Génesis 39
39
Joséwan Potifarpa warmin punïta munanqan
1Ismaelita negociantikuna Egiptuman Joséta chäratsiyaptinnam Potifar rantirqan. Potifarqa karqan Faraónpa wardiankunapa capitanninmi.
2 Teyta Dios pëwan kaptinmi#Hech. 7.9. José rurashqankunaqa llapanpis alli karqan. Tsënömi patronninpa wayinchö tärarqan. 3Teyta Dios yanapëkanqanta käyirmi 4patronnin alläpa kuyar Joséta churarqan wayinchö mandakuq kananpaq y llapan imëkankunatapis rikänanpaq. 5Tsëpita patsam Potifarta Teyta Dios yanaparqan. Tsëmi imëkankunapis atskayarqan y mikïninpis shumaq wayurqan. 6Llapantapis Josépa makinman churëkurmi Potifarqa yarpakacharqannatsu.
Joséqa alläpa shumaqllan karmi kuyëllapaq karqan. 7Tsëmi Potifarpa warminqa rikapar Joséta nirqan: <<¡Noqawan punushun!>>
8Tsënö niptinnam Joséqa yaskirqan: <<Mamë, tsëtaqa manam rurëkushwantsu. Patronnïqa markäkamarmi llapan imëkantapis makïman churamushqa. Y llapantapis shumaq rikaptïmi yamë purikun. 9Patronnïqa manam pitapis noqata markäkamanqannöqa markäkuntsu. Qamllatam warmin kaptiki makïmanqa churamushqatsu. Tsënö markäkëkämaptin ¿imanöparaq Teyta Diosta piñatsir jutsata ruräman?>>
10José tsënö niptinpis tsë warmiqa waran waranmi qatiraq. Tsënö qatiraptinpis Joséqa mana cäsurmi pëwan punïta munarqantsu. 11Juk kutinam imapis rurëninkunata rurananpaq wayiman José yëkurqan. Tsë höraqa manam pipis wayichö karqantsu. 12Tsëmi Potifarpa warminqa Joséta ratashninpita tsarikurkur nirqan: <<¡Punurishun!>>
Tsënö tsarikurkuptinnam warmipa makinchö ratashninta jaqirir safar ëqikurqan.
13Ratashninta qoturir ëqikuptinnam 14Potifarpa warmin wayinchö sirwiqninkunata qayëkur nirqan: <<¡Qowä apamunqan sirwikuqqa manam respetakïta yachantsu! Japallä këkanqäman yëkëkamurmi cäsi violëkamashqa. Tsëmi qaparïkurqü. 15Tsënö qaparïkuptïnam ratashninta jaqirïkur safar ewkushqa>>.
16Tsënö nirirmi Josépa ratashninta katsirqan qowan kutinqanyaq. 17Chäriptinnam sirwiqninkunata willanqannölla qowantapis kënö willarqan: <<Tsë rantimunqëki hebreo chöluqa cuartüman yëkëkamurmi noqawan mälas punïta munashqa. 18Qayaripa qaparïkuptïmi ratashnintapis jaqirïkur safar ewkushqa. 19Tsënömi imëkëkitapis rikänanpaq churanqëki alli sirwishuqnikiqa portakushqa>>.
Warmin tsënö niptinnam Potifarqa alläpa piñëkurqan. 20Tsëmi llutan ruraq sirwiqninkunata Faraón llawirätsinqan carcelman Josétapis llawitsirqan.
21 Teyta Dios yanapaptinmi#Hech. 7.9. cárcel täpaq nuna Josétaqa alli rikarqan. 22Tsëmi llapan prësukunata Josépa makinman churarqan. Joséran tsëchö prësukunata mandaq imata rurayänanpaqpis. 23Teyta Dios yanapaptinmi imapis José ruranqan alli karqan. Tsëmi carcelchö mandakuqqa Josépa munëninchö kaqkunapaq yarpakacharqannatsu.
