Luca 9
9
Zezusi hã, aibâ norĩ te te datẽme isatõrĩ za'ra zé wasu'u
Mateu 10.5-15; Marcu 6.6-13
1Tawamhã Zezusi hã ma tô sitẽme sô tihârâ za'ra, isiré 're inomro mono norĩ zô, aibâ norĩ hã 12 na ihâiba za'ra zô. Tawamhã ma tô tãma pisutu za'ra, waihu'u pese na 're nomro mono da, wa'uburé norĩ hã te te dama 're sãmra za'ra mono da, duré ihâzé ré norĩ hã te te 're pese za'ra mono da, isadawa para. 2Tawamhã ma tô duré satõrĩ za'ra, iwasu'uwẽ na te te 're dapo're pu'u za'ra mono da, 'Re ihâimana u'âsi mono, da'ãma 're isib'a'uwẽ mono zé wasu'u na. Taha wasu'u na te te 're dapo're pu'u za'ra mono da hã, ma tô satõrĩ za'ra. Duré te te 're dapese za'ra mono da, ma tô datẽme satõrĩ za'ra. 3Ãne te tãma roti za'ra:
— Ai'ubana te za 're anomro aba mo. Marĩ hã asiré 're 'wasari aba mono õ di za, asiwazusizé hã, duré romramizé hã. Duré marĩ hã 'wasari aba õ di za, mra hã, duré rob'uiprazé hã, duré ai'uzazé, asõ'utu'u wa'wa hã. Datẽme 're aihutu aba mono wamhã, ãté 're aihutu aba mono wi, te za da te 're asawi za'ra wa'wa. 4Tawamhã asô ihârâ 'rata aba nhorõwa ãma si, te za 're ai'ubumroi wa'aba mo, 're aiwairébé aba mono õ ré. 5Datẽme 're aihutu aba mono wamhã, ãté asô 're datob'uzu za'ra wa'aba mono õ di za. Tawamhã dahawi te za 're aiwairébé aba mo, darob amoi u. Dahawi 're aiwairébé aba mono wamhã, aipara'uza zapru hã te za 're itata'a za'ra wa'aba mo, ti'ai u 're rere'e mono da, dawasété ma ropibuma, asimirowasu'u na, da te dasiwi 're aiwẽ'õ za'ra wa'aba mono wa.
6Tawamhã te oto datẽme ai'aba'ré, 'ri wa'õtõ mono bâ. Daro mono bâ, ma tô iwasu'uwẽ na te te 're dapo're pu'u za'ra, Zezusihi siré 're inomro mono norĩ hã. Ma tô duré te te 're dapese za'ra.
Apito Erodi hã, Zezusihi ãma te te irosa'ratazé wasu'u
Mateu 14.1-12; Marcu 6.14-29
7Tawamhã apito Erodi hã, Galiléa ãma da'madâ'â'wa hã ma tô Zezusihi wasu'u hã wapa. Ãne ma tô ni'wam norĩ hã ãma rosa'rata za'ra, Zezusihi ãma hã:
— Ãté Zuwã Batista apâ ihâiwa'udu. 8-9Ãté Eliasi apâ we imorĩ. Ãté 'Re ihâimana u'âsi mono zadawa 'mahârâ 'rata 'wa, duréi pese idâ, apâ ihâiwa'udu.
Tawamhã Erodi te tinha, ãne:
— Wa hã te waihu'u õ di. Ãté ni'wa hã. Wa hã, Zuwã hã wa tô dama ti'ru, da te 'rã nhizâri da. Ãhã wa, Zuwãhã hâiba hã oto tâibâ. E 'wa hã bété iwasu'u, te iwapari hã. Te sabu neza.
Zezusi, dasa na te te idapawaptobzé wasu'u
Mateu 14.13-21; Marcu 6.30-44; Zuwã 6.1-14
10Tawamhã isadawa wasu'u'wa norĩ hã ma tô aihutu apâ, Zezusihi u, isadawa para datẽme isi'aba'ré norĩ hã. Sihutu wamhã, ma tô tãma siwasu'u za'ra, te te 're idapawaptob za'ra mono zém na. Zezusi hã te oto te te simro siré, Besada na 'ri nhisi u, hâiba pisutu. 11Tazahã ma tô iwasu'u hã wapari za'ra ni. Tahawa, da'ahâ na te isarina ai'aba'ré ni. Itẽme dasihutu wamhã, uburé ma tô Zezusi hã da'azawi. 'Re ihâimana u'âsi mono hã da'ãma 're isib'a'uwẽ mono zém na, te dama rowasu'u, Zezusi hã. Duré, ihâzé ré norĩ hã ma tô apese.
12Ãne ré, ma tô tihâiwahâ. Tahawa, ma itẽme ubumro, isiré 're inomro mono norĩ hã, 12 na ihâiba za'ra hã, te te tãma nharĩ za'ra da, ãne:
— Ãmemhã robaba di, 'ri hã. Õhõta õwamhã romhuture di, 'ri wa'õtõ u hã. Duré, re na 'ri isimasa mono u hã, romhuture di. Ma'ãpé tamomo dazatõrĩ za'ra na, dasa hã da te huri da, danhotõ za'ra da zama tame.
13Tahawa, te Zezusi hã asa tãma nharĩ za'ra, ãne:
— Mare di. A norĩ wa'wa hã te za dama i'a za'ra wa'wa, dasaihuri da.
Tahawa, te duré asa tãma nharĩ za'ra, ãne:
— Wasa za'ra hã surure di. I'u'ẽtẽ wapu 5 nare, te tihâimana za'rare. Duré pe'a hã maparanere te tihâimana zahuré. E da'ahâ uptabi nherẽ, wa za tawamhã ai'aba'ré ni, dasa hã wa te dama uipra za'ra da.
