Salmos 10
10
1¿Bizr chee̱ na' zu' zitu', Xran?
¿Bizr chee̱ na' dxucache cuinu' gate dxeledé xel-la' zi'
bénneache chiu'?
2Benne' we̱n da cale̱la dxenáu zi' xuzre̱' benne' xache'
lu xel-la' dxucá'ana szren cuine̱',
na' xeajchaze benne' xache' na' lu da ba nucuéza bénnea'.
3Dxucá'ana szren cuine̱' ca naca da dxezá lazre̱'.
Nupé̱'e̱ dizra' da dxenné̱' chee̱ benne' dxucude',
na' dxucá'ana dítaje̱' Xránadxu Dios.
4Benne' we̱n da cale̱la na' lu xel-la' dxucá'ana szren cuine̱'
quebe dxape' Dios ba lá'ana,
ne quebe dxéquene̱' che zua Dios.
5Tu dxúnzqueze̱' da cale̱la,
ne quebe dxéquene̱' guchi'u Lue' ca da dxune̱'.
Dxuzúe̱' chalá'ala xúgute̱ benne' dxeledábague̱' le̱'.
6Lu xichaj lázrdawe̱' dxenné̱': “Quebe bi seque' guzaga na neda'.
Cabata' bi gaca chia' da cale̱la.”
7Tu dxenné̱zqueze̱' dizra' schanni',
ne da we̱n lazre', ne ca naca da cale̱la da gune̱'.
Dxeledxúaj dxu'e̱ dizra' cale̱la, ne dizra' xálaze.
8Dxu'a xe̱zre ca' dxucache cuine̱' chee̱ que̱le̱' bénneache.
Bagácheze dxutie̱' benne' dxeledeze̱' na'.
Bagácheze dxenné̱'e̱ chee̱ bi gune̱' chee̱ benne' xache' ca'.
9Bagácheze dxebeze̱' ca dxun be̱zre xixre'.
Dxebeze̱' ga séquene̱' que̱l-le̱' benne' xache' ca'.
Dxe̱l-le̱' benne' xache' lu xralaj chee̱', ne dxexu'e̱ le̱'.
10Dxine̱' xu bénnea' gude̱l-le̱'.
Dxusaca zie̱' benne' zan nen ne̱'e̱ wal-la.
11Lu xichaj lázrdawe̱' dxenné̱': “Nal-la lazre' Dios benne' caní.
Nucache lawe̱', ne quebe lé'ene̱' da dxuna'.”
12Guxasa, Xrana' Dios, ne bze̱ na'u.
Quebe gal-la lazru'u benne' xache' ca'.
13¿Ájazra che̱n' benne' ca' dxelune̱' da cale̱la
dxuluzúe̱' Dios chalá'ala?
Lu xichaj lázrdawe̱' dxelenné̱': “Quebe xebéaj lazre' Dios.”
14Dios, Lue' blé'equeznu' da nigá,
lawe' da dxenná'u benne' we̱n da cale̱la,
ne da ca' dxune̱' quebe naca na xrlátaje,
na' xebéaj lázrequezu' bénnea'.
Dxuluzúa cuina benne' xache' ca' lu na'u.
Lue' dxácale̱quezu' bi we̱zé̱bedu ca'.
15Dxugú' xel-la' wal-la chee̱ benne' we̱n da cale̱la.
Guleaj láwela da cale̱la da nune̱', da na' be̱ne̱' lu da bagache'.
16Chadía chacanna naca Xránadxu Wenná Bea chee̱dxu.
Lu xe̱zr la xu chee̱' ba gulebía xi' benne' dxelecuídene̱' Le̱'.
17Bnézruju' ca da bululáwizra benne' dxexruj lázre'du ca' Lue', Xran.
Lue' dxupa'u lázxdau bénne'du ca' chee̱ xuluzé̱ nague̱' xrtizru',
18chee̱ guchi'u chee̱ bi we̱zé̱bedu ca',
ne chee̱ benne' dxeledée̱' xel-la' zi',
chee̱ québedxa bi da cale̱la xelún benne' ca'
dxelune̱' da cale̱la chee̱ bénne'du caní.
Currently Selected:
Salmos 10: zat
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.