SAN MARCOS 11
11
Ngua'ni chi̱ ngu' loo Jesús lo'o ndyalaa yu nde Jerusalén
1Ca tiya' la ndyalaa ngu' cacua ti to' quichi̱ Jerusalén su ndi'i̱ tucua tya'a quichi̱ sube ti nde sii' ca'ya Olivos. Betfagé lo'o Betania naa quichi̱ sube bi'. Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱:
2―Yaa ma̱ ca quichi̱ sube ti ndacua ti ―nacui̱―. Lo'o tyalaa ma̱ to' quichi̱ bi', hora ti ña'a̱ ma̱ ndu̱ sca huru ndyaaca̱' nu bilya tyucua ngu' chu̱'. Sati̱' ma̱ ji'i̱, cha' tya̱a̱ lo'o ma̱ ji'i̱ ca nde. 3Si ntsu'u ngu' nu cacha' ji'i̱ ma̱ ni cha' laca ndyu'ni ma̱ jua'a̱, li' ñacui̱ ma̱ ji'i̱ ngu' bi': “Ntsu'u cña nu cua'ni huru re cuentya ji'i̱ ycui' nu Xu'na na. Hora ti tya̱a̱ lo'o ya ji'i̱ ni' chaca quiya'.” Jua'a̱ ñacui̱ ma̱ ji'i̱ ngu' bi' li'.
4Ndu'u ngu' ndyaa ngu' quichi̱ sube ti bi'; nquije huru ji'i̱ ngu' su ndu̱ to' calle, ndyaaca̱' ni' nde toni'i̱ ji'i̱ ngu'. Lo'o ngusati̱' ngu' ji'i̱ ni', 5li' nchcui' sca ñati̱ nu ndu̱ cacua ti lo'o ngu' bi':
―¿Ni cha' laca ngusati̱' ma̱ ji'i̱ huru jua? ―nacui̱ yu ji'i̱ ngu'.
6Ndacha' ngu' ji'i̱ yu bi' ñi'ya̱ cña nu ngulo Jesús ji'i̱ ngu' cha' chcui' ngu' lo'o. Li' nda yu chacuayá' cha' tsaa ngu' lo'o huru. 7Ñaa lo'o ngu' ji'i̱ huru slo Jesús li'. Ngusta ngu' camxa ji'i̱ ngu' hichu̱' huru cha' tyucua Jesús hichu̱' ni', ndyaa tucua Jesús hichu̱' li'. 8Lo'o jua'a̱ ngusta ngu' xa' late' lo yuu tyucui̱i̱ bi', jua'a̱ ndyaa ngu' ngusi'yu ngu' sta̱' yaca cha' sta ngu' laca' lo yuu, cha' ca tso'o ña'a̱ tyucui̱i̱ su tyeje tacui huru lo'o Jesús.
9Ngusi'ya ngu' nu ndyaa nde loo Jesús, ngusi'ya ngu' nu lijya̱ nde chu̱'; lye tsa ndyu'ni chi̱ ngu' loo Jesús:
―Cua'ni tlyu na ji'i̱ ycui' Ndyosi ―nacui̱ ngu'―. Culacua̱ ycui' Ni ji'i̱ nu qui'yu re nu lijya̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'―. 10Tso'o tsa si cua'ni tlyu na ji'i̱ yu re, cha' cua ngulala ti cha' caca ycui' Ndyosi loo ca nde. Li' caca ñi'ya̱ nu ngua lo'o ngua jyo'o cusu' David loo cua sa'ni la ―nacui̱ ngu'―. Masi juani ti, cua'ni tlyu na ji'i̱ ycui' Ndyosi ―nacui̱ ngu'.
11Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o ji'i̱ quichi̱ bi'. Hora ti ndyaa na'a̱ Jesús ne' laa tonu cajua li'. Na'a̱ yu ji'i̱ lcaa lo na nu ntucua cajua, lo'o li' nguxtyu̱u̱ yu ñaa yu nde quichi̱ Betania chaca quiya' lo'o nu tii tyucuaa tya'a ngu' nu ndyaca tsa'a̱ ji'i̱, cha' ngusi̱i̱ tsa li'.
Ngusta Jesús yabe' ji'i̱ sca yaca quityi nu ná lo'o si'yu
12Lo'o nguxee chaca tsa̱ li' ndu'u ngu' quichi̱ Betania. Cuati ntyute' tsa Jesús li'. 13Na'a̱ yu cua tyijyu' xi su ndu̱ sca yaca quityi nu ntsu'u laca' ji'i̱. Ndyaa na'a̱ yu si ntsu'u si'yu lo, pana laca' ti ntsu'u, ná ntsu'u si'yu lo bi' tsiya' ti, cha' tya lyiji tyalaa tyempo tyu'u si'yu lo yaca bi'.