14Aibâ norĩ hã 5 miu na ihâiba za'ra hã te aimasa. Tawamhã Zezusi te duré asa tãma nharĩ za'ra, ãne:
— Ma'ãpé, dama waihu'u za'ra wa'aba mono, 50 na si dasi'ubumroi mono da, da'upsãtã pese mono na.
15Tawamhã te dama nharĩ za'ra oto, 50 na si dasi'ubumroi mono da, da'upsãtã pese mono na. 16Tawamhã i'u'ẽtẽ wapu hã ma oto waibu Zezusi hã, 5 na ihâiba hã. Pe'a ma duré timra. Hâiwa u te iré rob'madâ, timama ãma wata da, sõpru wa. Taha pari, ma tô te te wẽ'ẽ, i'u'ẽtẽ wapu hã. Pe'a zama, ma tô duré te te wẽ'ẽ. Ma tô te te tãma sõmri oto, tisiré 're inomro mono norĩ ma, te te dama sõmri mono da hã. 17Tawamhã dasa hã aihĩni ma tô huri ni. Ma tô da te 'mahâpãrĩ. Da te 'mahâpãrĩ mono parip si, ma tô si'õtõ wa, te te apâ ubumro za'ra, danho'rada hã, Zezusihi siré 're inomro mono norĩ hã. Si'õno hã ahâ di, danho'rata ré hã, 12 na ihâiba za'ra na.
Pedru hã Zezusi, Danho'reptui'wa na te te iwasu'uzé wasu'u
Mateu 16.13-28; Marcu 8.27–9.1
18Tawamhã Zezusi hã bâtâ na te nhamra danhiti, mreme da, 'Re ihâimana u'âsi mono ma. Aibâ norĩ hã te i'rata asimro, isiré 're inomro mono norĩ hã. Timama ma, mreme pari, te sadanharĩ za'ra tisiré norĩ hã, ãne:
— E niha ma tô dasima ĩwasu'u za'ra ni. E 'wa hã wa hã, wa 're mo.
19Tahawa, ma asa ãne ãma sada'âbâ za'ra:
— Aiwasu'u hã, ahâ di. A hã, u, Zuwã Batista, apâ aihâiwa'udu. A hã, u, duré, Eliasi apâ we i'aimorĩ. A hã, u, duré, 'Re ihâimana u'âsi mono zadawa 'mahârâ 'rata 'wa, duréi pese atâ, apâ i'aihâiwa'udu. Ãne, wa tô aiwasu'u hã wapari za'ra ni.
20Tawamhã Zezusi te duré ãne sihâiba na sadanharĩ za'ra:
— A norĩ wa'wa hã bété, e niha ma tô asima 're ĩwasu'u za'ra wa'aba mo.
Tawamhã ma te Pedru ãma sada'â, ãne:
— A hã Danho'reptui'wa, 'Re ihâimana u'âsi mono te te i'aipisudu.
21Tawamhã Zezusi te sadawa uwati za'ra, te te a'â dama wasu'u tõ za'ra da, Danho'reptui'wa na. 22Tahawa, te tãma siwasu'u za'ra, ãne:
— Ti'ai ãma Dasiré Ipodo hã te za robzépata za'ẽtẽ. Dama roti'wa norĩ hã te za siwi wẽ'õ za'ra. Duré 'Re ihâimana u'âsi mono ma, da'ãma romhuri'wa ipire norĩ hã, te za siwi wẽ'õ za'ra, sasedoti ipire norĩ hã. Rowahutu'wa norĩ zama, te za siwi wẽ'õ za'ra. Tahawa, te za dasiwi wĩrĩ ni. Tawamhã bâdâ maparane ãma si'utõrĩ õ ré, te za hâiwa'udu apâ.
23Tawamhã te uburé oto dama tinha, ãne:
— Ni'wam norĩ hã ĩsiré 're nomro u'âsi mono da, te te sima 're ĩwẽ za'ra mono wamhã, tihâimanazém na te te 're rosa'rata za'ra mono õ di za. Awẽ sidâpâsi, tiza'ozéb ré, ĩzarina 're inomro mono ne, da te dasiwi uprosi da nherẽ, te za ĩsiré 're nomro. 24Ni'wam norĩ hã tihâimanazé te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, tihâimanazé te te sima 're sawi za'ra mono õ wapsi, te za te te sina 're uwaimrami za'ra, rowẽ hã. 25E mahã marĩ zô bâ te za ni'wa hã tinhibro hã te te sima 're a'ubumroi pese, sibrob ahâ uptabi da. Tawamhã dâ'â wamhã, ti'ab ré sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za. 26Ni'wam norĩ hã dapipa te, ĩzazei'wa na, duré ĩmreme 'madâ'â pese 'wa na, ãté dama 're siwasu'u za'ra mono õ di za, 're siséb za'ra mono õ'umnhasite. Ãté te za dawi 're si'udâ za'ra, ĩzazei'õ'wa newa. Ãne wamhã, nimahã na, ti'ai ãma Dasiré Ipodo hã ihâiba na rowa'a za'ẽtẽ na duré Timama te rowa'a za'ẽtẽ na duré hâiwa ãma tãma iromhuri'wa norĩ te rowa'a za'ẽtẽ na za we apâ morĩ wamhã, te za i'udâ'wa norĩ hã asa tizazei'õ'wa na sisi za'ra. 27Tô sena wa aima rowasu'u za'ra wa'wa. Aihĩni õ nherẽ, ai'matâ'â aba õ ré, te za 'Re ihâimana u'âsi mono, da'ãma 're isib'a'uwẽ mono zé hã ãma i'madâ'â za'ra wa'wa.
