Lucas 11
11
Imanö mañakunapaq Jesús yachatsikunqan
Mateo 6.9-15; 7.7-11
1Juk kutim Teyta Diosta Jesús mañakïkarqan. Mañakur ushariptinnam juknin kaq discïpulun kënö nirqan: <<Teyta, discïpulunkunata Juan#11.1 Juanpaq parlarqa Bautizakuq Juanpaqmi nirqan. yachatsishqannö noqakunatapis Teyta Diosta mañakuyänäpaq yachëkatsiyämë>>.
2Jesúsnam nirqan: <<Teyta Diosta kënö mañakuyanki:
<<[Ciëluchö këkaq] Teytallä,
shutillëki respetashqa këkullätsun.
Kë patsachö mandakuq kanëkipaq shamïkullë.
[Ciëluchö cäsuyäshushqëkinö kë patsachöpis cäsïkulläyäshi.]
3Mikïlläkuna waran waran qarëkalläyämë.
4Chikimaqnïkunata perdonayashqänö noqalläkunatapis perdonëkayämë.
Jutsa rurëman mana ishkiyänäpaq ama jaqiralläyämëtsu.
[Tsëpa rantinqa mana allikunapita tsapëkalläyämë]>>.
5Tsëpitanam Jesús nirqan: <<Juk nunash pullan paqas yanasanpa wayinman ëwar ninaq: <Yanasa, kima tantallä mañëkamë. 6Juk yanasämi karupita chämushqa y manam imällapis kantsu qararinäpaq>. 7Tsënö mañakuptinshi yanasan ninaq: <Kë höraqa ¿imaqtaq shamunki punïnïtapis chawätsimurnin? Punküpis trancashqanam. Wamräkunapis y noqapis punukïkäyänam. Manam shärimunätsu mañamanqëkita qonaqpaq> nir.
8<<Noqam niyaq: Manam chunka yanasan karpis sharkunqatsu mañakunqanta qonanpaq. Sitsun seguïdu qayakunqa sharkurmi mañakunqanta qoykunqa. 9Tsëmi niyaq: Mañakuyaptikiqa Teyta Dios qoyäshunkim. Ashirqa tariyankim. Punkuta tsaktakuyaptikiqa kichapuyäshunkim. 10Mañakuq kaqqa chaskinmi. Ashiq kaqqa tarinmi.#Deut. 4.29; 2Crón. 15.2-4; Jer. 29.13. Punkuta tsaktakuq kaqtaqa kichapunmi.
11<<Mëqëkitapis wamrëkikuna [tantata mañakuyäshuptiki ¿rumintsuraq tsararkatsiyankiman?] Pescäduta mañakuyäshuptiki ¿culebrantsuraq qoykuyankiman? 12Jina ruruta mañayäshuptiki ¿atuq kuruntsuraq qoykuyankiman? 13Qamkuna mana alli ruraq këkarpis wamrëkikunata alli kaqllata qarëkäyaptikiqa ¿manatsuraq ciëluchö këkaq Teytëkinäqa mañakuq kaqta Espíritu Santuta qoykunqa?>>
Jesúspa contran parlayanqan
Mateo 12.22-30; Marcos 3.20-27
14Juk kutim müdu nunapita supëta Jesús qarqurqan. Tsënam supë yarquriptin tsë nuna parlar qallëkurqan y nunakunanam alläpa espantashqa kayarqan. 15Wakinkunanam kënö niyarqan: <<Kë nunaqa supëkunapa mandakuqnin Beelzebúpa poderninwanmi supëkunata qarqun>>.
16Wakinkunanam Jesústa ishkitsita munar niyarqan: <<Teyta, Teyta Dios rasunpa kachamushushqëkita musyayänäpaq ima milagrullatapis ruramï>>.
17Pëkuna mana alli yarpäyashqanta musyarmi Jesús kënö nirqan: <<Juk nacionchö nunakuna kikinkunapura chikinakurqa ¿manatsuraq wanutsinakur ushakäyanman? Jina juk wayichö täraqkuna chikinakurqa ¿manatsuraq wakpa këpa ewkur ushakäyanman? 18Tsënöllam kikinpa contran shäriptinqa Satanáspa mandakïninpis ushakanqa. Tsëta niyaq <Beelzebúpa poderninwanmi supëkunata qarqun> niyämaptikim.
