SAN LUCAS 6
6
Ná ndiya ti' ngu' cña nu ngua'ni tya'a ndya'a̱ Jesús
1Lo'o ngua sca tsa̱ nu ndi'i̱ cña' ngu', li' ndya'a̱ Jesús tyucui̱i̱, lijya̱ yu lo'o nu ngu' nu ndyaca tsa'a̱ ji'i̱, nteje tacui ngu' su nscua xtya̱ trigo ji'i̱ ñati̱. Laja lo'o nteje tacui ti ngu', ngusuu ngu' xi si'yu trigo. Li' ngusatá ngu' ji'i̱ tyuu ya' ti ngu' cha' tyalú si'yu trigo bi'; ndyacu ngu' xi si'yu li'. 2Lo'o li' ntsu'u xi ngu' fariseo nu ndya'a̱ lca'a̱ ji'i̱ ngu' bi', nu lye tsa nchcui' lo'o ngu' taju ji'i̱ Jesús:
―¿Ni cha' laca ndyu'ni ma̱ cña jua'a̱, cha' ngusuu ma̱ si'yu trigo cua? ¿Ha ná jlo ti' ma̱ cha' tsa̱ tacati laca juani? Ná ntsu'u chacuayá' ji'na cua'ni na cña tsa̱ tacati ―nacui̱ ngu' fariseo bi'.
3Li' nguxacui̱ Jesús cha' ji'i̱ ngu' bi':
―¿Ha bilya chcui' ma̱ lo quityi ji'i̱ ycui' Ndyosi su nscua ñi'ya̱ nu ngua'ni jyo'o David sa'ni? ―nacui̱ Jesús ji'i̱ ngu'―. Ngua sca tsa̱ ntyute' tsa yu, lo'o jua'a̱ ntyute' tsa lcaa ngu' tya'a ndya'a̱ yu. 4Jlo ti' yu cha' ntucua xlyá nu laca msta̱ ji'i̱ ycui' Ndyosi lo mesa ne' ni'i̱ nu cuentya ji'i̱ ycui' Ni cajua. Bi' cha' ndyaa ngu' ne' ni'i̱ bi'; ndyacu ngu' xlyá bi', masi ná ntsu'u chacuayá' cacu cua ña'a̱ ca ñati̱ ji'i̱, cha' sca ti ji'i̱ ngu' sti jo'ó ntsu'u chacuayá' ndacu ngu' xlyá bi' ―nacui̱ Jesús ji'i̱ ngu'.
5Lo'o li' chaca cha' nchcui' Jesús lo'o ngu':
―Lo'o na' nu cua nda ycui' Ni lijya̱a̱ cha' caca na' ñati̱ ni, laca na' loo, masi tsa̱ nu ndi'i̱ cña' ngu'.
Sca yu quicha nu nchcu̱' ya'
6Ngua chaca tsa̱ ta'a, tsa̱ tacati ji'i̱ ngu', li' ndya'a̱ Jesús ca ne' laa. Ca bi' ndyaa tucua yu, li' nguxana nclyu'u yu cha' ji'i̱ ycui' Ndyosi ji'i̱ ñati̱. Ca bi' nga'a̱ sca ñati̱ nu ngüityi ya' yu la'a tsu' cui̱ ji'i̱ yu. 7Lo'o jua'a̱ nga'a̱ ngu' mstru cha' jo'ó ne' laa bi', lo'o ngu' fariseo nga'a̱ lo'o. Ña'a̱ tsa ngu' bi' ji'i̱ Jesús, si cua'ni Jesús jo'o ji'i̱ nu quicha bi' tsa̱ tacati; nclyana ngu' cha', ñi'ya̱ caca sta ngu' qui'ya ji'i̱. 8Pana hora ti ngua cuayá' ti' Jesús lcaa ña'a̱ cha' nu nclyacua ti' ngu'. Li' nacui̱ Jesús ji'i̱ yu nu nchcu̱' ya' bi':
―Tyatu̱ clya nu'u̱, yaa tyu̱ cla'be laja ngu' jua ―nacui̱ Jesús ji'i̱ nu quicha bi'.
Li' ndyatu̱ yu quicha bi', ndyaa yu cajua su nacui̱ Jesús ji'i̱ yu. 9Li' nda Jesús sca cha' lo'o nu ngu' nu ndu'ni ti cha' tacati bi':
―¿Ni cña tso'o la cha' cua'ni na tsa̱ tacati lacua? ―nacui̱ Jesús ji'i̱ ngu' bi'―. ¿Ha sca cña tso'o cua'ni na li'? ¿Ha tso'o la cua'ni na sca cña cuxi li', nti' ma̱? ―nacui̱―. ¿Ha tso'o la si cua'ni lyaá na ji'i̱ ñati̱ tsa̱ bi', cha' ná cajaa ngu' li'? ¿Ha tso'o la nti' cu'ma̱ masi ta na chacuayá' cajaa ñati̱ li'? ―nacui̱ Jesús ji'i̱ ngu'.