14―Nga'aa cacu ngu' tsiya' ti si'yu nu tyu'u lo yaca cua ―nacui̱ Jesús li'.
Lo'o nu ngu' nu ndyaca tsa'a̱ ji'i̱ Jesús ni, ndyuna ngu' cha' nu nchcui' yu ji'i̱ yaca bi'.
Ngulo'o Jesús ji'i̱ ngu' cuxi nu ntsu'u ne' laa tonu
15Tya ndyaa la ngu' xi, ndyalaa ngu' quichi̱ Jerusalén. Li' ndyatí̱ Jesús ndyaa ne' laa tonu jua, nguxana yu ngulo'o yu ji'i̱ ngu' nu ndujui' yu'ba cajua; lo'o ji'i̱ ngu' nu ndyi'ya yu'ba bi', ngulo'o yu ji'i̱ ngu' bi'. Lo'o nu ngu' nu nchcutsa'a̱ cñi ji'i̱ ñati̱ ni, nguxasu yu mesa ji'i̱ ngu' bi', jua'a̱ nguxasu yu yaca xlya ji'i̱ ngu' nu ndujui' paloma. 16Ná nda Jesús chacuayá' tyeje tacui ngu' lo'o yu'ba ji'i̱ ngu' ca ne' laa tonu bi'. 17Li' nda Jesús sca cha' lo'o ngu' jua:
―Ndi'ya̱ nscua lo quityi ji'i̱ ycui' Ndyosi cuentya ji'i̱ laa re: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni”. Jua'a̱ nscua lo quityi ―nacui̱ Jesús li'―, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.
18Ndyuna sti jo'ó nu laca loo cha' bi', jua'a̱ ndyuna mstru cha' jo'ó. Na'a̱ ngu' cha' quiña'a̱ tsa ñati̱ ndaquiya' ngu' ji'i̱ cha' nu nclyu'u Jesús ji'i̱ ngu', bi' cha' ntsi̱i̱ nu ngu' tlyu bi' si caca tlyu la Jesús; ngua ti' nu ngu' tlyu bi' si caja ñi'ya̱ caca cujuii ngu' ji'i̱ Jesús li'. 19Lo'o cua ngusi̱i̱ tsa, li' ñaa Jesús lo'o nu ngu' nu ndyaca tsa'a̱ ji'i̱. Ná ndyanu ngu' nde quichi̱ tlyu bi' talya.
Ngüityi yaca quityi bi'
20Nguxee chaca tsa̱, li' xa' nteje tacui ngu' cacua ti su ndu̱ yaca quityi bi'. Cua ngüityi tsiya' ti yaca bi', tyucui ña'a̱ lo'o quiche su̱u̱ ngüityi. 21Li' ntsu'u ti' Pedro cha' nu nchcui' Jesús ji'i̱ yaca bi' tya la caa.
―Mstru, ña'a̱ xi ca nde ña'a̱ ―nacui̱ Pedro ji'i̱ Jesús―. Cua ngüityi yaca quityi nu ngusta nu'u̱ yabe' ji'i̱.
22―Nga'a̱ cha' jlya ti' ma̱ ji'i̱ ycui' Ndyosi ―nacui̱ Jesús ji'i̱ ngu' li'―. 23Chañi cha' nu nchcui' na' lo'o ma̱ juani, cha' si chcui' ma̱ lo'o ca'ya re: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱, jua'a̱ cua'ni ycui' Ni lo'o ca'ya bi'. Jua'a̱ caca si chañi ji'i̱ ma̱ cha' jlya ti' ma̱ cha' caca sca cha' nu jña ma̱ ji'i̱ Ni, pana si ná jlya ti' ma̱ cha' nu nchcui' ycui' Ndyosi, ná caca bi' li'. 24Lo'o jua'a̱ lcaa lo cha' nu ndijña ma̱ ji'i̱ ycui' Ni laja lo'o nchcui' ma̱ lo'o Ni, chañi cha' ta ycui' Ni cha' bi' ji'i̱ ma̱, si chañi cha' jlya ti' ma̱ ji'i̱ Ni. 25La cui' jua'a̱, lcaa quiya' nu lo'o ndu̱ ma̱ cha' chcui' ma̱ lo'o ycui' Ndyosi, ntsu'u cha' cua'ni clyu ti' ma̱ ji'i̱ tya'a ñati̱ ma̱, si ntsu'u cha' ngusu'ba ñasi̱' ngu' ji'i̱ ma̱. Li' ycui' Ndyosi Sti ma̱ nu ntucua nde cua̱, caca ji'i̱ Ni cua'ni clyu ti' Ni ji'i̱ ma̱ ji'i̱ cha' cuxi nu ntsu'u ji'i̱ ma̱. 26Pana ná cua'ni clyu ti' ycui' Ndyosi Sti ma̱ ji'i̱ ma̱ ji'i̱ cha' cuxi nu ntsu'u ji'i̱ ma̱, si ná lo'o cua'ni clyu ti' ma̱ ji'i̱ tya'a ñati̱ ma̱.