19<<Beelzebúpa poderninwan supëkunata qarquptïqa ¿pipa poderninwantaq qatiräshuqnikikunaqa supëkunata qarquyan? Diospa poderninwan supëkunata qarquyashqanta käyikarqa ¿imanirtaq käyiyankitsu noqapis Diospa poderninwan qarqushqäta? 20Diospa poderninwan supëkunata qarquptïmi Teyta Diospa mandakïnin qamkunaman chämushqanta musyayanki.
21<<Kallpayuq nuna garrutinwan wayinta täpëkaptinqa manam ni pï imankunatapis suwanmantsu.#11.21 Alli kallpayuq nunatam Satanásman iwalatsin. Wayintanam poderninchö katsinqan nunakunaman iwalatsin. 22Pëpiq mas kallpayuq kaq nuna chärirqa garrutinman markäkïkaptinpis maqakacharkurmi qochirinqa. Nïkurmi llapan imankunatapis apakurnin rakinakuyanqa.#11.22 Mas kallpayuq kaq nunaqa Jesúsmi.
23<<Pipis noqawan mana karqa conträmi këkan. Noqawan mana ëllumuq kaqqa qarqukacharkunmi.#11.23 Tsënö parlarqa Jesús kënö ninantam nirqan: Diospa mandakïninchö nunakuna kawayänanpaq noqawan mana ëlluq kaqqa atäjutam churapëkäman.
Täranqan nunaman supë kutinqan
Mateo 12.43-45
24<<Nunapita supë yarqurirmi mëchöpis täränanpaq ashir chusyaq jirkakunapa purin. Mana tarirnam kënö nin: <Yarqamushqä wayïmanmi kutikushaq>. 25Kutirirnam tarin pitsapakushqa y shumaq churapakushqa jayäkïkaqta. 26Tsënöta tarïkurnam supë mayinkunaman ëwar pëpita mas mana alli qanchis supëkunata pusharkur tsë tärashqanman kutïkun. Tsëmi nöpata kashqanpitapis mas peor tsë nuna tikrakurin>>.
Diosta cäsuqkuna kushishqa kawayänanpaq Jesús ninqan
27Jesús tsënö yachatsikïkaptinnam nunakunapa chöpinpita juk warmi kënö nirqan: <<¡Alläpa kushikïyuqchi wachashuqniki y chichishuqniki mamëki!>>
28Tsënam Jesús kënö yaskirqan: <<Diospa palabranta wiyar cäsukuqkunam mas kushishqaqa këkäyan>>.
Milagrutaraq Jesús rurananta munayanqan
Mateo 12.38-42; Marcos 8.12
29Alläpa atskaq nunakuna ëllukëkuyaptinnam Jesús kënö nirqan: <<Kanan witsan nunakunaqa alläpa mana cäsukuqmi kayan. Milagruta ruranäta munayaptinpis manam ima milagrutapis rurashaqtsu. Tsëpa rantinqa profëta Jonásta salvar milagruta rurashqannömi Teyta Dios juk milagruta ruranqa. 30Imanömi Nínive nunakuna Jonásta chaskiyänanpaq Teyta Dios milagruta rurarqan, tsënömi kanan tiempu nunakuna Nunapa Tsurinta chaskiyänanpaqpis milagruta ruranqa.
31<<Salomón yachatsikushqanta wiyaqmi sur kaq lädu karu nacionpita juk reinapis shamurqan.#1Rey. 10.1-10; 2Crón. 9.1-12. Kananqa Salomónpita mas yachëyuq kaqmi willapëkäyäshunki.#11.31 Salomónpita mas yachëyuq kaqpaq parlarqa kikinpaqmi Jesucristo parlarqan. Tsëmi juiciu junaqchö tsë reina shärimur kanan witsan nunakunata shimpinqa.