10Li' nguxña'a̱ Jesús ji'i̱ lcaa ñati̱ nu ndi'i̱ cacua ti slo, nchcui' lo'o nu quicha bi' li':
―Xquiñi nu'u̱ ya'.
Jua'a̱ ngua'ni yu bi', li' hora ti ndyaca tso'o ya' yu. 11Li' ngunasi̱' tsa nu ngu' nu ndu'ni cha' tacati bi', nguxana ngu' nda ngu' cha' lo'o tya'a ngu':
―¿Ñi'ya̱ cua'ni na cha' cua'a na ji'i̱ yu jua cha' nga'aa cua'ni yu jua'a̱? ―nacui̱ ngu' ji'i̱ tya'a ngu' li'.
Ngusubi Jesús ji'i̱ tii tyucuaa tya'a ñati̱ nu ca tsa'a̱ ji'i̱
12Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'. 13Lo'o nguxee chaca tsa̱, li' ngusi'ya yu ji'i̱ ñati̱ nu ndya'a̱ lo'o yu cha' tya̱a̱ ngu' slo yu. Li' ngusubi yu ji'i̱ tii tyucuaa tya'a ngu'; nda yu chacuayá' ji'i̱ nu ngu' bi', cha' tsaa culu'u ngu' ji'i̱ xa' ñati̱. 14Ndi'ya̱ naa xtañi ngu' nu ngusubi Jesús ji'i̱ nu ngua tya li': Simón, nu ngusta Jesús chaca xtañi Pedro naa yu, bi' laca tsaca ngu'; jua'a̱ Andrés tya'a ngula Simón, jua'a̱ Jacobo, jua'a̱ Juan, jua'a̱ Felipe, jua'a̱ Bartolomé, 15jua'a̱ Mateo, jua'a̱ Tomás, jua'a̱ chaca Jacobo sñi' Alfeo, jua'a̱ chaca Simón nu laca ji'i̱ taju ngu' cananista, 16jua'a̱ Judas tya'a Jacobo, jua'a̱ Judas Iscariote nu cujui' cresiya ji'i̱ Jesús ji'i̱ ngu' cuxi ca tiya' la; jua'a̱ naa ngu' nu cua ngusubi Jesús ji'i̱.
Ngulu'u Jesús ji'i̱ quiña'a̱ tsa ñati̱
17Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'. 18Lo'o nu ñati̱ nu ngusñi cui'i̱ cuxi ji'i̱ ni, lo'o ngu' bi' nti' ngu' cha' tyaca tso'o ngu'. 19Lcaa ngu' bi' nti' ngu' sta ya' ngu' chu̱' Jesús; nti' ngu' cha' cua'ni yu jo'o ji'i̱ lcaa ñati̱ quicha bi', xqui'ya cha' tlyu tsa chacuayá' ntsu'u ji'i̱ yu. Ndyaca tso'o lcaa ngu' quicha bi' li'.
Ñi'ya̱ nu ngulu'u Jesús ji'i̱ ngu' nu ngua'a̱ sii' cua'a̱
20Nguxña'a̱ Jesús ji'i̱ nu ngu' nu ndyaca tsa'a̱ ji'i̱, li' nguxana nchcui' yu lo'o ngu' ndi'ya̱:
―Tso'o ntsu'u tyiquee cu'ma̱ masi ti'i ti ndi'i̱ ma̱ nde chalyuu ―nacui̱―. Ycui' Ndyosi laca nu ña'a̱sii̱ ji'i̱ ma̱, cha' bi' nu laca Xu'na ma̱.
21’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱.
’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.
22’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱; 23tso'o tsa caca tyiquee ma̱ li', caca chaa ti' ma̱, masi cua'ni ngu' lcaa cha' lya' ti' lo'o ma̱ jua'a̱. Ná cube ti' ma̱, cua laca ndyu'u co'o ycui' Ndyosi sca cha' tso'o nu cua tlyu xi nu tyacua ji'i̱ scaa ma̱ ca su ntucua ycui' Ni ―nacui̱ Jesús li'―. La cui' jua'a̱ ngua tya sa'ni la, cha' lya' tsa ti' jyo'o cusu' ji'i̱ ñati̱ nu ngua tu'ba ji'i̱ ycui' Ndyosi cha' nchcui' Ni lo'o ñati̱ ―nacui̱ Jesús―.
24’Pana tya'na tsa cu'ma̱ ngu' culiya'; masi chaa tsa ti' ma̱ nquicha', cua laca ti tyempo caca chaa ti' ma̱ ―nacui̱―.
25’Lo'o jua'a̱ tya'na tsa cu'ma̱ nu tso'o tsa nguaala' ti' ma̱ nde chalyuu juani, cha' quiña'a̱ tsa cha' caca nu lyiji ji'i̱ ma̱ nde loo la ―nacui̱ Jesús―.