Ndyu'ni Jesús cña chacuayá' ji'i̱ ycui' Ndyosi
27Li' xa' ndyalaa ngu' nde Jerusalén. Xa' ndyatí̱ Jesús ndyaa xi ne' laa tonu jua. Na'a̱ sti jo'ó tlyu ji'i̱ yu, lo'o jua'a̱ nu mstru cha' jo'ó lo'o ngu' cusu' nu laca loo ji'i̱ quichi̱, na'a̱ ngu' ji'i̱ yu. Li' ndyu'u ti'i̱ ngu' slo yu.
28―¿Tilaca laca nu nda chacuayá' jinu'u̱ cha' cua'ni nu'u̱ cña nu ndyu'ni nu'u̱? ―nacui̱ ngu' ji'i̱ Jesús―. ¿Tilaca laca nu ngulo cña jinu'u̱? ―nacui̱ ngu'.
29―Lo'o jua'a̱ na', xcuane na' sca cha' ji'i̱ cu'ma̱ ―nacui̱ Jesús li'―. Xacui̱ ma̱ cha' bi' 'na, lo'o li' cacha' na' ji'i̱ ma̱ tilaca laca nu nda chacuayá' 'na ―nacui̱ yu―. 30Ndi'ya̱ laca cha' bi': ¿Tilaca laca nu ngulo cña ji'i̱ jyo'o Juan cha' tyucuatya yu ji'i̱ ngu'? ¿Ha ycui' Ndyosi nda chacuayá' ji'i̱ Juan bi' lijya̱? ¿Ha ñati̱ chalyuu ti nda chacuayá' ji'i̱ yu? Cacha' liñi cu'ma̱ jna' ―nacui̱ Jesús ji'i̱ ngu'.
31Li' cuaana ti nchcui' nu ngu' tlyu bi' lo'o tya'a ngu':
―Si ñacui̱ na cha' ycui' Ndyosi ngulo cña ji'i̱ jyo'o Juan bi', li' xacui̱ yu cha' ji'i̱ cua: “¿Ni cha' laca ná ndaquiya' ma̱ ji'i̱ cha' nu nchcui' yu lacua?” 32¿Ha tso'o la ñacui̱ na cha' ñati̱ chalyuu ti ngulo cña ji'i̱ Juan? ―nacui̱ ngu' ji'i̱ tya'a ngu'.
Na cua ntsi̱i̱ nu ngu' nu laca loo bi' ña'a̱ ji'i̱ lcaa ngu' nu ndi'i̱ quichi̱ bi'. Jlo ti' nu ngu' tlyu bi' cha' lcaa ngu' bi' cua ngusñi ngu' cha' ji'i̱ jyo'o Juan cha' tu'ba ji'i̱ ycui' Ndyosi ngua.
33―Ná jlo ti' ya ―nacui̱ ngu' ji'i̱ Jesús li'.
―Tso'o lacua ―nacui̱ Jesús―. Lo'o jua'a̱ na' ni, ná cacha' na' ji'i̱ ma̱ tilaca laca nu ngulo cña 'na cha' cua'ni na' cña nu ndyu'ni na' ―nacui̱ yu ji'i̱ nu ngu' tlyu bi'.
Currently Selected:
SAN MARCOS 11: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN MARCOS 11
11
Ngua'ni chi̱ ngu' loo Jesús lo'o ndyalaa yu nde Jerusalén
1Ca tiya' la ndyalaa ngu' cacua ti to' quichi̱ Jerusalén su ndi'i̱ tucua tya'a quichi̱ sube ti nde sii' ca'ya Olivos. Betfagé lo'o Betania naa quichi̱ sube bi'. Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱:
2―Yaa ma̱ ca quichi̱ sube ti ndacua ti ―nacui̱―. Lo'o tyalaa ma̱ to' quichi̱ bi', hora ti ña'a̱ ma̱ ndu̱ sca huru ndyaaca̱' nu bilya tyucua ngu' chu̱'. Sati̱' ma̱ ji'i̱, cha' tya̱a̱ lo'o ma̱ ji'i̱ ca nde. 3Si ntsu'u ngu' nu cacha' ji'i̱ ma̱ ni cha' laca ndyu'ni ma̱ jua'a̱, li' ñacui̱ ma̱ ji'i̱ ngu' bi': “Ntsu'u cña nu cua'ni huru re cuentya ji'i̱ ycui' nu Xu'na na. Hora ti tya̱a̱ lo'o ya ji'i̱ ni' chaca quiya'.” Jua'a̱ ñacui̱ ma̱ ji'i̱ ngu' bi' li'.
