Génesis 34
34
Dinata violanqan
1Leapa wawanmi karqan Dina. Pëmi tsë läduchö täraq yanasankunaman watukaq ëwarqan. 2Siquemmi heveo nuna Hamorpa tsurin karqan. Hamorqa karqan tsëchö täraq nunakunapa autoridäninmi. Dinata rikëkurmi Siquemqa violarqan. 3Tsëpitanam Siquemqa Dina kuyananpaq imëkanöpapis shonqunta suwëta tïrarqan. 4Tsëmi tëtan Hamorta kënö nirqan: <<Tëtë, tsë shipashta warmï kananpaq ashïkallämï>>.
5Jacobnam musyarirqan tsurin Dinata Siquem violashqanta. Musyëkarpis tsurinkuna jirkachö wätankunawan kayaptinmi pëkuna kutiyanqanyaq upälla kakurqan. 6Tsëyaqnam Siquempa tëtan Hamor ëwarqan Jacobwan parlayänanpaq. 7Jacobpa tsurinkuna jallqapita kutiramurnam paninta Siquem violanqanta musyëkur alläpa piñëkuyarqan. Tsënö violanqan alläpa penqakïpaqmi karqan. Tsëtaqa manam imëpis ruranmantsu karqan.
8Tsëmi pëkunawan parlar Hamor nirqan: <<Tsurï Siquemmi panikikunapaq pasëpa löcuyashqa purikan. Tsëmi shamurqü tsurïwan panikikunata juntanantsikpaq parlaq. 9Tsënöpam compädri karnin juk castanöllana kakushun. Tsëmi tsurïkunapis qamkunapa warmi tsurikikunawan juntakäyanqa y qamkunapapis warmi tsurïkunawan juntakäyanqa. 10Këllachöna täkushun. Kë nacionchö täkuyänëkipaq më lädutapis munayanqëkita akrayë. Tsënölla ima negociullatapis rurayë. Chakratapis rantiyë kikikikunapaqna kananpaq>>.
11Tsënöllam Siquempis Dinapa tëtanta y turinkunata nirqan: <<Tëtakuna, panikita änïkalläyämë. Änïkalläyämaptikiqa imatapis munayanqëkitam qoykulläyashqëki. 12Panikita änïkayämaptikiqa costumbrikunapita masta mañayämaptikipis pagayashqëkim. Imëkanöpapis panikita änïkayämänëkitam munä>>.
13Tsënö niptinmi paninta violayanqanpita Jacobpa tsurinkuna alläpa piñashqa kar Siquemtawan tëtan Hamorta janan shonqulla äniyarqan. 14Tsëmi niyarqan: <<Noqakunaqa manam panïta änikuyämantsu señalakunni nunakunataqa. Señalakunni nuna mashäkuna karqa penqakïpaqchi kanman. 15Noqakuna señalakuyashqänö qamkunapis llapan ollqu kaqkuna señalakuyaptikiqa panïkunata äniyashqëkim. 16Señalakuyaptikiqa tsurïkunapis qamkunapa warmi tsurikikunawan juntakäyanqam y qamkunapapis warmi tsurïkunawan juntakäyanqam. Tsënöpam llapantsikpis tsë castanöllana kawakushun. 17Mana señalakuyaptikiqa panïta pusharkurmi ewkuyäshaq>>.
18Tsënö niyaptinmi Hamorwan tsurin Siquemqa pëkuna niyanqannö señalakuyänanpaq äniyarqan. 19Tsëpita ewkurmi Dinata kuyarnin Siquemqa raslla señalakurqan. Pëqa tëtanpa castanchö mas respetädu jövinmi karqan. 20Tsëpitanam tëtan Hamorwan marka yëkuna punkuman ëwayarqan. Tsëchömi nunakunata niyarqan: 21<<Jacob casta nunakunaqa alli nunam kayan. Pëkuna këchö täräyänanpaqqa jirkantsikkunapis chakrantsikkunapis jayäkunmi. Tsënö këkaptinqa pëkuna këchö täkur ima negociullatapis rurayätsun. Tsënöpam warmi tsurinkunawan tsurintsikkunata juntashun y pëkunapis warmi tsurintsikkunawan tsurinkunata juntayanqa. 22Tsë castanölla kanantsikpaq munayan pëkunanö llapantsik ollqu kaqkuna señalakunantsiktam. 23Pëkuna niyanqanta änishqam noqantsikwan quedakuyanqa. Tsënöpam llapan imëkankunapis y wätankunapis noqantsikpana kanqa>>.
