Génesis 32
32
Jacob Esaúwan tinkuyänanpaq alistakunqan
1 1 (2) Tsëpita Jacob ewkïkaptinnam Teyta Diospa angelninkunawan tinkuyarqan. 2 2 (3) Angelkunata rikëkurnam Jacob nirqan: <<Këchöqa Teyta Diospa soldädunkuna posadakuyänantaq këkan>>.
Tsënö nirmi tsë partipa shutin churarqan Mahanaim#32.2 Mahanaim ninanqa ishkë campamentu ninanmi. nir.
3 3 (4) Tsëpitanam Jacob willakuqkunata kacharqan kutikanqanta wawqin Esaúta willayänanpaq. Esaúqa tëkarqan Seirchö këkaq Edomchömi. 4 4 (5) Manaraq kacharmi tsë willakuqkunata käyitsirqan kënö niyänanpaq: <<Teyta Esaú, wawqillëki Jacobmi kënö nishunki: <Ewkunqäpita patsam Labánpa makinchö tärarqü. 5 5 (6) Y kalläpamanmi wäkäkuna, ashnükuna, üshäkuna y chiwäkunapis. Tsënöllam kapaman ollqupis warmipis sirwimaqkuna. Tsënö willakatsimü ankupëkallämänëkipaqmi> >>.
6 6 (7) Willakuqkuna kutirnam Jacobta niyarqan: <<Ëwayarqümi wawqiki Esaúta willayänäpaq. Y chusku pachak (400) nunankunawanmi kikin shamïkan chaskishunëkipaq>>.
7 7 (8) Tsënam Jacobqa alläpa mantsakar yarpakachëman churakarqan. Tsëmi ishkë grüpuman rakirqan pëwan ëwëkaq nunakunata. Tsënöllam ishkë purwaman rakirqan üshankunata, chiwankunata, wäkankunata y camëllunkunatapis. 8 8 (9) Tsëtaqa rurarqan kënö yarparmi: <<Esaú juk kaq purwata ushakätsiptinpis juk kaq purwaqa safanqam>>.
9 9 (10) Tsënö rurarirnam Teyta Diosta kënö mañakurqan: <<Awilü Abrahamwan tëtä Isaac creyikunqan Teyta Dios, kikikim nimarqëki castäkuna täräyanqan partiman kutikamunäpaq. Tsënöllam änimarqëki yanapamänëkipaq. 10 10 (11) Jutsasapa këkaptïpis ankupämarnïmi yanapamarqunki. Jordán mayutapis tukrüllawanmi#32.10 Wakin nunakunaqa shukshüllawanmi niyanmi. pasar ewkurqä. Kananqa wätäkuna atska kapamaptinmi ishkë purwaman rakinäpaqpis kapaman. 11 11 (12) Tsënölla wawqï Esaúpita kananpis salvëkallämë, Teyta. Alläpam mantsä warmïkunata y wamräkunata wanïkatsiyänanta. 12 12 (13) Änimarqëki: <Yanapashqëkim y mirënikikunapis lamar kuchunchö aqushanö mana yupëtapis puëdipaqmi kanqa> nirtaq>>.#Gén. 22.17.
13 13 (14) Tsë paqas tsëllachömi Jacob punukurqan. Patsa waräriptinnam wätankunapita rakirqan wawqin Esaúta qarananpaq. 14 14 (15) Tsë rakinqan wätakunam karqan ishkë pachak (200) china chiwakuna, ishkë chunka (20) orqu chiwakuna, ishkë pachak (200) üshakuna, ishkë chunka (20) carnërukuna, 15 15 (16) kima chunka (30) camëllukuna wawantin, chusku chunka (40) wäkakuna, chunka wishikuna, ishkë chunka (20) china ashnukuna y juk chunka orqu ashnukuna. 16 16 (17) Tsënö rakirirmi tsë wätakunata qatiyänanpaq sirwiqninkunata nirqan: <<Rakinqä wätakunata karu karu qatirkur puntäyë>>.
17 17 (18) Puntata qatiq kaqtanam kënö yachatsirqan: <<Sitsun Esaú tapushunki: <¿Pitaq patronniki? ¿Mëpataq ëwëkanki? ¿Pipa wätantataq qatikanki?> nir 18 18 (19) kënö ninki: <Teyta Esaú, wawqiki Jacobmi kë wätakunata qampaq qatikätsiman. Kikinqa qepatam shamïkan> >>.
19 19 (20) Puntaq sirwiqninta yachatsinqannöllam qepan ëwaq sirwiqninkunatapis yachatsirqan.
20 20 (21) Jacobqa yarparqan apatsinqan wätakunata rikarnin wawqin Esaúpa piñakïnin pasananpaq kanqantam y shonqun paskakashqawanna tinkuritam. Tsënöllam sirwiqninkunata Jacob käyitsirqan Esaúwan tinkurqa <<qepatam Jacob shamïkan>> niyänanpaq.
21 21 (22) Tsënömi Esaúta qarananpaq rakinqan wätakunata puntata qatitsirqan. Despachëkurmi Jacobqa posadakunqallanchö quedakurqan.