4Ndu'u ngu' ndyaa ngu' quichi̱ sube ti bi'; nquije huru ji'i̱ ngu' su ndu̱ to' calle, ndyaaca̱' ni' nde toni'i̱ ji'i̱ ngu'. Lo'o ngusati̱' ngu' ji'i̱ ni', 5li' nchcui' sca ñati̱ nu ndu̱ cacua ti lo'o ngu' bi':
―¿Ni cha' laca ngusati̱' ma̱ ji'i̱ huru jua? ―nacui̱ yu ji'i̱ ngu'.
6Ndacha' ngu' ji'i̱ yu bi' ñi'ya̱ cña nu ngulo Jesús ji'i̱ ngu' cha' chcui' ngu' lo'o. Li' nda yu chacuayá' cha' tsaa ngu' lo'o huru. 7Ñaa lo'o ngu' ji'i̱ huru slo Jesús li'. Ngusta ngu' camxa ji'i̱ ngu' hichu̱' huru cha' tyucua Jesús hichu̱' ni', ndyaa tucua Jesús hichu̱' li'. 8Lo'o jua'a̱ ngusta ngu' xa' late' lo yuu tyucui̱i̱ bi', jua'a̱ ndyaa ngu' ngusi'yu ngu' sta̱' yaca cha' sta ngu' laca' lo yuu, cha' ca tso'o ña'a̱ tyucui̱i̱ su tyeje tacui huru lo'o Jesús.
9Ngusi'ya ngu' nu ndyaa nde loo Jesús, ngusi'ya ngu' nu lijya̱ nde chu̱'; lye tsa ndyu'ni chi̱ ngu' loo Jesús:
―Cua'ni tlyu na ji'i̱ ycui' Ndyosi ―nacui̱ ngu'―. Culacua̱ ycui' Ni ji'i̱ nu qui'yu re nu lijya̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'―. 10Tso'o tsa si cua'ni tlyu na ji'i̱ yu re, cha' cua ngulala ti cha' caca ycui' Ndyosi loo ca nde. Li' caca ñi'ya̱ nu ngua lo'o ngua jyo'o cusu' David loo cua sa'ni la ―nacui̱ ngu'―. Masi juani ti, cua'ni tlyu na ji'i̱ ycui' Ndyosi ―nacui̱ ngu'.
11Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o ji'i̱ quichi̱ bi'. Hora ti ndyaa na'a̱ Jesús ne' laa tonu cajua li'. Na'a̱ yu ji'i̱ lcaa lo na nu ntucua cajua, lo'o li' nguxtyu̱u̱ yu ñaa yu nde quichi̱ Betania chaca quiya' lo'o nu tii tyucuaa tya'a ngu' nu ndyaca tsa'a̱ ji'i̱, cha' ngusi̱i̱ tsa li'.
Ngusta Jesús yabe' ji'i̱ sca yaca quityi nu ná lo'o si'yu
12Lo'o nguxee chaca tsa̱ li' ndu'u ngu' quichi̱ Betania. Cuati ntyute' tsa Jesús li'. 13Na'a̱ yu cua tyijyu' xi su ndu̱ sca yaca quityi nu ntsu'u laca' ji'i̱. Ndyaa na'a̱ yu si ntsu'u si'yu lo, pana laca' ti ntsu'u, ná ntsu'u si'yu lo bi' tsiya' ti, cha' tya lyiji tyalaa tyempo tyu'u si'yu lo yaca bi'.
14―Nga'aa cacu ngu' tsiya' ti si'yu nu tyu'u lo yaca cua ―nacui̱ Jesús li'.
Lo'o nu ngu' nu ndyaca tsa'a̱ ji'i̱ Jesús ni, ndyuna ngu' cha' nu nchcui' yu ji'i̱ yaca bi'.