’Lo'o jua'a̱ tya'na tsa cu'ma̱ nu lye tsa nxtyí lo'o ma̱ ji'i̱ tya'a ñati̱ ma̱; ca tiya' la, li' lo'o cu'ma̱ xi'ya ma̱ cha' lye tsa caca xñi'i̱ ti' ma̱ ―nacui̱ Jesús―.
26’Lo'o jua'a̱ tya'na tsa cu'ma̱ lo'o tso'o tsa nchcui' lcaa ñati̱ ji'i̱ ma̱. La cui' jua'a̱ ngua'ni jyo'o cusu' ji'i̱ ma̱ nu ngua sa'ni, cha' tso'o tsa nchcui' ngu' ji'i̱ ngu' nu nchcui' cha' cuiñi ti ji'i̱ ycui' Ndyosi lo'o ngu'; ndiya tsa ti' ngu' ji'i̱ cha' cuiñi bi'.
Jua'a̱ ngulu'u Jesús ji'i̱ lcaa ngu' nu ndyaca tsa'a̱ ji'i̱.
Tso'o ti tyu'u tyiquee na ña'a̱ na ji'i̱ tya'a cusu̱u̱ na
27Tya nchcui' la Jesús li':
―Ndi'ya̱ chcui' na' lo'o cu'ma̱ nu tyaja'a̱ ma̱ cua'a̱ jyaca̱ ma̱ ji'i̱ cha' nu nchcui' na': Tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, tso'o ti cua'ni ma̱ lo'o ñati̱ nu ti'í ti' ña'a̱ ngu' ji'i̱ ma̱. 28La cui' tso'o ti chcui' ma̱ lo'o ñati̱ nu nda qui'ya ji'i̱ ma̱, jua'a̱ chcui' ma̱ lo'o ycui' Ndyosi cuentya ji'i̱ ñati̱ nu nchcui' cha' suba' lo'o ma̱. 29Lo'o quiji'i̱ ngu' ndacu̱' hique ma̱, li' xtyacui ma̱ ta ma̱ chaca tsu' saca' ma̱ cha' quiji'i̱ ngu' ji'i̱ ma̱ chaca quiya' li'. Lo'o xlyaá sca ñati̱ late' tonu tu'ba nu nchcu' ma̱, li' ta ma̱ chacuayá' cha' lo'o camxa ji'i̱ ma̱ qui'ya ngu' tsaa ngu'. 30Ta ma̱ ji'i̱ ngu' na laca nu jña ngu' ji'i̱ ma̱; lo'o qui'ya ngu' sca na ji'i̱ ma̱, nga'aa jña ma̱ ji'i̱ chaca quiya'. 31Nga'a̱ cha' cua'ni tso'o ma̱ lo'o ngu', si nti' ma̱ cha' tso'o ti cua'ni ngu' lo'o ma̱.
32’Jlo ti' na' cha' tso'o ntsu'u tyiquee ma̱ ña'a̱ ma̱ ji'i̱ cua laca ti ñati̱ nu jua'a̱ tso'o nti' ngu' ña'a̱ ngu' ji'i̱ ma̱; pana lo'o ñati̱ cuxi, taca ji'i̱ ngu' cua'ni ngu' tsa lo cua ti cha'. Cua nti' Ni cha' ña'a̱ tso'o ma̱ ji'i̱ cua ña'a̱ ca ñati̱, ni si'i sca ti ji'i̱ tya'a tso'o ti ma̱. 33Lo'o jua'a̱ ndu'ni ma̱ cha' tso'o lo'o ñati̱ nu cua ngua'ni sca cha' tso'o lo'o ma̱; pana lo'o ñati̱ cuxi, taca ji'i̱ ngu' cua'ni ngu' la cui' jua'a̱. Cua nti' Ni cha' cua'ni ma̱ cha' tso'o lo'o cua ña'a̱ ca ñati̱, ni si'i sca ti lo'o tya'a tso'o ti ma̱. 34Na ndijñi' ti ma̱ ji'i̱ ñati̱ nu xtyucua sca cha' tso'o ji'i̱ ma̱, nti' ma̱. ¿Ha tso'o tsa ndu'ni ma̱ nti' ma̱ li'? Lo'o ñati̱ cuxi ni, stu'ba ti ndu'ni ngu' lo'o tya'a ngu', si xtyucua tya'a ngu' sca cha' tso'o ji'i̱ ngu' li'. 35Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni; 36bi' cha' cua'ni tya'na ti' ma̱ ji'i̱ ngu' lacua, ñi'ya̱ nu tya'na ti' ycui' Ndyosi Sti na ji'i̱ ngu'.
