Éxodo 6
6
Israel nunakunata Egiptupita Teyta Dios jorqunanpaq ninqan
1Tsënam Moisésta Teyta Dios nirqan: <<Kananmi rikanki Faraónta imanö jipatsinqätapis. Paqwë jipatsiptïran kikinlla qarquyäshunki nacionninpita ewkuyänëkipaq>>.
2Tsënöllam Moisésta Teyta Dios nirqan: <<Noqaqa Yahwehmi kä. 3Abrahamta, Isaacta y Jacobta yuripurmi musyatsirqä El-Shaddai#6.3 El-Shaddai ninanqa llapanpaqpis poderyuq Dios ninanmi. kanqäta. Pëkunata manam willarqätsu shutï Yahweh kanqantaqa.#Éxo. 3.13-15. 4Pëkunawanmi pactuta rurarqä Canaánta qoykunäpaq.#Gén. 15.13-16; 17.8. Tsëchömi pëkuna forastërunölla täräyarqan. 5Egipto nunakuna jipatsiyaptin Israel nunakuna waqayanqantam wiyarqü. Tsëmi pëkunawan pactu rurashqäta kanan cumplishaq.
6<<Tsëmi ëwar Israel mayikikunata willanki: <Teyta Diosmi kënö nin: Noqaqa Teyta Diosmi kä. Egipto nunakuna alläpa jipatsir uryatsiyäshunqëkipitam jorquyashqëki. Podernïwanmi Egipto nunakunata justiciata rurar mantsakëpaq castigashaq. 7Noqam ëlluyashqëki kuyashqä nunakuna kayänëkipaq. Qamkunapa Diosnikikunam kashaq.#Jer. 31.33; Ose. 2.23. Tsënöpam musyayanki Egipto nunakuna jipatsiyäshunqëkipita jorqamushuqniki Teyta Dios kanqäta. 8Qamkunatam pushayashqëki Abrahamta, Isaacta y Jacobta qoykunäpaq rikätsinqä nacionman. Noqa Teyta Diosmi tsënö nï> >>.
9Teyta Dios tsënö ninqantam Israel mayinkunata Moisés willarqan. Willayaptinpis alläpa uryawan jiparmi llakikur cäsuyarqannatsu.
10Tsënam Moisésta Teyta Dios nirqan: 11<<Ëwar Faraónta nï: <Israel nunakunata jaqiri nacionnikipita ewkuyänanpaq> >>.
12Tsënö niptinmi Teyta Diosta Moisés nirqan: <<Israel mayïkunapis mana cäsïkäyämaptintsuraq Faraónpis cäsumanqa. Noqaqa parlëtapis manam shumaq yachätsu>>.
13Tsënö niptinpis Moiséstawan Aaróntam Teyta Dios kacharqan Israel nunakunaman y Faraónman kënö willakuyänanpaq: <<Egiptupita Israel nunakuna yarquyänanpaqmi Teyta Dios nimashqa>>.
Aarónwan Moisés mëqan castapita kayanqan
14Këchömi qellqarëkan Israel nunakunapa unë mandakuqninkunapa shutinkuna. Israelpa wamaqshu tsurin Rubénpam tsurinkuna kayarqan Hanoc, Falú, Hezrón y Carmi. Tsë nunakunapitam Rubén trïbu castakuna këkäyan.
15Simeónpa tsurinkunam kayarqan Jemuel, Jamín, Ohad, Jaquín, Zohar y Saúl. Saúlpa mamanqa karqan cananea warmim. Tsë nunakunapitam Simeón trïbu castakuna këkäyan.
16Levíqa kawarqan juk pachak kima chunka qanchis (137) watayaqmi. Pëpa tsurinkunam wamaqshupita tutuyaq kayarqan Gersón, Coat y Merari.
17Gersónpa tsurinkunam kayarqan Libni y Simei. Pëkunapitam Libni y Simei casta nunakuna këkäyan.
18Coat kawarqan juk pachak kima chunka kima (133) watayaqmi. Pëpa tsurinkunam kayarqan Amram, Izhar, Hebrón y Uziel.
19Meraripa tsurinkunam kayarqan Mahli y Musi.