32<<Jonás willapäkushqanta chaskirmi Nínive nunakuna jutsa rurëta jaqiriyarqan.#Jon. 3.5. Kananqa Jonáspita mas poderyuq kaqmi willapëkäyäshunki.#11.30-32 Nunapa Tsurinpaq parlar y Jonáspita mas poderyuq kaqpaq parlarqa kikinpaqmi Jesucristo parlarqan. Tsëmi juiciu junaqchö Nínive nunakuna shärimur kanan witsan nunakunata shimpiyanqa>>.
Alli yarpëyuq kaqkuna Jesústa chaskiyanqan
Mateo 5.15; 6.22-23
33<<Manam pipis chiwchita sendirkur pakapaman ni manka rurinman churantsu, sinöqa alërumanmi churan wayiman yëkuqkuna rikäyänanpaq.#11.33 Chiwchita alëruman churashqanta parlarqa nunakuna käyiyänanpaq yachatsishqantam Jesucristo parlarqan. 34Nawikikunam shonqïkikunapaq aktsinö këkan. Tsëmi nawikikuna alli kaptinqa shonqïkikunapis aktsichö këkan. Nawikikuna mana alli kaptinqa tutapëchömi këkäyanki.#11.34 Tsënö parlarqa Jesús kënö ninantam nirqan: Alli yarpëyuq karqa imëka aktsichönö karmi Teyta Dios kachamashqanta käyiyanki. Mana alli yarpëyuq karninmi mana käyir imëka paqaschönö këkäyanki.
35<<Paqtaraq aktsichö kayashqëkita yarparpis paqaschö kayankiman. 36Ichikllapis shonqïkikunachö paqas ama katsuntsu. Shonqïkikunachö aktsilla kaptinqa llapan rurayanqëkikunapis nunakunapaq allim kanqa. Aktsi atsikyaqnömi qamkunapis alli kawayanki>>.
Fariseukunata y ley yachatsikuqkunata Jesús piñapanqan
Mateo 23.1-36; Marcos 12.38-40; Lucas 20.45-47
37Jesús yachatsikur ushariptinnam juk fariseo wayinman pusharqan mikuyänanpaq. Yëkurirnam mësaman Jesús täkurirqan. 38Fariseukunapa costumbrinkunamannö mikunanpaq makinta mana paqakuqta rikëkurnam pushaqnin fariseo alläpa espantashqa karqan.
39Tsënam Jesús nirqan: <<Fariseukuna, qamkunaqa jananllapa paqashqa täzanö y plätunömi këkäyanki. Tsë plätukuna rurinchö qacha kanqannömi qamkunapis shonqïkikunachö suwakuyänëkipaq y mana allita rurayänëkipaq yarpëkäyanki. 40¡Upa nunakuna! ¿Manaku musyayanki Teyta Dioslla cuerpïkikunata rurar shonqïkikunatapis ruranqanta? 41Waktsakunata ankuparnin imanllapis qarayë. Tsënöpam shonqïkikunapis limpiu kanqa.
42<<¡Allaw, fariseukuna! Qamkunam mentapita, rüdapita y wakin qorapita diezmuta rakikarpis nuna mayikikunata ankupäyankitsu ni Teyta Diostapis kuyayankitsu. Diezmupaq rakir cumpliyanqëkinöllam nuna mayikikunatapis y Teyta Diostapis kuyayankiman.
43<<¡Allaw, fariseukuna! Qamkunaqa sinagögachö punta kaq bancakunachöran täkïta munayanki. Pläzakunachöpis napar alläpa respetayäshunëkitam munayanki.
44<<¡Allaw, [alli tukuq fariseukuna y ley yachatsikuqkuna]! Qamkunaqa mana rikakuq sepultüranömi kayanki. Mana rikakuq sepultüra jananpa pipis purir rurinchö melanëpaq kashqanta mana musyanqannömi qamkunapaqpis nunakuna musyayantsu shonqïkikunachö mana alli yarpëyuq kayanqëkita>>.
45Jesús tsënö niptinnam ley yachatsikuq nuna kënö nirqan: <<Rabí, tsënö parlarninqa noqakunatapis ofendikäyämankim>>.