Ná ntsu'u cha' sta ngu' qui'ya ji'i̱ tya'a ñati̱ ngu'
37’Ná sta ma̱ qui'ya ji'i̱ tya'a ñati̱ ma̱, cha' li' ná ntsu'u cha' sta ycui' Ndyosi qui'ya ji'i̱ ma̱. Ná xcube' ma̱ ji'i̱ tya'a ñati̱ ma̱, cha' li' ná ntsu'u cha' xcube' ycui' Ndyosi ji'i̱ ma̱. Cui'ya ma̱ cha' clyu ti' ji'i̱ tya'a ñati̱ ma̱, cha' li' cui'ya ycui' Ndyosi cha' clyu ti' ji'i̱ ma̱. 38Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.
39Nde laca cui̱i̱ nu nda Jesús lo'o ngu' li':
―Sca nu cuityi̱' ni, ¿ha taca culu'u tyucui̱i̱ ji'i̱ tya'a cuityi̱'? Ná taca. Cuxi ti caca ji'i̱ ngu' li', stu'ba ti tyú tyucuaa ngu' sca to' cua'a̱ li', cha' ni sca ngu' bi' ná nchca ña'a̱ ngu' tyucui̱i̱ su lijya̱ ngu'. 40Sca yu cuañi' nu ndyaca tsa'a̱ ca ti, ná tyiji̱lo yu ji'i̱ mstru ji'i̱ yu; tsa bi' ti cha', lo'o tye ca tsa'a̱ yu, li' stu'ba ti cuayá' ngua tsa'a̱ yu lo'o mstru ji'i̱ yu.
41’¿Ni cha' yala tsa chcui' ma̱ ji'i̱ sca cha' cuxi nu ntsu'u ji'i̱ xa' la tya'a ñati̱ ma̱, masi ñi'ya̱ nti' si laca bi' sca satya yuu ti nu ndyatí̱ cloo ngu'? Pana ná ndube ti' ma̱ cha' tlyu tsa cha' cuxi nu ntsu'u ji'i̱ ycui' ma̱, ñi'ya̱ nti' si laca bi' sca nguti tlyu nu ntsu'u cloo ycui' ca ma̱. 42¿Ni cha' laca tlyu tsa tyiquee ma̱ cha' chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱. ¡Na cuiñi ma̱! Clyo la tyu'u nu nguti tlyu nu ntsu'u cloo ycui' ca ma̱, li' taca ña'a̱ ma̱ tso'o la cha' culo ma̱ satya yuu nu ntsu'u cloo tya'a ñati̱ ma̱.
Nslo na ji'i̱ sca yaca lo'o ña'a̱ na si'yu nu nda yaca bi'
43’Sca yaca tso'o, ná ta bi' si'yu nu ná tso'o. Jua'a̱ sca yaca nu cua btyi ti, nga'aa ta bi' si'yu nu cacu na. 44Lcaa yaca nslo ngu' ji'i̱ lo'o ña'a̱ ngu' ni si'yu laca ndyu'u lo. Ná nsuu ngu' si'yu tyixi ji'i̱ sca yaca quiche'; la cui' ti jua'a̱, ná nsuu ngu' si'yu losu' tyixi ji'i̱ lti quiche' yane. 45Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.
Tucua lo quiya' ni'i̱ ngüiñá ngu'
46Tya nda Jesús chaca cui̱i̱ lo'o ngu' li':
―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―. 47Bi' cha' ta na' sca cui̱i̱ lo'o ma̱ juani, ñi'ya̱ laca sca ñati̱ nu lijya̱ ca slo na' cha' cuna yu cha' nu nchcui' na', lo'o li' ndaquiya' yu cha' bi': 48cua laca yu ñi'ya̱ laca sca nu qui'yu nu ngüiñá sca ni'i̱. Tso'o tsa ngüiñi tyuu su ndu̱ quiya' ni'i̱ ji'i̱, cha' chu̱' quee tsiya' ti nscua quiya' ni'i̱ bi'. Li' lye tsa ngua'ya tyo. Lo'o cua ndyalaa hitya yuu ca quiya' ni'i̱ bi', cua xlya'ba ti ji'i̱ ni'i̱; pana ná ngua ji'i̱ hitya yuu bi' xlyú ji'i̱ ni'i̱ bi', cha' tachaa tsa ndu̱ quiya' ni'i̱ chu̱' quee bi'. 49Pana ndi'ya̱ laca chaca ñati̱ nu cua ndyuna cha' nu nchcui' na' lo'o, lo'o li' ná ndaquiya' yu ji'i̱ cha' bi': bi' laca ñi'ya̱ laca chaca nu qui'yu nu ngüiñá sca ni'i̱ ji'i̱ lo yusi̱ ti. Ná qui'ñi ndyaa quiya' ni'i̱ ji'i̱ yu bi'. Lo'o li' ngua'ya tyo clyaa, ndyalaa hitya sta'a̱ ca quiya' ni'i̱ bi'. Li' nguxlyú hitya yuu ji'i̱ ni'i̱ bi', ndye tsiya' ti nguxlya'ba hitya yuu bi' ji'i̱.
