'ra, ãne:
— Wa tô aima sõré za'ra wa'wa, 'Re ihâimana u'âsi mono mreme ui'éré hã. Iwasu'u hã ma tô iwapari za'ra wa'wa. Ãhã na ĩwapari za'ra wa'aba ré, ma tô oto we ãma uwaimra, 'Re ihâimana u'âsi mono hã.
22Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne:
— E niha õ hã simirowasu'u waihu'u pese di, Zuzéhé 'ra nherẽ.
23Tawamhã Zezusi te dama tinha, ãne:
— Ãté da te dasima inharĩ za'ra zém na, te za ĩma inharĩ za'ra wa'wa, ãne: “Wawede'wa, ma'ãpé 'râwi asipese.” Ãté te za duré ĩma inharĩ za'ra wa'wa, ãne: “Ma'ãpé, ãmeb zama 're wa'apawapto mono, aiwaihu'u pese na, Cafanau ãma 're ida'apawapto mono ne. Aiwasu'u hã wa tô wapari za'ra ni.” Ãté, ãne te za ĩma inharĩ za'ra wa'wa.
24Te duré tãma nharĩ za'ra, ãne:
— 'Re ihâimana u'âsi mono zadawa 'mahârâ'wa norĩ zô hã, 're datob'uzu za'ra mono õ di, isipti'ai ãma wa. Mare di. Sô 're datob'uzu za'ra mono õ di za. 25-26Ĩwapari pese za'ra wa'aba. Wahi'rada Eliasi hã, 'Re ihâimana u'âsi mono zadawa 'mahârâ'wa, te 're mo. Tawamhã ti'ai ãma 're morĩ ré hã, tãi ãna hã ma tô da'ãma tiwahu, si'ubdatõ. Tãi õ wa, mra hã te da te 're sépata za'ra. Tawamhã imrotõ ahâ nherẽ, Izaraéu na darom nhisi ãma, ma tô darob amoi u satõ, zudeu'õ u, 'Re ihâimana u'âsi mono hã. Sidõ na danhipti'a nho'õmo nhisi u, ma tô pi'õ mrotõ u satõ, Sarepata na 'ri nho'õmo nhisi u. 27Duré wahi'rada Elizeu hã 're morĩ ré hã, da'ahâ na te 're danomro, i'wa're ré hã, Izaraéu 'remhã. Tane nherẽ, aibâ misi, ma tô pese, Na'ama na isisi hã, Siria na 're ihâimana mono hã zudeu'õ hã.
28Tahawa, isimirowasu'u hã te te wapari za'ra wamhã, ma tô sada tazahi za'ra ni, rowahutuzéb ãma idasi'ubumro norĩ hã. 29Tawamhã ma tô sô tiwahutu za'ra, rob u te te siwi wazere da. Ma tô te te ãma robâdâ za'ra, 'ri nho'õmo nhiti. Sa'a na, ma tô ãma siwi sai'u, sa'a nhisi hawi, i'rã sipra u te te siwi me da. 30Tazahã, ma tô dawa'wai baba ro'razâ. Taha wamhã, te oto dahawimhã mo.
Zezusi hã aibâ ma, wa'uburé te te isatõrĩzé wasu'u
Marcu 1.21-28
31Tawamhã Cafanau na 'ri nho'õmo nhisi u, te mo Zezusi hã. Galiléa ãma, Cafanau hã te 're hâimana. Tame sabadu na te dama rowahutu, zudeu norĩ te, rowahutuzéb ãma. 32Tawamhã mreme pire na te te dama rowasu'u wamhã, ma ãma tatob'uzu za'ra ni. 33Tame te aibâ hã dame nhamra, zudeu norĩ te, rowahutuzéb ãma, wa'uburé ré 're imorĩ hã. Tawamhã aibâ hã te sa'ẽtẽ 'mahâ, ãne:
34— Zezusi, Nazaré nhihudu, e marĩ zô, te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono we te te asatõrĩ na hã. Aiwẽ uptabi di, a hã.