24Tsënö niyaptinmi tsëchö juntakaq nunakuna äniyarqan Hamorwan Siquem niyanqanta. Tsëmi llapan ollqukuna cuerpunkunachö señalakuyarqan.
25Tsëpita kima junaqtanam Dinapa turinkuna Simeónwan Leví tsë markaman yëkuyarqan. Cuerpunkunata señalakuyanqanpita nanëwan karmi tsëchö nunakunapa valorninkunapis karqantsu defendikuyänanpaq. Tsënö këkaqtam espädawan llapanta wanutsiyarqan. 26Tsënöllam Hamortawan tsurin Siquemtapis espädawan wanutsiyarqan. Y Siquempa wayinpitam Dinata pusharkur ewkuyarqan.
27Tsëpitanam Jacobpa wakin kaq tsurinkunapis markaman yëkïkur tariyarqan llapan nunakuna wanushqa jitaräkïkaqta. Paninta violanqanpita piñashqa karmi tsë markachö tariyanqan kaqtaqa imëkantapis apakuyarqan. 28Tsënöllam apakuyarqan üshakunata, chiwakunata, wäkakunata, ashnukunata y imëkatapis markachö y chakrachö tariyanqan kaqtaqa. 29Wayikunachö tariyanqan kaqtapis llapantam apakuyarqan. Tsënöllam wamrakunata y warmikunatapis prësu apakuyarqan.
30Tsënö rurayanqanta musyëkurnam Jacobqa Simeóntawan Levíta nirqan: <<¿Imamantaq jitarkayämarqunki? Wanutsiyanqëkita musyëkurqa cananeo nunakunawan ferezeo nunakuna alläpam chikiyämanqa. Pëkunaqa willanakïkur shamurmi llapantsikta wanutsimäshun. Sirwimaqnintsik nunakunapis pëkunata pärapuyänanpaq wallkallam këkäyan>>.
31Tsënö niptinnam niyarqan: <<¿Imanirtaq panïta violarqun prostitüta warmitanö?>>
Currently Selected:
Génesis 34: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 34
34
Dinata violanqan
1Leapa wawanmi karqan Dina. Pëmi tsë läduchö täraq yanasankunaman watukaq ëwarqan. 2Siquemmi heveo nuna Hamorpa tsurin karqan. Hamorqa karqan tsëchö täraq nunakunapa autoridäninmi. Dinata rikëkurmi Siquemqa violarqan. 3Tsëpitanam Siquemqa Dina kuyananpaq imëkanöpapis shonqunta suwëta tïrarqan. 4Tsëmi tëtan Hamorta kënö nirqan: <<Tëtë, tsë shipashta warmï kananpaq ashïkallämï>>.
5Jacobnam musyarirqan tsurin Dinata Siquem violashqanta. Musyëkarpis tsurinkuna jirkachö wätankunawan kayaptinmi pëkuna kutiyanqanyaq upälla kakurqan. 6Tsëyaqnam Siquempa tëtan Hamor ëwarqan Jacobwan parlayänanpaq. 7Jacobpa tsurinkuna jallqapita kutiramurnam paninta Siquem violanqanta musyëkur alläpa piñëkuyarqan. Tsënö violanqan alläpa penqakïpaqmi karqan. Tsëtaqa manam imëpis ruranmantsu karqan.
8Tsëmi pëkunawan parlar Hamor nirqan: <<Tsurï Siquemmi panikikunapaq pasëpa löcuyashqa purikan. Tsëmi shamurqü tsurïwan panikikunata juntanantsikpaq parlaq. 9Tsënöpam compädri karnin juk castanöllana kakushun. Tsëmi tsurïkunapis qamkunapa warmi tsurikikunawan juntakäyanqa y qamkunapapis warmi tsurïkunawan juntakäyanqa. 10Këllachöna täkushun. Kë nacionchö täkuyänëkipaq më lädutapis munayanqëkita akrayë. Tsënölla ima negociullatapis rurayë. Chakratapis rantiyë kikikikunapaqna kananpaq>>.
