SAN JUAN 2
2
Ndyaa Jesús su ngujui clyo'o ngu'
1-2Lo'o ngua sna tsa̱, li' ndyaa xtya'a̱ Jesús su ngujui clyo'o ngu' ca quichi̱ Caná nde loyuu su cuentya Galilea. Lo'o jua'a̱ cua nguane ngu' ji'i̱ Jesús lo'o ji'i̱ nu ngu' nu ndyaca tsa'a̱ ji'i̱, bi' cha' lo'o ngu' bi' ndyaa ngu' ta'a. 3Lo'o li' nga'aa ngujui vino co'o ngu' nu ndi'i̱ ta'a bi', ndye bi'. Li' ndyaa xtya'a̱ Jesús ndyaa cacha' ji'i̱ yu:
―Cua ndye vino ndyo'o ngu' ―nacui̱.
4Nguxacui̱ Jesús cha' ji'i̱ xtya'a̱ li':
―¿Ha cña 'na laca cua? Tya lyiji tyalaa hora cha' culu'u loo na' ji'i̱ ñati̱ tilaca laca na'.
5Masi jua'a̱ nchcui' yu, ndi'ya̱ nchcui' xtya'a̱ yu lo'o msu li':
―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.
6Nde cua ti ndu̱ scuá tya'a quityu̱' hitya, quityu̱' tonu ndya' lo'o quee laca bi'. Lo'o ngutsa'á̱ quityu̱' bi', ntsu'u masi jacuayala litro, masi sca siyentu litro hitya, cha' cua laca cña nu ntsu'u ji'i̱ ngu' judío bi', cha' qui'í̱ quiya' ngu' lo'o tsaa ngu' ni'i̱. 7Li' nacui̱ Jesús ji'i̱ msu bi':
―Cua'ni cha'á̱ ma̱ quityu̱' cua lo'o hitya.
Ngua'ni cha'á̱ ngu' quityu̱' bi' ña'a̱ cuayá' nu ngutsa'á̱ tso'o.
8―Culo ma̱ xi hitya ―nacui̱ Jesús li'―. Yaa lo'o ma̱ ji'i̱ cha' co'o nu ñati̱ nu ndyu'ni ta'a re.
Jua'a̱ ngua'ni ngu' li', nda ngu' xi hitya co'o ngu'. 9Ndyo'o cuayá' nu laca loo ji'i̱ ta'a bi', lo'o li' vino ndyaca. Ná jlo ti' nu cusu' bi' macala ngutu'u vino bi', msu ti jlo ti' cha' hitya ndyaa ndyiqui'ya ngu' tsa̱ laca vino bi'. Li' ngusi'ya nu laca loo ji'i̱ ta'a bi' ji'i̱ cutsii, nchcui' lo'o:
10―Xa' ñati̱ ni ―nacui̱―, xcui' vino nu tso'o la laca nu nda ngu' ndyi'yu ñati̱ lo'o nxana ti ta'a; ña'a̱ cuayá' nu nguaala' ti' ngu' cha' ndyo'o tsa ngu' vino bi', ca li' nda ngu' vino cuxi la cha' co'o ngu' nu ndi'i̱ ta'a ―nacui̱ nu laca loo ji'i̱ ta'a ji'i̱ cutsii―. Pana nu'u̱ ni, masi cua tye ti ta'a, hasta li' nda nu'u̱ vino nu tso'o la cha' co'o na. Tso'o tsa bi'.
11Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.
12Tiya' la li' ngutu'u Jesús ndyaa yu nde quichi̱ Capernaum. Ndyaa yu lo'o xtya'a̱ yu, lo'o ngu' qui'yu tya'a yu, lo'o ngu' nu ndyaca tsa'a̱ ji'i̱ yu ndyaa ngu'; pana xti ti tsa̱ ndyanu ngu' ca bi'.