46Tsënam Jesús nirqan: <<¡Allaw qamkunapis, ley yachatsikuqkuna! Qamkunaqa mana puëdiyashqanyaq qepita aparitsiqnömi nunakuna atska leykunata cumpliyänanpaq mandayanki. Tsënö kaptinpis cumpliyänanpaq manam ichikllapis yanapayankitsu.
47<<¡Allaw, qamkuna! Unë castëkikuna wanutsiyashqan profëtakuna pamparëkanqan jananchömi nïchunkuna rurëkäyanki. 48Tsënö rurar <allichömi wanutsiyashqa> niq cuentam këkäyanki.
49<<Tsëmi Teyta Dios alläpa yachaq karnin kënö nirqan: <Pëkunamanmi kachashaq profëtakunata y apostolkunata. Pëkunatam wakinta wanutsiyanqa y wakinkunatanam mana alli ruraqtanö chikir qatikachäyanqa>. 50Kë patsata kamanqan junaqpita profëtakunata wanutsiyanqanpitam kanan tiempu nunakunata Teyta Dios juzganqa. 51Abelta#Gén. 4.8. wanutsinqanpita hasta Zacaríasta#2Crón. 24.20-21. templu punkuchö wanutsiyanqanyaqmi Diospa profëtankunata wanutsiyarqan. Noqam niyaq: Tsë wanutsiq nunakunatanömi kanan tiempu Israel nunakunata Teyta Dios juzganqa.
52<<¡Allaw, ley yachatsikuqkuna! Wayiman pipis mana yëkuyänanpaq llävita tsaraqnömi nunakunata michëkäyanki Teyta Diospa willakïninta mana chaskikuyänanpaq. Tsënöllam kikikikunapis chaskikuyankitsu>>.
53Jesús parlar usharir ewkuptinmi ley yachatsikuqkuna y fariseukuna alläpa piñakuyarqan. Tsëmi qatipëkur tukïläyapa tapupar 54mana alliman ishkitsita munayarqan tsënöpa acusayänanpaq.
Currently Selected:
Lucas 11: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Lucas 11
11
Imanö mañakunapaq Jesús yachatsikunqan
Mateo 6.9-15; 7.7-11
1Juk kutim Teyta Diosta Jesús mañakïkarqan. Mañakur ushariptinnam juknin kaq discïpulun kënö nirqan: <<Teyta, discïpulunkunata Juan#11.1 Juanpaq parlarqa Bautizakuq Juanpaqmi nirqan. yachatsishqannö noqakunatapis Teyta Diosta mañakuyänäpaq yachëkatsiyämë>>.
2Jesúsnam nirqan: <<Teyta Diosta kënö mañakuyanki:
<<[Ciëluchö këkaq] Teytallä,
shutillëki respetashqa këkullätsun.
Kë patsachö mandakuq kanëkipaq shamïkullë.
[Ciëluchö cäsuyäshushqëkinö kë patsachöpis cäsïkulläyäshi.]
3Mikïlläkuna waran waran qarëkalläyämë.
4Chikimaqnïkunata perdonayashqänö noqalläkunatapis perdonëkayämë.
Jutsa rurëman mana ishkiyänäpaq ama jaqiralläyämëtsu.
[Tsëpa rantinqa mana allikunapita tsapëkalläyämë]>>.
5Tsëpitanam Jesús nirqan: <<Juk nunash pullan paqas yanasanpa wayinman ëwar ninaq: <Yanasa, kima tantallä mañëkamë. 6Juk yanasämi karupita chämushqa y manam imällapis kantsu qararinäpaq>. 7Tsënö mañakuptinshi yanasan ninaq: <Kë höraqa ¿imaqtaq shamunki punïnïtapis chawätsimurnin? Punküpis trancashqanam. Wamräkunapis y noqapis punukïkäyänam. Manam shärimunätsu mañamanqëkita qonaqpaq> nir.