11Tsënöllam Siquempis Dinapa tëtanta y turinkunata nirqan: <<Tëtakuna, panikita änïkalläyämë. Änïkalläyämaptikiqa imatapis munayanqëkitam qoykulläyashqëki. 12Panikita änïkayämaptikiqa costumbrikunapita masta mañayämaptikipis pagayashqëkim. Imëkanöpapis panikita änïkayämänëkitam munä>>.
13Tsënö niptinmi paninta violayanqanpita Jacobpa tsurinkuna alläpa piñashqa kar Siquemtawan tëtan Hamorta janan shonqulla äniyarqan. 14Tsëmi niyarqan: <<Noqakunaqa manam panïta änikuyämantsu señalakunni nunakunataqa. Señalakunni nuna mashäkuna karqa penqakïpaqchi kanman. 15Noqakuna señalakuyashqänö qamkunapis llapan ollqu kaqkuna señalakuyaptikiqa panïkunata äniyashqëkim. 16Señalakuyaptikiqa tsurïkunapis qamkunapa warmi tsurikikunawan juntakäyanqam y qamkunapapis warmi tsurïkunawan juntakäyanqam. Tsënöpam llapantsikpis tsë castanöllana kawakushun. 17Mana señalakuyaptikiqa panïta pusharkurmi ewkuyäshaq>>.
18Tsënö niyaptinmi Hamorwan tsurin Siquemqa pëkuna niyanqannö señalakuyänanpaq äniyarqan. 19Tsëpita ewkurmi Dinata kuyarnin Siquemqa raslla señalakurqan. Pëqa tëtanpa castanchö mas respetädu jövinmi karqan. 20Tsëpitanam tëtan Hamorwan marka yëkuna punkuman ëwayarqan. Tsëchömi nunakunata niyarqan: 21<<Jacob casta nunakunaqa alli nunam kayan. Pëkuna këchö täräyänanpaqqa jirkantsikkunapis chakrantsikkunapis jayäkunmi. Tsënö këkaptinqa pëkuna këchö täkur ima negociullatapis rurayätsun. Tsënöpam warmi tsurinkunawan tsurintsikkunata juntashun y pëkunapis warmi tsurintsikkunawan tsurinkunata juntayanqa. 22Tsë castanölla kanantsikpaq munayan pëkunanö llapantsik ollqu kaqkuna señalakunantsiktam. 23Pëkuna niyanqanta änishqam noqantsikwan quedakuyanqa. Tsënöpam llapan imëkankunapis y wätankunapis noqantsikpana kanqa>>.
24Tsënö niyaptinmi tsëchö juntakaq nunakuna äniyarqan Hamorwan Siquem niyanqanta. Tsëmi llapan ollqukuna cuerpunkunachö señalakuyarqan.
25Tsëpita kima junaqtanam Dinapa turinkuna Simeónwan Leví tsë markaman yëkuyarqan. Cuerpunkunata señalakuyanqanpita nanëwan karmi tsëchö nunakunapa valorninkunapis karqantsu defendikuyänanpaq. Tsënö këkaqtam espädawan llapanta wanutsiyarqan. 26Tsënöllam Hamortawan tsurin Siquemtapis espädawan wanutsiyarqan. Y Siquempa wayinpitam Dinata pusharkur ewkuyarqan.
27Tsëpitanam Jacobpa wakin kaq tsurinkunapis markaman yëkïkur tariyarqan llapan nunakuna wanushqa jitaräkïkaqta. Paninta violanqanpita piñashqa karmi tsë markachö tariyanqan kaqtaqa imëkantapis apakuyarqan. 28Tsënöllam apakuyarqan üshakunata, chiwakunata, wäkakunata, ashnukunata y imëkatapis markachö y chakrachö tariyanqan kaqtaqa. 29Wayikunachö tariyanqan kaqtapis llapantam apakuyarqan. Tsënöllam wamrakunata y warmikunatapis prësu apakuyarqan.
30Tsënö rurayanqanta musyëkurnam Jacobqa Simeóntawan Levíta nirqan: <<¿Imamantaq jitarkayämarqunki? Wanutsiyanqëkita musyëkurqa cananeo nunakunawan ferezeo nunakuna alläpam chikiyämanqa. Pëkunaqa willanakïkur shamurmi llapantsikta wanutsimäshun. Sirwimaqnintsik nunakunapis pëkunata pärapuyänanpaq wallkallam këkäyan>>.
31Tsënö niptinnam niyarqan: <<¿Imanirtaq panïta violarqun prostitüta warmitanö?>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.