Ẽtẽ 'rãihâ ãma, Zezusihi hâiba na rowa'a za'ẽtẽ wasu'u
Mateu 17.1-13; Marcu 9.2-13
28Romhuri hã misi ãma si'utõrĩ pari, ma tô Zezusi hã te te siré simro, Pedru norĩ hã Zuwã norĩ me, Tiagu norĩ me, 'Re ihâimana u'âsi mono ma, mreme da. Ẽtẽ 'rãihâ na, ma tô sai'uri za'ra. 29Zezusi hã Timama ma, mreme ré hã, aimawi oto i'ubu hã. Duré, ma tô ti'uza hâirã. Hâirã uptabi di, i'uza hã. Ma ai'ubuzi. 30-31Tawamhã aibâ hã maparane, ma tô itẽme sihâi'ré zahuré, Mozési norĩ hã, Eliasihi me. Ihâiba na hã rowa'a sa'ẽtẽ zahuré di. Ta norĩ hã Zezusihi me, te sima rowasu'u za'ra, 'Re ihâimana u'âsi mono te te tãma ipisutuzéb zarina, za idâ'âzém na Zeruzalẽ ãma. 32Te te sima rowasu'u za'ra ré, te Pedru norĩ hã tinhotõ za'ra. Sõtõ pese za'ra di. Oto utu za'ra wamhã, ma tô Zezusi hã 'madâ'â za'ra. Ihâiba na hã rowa'a sa'ẽtẽ di. Aibâ norĩ zama i'rata isima'wara zama ma tô 'madâ'â za'ra. 33Aibâ norĩ hã oto apâ tiwi neb zahuré da wa, te Pedru hã Zezusihi ma tinha, ãne:
— Rowahutu'wa, ãme wama rowẽ za'ra di. Si'ubdatõ, wa za aima 'ri za'ra wa'aba ni, aihâiba bâ wa'aba, ate da hã, duré Mozésihi te da hã, duré Eliasihi te da hã. — Ãne te tãma tinha, te te rosa'rata ãna, Pedru hã. 34Tawamhã Zezusihi ma, te te nharĩ ré, ma hâiwa nhirõtõ'a za'ẽne hã we hâiba zuwa za'ra, Zezusi norĩ hã. Tahawa, ma tãma tipahi za'ra. 35Hâiwa nhirõtõ hawi, te we 'Re ihâimana u'âsi mono hã tãma nharĩ za'ra, ãne:
— Ã hã ĩ'ra, te ipisudu. Ma'ãpé isimiroti hã 're wapari pese za'ra wa'aba mono za.
36We tãma mreme pari wamhã, siwaprosi te oto za, Zezusi hã. Ari'iwi te a'â tihâimana za'ra, mreme ãna, isiré 're inomro mono norĩ hã. Ni'wai ma, te te rowasu'u za'ra õ di a'â, te te i'madâ'â za'ra zém na hã.
Zezusi hã, ai'reputu ma, wa'uburé te te imezé wasu'u
Mateu 17.14-20; Marcu 9.14-29
37Tawamhã awẽpsi ma tô ẽtẽ 'rãihâ hawi si'ra za'ra, Zezusi norĩ hã. Tahawa, da'ahâ na ma tô danhopẽtẽ za'ra, Zezusihi u idasi'aba'ré hã. 38Aibâ hã dawa'wa isa hã ma tô 'mahâ, ãne:
— Rowahutu'wa, ĩ'ra ma, wa aiwi rowaptẽ, ĩma pese da. Ĩ'ra misire hã, ai'repudu. 39Wa'uburé hã te za upi. Te te upi wamhã, te za tizadari, ĩ'ra hã. Te za sitete. Te za sadaiproi watobro. Te te 're u'a u'âsi. Te te sazâri õ di. Õne u'â. 40Asiré 're inomro mono norĩ ma, wa tô aré tãma 'ru za'ra, wa'uburé te te tãma me za'ra da. Tazahã, te te tãma mei waihu'u za'ra õ di.
41Tawamhã te Zezusi hã tãma nharĩ za'ra, ãne:
— E niha bété, ai'rata 're ĩnhamra u'âsi aba mono nherẽ, asina 're ĩ'umnhasi za'ra wa'aba mono õ di, te 're i'aipawaptob za'ra wa'aba mono zéb da hã. E niha te aiwasété na si 're anomro aba mo. E ĩpẽ'ẽzé u'âsi, wa za ai'rata 're ĩmorĩ 'wa, 're ĩ'umnhasi za'ra wa'aba mono õ wa.
Tahawa, te aibâ ma tinha, ãne:
— We ĩtẽme saprõni pé, ai'ra hã.
42Tawamhã te te itẽme saprõni ré, ma tô wa'uburé hã 'marõwĩ. Te sitete. Tahawa, te Zezusi hã tãma rob'ru, ai'reputu hawi watobro da. Tahawa, ma ihawi watobro. Rowẽ na te oto 're sãmra, ai'repudu hã. Tahawa, te Zezusi hã imama ma tinha, ãne:
— Ãhãta ai'ra hã. Tãma rowẽ di oto.
43Tahawa, ma ãma tatob'uzu za'ra ni, waihu'u pese uptabi wa, 'Re ihâimana u'âsi mono hã.
Zezusi te te 're ida'apese mono zém na, ãma datob'uzu za'ra ré, te tisiré 're inomro mono norĩ ma Zezusi hã tinha, ãne:
44— Wa za aima ĩsiwasu'u za'ra wa'wa. Aima ĩsiwasu'u za'ra wa'aba zém na, aipo're si'âri za'ra wa'aba õ di za. Ti'ai ãma Dasiré Ipodo hã te za dasima hâiba nhomri ni.
45Tane nherẽ, te te siwi waihu'u za'ra õ di, te te sina irowasu'uzém na hã. Ma tô tiwi sawi za'ra Zezusi hã, te te waihu'u pese za'ra tõ da a'â, te te sina irowasu'uzé hã. Tahawa, te te sina irowasu'uzé ma, pahi za'ra wa, te te siwi sadanharĩ za'ra õ di, ãma. Tahawa, te ari'iwi ai'ubumro.