Currently Selected:
SAN LUCAS 6: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN LUCAS 6
6
Ná ndiya ti' ngu' cña nu ngua'ni tya'a ndya'a̱ Jesús
1Lo'o ngua sca tsa̱ nu ndi'i̱ cña' ngu', li' ndya'a̱ Jesús tyucui̱i̱, lijya̱ yu lo'o nu ngu' nu ndyaca tsa'a̱ ji'i̱, nteje tacui ngu' su nscua xtya̱ trigo ji'i̱ ñati̱. Laja lo'o nteje tacui ti ngu', ngusuu ngu' xi si'yu trigo. Li' ngusatá ngu' ji'i̱ tyuu ya' ti ngu' cha' tyalú si'yu trigo bi'; ndyacu ngu' xi si'yu li'. 2Lo'o li' ntsu'u xi ngu' fariseo nu ndya'a̱ lca'a̱ ji'i̱ ngu' bi', nu lye tsa nchcui' lo'o ngu' taju ji'i̱ Jesús:
―¿Ni cha' laca ndyu'ni ma̱ cña jua'a̱, cha' ngusuu ma̱ si'yu trigo cua? ¿Ha ná jlo ti' ma̱ cha' tsa̱ tacati laca juani? Ná ntsu'u chacuayá' ji'na cua'ni na cña tsa̱ tacati ―nacui̱ ngu' fariseo bi'.
3Li' nguxacui̱ Jesús cha' ji'i̱ ngu' bi':
―¿Ha bilya chcui' ma̱ lo quityi ji'i̱ ycui' Ndyosi su nscua ñi'ya̱ nu ngua'ni jyo'o David sa'ni? ―nacui̱ Jesús ji'i̱ ngu'―. Ngua sca tsa̱ ntyute' tsa yu, lo'o jua'a̱ ntyute' tsa lcaa ngu' tya'a ndya'a̱ yu. 4Jlo ti' yu cha' ntucua xlyá nu laca msta̱ ji'i̱ ycui' Ndyosi lo mesa ne' ni'i̱ nu cuentya ji'i̱ ycui' Ni cajua. Bi' cha' ndyaa ngu' ne' ni'i̱ bi'; ndyacu ngu' xlyá bi', masi ná ntsu'u chacuayá' cacu cua ña'a̱ ca ñati̱ ji'i̱, cha' sca ti ji'i̱ ngu' sti jo'ó ntsu'u chacuayá' ndacu ngu' xlyá bi' ―nacui̱ Jesús ji'i̱ ngu'.
5Lo'o li' chaca cha' nchcui' Jesús lo'o ngu':
―Lo'o na' nu cua nda ycui' Ni lijya̱a̱ cha' caca na' ñati̱ ni, laca na' loo, masi tsa̱ nu ndi'i̱ cña' ngu'.
Sca yu quicha nu nchcu̱' ya'
6Ngua chaca tsa̱ ta'a, tsa̱ tacati ji'i̱ ngu', li' ndya'a̱ Jesús ca ne' laa. Ca bi' ndyaa tucua yu, li' nguxana nclyu'u yu cha' ji'i̱ ycui' Ndyosi ji'i̱ ñati̱. Ca bi' nga'a̱ sca ñati̱ nu ngüityi ya' yu la'a tsu' cui̱ ji'i̱ yu. 7Lo'o jua'a̱ nga'a̱ ngu' mstru cha' jo'ó ne' laa bi', lo'o ngu' fariseo nga'a̱ lo'o. Ña'a̱ tsa ngu' bi' ji'i̱ Jesús, si cua'ni Jesús jo'o ji'i̱ nu quicha bi' tsa̱ tacati; nclyana ngu' cha', ñi'ya̱ caca sta ngu' qui'ya ji'i̱. 8Pana hora ti ngua cuayá' ti' Jesús lcaa ña'a̱ cha' nu nclyacua ti' ngu'. Li' nacui̱ Jesús ji'i̱ yu nu nchcu̱' ya' bi':
―Tyatu̱ clya nu'u̱, yaa tyu̱ cla'be laja ngu' jua ―nacui̱ Jesús ji'i̱ nu quicha bi'.
Li' ndyatu̱ yu quicha bi', ndyaa yu cajua su nacui̱ Jesús ji'i̱ yu. 9Li' nda Jesús sca cha' lo'o nu ngu' nu ndu'ni ti cha' tacati bi':
―¿Ni cña tso'o la cha' cua'ni na tsa̱ tacati lacua? ―nacui̱ Jesús ji'i̱ ngu' bi'―. ¿Ha sca cña tso'o cua'ni na li'? ¿Ha tso'o la cua'ni na sca cña cuxi li', nti' ma̱? ―nacui̱―. ¿Ha tso'o la si cua'ni lyaá na ji'i̱ ñati̱ tsa̱ bi', cha' ná cajaa ngu' li'? ¿Ha tso'o la nti' cu'ma̱ masi ta na chacuayá' cajaa ñati̱ li'? ―nacui̱ Jesús ji'i̱ ngu'.