Gersón, Coat y Meraripitam levitakuna këkäyan.#Núm. 3.17-20; 26.57-58; 1Crón. 6.16-19.
20Coatpa tsurin Amrammi tiyan Jocabedta warmïkurqan. Jocabedpa wawankunam kayarqan Aarónwan Moisés. Amram kawarqan juk pachak kima chunka qanchis (137) watayaqmi.
21Izharpa tsurinkunam kayarqan Coré, Nefeg y Zicri.
22Uzielpa tsurinkunam kayarqan Misael, Elzafán y Sitri.
23Aarónmi Aminadabpa tsurin Elisabetta warmïkurqan. Elisabetqa Naasónpa paninmi karqan. Aarónpa tsurinkunam kayarqan Nadab, Abiú, Eleazar y Itamar.
24Corépa tsurinkunam kayarqan Asir, Elcana y Abiasaf. Tsë nunakunapitam Coré casta nunakuna këkäyan.
25Aarónpa tsurin Eleazarnam warmïkurqan Futielpa tsurinta. Eleazarpa tsurinmi karqan Finees.
Tsënömi karqan levitakunapa unë castankuna. Llapan mandakuqpitam juk casta këkan. 26Amrampa tsurin Aaróntawan Moiséstam Teyta Dios nirqan: <<Israel nunakunata tröpa tröpa ëllurir Egiptupita jorqayämï>>.
27 Teyta Dios ninqannömi Aarónwan Moisésqa Egiptupa mandakuqnin Faraónwan parlayarqan Israel nunakunata jorqayämunanpaq.
28Moiséswan Teyta Dios Egiptuchö parlanqan junaqmi 29nirqan: <<¡Noqaqa Teyta Diosmi kä! Egipto nacionpa mandakuqnin Faraónta llapan ninqaqkunata willanki>>.
30Tsënam Moisés nirqan: <<Teyta Dios, noqaqa manam shumaq parlëta puëdïtsu. Tsënö këkaptïqa ¿imanöparaq Faraón cäsumanqa?>>
Currently Selected:
Éxodo 6: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 6
6
Israel nunakunata Egiptupita Teyta Dios jorqunanpaq ninqan
1Tsënam Moisésta Teyta Dios nirqan: <<Kananmi rikanki Faraónta imanö jipatsinqätapis. Paqwë jipatsiptïran kikinlla qarquyäshunki nacionninpita ewkuyänëkipaq>>.
2Tsënöllam Moisésta Teyta Dios nirqan: <<Noqaqa Yahwehmi kä. 3Abrahamta, Isaacta y Jacobta yuripurmi musyatsirqä El-Shaddai#6.3 El-Shaddai ninanqa llapanpaqpis poderyuq Dios ninanmi. kanqäta. Pëkunata manam willarqätsu shutï Yahweh kanqantaqa.#Éxo. 3.13-15. 4Pëkunawanmi pactuta rurarqä Canaánta qoykunäpaq.#Gén. 15.13-16; 17.8. Tsëchömi pëkuna forastërunölla täräyarqan. 5Egipto nunakuna jipatsiyaptin Israel nunakuna waqayanqantam wiyarqü. Tsëmi pëkunawan pactu rurashqäta kanan cumplishaq.
6<<Tsëmi ëwar Israel mayikikunata willanki: <Teyta Diosmi kënö nin: Noqaqa Teyta Diosmi kä. Egipto nunakuna alläpa jipatsir uryatsiyäshunqëkipitam jorquyashqëki. Podernïwanmi Egipto nunakunata justiciata rurar mantsakëpaq castigashaq. 7Noqam ëlluyashqëki kuyashqä nunakuna kayänëkipaq. Qamkunapa Diosnikikunam kashaq.#Jer. 31.33; Ose. 2.23. Tsënöpam musyayanki Egipto nunakuna jipatsiyäshunqëkipita jorqamushuqniki Teyta Dios kanqäta. 8Qamkunatam pushayashqëki Abrahamta, Isaacta y Jacobta qoykunäpaq rikätsinqä nacionman. Noqa Teyta Diosmi tsënö nï> >>.
