Éxodo 8

1 1 (7.26) Moisésta Teyta Dios nirqan: <<Faraón kaqman ëwëkur ninki: <Teyta Diosmi kënö nin: Kuyanqä nunakuna adoramaq ëwayänanpaq jaqiri. 2 2 (7.27) Ëwananta mana jaqiptikiqa ratsakkunawanmi jinantin nacionnikita jipatsishaq.#Apoc. 16.13. 3 3 (7.28) Mayupita atska ratsakkuna yarqamurmi yëkuyanqa palasyïkimanpis, cämëkimanpis, jornïkimanpis, artësëkimanpis, yanapashuqnikikunapa wayinkunamanpis y jinantin Egiptuchö täraq nunakunapa wayinkunamanpis. 4 4 (7.29) Tsë ratsakkunaqa janëkimanpis, yanapashuqnikikunapa jananmanpis y jinantin Egiptuchö täraq nunakunapa jananmanpis pintiyanqam> >>.

5 5 (1) Jina kënömi Moisésta Teyta Dios nirqan: <<Aarónta ninki mayukuna, qochakuna y pukyukuna jananpa tukrunta#8.5 Wakin nunakunaqa shukshunta niyanmi. makyaränanpaq. Tsënö makyaraptinmi ratsakkuna yarqamur jinantin Egiptuman juntakäyanqa>>.

6 6 (2) Tsënam llapan yakukuna jananpa Aarón makinta makyaptin ratsakkuna yarqamur jinantin Egiptuman juntariyarqan. 7 7 (3) Tsënöllam brüjukunapis poderyuq kayanqanta rikätsikur Aarón ruranqannölla ratsakkunata yakupita yuritsiyarqan.

8 8 (4) Tsënam Moiséstawan Aarónta qayëkatsir Faraón nirqan: <<Teyta Diosta mañakuyë noqapita y Egipto nunakunapitapis llapan ratsakkunata tsinkatsinanpaq#8.8 Wakin nunakunaqa illaritsinanpaq niyanmi.. Tsinkatsiptinqa Teyta Diosta adorar sacrificiuta kayaq ëwayänanpaqmi Israel nunakunata jaqirishaq>>.

9 9 (5) Tsënam Faraónta Moisés nirqan: <<Teyta Diosta mañakunäpaq nimashqëki höram qampaq, yanapashuqnikikunapaq y llapan Egipto nunakunapaqpis mañakushaq. Mañakuptïmi palasyïkichö y mëtsëchöpis ratsakkuna wanur ushakäyaptin Nilo mayuchö kaqkunallana quedayanqa>>.

10 10 (6) Tsënö niptinnam Faraónqa nirqan: <<Warëtä juklla mañakïkullë>>.

Tsënam Moisés nirqan: <<Ninqëkinömi kanqa. Tsënöpam musyanki Teyta Diosnïmanqa mëqan diospis mana iwalanqanta. 11 11 (7) Ratsakkuna palasyïkichö wanur ushakäyaptinmi Nilo mayullachöna kawayanqa. Tsëmi qamta, yanapashuqnikikunata ni pitapis piñatsiyanqanatsu>>.

12 12 (8) Tsëpitanam Moiséswan Aarónqa ewkuyarqan Faraónpa nöpanpita. Ninqannöllam Teyta Diosta Moisés mañakurqan ratsakkunata ushakätsinanpaq. 13 13 (9) Moisés mañakunqannölla Teyta Dios ruraptinmi llapan ratsakkuna wanuyarqan wayikunachö, patiukunachö y chakrakunachöpis. 14 14 (10) Wanushqa ratsakkunata qotu qotuta juntayaptinmi mëtsëchöpis alläpa asyarqan.

15 15 (11) Ratsakkuna ushakärinqanta rikarmi Faraónqa yapë chukru shonqu tikrakurirqan. Tsëmi cäsurqantsu Moiséstawan Aarónta. Tsënöqa karqan Teyta Dios ninqannöllam.

Atska tushpikuna yurinqan

16 16 (12) Tsënam Teyta Dios nirqan Moisésta: <<Aarónta ninki tukrunwan#8.16a Wakin nunakunaqa shukshunwan niyanmi. patsa allpata wilunanpaq. Tsënö wiluptinmi akapa tushpikunaman#8.16b Juk ishkë castellänu traduccionkunachömi nikan usakuna kanqanta. allpa tikranqa Egiptuchö wamayëpaq kananpaq>>.