10Li' nguxña'a̱ Jesús ji'i̱ lcaa ñati̱ nu ndi'i̱ cacua ti slo, nchcui' lo'o nu quicha bi' li':
―Xquiñi nu'u̱ ya'.
Jua'a̱ ngua'ni yu bi', li' hora ti ndyaca tso'o ya' yu. 11Li' ngunasi̱' tsa nu ngu' nu ndu'ni cha' tacati bi', nguxana ngu' nda ngu' cha' lo'o tya'a ngu':
―¿Ñi'ya̱ cua'ni na cha' cua'a na ji'i̱ yu jua cha' nga'aa cua'ni yu jua'a̱? ―nacui̱ ngu' ji'i̱ tya'a ngu' li'.
Ngusubi Jesús ji'i̱ tii tyucuaa tya'a ñati̱ nu ca tsa'a̱ ji'i̱
12Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'. 13Lo'o nguxee chaca tsa̱, li' ngusi'ya yu ji'i̱ ñati̱ nu ndya'a̱ lo'o yu cha' tya̱a̱ ngu' slo yu. Li' ngusubi yu ji'i̱ tii tyucuaa tya'a ngu'; nda yu chacuayá' ji'i̱ nu ngu' bi', cha' tsaa culu'u ngu' ji'i̱ xa' ñati̱. 14Ndi'ya̱ naa xtañi ngu' nu ngusubi Jesús ji'i̱ nu ngua tya li': Simón, nu ngusta Jesús chaca xtañi Pedro naa yu, bi' laca tsaca ngu'; jua'a̱ Andrés tya'a ngula Simón, jua'a̱ Jacobo, jua'a̱ Juan, jua'a̱ Felipe, jua'a̱ Bartolomé, 15jua'a̱ Mateo, jua'a̱ Tomás, jua'a̱ chaca Jacobo sñi' Alfeo, jua'a̱ chaca Simón nu laca ji'i̱ taju ngu' cananista, 16jua'a̱ Judas tya'a Jacobo, jua'a̱ Judas Iscariote nu cujui' cresiya ji'i̱ Jesús ji'i̱ ngu' cuxi ca tiya' la; jua'a̱ naa ngu' nu cua ngusubi Jesús ji'i̱.
Ngulu'u Jesús ji'i̱ quiña'a̱ tsa ñati̱
17Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'. 18Lo'o nu ñati̱ nu ngusñi cui'i̱ cuxi ji'i̱ ni, lo'o ngu' bi' nti' ngu' cha' tyaca tso'o ngu'. 19Lcaa ngu' bi' nti' ngu' sta ya' ngu' chu̱' Jesús; nti' ngu' cha' cua'ni yu jo'o ji'i̱ lcaa ñati̱ quicha bi', xqui'ya cha' tlyu tsa chacuayá' ntsu'u ji'i̱ yu. Ndyaca tso'o lcaa ngu' quicha bi' li'.
Ñi'ya̱ nu ngulu'u Jesús ji'i̱ ngu' nu ngua'a̱ sii' cua'a̱
20Nguxña'a̱ Jesús ji'i̱ nu ngu' nu ndyaca tsa'a̱ ji'i̱, li' nguxana nchcui' yu lo'o ngu' ndi'ya̱:
―Tso'o ntsu'u tyiquee cu'ma̱ masi ti'i ti ndi'i̱ ma̱ nde chalyuu ―nacui̱―. Ycui' Ndyosi laca nu ña'a̱sii̱ ji'i̱ ma̱, cha' bi' nu laca Xu'na ma̱.
21’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱.
’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.
22’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱; 23tso'o tsa caca tyiquee ma̱ li', caca chaa ti' ma̱, masi cua'ni ngu' lcaa cha' lya' ti' lo'o ma̱ jua'a̱. Ná cube ti' ma̱, cua laca ndyu'u co'o ycui' Ndyosi sca cha' tso'o nu cua tlyu xi nu tyacua ji'i̱ scaa ma̱ ca su ntucua ycui' Ni ―nacui̱ Jesús li'―. La cui' jua'a̱ ngua tya sa'ni la, cha' lya' tsa ti' jyo'o cusu' ji'i̱ ñati̱ nu ngua tu'ba ji'i̱ ycui' Ndyosi cha' nchcui' Ni lo'o ñati̱ ―nacui̱ Jesús―.
24’Pana tya'na tsa cu'ma̱ ngu' culiya'; masi chaa tsa ti' ma̱ nquicha', cua laca ti tyempo caca chaa ti' ma̱ ―nacui̱―.
25’Lo'o jua'a̱ tya'na tsa cu'ma̱ nu tso'o tsa nguaala' ti' ma̱ nde chalyuu juani, cha' quiña'a̱ tsa cha' caca nu lyiji ji'i̱ ma̱ nde loo la ―nacui̱ Jesús―.