Angelwan Jacob maqanakuyanqan
22 22 (23) Tsë paqasmi Jacobqa ishkë warminkunata, sirwiqnin ishkë warmikunata y chunka juk tsurinkunata Jaboc mayu vädupa#32.22 Väduqa mayuta tsimpananpaq ichiklla yaku kanqan sitium këkan. pasatsirqan. 23 23 (24) Tsënöllam llapan imankunatapis pasatsirqan. 24 24 (25) Y kikinqa mana tsimpashpam quedakurqan. Tsë paqasmi juk nuna warätsiq pëwan maqanakurqan. 25 25 (26) Jacobta imanöpapis vencita mana puëdirmi titaq chanka moqunta ulluratsirqan. 26 26 (27) Tsëmi tsë nuna Jacobta nirqan: <<Patsam waräkaramun. ¡Jaqiramëna!>>
Tsënam Jacob yaskirqan: <<Manaraq bendisimaptikiqa manam jaqishqëkitsu>>.
27 27 (28) Tsënam Jacobta tapurqan: <<¿Imataq shutiki?>>
Pënam yaskirqan: <<Shutïqa Jacobmi>>.
28 28 (29) Tsëmi nirqan: <<Kananpitaqa mananam Jacobnatsu shutiki kanqa, sinöqa Israelnam.#32.28 Israel ninanqa Teyta Dioswan maqanakuq ninanmi. Tsënö shutiki kanqa Dioswanpis nunakunawanpis maqanakur vencinqëkipitam>>.#Gén. 35.10.
29 29 (30) Tsënam Jacobpis tapurqan: <<Qampa shutikiqa ¿imataq?>>
Tsënam tsë nuna nirqan: <<¿Imapaqtaq shutïta tapumanki?>>
Tsëpitanam Jacobta bendisïkurqan.
30 30 (31) Ewkuptinnam Jacob nirqan: <<Teyta Dioswanmi cära cära tinkurqü. Tsënö tinkïkarpis manam wanurqütsu>>.
Tsëpitam tsë partipa shutin churarqan Peniel nishpa.#32.30 Peniel ninanqa Diospa qaqllan ninanmi. 31 31 (32) Peniel partipita Jacob ëwëkaptinmi inti yarqaramurqan. Titaq chanka moqun ullushqanpitam cöjïllapa ëwëkarqan. 32 32 (33) Tsënö ullutsishqa kaptinmi Israel nunakunaqa wätata pishtar kananyaqpis tseqllaman tinkuq ankutaqa mana mikuyantsu.
Currently Selected:
Génesis 32: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 32
32
Jacob Esaúwan tinkuyänanpaq alistakunqan
1 1 (2) Tsëpita Jacob ewkïkaptinnam Teyta Diospa angelninkunawan tinkuyarqan. 2 2 (3) Angelkunata rikëkurnam Jacob nirqan: <<Këchöqa Teyta Diospa soldädunkuna posadakuyänantaq këkan>>.
Tsënö nirmi tsë partipa shutin churarqan Mahanaim#32.2 Mahanaim ninanqa ishkë campamentu ninanmi. nir.
3 3 (4) Tsëpitanam Jacob willakuqkunata kacharqan kutikanqanta wawqin Esaúta willayänanpaq. Esaúqa tëkarqan Seirchö këkaq Edomchömi. 4 4 (5) Manaraq kacharmi tsë willakuqkunata käyitsirqan kënö niyänanpaq: <<Teyta Esaú, wawqillëki Jacobmi kënö nishunki: <Ewkunqäpita patsam Labánpa makinchö tärarqü. 5 5 (6) Y kalläpamanmi wäkäkuna, ashnükuna, üshäkuna y chiwäkunapis. Tsënöllam kapaman ollqupis warmipis sirwimaqkuna. Tsënö willakatsimü ankupëkallämänëkipaqmi> >>.
6 6 (7) Willakuqkuna kutirnam Jacobta niyarqan: <<Ëwayarqümi wawqiki Esaúta willayänäpaq. Y chusku pachak (400) nunankunawanmi kikin shamïkan chaskishunëkipaq>>.
7 7 (8) Tsënam Jacobqa alläpa mantsakar yarpakachëman churakarqan. Tsëmi ishkë grüpuman rakirqan pëwan ëwëkaq nunakunata. Tsënöllam ishkë purwaman rakirqan üshankunata, chiwankunata, wäkankunata y camëllunkunatapis. 8 8 (9) Tsëtaqa rurarqan kënö yarparmi: <<Esaú juk kaq purwata ushakätsiptinpis juk kaq purwaqa safanqam>>.