Ngulo'o Jesús ji'i̱ ngu' cuxi nu ntsu'u ne' laa tonu
13Cua ngulala ti ta'a pascua ji'i̱ ngu' judío bi', lo'o li' ndyaa Jesús ta'a nde Jerusalén. 14Ndyaa Jesús ne' laa tonu ca bi', lo'o li' na'a̱ yu cha' ndi'i̱ tsa ngu' ndyu'ni ngu' ngana ne' laa bi'; ndujui' tsa ngu' toro, ndujui' ngu' xlya', ndujui' ngu' paloma cha' caca msta̱ ji'i̱ ngu' ne' laa. Lo'o jua'a̱ nga'a̱ ngu' nu ndu'ni ngana ji'i̱ ñati̱ lo'o nchcutsa'a̱ ngu' cñi nu cua'nijo'o ji'i̱ ngu' ne' laa, ntucua ngu' bi' to' mesa ji'i̱ ngu'. 15Lo'o li' ngusñi Jesús sca reta cha' quiji'i̱ yu ji'i̱ ngu' nu ndyu'ni ngana bi', cha' culo'o yu ji'i̱ ngu' bi' tyu'u ngu' to' laa bi'; lo'o xlya' ji'i̱ ngu', lo'o toro ji'i̱ ngu', lo'o lcaa yu'ba ji'i̱ ngu', ngulo'o yu ji'i̱ ngu' ndu'u ngu' nde liya'. Li' nguxlyú yu mesa su ntucua ngu' nu nchcutsa'a̱ cñi, nchcua̱a̱ yu ji'i̱ cñi bi'. 16Li' nacui̱ Jesús ji'i̱ ñati̱ nu ndujui' paloma bi':
―Yaa lo'o ma̱ ji'i̱ yu'ba cua nde liya' ―nacui̱ yu―. Nga'aa cua'ni ma̱ cha' ni'i̱ lcaya' caca ni'i̱ tlyu re ji'i̱ Sti na'.
17Li' ndyi'u ti' nu ngu' nu ndyaca tsa'a̱ bi' ji'i̱ sca cha' nu nscua lo quityi ji'i̱ ycui' Ndyosi cua sa'ni la: “Caca ñu'u̱ ti' na' cha' tiji̱' tsa ti' na' ji'i̱ ni'i̱ su laca tyi nu'u̱”, nacui̱ quityi bi'.
18Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱:
―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?
19―Cuityi̱ ma̱ ni'i̱ re ―nacui̱ Jesús―, lo'o li' chu̱' sna tsa̱ xa' cuiñá na' ji'i̱ chaca quiya'.
20Li' nacui̱ ngu' ji'i̱ Jesús:
―Tu'ba ntucua scuá yija̱ ndye ndya' laa tlyu re ―nacui̱ ngu'―. ¿Ha taca jinu'u̱ cuiñá ji'i̱ chaca quiya' chu̱' sna tsa̱ ti?
21Pana si'i cha' ji'i̱ laa tlyu nchcui' Jesús, masi nda yu sca cha' lo'o ngu' ñi'ya̱ nu caca ji'i̱ ycui' ca yu, ñi'ya̱ nu tyu'ú ycui' chaca quiya' lo'o cua ngujuii yu. 22Bi' cha' lo'o cua ndyu'ú Jesús chaca quiya', li' ndyi'u ti' ngu' nu ndyaca tsa'a̱ ji'i̱ ñi'ya̱ nu nacui̱ Jesús ji'i̱ ngu' tsa̱ bi'; li' jlya ti' ngu' cha' nu nscua lo quityi ji'i̱ ycui' Ndyosi nu ngua sa'ni, lo'o jua'a̱ jlya ti' ngu' ña'a̱ cha' nu nda Jesús lo'o ngu' tya li'.
Jlo ti' Jesús ñi'ya̱ nu ntsu'u tyiquee lcaa ñati̱
23Lo'o ndi'i̱ Jesús Jerusalén ta'a pascua bi', li' nxana quiña'a̱ ñati̱ jlya ti' ngu' cha' ji'i̱ ycui' yu, nu lo'o cua na'a̱ ngu' lcaa cha' tlyu nu ngua'ni yu. 24Pana jlo ti' Jesús cha' ná jlya tso'o ti' ngu' ji'i̱, cha' tso'o tsa ndyuloo yu ji'i̱ ngu', lcaa ña'a̱ cha' nu ntsu'u ne' cresiya ji'i̱ scaa ñati̱. 25Ná ntsu'u cha' cacha' xa' ñati̱ ji'i̱ yu ñi'ya̱ ntsu'u cresiya ji'i̱ scaa ngu', cha' jlo tsa ti' ycui' ca yu ñi'ya̱ ntsu'u cresiya ji'i̱ lcaa ñati̱.