’Lo'o jua'a̱ tya'na tsa cu'ma̱ nu lye tsa nxtyí lo'o ma̱ ji'i̱ tya'a ñati̱ ma̱; ca tiya' la, li' lo'o cu'ma̱ xi'ya ma̱ cha' lye tsa caca xñi'i̱ ti' ma̱ ―nacui̱ Jesús―.
26’Lo'o jua'a̱ tya'na tsa cu'ma̱ lo'o tso'o tsa nchcui' lcaa ñati̱ ji'i̱ ma̱. La cui' jua'a̱ ngua'ni jyo'o cusu' ji'i̱ ma̱ nu ngua sa'ni, cha' tso'o tsa nchcui' ngu' ji'i̱ ngu' nu nchcui' cha' cuiñi ti ji'i̱ ycui' Ndyosi lo'o ngu'; ndiya tsa ti' ngu' ji'i̱ cha' cuiñi bi'.
Jua'a̱ ngulu'u Jesús ji'i̱ lcaa ngu' nu ndyaca tsa'a̱ ji'i̱.
Tso'o ti tyu'u tyiquee na ña'a̱ na ji'i̱ tya'a cusu̱u̱ na
27Tya nchcui' la Jesús li':
―Ndi'ya̱ chcui' na' lo'o cu'ma̱ nu tyaja'a̱ ma̱ cua'a̱ jyaca̱ ma̱ ji'i̱ cha' nu nchcui' na': Tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, tso'o ti cua'ni ma̱ lo'o ñati̱ nu ti'í ti' ña'a̱ ngu' ji'i̱ ma̱. 28La cui' tso'o ti chcui' ma̱ lo'o ñati̱ nu nda qui'ya ji'i̱ ma̱, jua'a̱ chcui' ma̱ lo'o ycui' Ndyosi cuentya ji'i̱ ñati̱ nu nchcui' cha' suba' lo'o ma̱. 29Lo'o quiji'i̱ ngu' ndacu̱' hique ma̱, li' xtyacui ma̱ ta ma̱ chaca tsu' saca' ma̱ cha' quiji'i̱ ngu' ji'i̱ ma̱ chaca quiya' li'. Lo'o xlyaá sca ñati̱ late' tonu tu'ba nu nchcu' ma̱, li' ta ma̱ chacuayá' cha' lo'o camxa ji'i̱ ma̱ qui'ya ngu' tsaa ngu'. 30Ta ma̱ ji'i̱ ngu' na laca nu jña ngu' ji'i̱ ma̱; lo'o qui'ya ngu' sca na ji'i̱ ma̱, nga'aa jña ma̱ ji'i̱ chaca quiya'. 31Nga'a̱ cha' cua'ni tso'o ma̱ lo'o ngu', si nti' ma̱ cha' tso'o ti cua'ni ngu' lo'o ma̱.
32’Jlo ti' na' cha' tso'o ntsu'u tyiquee ma̱ ña'a̱ ma̱ ji'i̱ cua laca ti ñati̱ nu jua'a̱ tso'o nti' ngu' ña'a̱ ngu' ji'i̱ ma̱; pana lo'o ñati̱ cuxi, taca ji'i̱ ngu' cua'ni ngu' tsa lo cua ti cha'. Cua nti' Ni cha' ña'a̱ tso'o ma̱ ji'i̱ cua ña'a̱ ca ñati̱, ni si'i sca ti ji'i̱ tya'a tso'o ti ma̱. 33Lo'o jua'a̱ ndu'ni ma̱ cha' tso'o lo'o ñati̱ nu cua ngua'ni sca cha' tso'o lo'o ma̱; pana lo'o ñati̱ cuxi, taca ji'i̱ ngu' cua'ni ngu' la cui' jua'a̱. Cua nti' Ni cha' cua'ni ma̱ cha' tso'o lo'o cua ña'a̱ ca ñati̱, ni si'i sca ti lo'o tya'a tso'o ti ma̱. 34Na ndijñi' ti ma̱ ji'i̱ ñati̱ nu xtyucua sca cha' tso'o ji'i̱ ma̱, nti' ma̱. ¿Ha tso'o tsa ndu'ni ma̱ nti' ma̱ li'? Lo'o ñati̱ cuxi ni, stu'ba ti ndu'ni ngu' lo'o tya'a ngu', si xtyucua tya'a ngu' sca cha' tso'o ji'i̱ ngu' li'. 35Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni; 36bi' cha' cua'ni tya'na ti' ma̱ ji'i̱ ngu' lacua, ñi'ya̱ nu tya'na ti' ycui' Ndyosi Sti na ji'i̱ ngu'.