8<<Noqam niyaq: Manam chunka yanasan karpis sharkunqatsu mañakunqanta qonanpaq. Sitsun seguïdu qayakunqa sharkurmi mañakunqanta qoykunqa. 9Tsëmi niyaq: Mañakuyaptikiqa Teyta Dios qoyäshunkim. Ashirqa tariyankim. Punkuta tsaktakuyaptikiqa kichapuyäshunkim. 10Mañakuq kaqqa chaskinmi. Ashiq kaqqa tarinmi.#Deut. 4.29; 2Crón. 15.2-4; Jer. 29.13. Punkuta tsaktakuq kaqtaqa kichapunmi.
11<<Mëqëkitapis wamrëkikuna [tantata mañakuyäshuptiki ¿rumintsuraq tsararkatsiyankiman?] Pescäduta mañakuyäshuptiki ¿culebrantsuraq qoykuyankiman? 12Jina ruruta mañayäshuptiki ¿atuq kuruntsuraq qoykuyankiman? 13Qamkuna mana alli ruraq këkarpis wamrëkikunata alli kaqllata qarëkäyaptikiqa ¿manatsuraq ciëluchö këkaq Teytëkinäqa mañakuq kaqta Espíritu Santuta qoykunqa?>>
Jesúspa contran parlayanqan
Mateo 12.22-30; Marcos 3.20-27
14Juk kutim müdu nunapita supëta Jesús qarqurqan. Tsënam supë yarquriptin tsë nuna parlar qallëkurqan y nunakunanam alläpa espantashqa kayarqan. 15Wakinkunanam kënö niyarqan: <<Kë nunaqa supëkunapa mandakuqnin Beelzebúpa poderninwanmi supëkunata qarqun>>.
16Wakinkunanam Jesústa ishkitsita munar niyarqan: <<Teyta, Teyta Dios rasunpa kachamushushqëkita musyayänäpaq ima milagrullatapis ruramï>>.
17Pëkuna mana alli yarpäyashqanta musyarmi Jesús kënö nirqan: <<Juk nacionchö nunakuna kikinkunapura chikinakurqa ¿manatsuraq wanutsinakur ushakäyanman? Jina juk wayichö täraqkuna chikinakurqa ¿manatsuraq wakpa këpa ewkur ushakäyanman? 18Tsënöllam kikinpa contran shäriptinqa Satanáspa mandakïninpis ushakanqa. Tsëta niyaq <Beelzebúpa poderninwanmi supëkunata qarqun> niyämaptikim.
19<<Beelzebúpa poderninwan supëkunata qarquptïqa ¿pipa poderninwantaq qatiräshuqnikikunaqa supëkunata qarquyan? Diospa poderninwan supëkunata qarquyashqanta käyikarqa ¿imanirtaq käyiyankitsu noqapis Diospa poderninwan qarqushqäta? 20Diospa poderninwan supëkunata qarquptïmi Teyta Diospa mandakïnin qamkunaman chämushqanta musyayanki.
21<<Kallpayuq nuna garrutinwan wayinta täpëkaptinqa manam ni pï imankunatapis suwanmantsu.#11.21 Alli kallpayuq nunatam Satanásman iwalatsin. Wayintanam poderninchö katsinqan nunakunaman iwalatsin. 22Pëpiq mas kallpayuq kaq nuna chärirqa garrutinman markäkïkaptinpis maqakacharkurmi qochirinqa. Nïkurmi llapan imankunatapis apakurnin rakinakuyanqa.#11.22 Mas kallpayuq kaq nunaqa Jesúsmi.
23<<Pipis noqawan mana karqa conträmi këkan. Noqawan mana ëllumuq kaqqa qarqukacharkunmi.#11.23 Tsënö parlarqa Jesús kënö ninantam nirqan: Diospa mandakïninchö nunakuna kawayänanpaq noqawan mana ëlluq kaqqa atäjutam churapëkäman.
Täranqan nunaman supë kutinqan
Mateo 12.43-45
24<<Nunapita supë yarqurirmi mëchöpis täränanpaq ashir chusyaq jirkakunapa purin. Mana tarirnam kënö nin: <Yarqamushqä wayïmanmi kutikushaq>. 25Kutirirnam tarin pitsapakushqa y shumaq churapakushqa jayäkïkaqta. 26Tsënöta tarïkurnam supë mayinkunaman ëwar pëpita mas mana alli qanchis supëkunata pusharkur tsë tärashqanman kutïkun. Tsëmi nöpata kashqanpitapis mas peor tsë nuna tikrakurin>>.
