Génesis 26
26
Isaac Gerarnum pujusmau
1Abraham pujai tsuka tepeawa nuu senchi nu nugkanam tsuka tepeawaiti. Tuma asamtai Isaac filisteo ainan apuri Gerar nugkanam Abimelec naartin pujamunam wuwaiti. 2Tumattamaun Yuus wantintuk chicharuk: “Egiptonmagka weepa. Ame pujustinnaka wii ujaktajme. 3Yamaikika juig pujusta. Tura wisha amijai pujuttajai. Tuma asan wii aminka pegkernum yaigtatjame. Amina apan Abrahaman chicharkun: Amina, tura amee weantu ainajaimak ju nugkan amastatjarme. 4-5Abraham wina chichamrun metek umiku asamtai, amee weantu ainanka ya nekapmamainchauwa iman amajsartinaitjai. Tura ju nugka junasha nitan ashi susartinaitjai. Amee weantu ainan pegkernum yaigku asan, chikich ainancha pegkernum yaigkartinaitjai tusan tinaitjai”. 6Tama Isaac Gerarnumag pujusuiti. 7Tumattamaun nuiya shuar aina Rebecan pachisar, jusha amincha warirmet tusar Isaackan iniasaruiti. Tuinakai wina nuwaruiti takaigka, wina nuwar shiram asamtai, wakeruinak jukitaj tusar mantumain ainawai, tusa juka wina umaaruiti, tusa tinaiti.
8Nu nugkanam nukap tsawan pujau asamtai, tanish chigkaimunam Abimelec iimsatajkama, Isaac nuwen achik shir amajun wainkauwaiti. 9Tura Abimelec, Isaackan untsuk chicharuk: Ame chichaakum wina umaaruiti timam nuka, nekas umaim asamtai tichauwaitme. Auka amina nuwem aig tinaitme. Ame nuwem aisha ¿urukamtai wina umaaruiti tusamsha timame? Tama Isaac chichaak: Wika nunaka wina nuwarun wakeruinak mantuawarai tusan timajai, tusa tinaiti. 10Takai Abimelec, Isaackan chicharuk: ¿Urukamtai jutincha tsanukratme? Ame timau asar juiya shuar amina nuwemin juruttramain amajturmakarai, amina nuwemin jukiarmataigka ame jutin makukratmain amajkartukume, tusa tinaiti.
11Tusa Abimelec nu yaaktanmaya shuar ainan chicharuk: Ju shuara juna waitkaka, tura nuwenkesha takaruka mantamnattawai tusa etserauwaiti. 12Nuu uwítin Isaac nu nugkanam arakmawaiti. Tura Yuus yayámu asa shir nukap juukuiti. 13Imatra asa shir wiakach jasuiti. 14Ovejari ainasha, vacari ainasha, tura inatairi ainasha shir nukap asamtai, filisteo aina kajerujakaruiti. 15Turuina asar, Abrahaman inatairi aina yumirmatain taimuri ainan nugkajai yututkaru ainawai. 16Tura Abimelecsha, Isaackan chicharuk: Ameka ii ainatin nagkakartaku shir wiakach jasume, tuma asam juiyagka jinkim wetá, tusa tinaiti.
17Tama jinki we Gerar nugkanam pujusuiti. 18Nui pujus Isaac, nina apari iwáku pujai yumirmatain taimun, filisteo aina yutukarmaun ataksha iwarkaruiti. 19Tura chikich tsawantin Isaackan inatairi aina nu nugkanam yumirmatai atinan tainak matsamsar, entsa amaunam ejéniaruiti. 20Gerarnumia shuar tagkun kuitamin aina, Isaackan tagkurin kuitamin ainajai yumirmatain suritnainak maanikaruiti. Tumawaru asarmatai, Isaac nu yumirmatai naarin “Maanitkamu” tu anaikauwaiti. 21Nuna ikuinak, inatai ainaka yumirmatai atinan chikichan tainiaruiti. Tura ataksha maanitkaruiti. Tumawaru asarmatai, Isaac nu yumirmatai naarin “Kajernaikamu” anaikauwaiti. 22Tura Isaac jeashat wuwaiti. Tuma yumirmatai atinan chikichnasha tainiaruiti. Nunaka maanitkacharu asarmatai, yumirmatai naarin “Agkanmamu” anaikauwaiti. Yamaika Yuus agkanmamtikrama asamtai, ju nugka juigka árak ainasha napampaarmi tiaruiti.