Dama ipire wasu'u
Mateu 18.1-5; Marcu 9.33-37
46Tawamhã sima i'maipire zô sõpré wa, ãma sisaze za'ra õ wa, te timreme na 'râwi si'wapé za'ra, isiré 're inomro mono norĩ hã. 47Isimirosa'rada hã ma tô waihu'u za'ra, Zezusi hã. Tahawa, ma tô ai'uté hã sisababa tisã. 48Te duré tãma nharĩ za'ra, ãne:
— Ni'wam norĩ hã te te 're ĩzawi pese za'ra mono wa, ai'uté zô 're tob'uzu za'ra mono wamhã, ta norĩ u'âbâ te duré ĩzô 're tob'uzu za'ra. Tawamhã e ĩzô si te 're tob'uzu za'ra. Mare di. We ĩzatõrĩ'wa zô zama te duré sô 're tob'uzu za'ra. Dama iwapu norĩ hã 're sawi pese za'ra wa'aba mono wamhã, asima ai'maipire zô asõpré wa'aba ãna, wa za aipire na te 're ai'awaihu'u 'wa.
Zezusihi wẽ'wa norĩ wasu'u
Marcu 9.38-41
49Tawamhã Zuwã hã te tinha, ãne:
— Rowahutu'wa, aibâ, wa tô 'madâ'â za'ra ni, asisi na wa'uburé ma, te te 're irob'rui mono hã, dama 're wairébé mono da. Tahawa, ma tô dama 're wairébé. Õ hã, wasiré 're morĩ õ di. Tahawa, wa tô tiwi sawi za'ra ni, asisi na wa'uburé ma, te te 're arob'ru tõ mono da, wasiré 're morĩ õ wa.
50Tahawa, te Zezusi hã asa tãma nharĩ za'ra, Zuwã norĩ ma:
— Tiwi sawi za'ra wa'aba õ di za, isimiromhuri hã. Ãté ni'wa hã te te 're aiwasu'u wasété za'ra wa'aba mono õ di za. Tane wamhã, aiwẽ wa'aba 'wa na, te za ãma iwaihu'u za'ra wa'wa. Tahawa, aibâ hã aiwẽ wa'aba 'wa, 're morĩ nherẽ, tiwi sawi za'ra wa'aba õ di za, isimiromhuri hã.
Samaritanu norĩ hã, Zezusihi zô itob'uzu za'ra õ zé wasu'u
51Zezusi hã hâiwa u za imorĩzé hã romhuture wa, ma tô sina roti, Zeruzalẽ u morĩ da. 52Tahawa, ma tô aibâ norĩ hã sisõwa satõrĩ za'ra, isãmrazéb da hã, te te sô 'maipisutu za'ra da. Si'aba'réi wamhã, ma tô aihutu, 'ri wa'õtõ u. Samaritanu norĩ rob ãma, 'ri wa'õno hã. 53Sihutu wamhã, sô tob'uzu za'ra õ di, samaritanu norĩ hã. Zeruzalẽ u, za morĩ wa, te te sima wẽ za'ra õ di, i'rata sãmra za'ra da, Zezusi hã. 54Tawamhã samaritanu norĩ wasu'u, ma tô wapari zahuré, Tiagu norĩ hã, Zuwãhã me. Iwasu'u hã te te wapari zahuré wamhã, te Zezusi 'mahârâ zahuré, ãne:
— E aima wẽ di, unhama zô wahârâ da, hâiwa hawi we te te da'uprosi da.
55Tahawa, ma Zezusi hã itẽme aipi'ra zahuré. Imreme hã ma tô tiwi sisisi zahuré. 56Taha pari, ma tô ai'aba'ré, 'ri wa'õtõ hâiba amoi u.
Zezusi te te dama irotizé wasu'u, sena na isiré 're danomro mono da
Mateu 8.18-22
57Tawamhã bâdâdi na si'aba'réi ré, te aibâ hã Zezusihi ma tinha, ãne:
— Nimomo 're aimorĩ wamhã, asiré, wa za 're mo.
58Tahawa, te Zezusi hã asa tãma tinha:
— Wapsã wawẽre hã, ab're 're isõrõwa hã. Si norĩ hã te duré tizasi hã te te sima 're 'manharĩ za'ra, tinhorõwa da hã. Tanei õ di ti'ai ãma Dasiré Ipodo hã. Marĩ tãma hâimana õ di, 're iwa'utu mono zéb da hã. Hâiwi si te datẽme 're morĩ u'â.
59Tawamhã Zezusi te aibâ hâiba amo 'mahâ, isiré morĩ da. Tahawa, te asa tãma tinha:
— Apito, a'â apâ ĩmorĩ, nimahã bâtâ na ĩmama hã ĩwi dâ'â wa, ĩsisa'u te ãma ti'a da.
60Tane nherẽ, te aibâ ma tinha asa:
— Idâ'â norĩ hã te za tisiré idâ'â norĩ ãma, te te 're ti'a za'ra. A hã te za datẽme 're aimo, 'Re ihâimana u'âsi mono, da'ãma 're isib'a'uwẽ mono zém na, 're da'apo're pu'u mono da.
61Aibâ hâiba amo hã te duré Zezusi 'mahâ, ãne:
— Wa hã wa za asiré 're mo. A'â ĩsiré 'ri 're, 're ihâimana za'ra mono norĩ, te sawi za'ra, ĩsisa'u.
62Tahawa, ma tô tãma ãma romnhimiré'é Zezusi hã, ãne:
— Ãté ni'wa hã te za romhuri na sãna'rata, ti'a te te hâibâdâ da. Siwa'rãmi te te nasi 'madâ'â wamhã, tinhib'apito ma, romhuri'wa da hã mare di. Tane duré, 'Re ihâimana u'âsi mono, da'ãma 're isib'a'uwẽ mono zém na romhuri'wa da hã mare di, misi, da te 're pisutu za'ra mono õ wa.