Diosta cäsuqkuna kushishqa kawayänanpaq Jesús ninqan
27Jesús tsënö yachatsikïkaptinnam nunakunapa chöpinpita juk warmi kënö nirqan: <<¡Alläpa kushikïyuqchi wachashuqniki y chichishuqniki mamëki!>>
28Tsënam Jesús kënö yaskirqan: <<Diospa palabranta wiyar cäsukuqkunam mas kushishqaqa këkäyan>>.
Milagrutaraq Jesús rurananta munayanqan
Mateo 12.38-42; Marcos 8.12
29Alläpa atskaq nunakuna ëllukëkuyaptinnam Jesús kënö nirqan: <<Kanan witsan nunakunaqa alläpa mana cäsukuqmi kayan. Milagruta ruranäta munayaptinpis manam ima milagrutapis rurashaqtsu. Tsëpa rantinqa profëta Jonásta salvar milagruta rurashqannömi Teyta Dios juk milagruta ruranqa. 30Imanömi Nínive nunakuna Jonásta chaskiyänanpaq Teyta Dios milagruta rurarqan, tsënömi kanan tiempu nunakuna Nunapa Tsurinta chaskiyänanpaqpis milagruta ruranqa.
31<<Salomón yachatsikushqanta wiyaqmi sur kaq lädu karu nacionpita juk reinapis shamurqan.#1Rey. 10.1-10; 2Crón. 9.1-12. Kananqa Salomónpita mas yachëyuq kaqmi willapëkäyäshunki.#11.31 Salomónpita mas yachëyuq kaqpaq parlarqa kikinpaqmi Jesucristo parlarqan. Tsëmi juiciu junaqchö tsë reina shärimur kanan witsan nunakunata shimpinqa.
32<<Jonás willapäkushqanta chaskirmi Nínive nunakuna jutsa rurëta jaqiriyarqan.#Jon. 3.5. Kananqa Jonáspita mas poderyuq kaqmi willapëkäyäshunki.#11.30-32 Nunapa Tsurinpaq parlar y Jonáspita mas poderyuq kaqpaq parlarqa kikinpaqmi Jesucristo parlarqan. Tsëmi juiciu junaqchö Nínive nunakuna shärimur kanan witsan nunakunata shimpiyanqa>>.
Alli yarpëyuq kaqkuna Jesústa chaskiyanqan
Mateo 5.15; 6.22-23
33<<Manam pipis chiwchita sendirkur pakapaman ni manka rurinman churantsu, sinöqa alërumanmi churan wayiman yëkuqkuna rikäyänanpaq.#11.33 Chiwchita alëruman churashqanta parlarqa nunakuna käyiyänanpaq yachatsishqantam Jesucristo parlarqan. 34Nawikikunam shonqïkikunapaq aktsinö këkan. Tsëmi nawikikuna alli kaptinqa shonqïkikunapis aktsichö këkan. Nawikikuna mana alli kaptinqa tutapëchömi këkäyanki.#11.34 Tsënö parlarqa Jesús kënö ninantam nirqan: Alli yarpëyuq karqa imëka aktsichönö karmi Teyta Dios kachamashqanta käyiyanki. Mana alli yarpëyuq karninmi mana käyir imëka paqaschönö këkäyanki.
35<<Paqtaraq aktsichö kayashqëkita yarparpis paqaschö kayankiman. 36Ichikllapis shonqïkikunachö paqas ama katsuntsu. Shonqïkikunachö aktsilla kaptinqa llapan rurayanqëkikunapis nunakunapaq allim kanqa. Aktsi atsikyaqnömi qamkunapis alli kawayanki>>.