9 9 (10) Tsënö rurarirnam Teyta Diosta kënö mañakurqan: <<Awilü Abrahamwan tëtä Isaac creyikunqan Teyta Dios, kikikim nimarqëki castäkuna täräyanqan partiman kutikamunäpaq. Tsënöllam änimarqëki yanapamänëkipaq. 10 10 (11) Jutsasapa këkaptïpis ankupämarnïmi yanapamarqunki. Jordán mayutapis tukrüllawanmi#32.10 Wakin nunakunaqa shukshüllawanmi niyanmi. pasar ewkurqä. Kananqa wätäkuna atska kapamaptinmi ishkë purwaman rakinäpaqpis kapaman. 11 11 (12) Tsënölla wawqï Esaúpita kananpis salvëkallämë, Teyta. Alläpam mantsä warmïkunata y wamräkunata wanïkatsiyänanta. 12 12 (13) Änimarqëki: <Yanapashqëkim y mirënikikunapis lamar kuchunchö aqushanö mana yupëtapis puëdipaqmi kanqa> nirtaq>>.#Gén. 22.17.
13 13 (14) Tsë paqas tsëllachömi Jacob punukurqan. Patsa waräriptinnam wätankunapita rakirqan wawqin Esaúta qarananpaq. 14 14 (15) Tsë rakinqan wätakunam karqan ishkë pachak (200) china chiwakuna, ishkë chunka (20) orqu chiwakuna, ishkë pachak (200) üshakuna, ishkë chunka (20) carnërukuna, 15 15 (16) kima chunka (30) camëllukuna wawantin, chusku chunka (40) wäkakuna, chunka wishikuna, ishkë chunka (20) china ashnukuna y juk chunka orqu ashnukuna. 16 16 (17) Tsënö rakirirmi tsë wätakunata qatiyänanpaq sirwiqninkunata nirqan: <<Rakinqä wätakunata karu karu qatirkur puntäyë>>.
17 17 (18) Puntata qatiq kaqtanam kënö yachatsirqan: <<Sitsun Esaú tapushunki: <¿Pitaq patronniki? ¿Mëpataq ëwëkanki? ¿Pipa wätantataq qatikanki?> nir 18 18 (19) kënö ninki: <Teyta Esaú, wawqiki Jacobmi kë wätakunata qampaq qatikätsiman. Kikinqa qepatam shamïkan> >>.
19 19 (20) Puntaq sirwiqninta yachatsinqannöllam qepan ëwaq sirwiqninkunatapis yachatsirqan.
20 20 (21) Jacobqa yarparqan apatsinqan wätakunata rikarnin wawqin Esaúpa piñakïnin pasananpaq kanqantam y shonqun paskakashqawanna tinkuritam. Tsënöllam sirwiqninkunata Jacob käyitsirqan Esaúwan tinkurqa <<qepatam Jacob shamïkan>> niyänanpaq.
21 21 (22) Tsënömi Esaúta qarananpaq rakinqan wätakunata puntata qatitsirqan. Despachëkurmi Jacobqa posadakunqallanchö quedakurqan.
Angelwan Jacob maqanakuyanqan
22 22 (23) Tsë paqasmi Jacobqa ishkë warminkunata, sirwiqnin ishkë warmikunata y chunka juk tsurinkunata Jaboc mayu vädupa#32.22 Väduqa mayuta tsimpananpaq ichiklla yaku kanqan sitium këkan. pasatsirqan. 23 23 (24) Tsënöllam llapan imankunatapis pasatsirqan. 24 24 (25) Y kikinqa mana tsimpashpam quedakurqan. Tsë paqasmi juk nuna warätsiq pëwan maqanakurqan. 25 25 (26) Jacobta imanöpapis vencita mana puëdirmi titaq chanka moqunta ulluratsirqan. 26 26 (27) Tsëmi tsë nuna Jacobta nirqan: <<Patsam waräkaramun. ¡Jaqiramëna!>>
Tsënam Jacob yaskirqan: <<Manaraq bendisimaptikiqa manam jaqishqëkitsu>>.
27 27 (28) Tsënam Jacobta tapurqan: <<¿Imataq shutiki?>>
Pënam yaskirqan: <<Shutïqa Jacobmi>>.
28 28 (29) Tsëmi nirqan: <<Kananpitaqa mananam Jacobnatsu shutiki kanqa, sinöqa Israelnam.#32.28 Israel ninanqa Teyta Dioswan maqanakuq ninanmi. Tsënö shutiki kanqa Dioswanpis nunakunawanpis maqanakur vencinqëkipitam>>.#Gén. 35.10.
29 29 (30) Tsënam Jacobpis tapurqan: <<Qampa shutikiqa ¿imataq?>>
Tsënam tsë nuna nirqan: <<¿Imapaqtaq shutïta tapumanki?>>
Tsëpitanam Jacobta bendisïkurqan.
30 30 (31) Ewkuptinnam Jacob nirqan: <<Teyta Dioswanmi cära cära tinkurqü. Tsënö tinkïkarpis manam wanurqütsu>>.
Tsëpitam tsë partipa shutin churarqan Peniel nishpa.#32.30 Peniel ninanqa Diospa qaqllan ninanmi. 31 31 (32) Peniel partipita Jacob ëwëkaptinmi inti yarqaramurqan. Titaq chanka moqun ullushqanpitam cöjïllapa ëwëkarqan. 32 32 (33) Tsënö ullutsishqa kaptinmi Israel nunakunaqa wätata pishtar kananyaqpis tseqllaman tinkuq ankutaqa mana mikuyantsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.