HECHOS 5:3-5

Li Pedroe xi laj yalbe li Ananíase: ―Ananías, ¿cꞌu chaꞌal la achꞌunbe smantal li banquilal pucuje, jaꞌ li Satanase, yuꞌun muc bu tsꞌacal la avacꞌ li stojol avosilique? La ajut cꞌop ta stojol li Chꞌul Espíritue. Li osile jaꞌ avuꞌun atuc, jech mu persauc la achon ti jechuque. Ti la achone, joꞌot la anop atuc ti chavacꞌ li stojole. ¿Cꞌu chaꞌal la anop ti chavocꞌbe li stojole? Maꞌuc la ajut cꞌop ta stojol crixchano; jaꞌ la ajut cꞌop ta stojol Dios ―xut. Cꞌalal iyaꞌi li Ananíase, iyal ta lum, ilocꞌ schꞌulel ta ora. Toj xiꞌel icꞌotic scotolic li buchꞌutic iyaꞌiic ti ichame.