23Tura nuiya Isaac Beersebanam wuwaiti. 24Tumamtai káshi Yuus wantintuk chicharuk: “Amina apa Abrahaman Yuusrinka wiyaitjai. Wii amijai pujau asamtai sapijmakaipa. Wina umirtin asamtai, Abrahaman yaigkuitaj turusnak, amincha pegkernum yayákun, amee weantu ainancha napamturtatjame”, tusa tinaiti. 25Tama nuig tagku aina maa patasa epetain najana Yuusan emematnaiti. Tura nuig yaaktamawaiti. Nutikamtai inatairi ainasha yumirmatai atinan tainiaruiti.
Isaac Abimelecjai chichaman umikmau
26Chikich tsawantin Abimelec Gerarnum pujau Isaacjai chichastasa weakai, nina amikri Ahuzat, tura suntara apuri Ficol, nu aina uyuntsaruiti. 27Tuma Isaac pujamunam jeawaruiti. Tumawarmatai Isaac nitan chicharuk: Atum wina nakitrakrum atumi nugkenia jiiki akuptukuitiatrumsha ¿urukamtai iirsattsarmesha winarme? tusa tinaiti. 28Tama nita chichainak: Ika amijai Yuus puja nu nekaaji. Tuma asar chicham umikmi tusar taaji. Nuka juwaiti: 29“Amesha ii ainatinka pegkerchau amajkartukaipa. Ii ainatika pegkerchau amajtsuk, pegker amaju asar, waitkatsuk jiikir awemamiajme. Turamu akumincha yamaika Yuus aminka pegkernum yainmame”, tusar tiaruiti.
30Tiarmatai Isaac yutain umikuiti. Turamtai nuna yuawar, tura umutaincha umararuiti. 31Nunikar kintamar tsawainak káshikmasar nantarar, Yuusa naarin pachisar chichaman umikaruiti. Tumawar Isaac yamaika atumsha shir enentaimsarum wetaarma tama shiakaruiti. 32Nuu tsawantinig Isaackan inatairi aina yumirmatai atinan tainak iruuntsar, entsa amaunam ejéniar Isaac ujakmi tusar kaunkaruiti. 33Tumawar Isaackan ujakaruiti. Turam Isaac yumirmatai naarin “Sebá” anaikauwaiti.#26.33 Nunaka chicham nutikatna nu umikmau taku tawai. 34Esaú cuarenta uwí ejé pujus, heteo shuaran Beeri nawantrin Judittan nuatkauwaiti. Tura chikichnasha heteo shuaran Elónkan nawantrin Basemattan nuatkauwaiti. 35Tumamtai Isaac, Rebecajai kajekar wake mesemar pujusaruiti.
Currently Selected:
Génesis 26: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Génesis 26
26
Isaac Gerarnum pujusmau
1Abraham pujai tsuka tepeawa nuu senchi nu nugkanam tsuka tepeawaiti. Tuma asamtai Isaac filisteo ainan apuri Gerar nugkanam Abimelec naartin pujamunam wuwaiti. 2Tumattamaun Yuus wantintuk chicharuk: “Egiptonmagka weepa. Ame pujustinnaka wii ujaktajme. 3Yamaikika juig pujusta. Tura wisha amijai pujuttajai. Tuma asan wii aminka pegkernum yaigtatjame. Amina apan Abrahaman chicharkun: Amina, tura amee weantu ainajaimak ju nugkan amastatjarme. 4-5Abraham wina chichamrun metek umiku asamtai, amee weantu ainanka ya nekapmamainchauwa iman amajsartinaitjai. Tura ju nugka junasha nitan ashi susartinaitjai. Amee weantu ainan pegkernum yaigku asan, chikich ainancha pegkernum yaigkartinaitjai tusan tinaitjai”. 6Tama Isaac Gerarnumag pujusuiti. 7Tumattamaun nuiya shuar aina Rebecan pachisar, jusha amincha warirmet tusar Isaackan iniasaruiti. Tuinakai wina nuwaruiti takaigka, wina nuwar shiram asamtai, wakeruinak jukitaj tusar mantumain ainawai, tusa juka wina umaaruiti, tusa tinaiti.
8Nu nugkanam nukap tsawan pujau asamtai, tanish chigkaimunam Abimelec iimsatajkama, Isaac nuwen achik shir amajun wainkauwaiti. 9Tura Abimelec, Isaackan untsuk chicharuk: Ame chichaakum wina umaaruiti timam nuka, nekas umaim asamtai tichauwaitme. Auka amina nuwem aig tinaitme. Ame nuwem aisha ¿urukamtai wina umaaruiti tusamsha timame? Tama Isaac chichaak: Wika nunaka wina nuwarun wakeruinak mantuawarai tusan timajai, tusa tinaiti. 10Takai Abimelec, Isaackan chicharuk: ¿Urukamtai jutincha tsanukratme? Ame timau asar juiya shuar amina nuwemin juruttramain amajturmakarai, amina nuwemin jukiarmataigka ame jutin makukratmain amajkartukume, tusa tinaiti.