Currently Selected:
Luca 9: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Luca 9
9
Zezusi hã, aibâ norĩ te te datẽme isatõrĩ za'ra zé wasu'u
Mateu 10.5-15; Marcu 6.6-13
1Tawamhã Zezusi hã ma tô sitẽme sô tihârâ za'ra, isiré 're inomro mono norĩ zô, aibâ norĩ hã 12 na ihâiba za'ra zô. Tawamhã ma tô tãma pisutu za'ra, waihu'u pese na 're nomro mono da, wa'uburé norĩ hã te te dama 're sãmra za'ra mono da, duré ihâzé ré norĩ hã te te 're pese za'ra mono da, isadawa para. 2Tawamhã ma tô duré satõrĩ za'ra, iwasu'uwẽ na te te 're dapo're pu'u za'ra mono da, 'Re ihâimana u'âsi mono, da'ãma 're isib'a'uwẽ mono zé wasu'u na. Taha wasu'u na te te 're dapo're pu'u za'ra mono da hã, ma tô satõrĩ za'ra. Duré te te 're dapese za'ra mono da, ma tô datẽme satõrĩ za'ra. 3Ãne te tãma roti za'ra:
— Ai'ubana te za 're anomro aba mo. Marĩ hã asiré 're 'wasari aba mono õ di za, asiwazusizé hã, duré romramizé hã. Duré marĩ hã 'wasari aba õ di za, mra hã, duré rob'uiprazé hã, duré ai'uzazé, asõ'utu'u wa'wa hã. Datẽme 're aihutu aba mono wamhã, ãté 're aihutu aba mono wi, te za da te 're asawi za'ra wa'wa. 4Tawamhã asô ihârâ 'rata aba nhorõwa ãma si, te za 're ai'ubumroi wa'aba mo, 're aiwairébé aba mono õ ré. 5Datẽme 're aihutu aba mono wamhã, ãté asô 're datob'uzu za'ra wa'aba mono õ di za. Tawamhã dahawi te za 're aiwairébé aba mo, darob amoi u. Dahawi 're aiwairébé aba mono wamhã, aipara'uza zapru hã te za 're itata'a za'ra wa'aba mo, ti'ai u 're rere'e mono da, dawasété ma ropibuma, asimirowasu'u na, da te dasiwi 're aiwẽ'õ za'ra wa'aba mono wa.
6Tawamhã te oto datẽme ai'aba'ré, 'ri wa'õtõ mono bâ. Daro mono bâ, ma tô iwasu'uwẽ na te te 're dapo're pu'u za'ra, Zezusihi siré 're inomro mono norĩ hã. Ma tô duré te te 're dapese za'ra.
Apito Erodi hã, Zezusihi ãma te te irosa'ratazé wasu'u
Mateu 14.1-12; Marcu 6.14-29
7Tawamhã apito Erodi hã, Galiléa ãma da'madâ'â'wa hã ma tô Zezusihi wasu'u hã wapa. Ãne ma tô ni'wam norĩ hã ãma rosa'rata za'ra, Zezusihi ãma hã:
— Ãté Zuwã Batista apâ ihâiwa'udu. 8-9Ãté Eliasi apâ we imorĩ. Ãté 'Re ihâimana u'âsi mono zadawa 'mahârâ 'rata 'wa, duréi pese idâ, apâ ihâiwa'udu.
Tawamhã Erodi te tinha, ãne:
— Wa hã te waihu'u õ di. Ãté ni'wa hã. Wa hã, Zuwã hã wa tô dama ti'ru, da te 'rã nhizâri da. Ãhã wa, Zuwãhã hâiba hã oto tâibâ. E 'wa hã bété iwasu'u, te iwapari hã. Te sabu neza.
Zezusi, dasa na te te idapawaptobzé wasu'u
Mateu 14.13-21; Marcu 6.30-44; Zuwã 6.1-14
10Tawamhã isadawa wasu'u'wa norĩ hã ma tô aihutu apâ, Zezusihi u, isadawa para datẽme isi'aba'ré norĩ hã. Sihutu wamhã, ma tô tãma siwasu'u za'ra, te te 're idapawaptob za'ra mono zém na. Zezusi hã te oto te te simro siré, Besada na 'ri nhisi u, hâiba pisutu. 11Tazahã ma tô iwasu'u hã wapari za'ra ni. Tahawa, da'ahâ na te isarina ai'aba'ré ni. Itẽme dasihutu wamhã, uburé ma tô Zezusi hã da'azawi. 'Re ihâimana u'âsi mono hã da'ãma 're isib'a'uwẽ mono zém na, te dama rowasu'u, Zezusi hã. Duré, ihâzé ré norĩ hã ma tô apese.
12Ãne ré, ma tô tihâiwahâ. Tahawa, ma itẽme ubumro, isiré 're inomro mono norĩ hã, 12 na ihâiba za'ra hã, te te tãma nharĩ za'ra da, ãne:
— Ãmemhã robaba di, 'ri hã. Õhõta õwamhã romhuture di, 'ri wa'õtõ u hã. Duré, re na 'ri isimasa mono u hã, romhuture di. Ma'ãpé tamomo dazatõrĩ za'ra na, dasa hã da te huri da, danhotõ za'ra da zama tame.
13Tahawa, te Zezusi hã asa tãma nharĩ za'ra, ãne:
— Mare di. A norĩ wa'wa hã te za dama i'a za'ra wa'wa, dasaihuri da.
Tahawa, te duré asa tãma nharĩ za'ra, ãne:
— Wasa za'ra hã surure di. I'u'ẽtẽ wapu 5 nare, te tihâimana za'rare. Duré pe'a hã maparanere te tihâimana zahuré. E da'ahâ uptabi nherẽ, wa za tawamhã ai'aba'ré ni, dasa hã wa te dama uipra za'ra da.