Fariseukunata y ley yachatsikuqkunata Jesús piñapanqan
Mateo 23.1-36; Marcos 12.38-40; Lucas 20.45-47
37Jesús yachatsikur ushariptinnam juk fariseo wayinman pusharqan mikuyänanpaq. Yëkurirnam mësaman Jesús täkurirqan. 38Fariseukunapa costumbrinkunamannö mikunanpaq makinta mana paqakuqta rikëkurnam pushaqnin fariseo alläpa espantashqa karqan.
39Tsënam Jesús nirqan: <<Fariseukuna, qamkunaqa jananllapa paqashqa täzanö y plätunömi këkäyanki. Tsë plätukuna rurinchö qacha kanqannömi qamkunapis shonqïkikunachö suwakuyänëkipaq y mana allita rurayänëkipaq yarpëkäyanki. 40¡Upa nunakuna! ¿Manaku musyayanki Teyta Dioslla cuerpïkikunata rurar shonqïkikunatapis ruranqanta? 41Waktsakunata ankuparnin imanllapis qarayë. Tsënöpam shonqïkikunapis limpiu kanqa.
42<<¡Allaw, fariseukuna! Qamkunam mentapita, rüdapita y wakin qorapita diezmuta rakikarpis nuna mayikikunata ankupäyankitsu ni Teyta Diostapis kuyayankitsu. Diezmupaq rakir cumpliyanqëkinöllam nuna mayikikunatapis y Teyta Diostapis kuyayankiman.
43<<¡Allaw, fariseukuna! Qamkunaqa sinagögachö punta kaq bancakunachöran täkïta munayanki. Pläzakunachöpis napar alläpa respetayäshunëkitam munayanki.
44<<¡Allaw, [alli tukuq fariseukuna y ley yachatsikuqkuna]! Qamkunaqa mana rikakuq sepultüranömi kayanki. Mana rikakuq sepultüra jananpa pipis purir rurinchö melanëpaq kashqanta mana musyanqannömi qamkunapaqpis nunakuna musyayantsu shonqïkikunachö mana alli yarpëyuq kayanqëkita>>.
45Jesús tsënö niptinnam ley yachatsikuq nuna kënö nirqan: <<Rabí, tsënö parlarninqa noqakunatapis ofendikäyämankim>>.
46Tsënam Jesús nirqan: <<¡Allaw qamkunapis, ley yachatsikuqkuna! Qamkunaqa mana puëdiyashqanyaq qepita aparitsiqnömi nunakuna atska leykunata cumpliyänanpaq mandayanki. Tsënö kaptinpis cumpliyänanpaq manam ichikllapis yanapayankitsu.
47<<¡Allaw, qamkuna! Unë castëkikuna wanutsiyashqan profëtakuna pamparëkanqan jananchömi nïchunkuna rurëkäyanki. 48Tsënö rurar <allichömi wanutsiyashqa> niq cuentam këkäyanki.
49<<Tsëmi Teyta Dios alläpa yachaq karnin kënö nirqan: <Pëkunamanmi kachashaq profëtakunata y apostolkunata. Pëkunatam wakinta wanutsiyanqa y wakinkunatanam mana alli ruraqtanö chikir qatikachäyanqa>. 50Kë patsata kamanqan junaqpita profëtakunata wanutsiyanqanpitam kanan tiempu nunakunata Teyta Dios juzganqa. 51Abelta#Gén. 4.8. wanutsinqanpita hasta Zacaríasta#2Crón. 24.20-21. templu punkuchö wanutsiyanqanyaqmi Diospa profëtankunata wanutsiyarqan. Noqam niyaq: Tsë wanutsiq nunakunatanömi kanan tiempu Israel nunakunata Teyta Dios juzganqa.
52<<¡Allaw, ley yachatsikuqkuna! Wayiman pipis mana yëkuyänanpaq llävita tsaraqnömi nunakunata michëkäyanki Teyta Diospa willakïninta mana chaskikuyänanpaq. Tsënöllam kikikikunapis chaskikuyankitsu>>.
53Jesús parlar usharir ewkuptinmi ley yachatsikuqkuna y fariseukuna alläpa piñakuyarqan. Tsëmi qatipëkur tukïläyapa tapupar 54mana alliman ishkitsita munayarqan tsënöpa acusayänanpaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.