35Tahawa, ma tô Zezusi hã wa'uburé ma tinha, ãne:
— Tô'ã, we ĩma nharĩ tõ, tane na hã. Mo oto aiwatobro, aibâ hawi.
Tawamhã sisa'u ma tô aibâ hã time ti'ai u, danho'a. Taha pari, ma aibâ hawi watobro, te te u'a ãna. 36Tawamhã da te 'madâ'â za'ra wamhã, ma ãma tatob'uzu za'ra ni, uburé. Tahawa, te ãne dasima nharĩ za'ra ni:
— Õ hã mreme pire di. Waihu'u pese di. Dahawi si'aba'ré da, te za tãma rob'ru za'ra. Tawamhã te za dahawi ai'aba'ré.
37Tahawa, Zezusihi wasu'u hã wa'uburé te te dama isãmra na, ma tô iwasu'u hã ropé, daro mono bâ.
Zezusi hã, da'ahâ na te te 're ida'apese mono zé wasu'u
Mateu 8.14-17; Marcu 1.29-39
38Tawamhã ma tô watobro rowahutuzém hawi, Zezusi hã. Simahã nhorõwa u, te oto mo. Tame Simahã maprebaba sipi'õ hã, hâzé ré te nomro, wa'ro za'ẽtẽ na. Tahawa, ma tô Zezusihi ma wasu'u za'ra ni. 39Tahawa, isimiwaptâ u hã te itẽme mo. I'rata te za. Tawamhã iwa'ro ma, te tinha, wahâ da. Tahawa, ma tô tiwahâ. Awa'awi ma tô wahudu. Wahutu wamhã, ma tô tãma api za'ra, saihuri da hã.
40Tawamhã bâdâ sébrézéb u, ma tô we itẽme ãwisi za'ra ni Zezusihi u, isiwadi norĩ hã, ihâzé sipu'u norĩ hã. Tawamhã tinhib'rada, ma tô te te da'ãma aza'ra, misi si. Tahawa, ma tô tazéptâ'â za'ra ni. 41Duré wa'uburé hã ma tô dahawi wairé. Da'ahâ na, iré 're idanomro mono norĩ hawi, ma tô wairé, wa'uburé norĩ hã. Tawamhã dahawi wairébé sina, te ãne 'mahârâ za'ra:
— A hã, 'Re ihâimana u'âsi mono 'ra.
Zezusi hã, Danho'reptui'wa da, 'Re ihâimana u'âsi mono te te ipisutu na te te waihu'u za'ra wa, ma tô Zezusi hã imreme hã tiwi sisisi za'ra sa'ẽtẽ, ari'iwi dahawi wairébé da.
42Tawamhã awẽ ma tô watobro, 'ri nho'õmo hawi, a'ubuni u morĩ da, Zezusi hã. Tahawa, ma tô sô danhopré. Da te sõpẽtẽ za'ra wamhã, ma tô ãma ropti za'ra ni, nimomo danhiti morĩ tõ da oto. 43Tahawa, te Zezusi hã asa tãma nharĩ za'ra, ãne:
— 'Re ihâimana u'âsi mono hã danhib'apito uptabi hã, te te dapawapto waihu'u pese di. Ta hã ma tô we ĩzatõ, iwasu'uwẽ na te 're da'apo're pu'u mono da, daza'rui mono bâ. Tahawa, a norĩ wa'aba si te 're aipo're pu'u za'ra wa'aba mono õ di za, iwasu'uwẽ na hã. Uburé wa za iwasu'uwẽ na te 're da'apo're pu'u.
44Tahawa, te datẽme 're mo, zudeu norĩ te, rowahutuzé mono bâ, iwasu'uwẽ na te te 're da'apo're pu'u mono da hã, daro mono bâ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.