14Aibâ norĩ hã 5 miu na ihâiba za'ra hã te aimasa. Tawamhã Zezusi te duré asa tãma nharĩ za'ra, ãne:
— Ma'ãpé, dama waihu'u za'ra wa'aba mono, 50 na si dasi'ubumroi mono da, da'upsãtã pese mono na.
15Tawamhã te dama nharĩ za'ra oto, 50 na si dasi'ubumroi mono da, da'upsãtã pese mono na. 16Tawamhã i'u'ẽtẽ wapu hã ma oto waibu Zezusi hã, 5 na ihâiba hã. Pe'a ma duré timra. Hâiwa u te iré rob'madâ, timama ãma wata da, sõpru wa. Taha pari, ma tô te te wẽ'ẽ, i'u'ẽtẽ wapu hã. Pe'a zama, ma tô duré te te wẽ'ẽ. Ma tô te te tãma sõmri oto, tisiré 're inomro mono norĩ ma, te te dama sõmri mono da hã. 17Tawamhã dasa hã aihĩni ma tô huri ni. Ma tô da te 'mahâpãrĩ. Da te 'mahâpãrĩ mono parip si, ma tô si'õtõ wa, te te apâ ubumro za'ra, danho'rada hã, Zezusihi siré 're inomro mono norĩ hã. Si'õno hã ahâ di, danho'rata ré hã, 12 na ihâiba za'ra na.
Pedru hã Zezusi, Danho'reptui'wa na te te iwasu'uzé wasu'u
Mateu 16.13-28; Marcu 8.27–9.1
18Tawamhã Zezusi hã bâtâ na te nhamra danhiti, mreme da, 'Re ihâimana u'âsi mono ma. Aibâ norĩ hã te i'rata asimro, isiré 're inomro mono norĩ hã. Timama ma, mreme pari, te sadanharĩ za'ra tisiré norĩ hã, ãne:
— E niha ma tô dasima ĩwasu'u za'ra ni. E 'wa hã wa hã, wa 're mo.
19Tahawa, ma asa ãne ãma sada'âbâ za'ra:
— Aiwasu'u hã, ahâ di. A hã, u, Zuwã Batista, apâ aihâiwa'udu. A hã, u, duré, Eliasi apâ we i'aimorĩ. A hã, u, duré, 'Re ihâimana u'âsi mono zadawa 'mahârâ 'rata 'wa, duréi pese atâ, apâ i'aihâiwa'udu. Ãne, wa tô aiwasu'u hã wapari za'ra ni.
20Tawamhã Zezusi te duré ãne sihâiba na sadanharĩ za'ra:
— A norĩ wa'wa hã bété, e niha ma tô asima 're ĩwasu'u za'ra wa'aba mo.
Tawamhã ma te Pedru ãma sada'â, ãne:
— A hã Danho'reptui'wa, 'Re ihâimana u'âsi mono te te i'aipisudu.
21Tawamhã Zezusi te sadawa uwati za'ra, te te a'â dama wasu'u tõ za'ra da, Danho'reptui'wa na. 22Tahawa, te tãma siwasu'u za'ra, ãne:
— Ti'ai ãma Dasiré Ipodo hã te za robzépata za'ẽtẽ. Dama roti'wa norĩ hã te za siwi wẽ'õ za'ra. Duré 'Re ihâimana u'âsi mono ma, da'ãma romhuri'wa ipire norĩ hã, te za siwi wẽ'õ za'ra, sasedoti ipire norĩ hã. Rowahutu'wa norĩ zama, te za siwi wẽ'õ za'ra. Tahawa, te za dasiwi wĩrĩ ni. Tawamhã bâdâ maparane ãma si'utõrĩ õ ré, te za hâiwa'udu apâ.
23Tawamhã te uburé oto dama tinha, ãne:
— Ni'wam norĩ hã ĩsiré 're nomro u'âsi mono da, te te sima 're ĩwẽ za'ra mono wamhã, tihâimanazém na te te 're rosa'rata za'ra mono õ di za. Awẽ sidâpâsi, tiza'ozéb ré, ĩzarina 're inomro mono ne, da te dasiwi uprosi da nherẽ, te za ĩsiré 're nomro. 24Ni'wam norĩ hã tihâimanazé te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, tihâimanazé te te sima 're sawi za'ra mono õ wapsi, te za te te sina 're uwaimrami za'ra, rowẽ hã. 25E mahã marĩ zô bâ te za ni'wa hã tinhibro hã te te sima 're a'ubumroi pese, sibrob ahâ uptabi da. Tawamhã dâ'â wamhã, ti'ab ré sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za. 26Ni'wam norĩ hã dapipa te, ĩzazei'wa na, duré ĩmreme 'madâ'â pese 'wa na, ãté dama 're siwasu'u za'ra mono õ di za, 're siséb za'ra mono õ'umnhasite. Ãté te za dawi 're si'udâ za'ra, ĩzazei'õ'wa newa. Ãne wamhã, nimahã na, ti'ai ãma Dasiré Ipodo hã ihâiba na rowa'a za'ẽtẽ na duré Timama te rowa'a za'ẽtẽ na duré hâiwa ãma tãma iromhuri'wa norĩ te rowa'a za'ẽtẽ na za we apâ morĩ wamhã, te za i'udâ'wa norĩ hã asa tizazei'õ'wa na sisi za'ra. 27Tô sena wa aima rowasu'u za'ra wa'wa. Aihĩni õ nherẽ, ai'matâ'â aba õ ré, te za 'Re ihâimana u'âsi mono, da'ãma 're isib'a'uwẽ mono zé hã ãma i'madâ'â za'ra wa'wa.