9Teyta Dios tsënö ninqantam Israel mayinkunata Moisés willarqan. Willayaptinpis alläpa uryawan jiparmi llakikur cäsuyarqannatsu.
10Tsënam Moisésta Teyta Dios nirqan: 11<<Ëwar Faraónta nï: <Israel nunakunata jaqiri nacionnikipita ewkuyänanpaq> >>.
12Tsënö niptinmi Teyta Diosta Moisés nirqan: <<Israel mayïkunapis mana cäsïkäyämaptintsuraq Faraónpis cäsumanqa. Noqaqa parlëtapis manam shumaq yachätsu>>.
13Tsënö niptinpis Moiséstawan Aaróntam Teyta Dios kacharqan Israel nunakunaman y Faraónman kënö willakuyänanpaq: <<Egiptupita Israel nunakuna yarquyänanpaqmi Teyta Dios nimashqa>>.
Aarónwan Moisés mëqan castapita kayanqan
14Këchömi qellqarëkan Israel nunakunapa unë mandakuqninkunapa shutinkuna. Israelpa wamaqshu tsurin Rubénpam tsurinkuna kayarqan Hanoc, Falú, Hezrón y Carmi. Tsë nunakunapitam Rubén trïbu castakuna këkäyan.
15Simeónpa tsurinkunam kayarqan Jemuel, Jamín, Ohad, Jaquín, Zohar y Saúl. Saúlpa mamanqa karqan cananea warmim. Tsë nunakunapitam Simeón trïbu castakuna këkäyan.
16Levíqa kawarqan juk pachak kima chunka qanchis (137) watayaqmi. Pëpa tsurinkunam wamaqshupita tutuyaq kayarqan Gersón, Coat y Merari.
17Gersónpa tsurinkunam kayarqan Libni y Simei. Pëkunapitam Libni y Simei casta nunakuna këkäyan.
18Coat kawarqan juk pachak kima chunka kima (133) watayaqmi. Pëpa tsurinkunam kayarqan Amram, Izhar, Hebrón y Uziel.
19Meraripa tsurinkunam kayarqan Mahli y Musi.
Gersón, Coat y Meraripitam levitakuna këkäyan.#Núm. 3.17-20; 26.57-58; 1Crón. 6.16-19.
20Coatpa tsurin Amrammi tiyan Jocabedta warmïkurqan. Jocabedpa wawankunam kayarqan Aarónwan Moisés. Amram kawarqan juk pachak kima chunka qanchis (137) watayaqmi.
21Izharpa tsurinkunam kayarqan Coré, Nefeg y Zicri.
22Uzielpa tsurinkunam kayarqan Misael, Elzafán y Sitri.
23Aarónmi Aminadabpa tsurin Elisabetta warmïkurqan. Elisabetqa Naasónpa paninmi karqan. Aarónpa tsurinkunam kayarqan Nadab, Abiú, Eleazar y Itamar.
24Corépa tsurinkunam kayarqan Asir, Elcana y Abiasaf. Tsë nunakunapitam Coré casta nunakuna këkäyan.
25Aarónpa tsurin Eleazarnam warmïkurqan Futielpa tsurinta. Eleazarpa tsurinmi karqan Finees.
Tsënömi karqan levitakunapa unë castankuna. Llapan mandakuqpitam juk casta këkan. 26Amrampa tsurin Aaróntawan Moiséstam Teyta Dios nirqan: <<Israel nunakunata tröpa tröpa ëllurir Egiptupita jorqayämï>>.
27 Teyta Dios ninqannömi Aarónwan Moisésqa Egiptupa mandakuqnin Faraónwan parlayarqan Israel nunakunata jorqayämunanpaq.
28Moiséswan Teyta Dios Egiptuchö parlanqan junaqmi 29nirqan: <<¡Noqaqa Teyta Diosmi kä! Egipto nacionpa mandakuqnin Faraónta llapan ninqaqkunata willanki>>.
30Tsënam Moisés nirqan: <<Teyta Dios, noqaqa manam shumaq parlëta puëdïtsu. Tsënö këkaptïqa ¿imanöparaq Faraón cäsumanqa?>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.