San Mateo 22:19-21

Yewe hunu chꞌen melyu cheyakꞌ yin̈ hetohlabal tuꞌ wilaꞌan nan̈, ẍi Comam. Yakꞌni ebnaj huneꞌ chꞌen denario tet Comam. Iskꞌamben Comam tet ebnaj: —¿Mac najil ayco yechel sat yeb isbi yin̈ chꞌen? ẍi Comam. Istakꞌwi ebnaj: —Yechel sat naj jahaw ay bey Roma, yeb xin isbi naj ayco yin̈ chꞌen, ẍi ebnaj. Yalni Comam xin: —Akꞌwe tet naj yahaw Roma, baytet yet naj yehi, cat heyakꞌni tet Comam Dios baytet yet Comam yehi, ẍi Comam.