Ẽtẽ 'rãihâ ãma, Zezusihi hâiba na rowa'a za'ẽtẽ wasu'u
Mateu 17.1-13; Marcu 9.2-13
28Romhuri hã misi ãma si'utõrĩ pari, ma tô Zezusi hã te te siré simro, Pedru norĩ hã Zuwã norĩ me, Tiagu norĩ me, 'Re ihâimana u'âsi mono ma, mreme da. Ẽtẽ 'rãihâ na, ma tô sai'uri za'ra. 29Zezusi hã Timama ma, mreme ré hã, aimawi oto i'ubu hã. Duré, ma tô ti'uza hâirã. Hâirã uptabi di, i'uza hã. Ma ai'ubuzi. 30-31Tawamhã aibâ hã maparane, ma tô itẽme sihâi'ré zahuré, Mozési norĩ hã, Eliasihi me. Ihâiba na hã rowa'a sa'ẽtẽ zahuré di. Ta norĩ hã Zezusihi me, te sima rowasu'u za'ra, 'Re ihâimana u'âsi mono te te tãma ipisutuzéb zarina, za idâ'âzém na Zeruzalẽ ãma. 32Te te sima rowasu'u za'ra ré, te Pedru norĩ hã tinhotõ za'ra. Sõtõ pese za'ra di. Oto utu za'ra wamhã, ma tô Zezusi hã 'madâ'â za'ra. Ihâiba na hã rowa'a sa'ẽtẽ di. Aibâ norĩ zama i'rata isima'wara zama ma tô 'madâ'â za'ra. 33Aibâ norĩ hã oto apâ tiwi neb zahuré da wa, te Pedru hã Zezusihi ma tinha, ãne:
— Rowahutu'wa, ãme wama rowẽ za'ra di. Si'ubdatõ, wa za aima 'ri za'ra wa'aba ni, aihâiba bâ wa'aba, ate da hã, duré Mozésihi te da hã, duré Eliasihi te da hã. — Ãne te tãma tinha, te te rosa'rata ãna, Pedru hã. 34Tawamhã Zezusihi ma, te te nharĩ ré, ma hâiwa nhirõtõ'a za'ẽne hã we hâiba zuwa za'ra, Zezusi norĩ hã. Tahawa, ma tãma tipahi za'ra. 35Hâiwa nhirõtõ hawi, te we 'Re ihâimana u'âsi mono hã tãma nharĩ za'ra, ãne:
— Ã hã ĩ'ra, te ipisudu. Ma'ãpé isimiroti hã 're wapari pese za'ra wa'aba mono za.
36We tãma mreme pari wamhã, siwaprosi te oto za, Zezusi hã. Ari'iwi te a'â tihâimana za'ra, mreme ãna, isiré 're inomro mono norĩ hã. Ni'wai ma, te te rowasu'u za'ra õ di a'â, te te i'madâ'â za'ra zém na hã.
Zezusi hã, ai'reputu ma, wa'uburé te te imezé wasu'u
Mateu 17.14-20; Marcu 9.14-29
37Tawamhã awẽpsi ma tô ẽtẽ 'rãihâ hawi si'ra za'ra, Zezusi norĩ hã. Tahawa, da'ahâ na ma tô danhopẽtẽ za'ra, Zezusihi u idasi'aba'ré hã. 38Aibâ hã dawa'wa isa hã ma tô 'mahâ, ãne:
— Rowahutu'wa, ĩ'ra ma, wa aiwi rowaptẽ, ĩma pese da. Ĩ'ra misire hã, ai'repudu. 39Wa'uburé hã te za upi. Te te upi wamhã, te za tizadari, ĩ'ra hã. Te za sitete. Te za sadaiproi watobro. Te te 're u'a u'âsi. Te te sazâri õ di. Õne u'â. 40Asiré 're inomro mono norĩ ma, wa tô aré tãma 'ru za'ra, wa'uburé te te tãma me za'ra da. Tazahã, te te tãma mei waihu'u za'ra õ di.
41Tawamhã te Zezusi hã tãma nharĩ za'ra, ãne:
— E niha bété, ai'rata 're ĩnhamra u'âsi aba mono nherẽ, asina 're ĩ'umnhasi za'ra wa'aba mono õ di, te 're i'aipawaptob za'ra wa'aba mono zéb da hã. E niha te aiwasété na si 're anomro aba mo. E ĩpẽ'ẽzé u'âsi, wa za ai'rata 're ĩmorĩ 'wa, 're ĩ'umnhasi za'ra wa'aba mono õ wa.
Tahawa, te aibâ ma tinha, ãne:
— We ĩtẽme saprõni pé, ai'ra hã.
42Tawamhã te te itẽme saprõni ré, ma tô wa'uburé hã 'marõwĩ. Te sitete. Tahawa, te Zezusi hã tãma rob'ru, ai'reputu hawi watobro da. Tahawa, ma ihawi watobro. Rowẽ na te oto 're sãmra, ai'repudu hã. Tahawa, te Zezusi hã imama ma tinha, ãne:
— Ãhãta ai'ra hã. Tãma rowẽ di oto.
43Tahawa, ma ãma tatob'uzu za'ra ni, waihu'u pese uptabi wa, 'Re ihâimana u'âsi mono hã.
Zezusi te te 're ida'apese mono zém na, ãma datob'uzu za'ra ré, te tisiré 're inomro mono norĩ ma Zezusi hã tinha, ãne:
44— Wa za aima ĩsiwasu'u za'ra wa'wa. Aima ĩsiwasu'u za'ra wa'aba zém na, aipo're si'âri za'ra wa'aba õ di za. Ti'ai ãma Dasiré Ipodo hã te za dasima hâiba nhomri ni.
45Tane nherẽ, te te siwi waihu'u za'ra õ di, te te sina irowasu'uzém na hã. Ma tô tiwi sawi za'ra Zezusi hã, te te waihu'u pese za'ra tõ da a'â, te te sina irowasu'uzé hã. Tahawa, te te sina irowasu'uzé ma, pahi za'ra wa, te te siwi sadanharĩ za'ra õ di, ãma. Tahawa, te ari'iwi ai'ubumro.