17 17 (13) Tsënam Teyta Dios ninqannö patsata Aarón wilïkuptin jinantin Egiptuchö akapa tushpikunaman allpa tikrarqan. Tsëmi mëtsëchöpis tsë tushpikuna ushariyarqan nunakunata y wätakunatapis. 18 18 (14) Tsëta rikarmi brüjukunapis tushpikunata yuritsita munayarqan. Munarpis manam puëdiyarqantsu. Tsënöllam tushpikunaqa nunakunata y wätakunatapis pasëpa usharirqan.

19 19 (15) Tsëmi brüjukuna Faraónta niyarqan: <<Këqa Diospa castïgunmi>>.

Tsënö niyaptinpis Faraónqa chukru shonqu karninmi cäsukurqantsu. Tsënöqa karqan Teyta Dios ninqannöllam.

Tumpushkuna yurinqan

20 20 (16) Tsëpitanam Moisésta Teyta Dios nirqan: <<Warë qoya qoyallam Faraón ëwanqa mayuman. Qampis qoya qoyalla mayuman ëwarnin pëta ninki: <Teyta Diosmi kënö nin: Kuyanqä nunakunata jaqi adorayämänanpaq. 21 21 (17) Ëwayänanta mana munaptikiqa tumpushkunatam yuritsimushaq qamman, yanapashuqnikikunaman y llapan Egiptuchö täraq nunakunamanpis. Tsëmi wayikunachöpis y mëchö tsëchöpis wamayëpaq kanqa. 22 22 (18) Tsënö kaptinpis kuyanqä nunakuna täräyanqan Gosén sitiuchöqa manam jukllëllapis tumpushkuna kanqatsu. Tsënöpam musyanki Egipto nunakunata noqa Teyta Dios castigashqäta. 23 23 (19) Tsëmi Egipto nunakunata castigarpis kuyanqä Israel nunakunataqa mana castigashaqtsu. Tsë castïguqa warëtämi kanqa> >>.

24 24 (20) Teyta Dios ninqannöllam tumpushkuna wamayëpaq juntayarqan Faraónpa palaciunman, yanapaqninkunapa wayinkunaman y llapan Egiptumanpis. Tsënö kaptinmi Egipto nunakuna ima rurëtapis puëdiyarqantsu.

25 25 (21) Tsëmi Faraónqa Moisésta y Aarónta qayëkatsir nirqan: <<Kananqa ëwayë Diosnikita adorar sacrificiuta kayayänëkipaq. Ëwarpis kë nacionpitaqa ama yarquyankitsu>>.

26 26 (22) Tsënö niptinmi Moisés yaskirqan: <<Nishqëkinöqa manam allitsu kanqa. Teyta Diosnïta adorar sacrificiuta kayayanqäqa Egipto nunakunapaq pasëpa melanëpaqmi kanqa. Sacrificiuta kayëkaqta rikäyämarqa alläpa piñarmi tsampir wanutsiyämanqa. 27 27 (23) Mejorqa kima junaq ëwëta chusyaqman ëwayäshaq. Tsëchöran Teyta Diosnï ninqannö sacrificiuta kayar adorayäshaq>>.

28 28 (24) Tsënö niptinnam Faraón nirqan: <<Chusyaqman ëwar Teyta Diosnikita adorar sacrificiuta kayayänëkipaq jaqishqëkim. Ama alläpa karutaqa ëwayëtsu. Tsëchö noqallapaqpis mañakayämunki>>.

29 29 (25) Tsënö niptinnam Moisés nirqan: <<Këpita yarqurmi Teyta Diosta mañakushaq warëtä tumpushkuna qampita y llapan Egiptupitapis ewkuyänanpaq. Jaqiyämänëkipaq kanan yarpëkarpis paqtaran warëqa juktana yarparnin Teyta Diosta adoraq ëwayänäta michäyämankiman>>.

30 30 (26) Tsënam Faraónpa palaciunpita yarqurir Moisésqa Teyta Diosta mañakurqan. 31 31 (27) Mañakunqannö Teyta Dios ruraptinmi tumpushkuna Faraónpita, yanapakuqninkunapita y llapan Egiptuchö täraq nunakunapita illakar ni jukpis karqannatsu. 32 32 (28) Tumpushkuna ushakäriptinqa Faraón yapëmi chukru shonqu tikrakurirqan. Tsëmi munarqannatsu Israel nunakuna ëwayänantapis.

Currently Selected:

Éxodo 8: qwhB

Highlight

Copy