Ná ntsu'u cha' sta ngu' qui'ya ji'i̱ tya'a ñati̱ ngu'
37’Ná sta ma̱ qui'ya ji'i̱ tya'a ñati̱ ma̱, cha' li' ná ntsu'u cha' sta ycui' Ndyosi qui'ya ji'i̱ ma̱. Ná xcube' ma̱ ji'i̱ tya'a ñati̱ ma̱, cha' li' ná ntsu'u cha' xcube' ycui' Ndyosi ji'i̱ ma̱. Cui'ya ma̱ cha' clyu ti' ji'i̱ tya'a ñati̱ ma̱, cha' li' cui'ya ycui' Ndyosi cha' clyu ti' ji'i̱ ma̱. 38Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.
39Nde laca cui̱i̱ nu nda Jesús lo'o ngu' li':
―Sca nu cuityi̱' ni, ¿ha taca culu'u tyucui̱i̱ ji'i̱ tya'a cuityi̱'? Ná taca. Cuxi ti caca ji'i̱ ngu' li', stu'ba ti tyú tyucuaa ngu' sca to' cua'a̱ li', cha' ni sca ngu' bi' ná nchca ña'a̱ ngu' tyucui̱i̱ su lijya̱ ngu'. 40Sca yu cuañi' nu ndyaca tsa'a̱ ca ti, ná tyiji̱lo yu ji'i̱ mstru ji'i̱ yu; tsa bi' ti cha', lo'o tye ca tsa'a̱ yu, li' stu'ba ti cuayá' ngua tsa'a̱ yu lo'o mstru ji'i̱ yu.
41’¿Ni cha' yala tsa chcui' ma̱ ji'i̱ sca cha' cuxi nu ntsu'u ji'i̱ xa' la tya'a ñati̱ ma̱, masi ñi'ya̱ nti' si laca bi' sca satya yuu ti nu ndyatí̱ cloo ngu'? Pana ná ndube ti' ma̱ cha' tlyu tsa cha' cuxi nu ntsu'u ji'i̱ ycui' ma̱, ñi'ya̱ nti' si laca bi' sca nguti tlyu nu ntsu'u cloo ycui' ca ma̱. 42¿Ni cha' laca tlyu tsa tyiquee ma̱ cha' chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱. ¡Na cuiñi ma̱! Clyo la tyu'u nu nguti tlyu nu ntsu'u cloo ycui' ca ma̱, li' taca ña'a̱ ma̱ tso'o la cha' culo ma̱ satya yuu nu ntsu'u cloo tya'a ñati̱ ma̱.
Nslo na ji'i̱ sca yaca lo'o ña'a̱ na si'yu nu nda yaca bi'
43’Sca yaca tso'o, ná ta bi' si'yu nu ná tso'o. Jua'a̱ sca yaca nu cua btyi ti, nga'aa ta bi' si'yu nu cacu na. 44Lcaa yaca nslo ngu' ji'i̱ lo'o ña'a̱ ngu' ni si'yu laca ndyu'u lo. Ná nsuu ngu' si'yu tyixi ji'i̱ sca yaca quiche'; la cui' ti jua'a̱, ná nsuu ngu' si'yu losu' tyixi ji'i̱ lti quiche' yane. 45Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.
Tucua lo quiya' ni'i̱ ngüiñá ngu'
46Tya nda Jesús chaca cui̱i̱ lo'o ngu' li':
―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―. 47Bi' cha' ta na' sca cui̱i̱ lo'o ma̱ juani, ñi'ya̱ laca sca ñati̱ nu lijya̱ ca slo na' cha' cuna yu cha' nu nchcui' na', lo'o li' ndaquiya' yu cha' bi': 48cua laca yu ñi'ya̱ laca sca nu qui'yu nu ngüiñá sca ni'i̱. Tso'o tsa ngüiñi tyuu su ndu̱ quiya' ni'i̱ ji'i̱, cha' chu̱' quee tsiya' ti nscua quiya' ni'i̱ bi'. Li' lye tsa ngua'ya tyo. Lo'o cua ndyalaa hitya yuu ca quiya' ni'i̱ bi', cua xlya'ba ti ji'i̱ ni'i̱; pana ná ngua ji'i̱ hitya yuu bi' xlyú ji'i̱ ni'i̱ bi', cha' tachaa tsa ndu̱ quiya' ni'i̱ chu̱' quee bi'. 49Pana ndi'ya̱ laca chaca ñati̱ nu cua ndyuna cha' nu nchcui' na' lo'o, lo'o li' ná ndaquiya' yu ji'i̱ cha' bi': bi' laca ñi'ya̱ laca chaca nu qui'yu nu ngüiñá sca ni'i̱ ji'i̱ lo yusi̱ ti. Ná qui'ñi ndyaa quiya' ni'i̱ ji'i̱ yu bi'. Lo'o li' ngua'ya tyo clyaa, ndyalaa hitya sta'a̱ ca quiya' ni'i̱ bi'. Li' nguxlyú hitya yuu ji'i̱ ni'i̱ bi', ndye tsiya' ti nguxlya'ba hitya yuu bi' ji'i̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.