Dama ipire wasu'u
Mateu 18.1-5; Marcu 9.33-37
46Tawamhã sima i'maipire zô sõpré wa, ãma sisaze za'ra õ wa, te timreme na 'râwi si'wapé za'ra, isiré 're inomro mono norĩ hã. 47Isimirosa'rada hã ma tô waihu'u za'ra, Zezusi hã. Tahawa, ma tô ai'uté hã sisababa tisã. 48Te duré tãma nharĩ za'ra, ãne:
— Ni'wam norĩ hã te te 're ĩzawi pese za'ra mono wa, ai'uté zô 're tob'uzu za'ra mono wamhã, ta norĩ u'âbâ te duré ĩzô 're tob'uzu za'ra. Tawamhã e ĩzô si te 're tob'uzu za'ra. Mare di. We ĩzatõrĩ'wa zô zama te duré sô 're tob'uzu za'ra. Dama iwapu norĩ hã 're sawi pese za'ra wa'aba mono wamhã, asima ai'maipire zô asõpré wa'aba ãna, wa za aipire na te 're ai'awaihu'u 'wa.
Zezusihi wẽ'wa norĩ wasu'u
Marcu 9.38-41
49Tawamhã Zuwã hã te tinha, ãne:
— Rowahutu'wa, aibâ, wa tô 'madâ'â za'ra ni, asisi na wa'uburé ma, te te 're irob'rui mono hã, dama 're wairébé mono da. Tahawa, ma tô dama 're wairébé. Õ hã, wasiré 're morĩ õ di. Tahawa, wa tô tiwi sawi za'ra ni, asisi na wa'uburé ma, te te 're arob'ru tõ mono da, wasiré 're morĩ õ wa.
50Tahawa, te Zezusi hã asa tãma nharĩ za'ra, Zuwã norĩ ma:
— Tiwi sawi za'ra wa'aba õ di za, isimiromhuri hã. Ãté ni'wa hã te te 're aiwasu'u wasété za'ra wa'aba mono õ di za. Tane wamhã, aiwẽ wa'aba 'wa na, te za ãma iwaihu'u za'ra wa'wa. Tahawa, aibâ hã aiwẽ wa'aba 'wa, 're morĩ nherẽ, tiwi sawi za'ra wa'aba õ di za, isimiromhuri hã.
Samaritanu norĩ hã, Zezusihi zô itob'uzu za'ra õ zé wasu'u
51Zezusi hã hâiwa u za imorĩzé hã romhuture wa, ma tô sina roti, Zeruzalẽ u morĩ da. 52Tahawa, ma tô aibâ norĩ hã sisõwa satõrĩ za'ra, isãmrazéb da hã, te te sô 'maipisutu za'ra da. Si'aba'réi wamhã, ma tô aihutu, 'ri wa'õtõ u. Samaritanu norĩ rob ãma, 'ri wa'õno hã. 53Sihutu wamhã, sô tob'uzu za'ra õ di, samaritanu norĩ hã. Zeruzalẽ u, za morĩ wa, te te sima wẽ za'ra õ di, i'rata sãmra za'ra da, Zezusi hã. 54Tawamhã samaritanu norĩ wasu'u, ma tô wapari zahuré, Tiagu norĩ hã, Zuwãhã me. Iwasu'u hã te te wapari zahuré wamhã, te Zezusi 'mahârâ zahuré, ãne:
— E aima wẽ di, unhama zô wahârâ da, hâiwa hawi we te te da'uprosi da.
55Tahawa, ma Zezusi hã itẽme aipi'ra zahuré. Imreme hã ma tô tiwi sisisi zahuré. 56Taha pari, ma tô ai'aba'ré, 'ri wa'õtõ hâiba amoi u.
Zezusi te te dama irotizé wasu'u, sena na isiré 're danomro mono da
Mateu 8.18-22
57Tawamhã bâdâdi na si'aba'réi ré, te aibâ hã Zezusihi ma tinha, ãne:
— Nimomo 're aimorĩ wamhã, asiré, wa za 're mo.
58Tahawa, te Zezusi hã asa tãma tinha:
— Wapsã wawẽre hã, ab're 're isõrõwa hã. Si norĩ hã te duré tizasi hã te te sima 're 'manharĩ za'ra, tinhorõwa da hã. Tanei õ di ti'ai ãma Dasiré Ipodo hã. Marĩ tãma hâimana õ di, 're iwa'utu mono zéb da hã. Hâiwi si te datẽme 're morĩ u'â.
59Tawamhã Zezusi te aibâ hâiba amo 'mahâ, isiré morĩ da. Tahawa, te asa tãma tinha:
— Apito, a'â apâ ĩmorĩ, nimahã bâtâ na ĩmama hã ĩwi dâ'â wa, ĩsisa'u te ãma ti'a da.
60Tane nherẽ, te aibâ ma tinha asa:
— Idâ'â norĩ hã te za tisiré idâ'â norĩ ãma, te te 're ti'a za'ra. A hã te za datẽme 're aimo, 'Re ihâimana u'âsi mono, da'ãma 're isib'a'uwẽ mono zém na, 're da'apo're pu'u mono da.
61Aibâ hâiba amo hã te duré Zezusi 'mahâ, ãne:
— Wa hã wa za asiré 're mo. A'â ĩsiré 'ri 're, 're ihâimana za'ra mono norĩ, te sawi za'ra, ĩsisa'u.
62Tahawa, ma tô tãma ãma romnhimiré'é Zezusi hã, ãne:
— Ãté ni'wa hã te za romhuri na sãna'rata, ti'a te te hâibâdâ da. Siwa'rãmi te te nasi 'madâ'â wamhã, tinhib'apito ma, romhuri'wa da hã mare di. Tane duré, 'Re ihâimana u'âsi mono, da'ãma 're isib'a'uwẽ mono zém na romhuri'wa da hã mare di, misi, da te 're pisutu za'ra mono õ wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.