Currently Selected:
SAN JUAN 2: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN JUAN 2
2
Ndyaa Jesús su ngujui clyo'o ngu'
1-2Lo'o ngua sna tsa̱, li' ndyaa xtya'a̱ Jesús su ngujui clyo'o ngu' ca quichi̱ Caná nde loyuu su cuentya Galilea. Lo'o jua'a̱ cua nguane ngu' ji'i̱ Jesús lo'o ji'i̱ nu ngu' nu ndyaca tsa'a̱ ji'i̱, bi' cha' lo'o ngu' bi' ndyaa ngu' ta'a. 3Lo'o li' nga'aa ngujui vino co'o ngu' nu ndi'i̱ ta'a bi', ndye bi'. Li' ndyaa xtya'a̱ Jesús ndyaa cacha' ji'i̱ yu:
―Cua ndye vino ndyo'o ngu' ―nacui̱.
4Nguxacui̱ Jesús cha' ji'i̱ xtya'a̱ li':
―¿Ha cña 'na laca cua? Tya lyiji tyalaa hora cha' culu'u loo na' ji'i̱ ñati̱ tilaca laca na'.
5Masi jua'a̱ nchcui' yu, ndi'ya̱ nchcui' xtya'a̱ yu lo'o msu li':
―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.
6Nde cua ti ndu̱ scuá tya'a quityu̱' hitya, quityu̱' tonu ndya' lo'o quee laca bi'. Lo'o ngutsa'á̱ quityu̱' bi', ntsu'u masi jacuayala litro, masi sca siyentu litro hitya, cha' cua laca cña nu ntsu'u ji'i̱ ngu' judío bi', cha' qui'í̱ quiya' ngu' lo'o tsaa ngu' ni'i̱. 7Li' nacui̱ Jesús ji'i̱ msu bi':
―Cua'ni cha'á̱ ma̱ quityu̱' cua lo'o hitya.
Ngua'ni cha'á̱ ngu' quityu̱' bi' ña'a̱ cuayá' nu ngutsa'á̱ tso'o.
8―Culo ma̱ xi hitya ―nacui̱ Jesús li'―. Yaa lo'o ma̱ ji'i̱ cha' co'o nu ñati̱ nu ndyu'ni ta'a re.
Jua'a̱ ngua'ni ngu' li', nda ngu' xi hitya co'o ngu'. 9Ndyo'o cuayá' nu laca loo ji'i̱ ta'a bi', lo'o li' vino ndyaca. Ná jlo ti' nu cusu' bi' macala ngutu'u vino bi', msu ti jlo ti' cha' hitya ndyaa ndyiqui'ya ngu' tsa̱ laca vino bi'. Li' ngusi'ya nu laca loo ji'i̱ ta'a bi' ji'i̱ cutsii, nchcui' lo'o:
10―Xa' ñati̱ ni ―nacui̱―, xcui' vino nu tso'o la laca nu nda ngu' ndyi'yu ñati̱ lo'o nxana ti ta'a; ña'a̱ cuayá' nu nguaala' ti' ngu' cha' ndyo'o tsa ngu' vino bi', ca li' nda ngu' vino cuxi la cha' co'o ngu' nu ndi'i̱ ta'a ―nacui̱ nu laca loo ji'i̱ ta'a ji'i̱ cutsii―. Pana nu'u̱ ni, masi cua tye ti ta'a, hasta li' nda nu'u̱ vino nu tso'o la cha' co'o na. Tso'o tsa bi'.
11Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.
12Tiya' la li' ngutu'u Jesús ndyaa yu nde quichi̱ Capernaum. Ndyaa yu lo'o xtya'a̱ yu, lo'o ngu' qui'yu tya'a yu, lo'o ngu' nu ndyaca tsa'a̱ ji'i̱ yu ndyaa ngu'; pana xti ti tsa̱ ndyanu ngu' ca bi'.