Currently Selected:
Génesis 39: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 39
39
Joséwan Potifarpa warmin punïta munanqan
1Ismaelita negociantikuna Egiptuman Joséta chäratsiyaptinnam Potifar rantirqan. Potifarqa karqan Faraónpa wardiankunapa capitanninmi.
2 Teyta Dios pëwan kaptinmi#Hech. 7.9. José rurashqankunaqa llapanpis alli karqan. Tsënömi patronninpa wayinchö tärarqan. 3Teyta Dios yanapëkanqanta käyirmi 4patronnin alläpa kuyar Joséta churarqan wayinchö mandakuq kananpaq y llapan imëkankunatapis rikänanpaq. 5Tsëpita patsam Potifarta Teyta Dios yanaparqan. Tsëmi imëkankunapis atskayarqan y mikïninpis shumaq wayurqan. 6Llapantapis Josépa makinman churëkurmi Potifarqa yarpakacharqannatsu.
Joséqa alläpa shumaqllan karmi kuyëllapaq karqan. 7Tsëmi Potifarpa warminqa rikapar Joséta nirqan: <<¡Noqawan punushun!>>
8Tsënö niptinnam Joséqa yaskirqan: <<Mamë, tsëtaqa manam rurëkushwantsu. Patronnïqa markäkamarmi llapan imëkantapis makïman churamushqa. Y llapantapis shumaq rikaptïmi yamë purikun. 9Patronnïqa manam pitapis noqata markäkamanqannöqa markäkuntsu. Qamllatam warmin kaptiki makïmanqa churamushqatsu. Tsënö markäkëkämaptin ¿imanöparaq Teyta Diosta piñatsir jutsata ruräman?>>
10José tsënö niptinpis tsë warmiqa waran waranmi qatiraq. Tsënö qatiraptinpis Joséqa mana cäsurmi pëwan punïta munarqantsu. 11Juk kutinam imapis rurëninkunata rurananpaq wayiman José yëkurqan. Tsë höraqa manam pipis wayichö karqantsu. 12Tsëmi Potifarpa warminqa Joséta ratashninpita tsarikurkur nirqan: <<¡Punurishun!>>
Tsënö tsarikurkuptinnam warmipa makinchö ratashninta jaqirir safar ëqikurqan.
13Ratashninta qoturir ëqikuptinnam 14Potifarpa warmin wayinchö sirwiqninkunata qayëkur nirqan: <<¡Qowä apamunqan sirwikuqqa manam respetakïta yachantsu! Japallä këkanqäman yëkëkamurmi cäsi violëkamashqa. Tsëmi qaparïkurqü. 15Tsënö qaparïkuptïnam ratashninta jaqirïkur safar ewkushqa>>.
16Tsënö nirirmi Josépa ratashninta katsirqan qowan kutinqanyaq. 17Chäriptinnam sirwiqninkunata willanqannölla qowantapis kënö willarqan: <<Tsë rantimunqëki hebreo chöluqa cuartüman yëkëkamurmi noqawan mälas punïta munashqa. 18Qayaripa qaparïkuptïmi ratashnintapis jaqirïkur safar ewkushqa. 19Tsënömi imëkëkitapis rikänanpaq churanqëki alli sirwishuqnikiqa portakushqa>>.
Warmin tsënö niptinnam Potifarqa alläpa piñëkurqan. 20Tsëmi llutan ruraq sirwiqninkunata Faraón llawirätsinqan carcelman Josétapis llawitsirqan.
21 Teyta Dios yanapaptinmi#Hech. 7.9. cárcel täpaq nuna Josétaqa alli rikarqan. 22Tsëmi llapan prësukunata Josépa makinman churarqan. Joséran tsëchö prësukunata mandaq imata rurayänanpaqpis. 23Teyta Dios yanapaptinmi imapis José ruranqan alli karqan. Tsëmi carcelchö mandakuqqa Josépa munëninchö kaqkunapaq yarpakacharqannatsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.