11Tusa Abimelec nu yaaktanmaya shuar ainan chicharuk: Ju shuara juna waitkaka, tura nuwenkesha takaruka mantamnattawai tusa etserauwaiti. 12Nuu uwítin Isaac nu nugkanam arakmawaiti. Tura Yuus yayámu asa shir nukap juukuiti. 13Imatra asa shir wiakach jasuiti. 14Ovejari ainasha, vacari ainasha, tura inatairi ainasha shir nukap asamtai, filisteo aina kajerujakaruiti. 15Turuina asar, Abrahaman inatairi aina yumirmatain taimuri ainan nugkajai yututkaru ainawai. 16Tura Abimelecsha, Isaackan chicharuk: Ameka ii ainatin nagkakartaku shir wiakach jasume, tuma asam juiyagka jinkim wetá, tusa tinaiti.
17Tama jinki we Gerar nugkanam pujusuiti. 18Nui pujus Isaac, nina apari iwáku pujai yumirmatain taimun, filisteo aina yutukarmaun ataksha iwarkaruiti. 19Tura chikich tsawantin Isaackan inatairi aina nu nugkanam yumirmatai atinan tainak matsamsar, entsa amaunam ejéniaruiti. 20Gerarnumia shuar tagkun kuitamin aina, Isaackan tagkurin kuitamin ainajai yumirmatain suritnainak maanikaruiti. Tumawaru asarmatai, Isaac nu yumirmatai naarin “Maanitkamu” tu anaikauwaiti. 21Nuna ikuinak, inatai ainaka yumirmatai atinan chikichan tainiaruiti. Tura ataksha maanitkaruiti. Tumawaru asarmatai, Isaac nu yumirmatai naarin “Kajernaikamu” anaikauwaiti. 22Tura Isaac jeashat wuwaiti. Tuma yumirmatai atinan chikichnasha tainiaruiti. Nunaka maanitkacharu asarmatai, yumirmatai naarin “Agkanmamu” anaikauwaiti. Yamaika Yuus agkanmamtikrama asamtai, ju nugka juigka árak ainasha napampaarmi tiaruiti.
23Tura nuiya Isaac Beersebanam wuwaiti. 24Tumamtai káshi Yuus wantintuk chicharuk: “Amina apa Abrahaman Yuusrinka wiyaitjai. Wii amijai pujau asamtai sapijmakaipa. Wina umirtin asamtai, Abrahaman yaigkuitaj turusnak, amincha pegkernum yayákun, amee weantu ainancha napamturtatjame”, tusa tinaiti. 25Tama nuig tagku aina maa patasa epetain najana Yuusan emematnaiti. Tura nuig yaaktamawaiti. Nutikamtai inatairi ainasha yumirmatai atinan tainiaruiti.
Isaac Abimelecjai chichaman umikmau
26Chikich tsawantin Abimelec Gerarnum pujau Isaacjai chichastasa weakai, nina amikri Ahuzat, tura suntara apuri Ficol, nu aina uyuntsaruiti. 27Tuma Isaac pujamunam jeawaruiti. Tumawarmatai Isaac nitan chicharuk: Atum wina nakitrakrum atumi nugkenia jiiki akuptukuitiatrumsha ¿urukamtai iirsattsarmesha winarme? tusa tinaiti. 28Tama nita chichainak: Ika amijai Yuus puja nu nekaaji. Tuma asar chicham umikmi tusar taaji. Nuka juwaiti: 29“Amesha ii ainatinka pegkerchau amajkartukaipa. Ii ainatika pegkerchau amajtsuk, pegker amaju asar, waitkatsuk jiikir awemamiajme. Turamu akumincha yamaika Yuus aminka pegkernum yainmame”, tusar tiaruiti.
30Tiarmatai Isaac yutain umikuiti. Turamtai nuna yuawar, tura umutaincha umararuiti. 31Nunikar kintamar tsawainak káshikmasar nantarar, Yuusa naarin pachisar chichaman umikaruiti. Tumawar Isaac yamaika atumsha shir enentaimsarum wetaarma tama shiakaruiti. 32Nuu tsawantinig Isaackan inatairi aina yumirmatai atinan tainak iruuntsar, entsa amaunam ejéniar Isaac ujakmi tusar kaunkaruiti. 33Tumawar Isaackan ujakaruiti. Turam Isaac yumirmatai naarin “Sebá” anaikauwaiti.#26.33 Nunaka chicham nutikatna nu umikmau taku tawai. 34Esaú cuarenta uwí ejé pujus, heteo shuaran Beeri nawantrin Judittan nuatkauwaiti. Tura chikichnasha heteo shuaran Elónkan nawantrin Basemattan nuatkauwaiti. 35Tumamtai Isaac, Rebecajai kajekar wake mesemar pujusaruiti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.