Ngulo'o Jesús ji'i̱ ngu' cuxi nu ntsu'u ne' laa tonu
13Cua ngulala ti ta'a pascua ji'i̱ ngu' judío bi', lo'o li' ndyaa Jesús ta'a nde Jerusalén. 14Ndyaa Jesús ne' laa tonu ca bi', lo'o li' na'a̱ yu cha' ndi'i̱ tsa ngu' ndyu'ni ngu' ngana ne' laa bi'; ndujui' tsa ngu' toro, ndujui' ngu' xlya', ndujui' ngu' paloma cha' caca msta̱ ji'i̱ ngu' ne' laa. Lo'o jua'a̱ nga'a̱ ngu' nu ndu'ni ngana ji'i̱ ñati̱ lo'o nchcutsa'a̱ ngu' cñi nu cua'nijo'o ji'i̱ ngu' ne' laa, ntucua ngu' bi' to' mesa ji'i̱ ngu'. 15Lo'o li' ngusñi Jesús sca reta cha' quiji'i̱ yu ji'i̱ ngu' nu ndyu'ni ngana bi', cha' culo'o yu ji'i̱ ngu' bi' tyu'u ngu' to' laa bi'; lo'o xlya' ji'i̱ ngu', lo'o toro ji'i̱ ngu', lo'o lcaa yu'ba ji'i̱ ngu', ngulo'o yu ji'i̱ ngu' ndu'u ngu' nde liya'. Li' nguxlyú yu mesa su ntucua ngu' nu nchcutsa'a̱ cñi, nchcua̱a̱ yu ji'i̱ cñi bi'. 16Li' nacui̱ Jesús ji'i̱ ñati̱ nu ndujui' paloma bi':
―Yaa lo'o ma̱ ji'i̱ yu'ba cua nde liya' ―nacui̱ yu―. Nga'aa cua'ni ma̱ cha' ni'i̱ lcaya' caca ni'i̱ tlyu re ji'i̱ Sti na'.
17Li' ndyi'u ti' nu ngu' nu ndyaca tsa'a̱ bi' ji'i̱ sca cha' nu nscua lo quityi ji'i̱ ycui' Ndyosi cua sa'ni la: “Caca ñu'u̱ ti' na' cha' tiji̱' tsa ti' na' ji'i̱ ni'i̱ su laca tyi nu'u̱”, nacui̱ quityi bi'.
18Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱:
―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?
19―Cuityi̱ ma̱ ni'i̱ re ―nacui̱ Jesús―, lo'o li' chu̱' sna tsa̱ xa' cuiñá na' ji'i̱ chaca quiya'.
20Li' nacui̱ ngu' ji'i̱ Jesús:
―Tu'ba ntucua scuá yija̱ ndye ndya' laa tlyu re ―nacui̱ ngu'―. ¿Ha taca jinu'u̱ cuiñá ji'i̱ chaca quiya' chu̱' sna tsa̱ ti?
21Pana si'i cha' ji'i̱ laa tlyu nchcui' Jesús, masi nda yu sca cha' lo'o ngu' ñi'ya̱ nu caca ji'i̱ ycui' ca yu, ñi'ya̱ nu tyu'ú ycui' chaca quiya' lo'o cua ngujuii yu. 22Bi' cha' lo'o cua ndyu'ú Jesús chaca quiya', li' ndyi'u ti' ngu' nu ndyaca tsa'a̱ ji'i̱ ñi'ya̱ nu nacui̱ Jesús ji'i̱ ngu' tsa̱ bi'; li' jlya ti' ngu' cha' nu nscua lo quityi ji'i̱ ycui' Ndyosi nu ngua sa'ni, lo'o jua'a̱ jlya ti' ngu' ña'a̱ cha' nu nda Jesús lo'o ngu' tya li'.
Jlo ti' Jesús ñi'ya̱ nu ntsu'u tyiquee lcaa ñati̱
23Lo'o ndi'i̱ Jesús Jerusalén ta'a pascua bi', li' nxana quiña'a̱ ñati̱ jlya ti' ngu' cha' ji'i̱ ycui' yu, nu lo'o cua na'a̱ ngu' lcaa cha' tlyu nu ngua'ni yu. 24Pana jlo ti' Jesús cha' ná jlya tso'o ti' ngu' ji'i̱, cha' tso'o tsa ndyuloo yu ji'i̱ ngu', lcaa ña'a̱ cha' nu ntsu'u ne' cresiya ji'i̱ scaa ñati̱. 25Ná ntsu'u cha' cacha' xa' ñati̱ ji'i̱ yu ñi'ya̱ ntsu'u cresiya ji'i̱ scaa ngu', cha' jlo tsa ti' ycui' ca yu ñi'ya̱ ntsu'u cresiya ji'i̱ lcaa ñati̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.