Ngulo'o Jesús ji'i̱ ngu' cuxi nu ntsu'u ne' laa tonu
15Tya ndyaa la ngu' xi, ndyalaa ngu' quichi̱ Jerusalén. Li' ndyatí̱ Jesús ndyaa ne' laa tonu jua, nguxana yu ngulo'o yu ji'i̱ ngu' nu ndujui' yu'ba cajua; lo'o ji'i̱ ngu' nu ndyi'ya yu'ba bi', ngulo'o yu ji'i̱ ngu' bi'. Lo'o nu ngu' nu nchcutsa'a̱ cñi ji'i̱ ñati̱ ni, nguxasu yu mesa ji'i̱ ngu' bi', jua'a̱ nguxasu yu yaca xlya ji'i̱ ngu' nu ndujui' paloma. 16Ná nda Jesús chacuayá' tyeje tacui ngu' lo'o yu'ba ji'i̱ ngu' ca ne' laa tonu bi'. 17Li' nda Jesús sca cha' lo'o ngu' jua:
―Ndi'ya̱ nscua lo quityi ji'i̱ ycui' Ndyosi cuentya ji'i̱ laa re: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni”. Jua'a̱ nscua lo quityi ―nacui̱ Jesús li'―, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.
18Ndyuna sti jo'ó nu laca loo cha' bi', jua'a̱ ndyuna mstru cha' jo'ó. Na'a̱ ngu' cha' quiña'a̱ tsa ñati̱ ndaquiya' ngu' ji'i̱ cha' nu nclyu'u Jesús ji'i̱ ngu', bi' cha' ntsi̱i̱ nu ngu' tlyu bi' si caca tlyu la Jesús; ngua ti' nu ngu' tlyu bi' si caja ñi'ya̱ caca cujuii ngu' ji'i̱ Jesús li'. 19Lo'o cua ngusi̱i̱ tsa, li' ñaa Jesús lo'o nu ngu' nu ndyaca tsa'a̱ ji'i̱. Ná ndyanu ngu' nde quichi̱ tlyu bi' talya.
Ngüityi yaca quityi bi'
20Nguxee chaca tsa̱, li' xa' nteje tacui ngu' cacua ti su ndu̱ yaca quityi bi'. Cua ngüityi tsiya' ti yaca bi', tyucui ña'a̱ lo'o quiche su̱u̱ ngüityi. 21Li' ntsu'u ti' Pedro cha' nu nchcui' Jesús ji'i̱ yaca bi' tya la caa.
―Mstru, ña'a̱ xi ca nde ña'a̱ ―nacui̱ Pedro ji'i̱ Jesús―. Cua ngüityi yaca quityi nu ngusta nu'u̱ yabe' ji'i̱.
22―Nga'a̱ cha' jlya ti' ma̱ ji'i̱ ycui' Ndyosi ―nacui̱ Jesús ji'i̱ ngu' li'―. 23Chañi cha' nu nchcui' na' lo'o ma̱ juani, cha' si chcui' ma̱ lo'o ca'ya re: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱, jua'a̱ cua'ni ycui' Ni lo'o ca'ya bi'. Jua'a̱ caca si chañi ji'i̱ ma̱ cha' jlya ti' ma̱ cha' caca sca cha' nu jña ma̱ ji'i̱ Ni, pana si ná jlya ti' ma̱ cha' nu nchcui' ycui' Ndyosi, ná caca bi' li'. 24Lo'o jua'a̱ lcaa lo cha' nu ndijña ma̱ ji'i̱ ycui' Ni laja lo'o nchcui' ma̱ lo'o Ni, chañi cha' ta ycui' Ni cha' bi' ji'i̱ ma̱, si chañi cha' jlya ti' ma̱ ji'i̱ Ni. 25La cui' jua'a̱, lcaa quiya' nu lo'o ndu̱ ma̱ cha' chcui' ma̱ lo'o ycui' Ndyosi, ntsu'u cha' cua'ni clyu ti' ma̱ ji'i̱ tya'a ñati̱ ma̱, si ntsu'u cha' ngusu'ba ñasi̱' ngu' ji'i̱ ma̱. Li' ycui' Ndyosi Sti ma̱ nu ntucua nde cua̱, caca ji'i̱ Ni cua'ni clyu ti' Ni ji'i̱ ma̱ ji'i̱ cha' cuxi nu ntsu'u ji'i̱ ma̱. 26Pana ná cua'ni clyu ti' ycui' Ndyosi Sti ma̱ ji'i̱ ma̱ ji'i̱ cha' cuxi nu ntsu'u ji'i̱ ma̱, si ná lo'o cua'ni clyu ti' ma̱ ji'i̱ tya'a ñati̱ ma̱.
Ndyu'ni Jesús cña chacuayá' ji'i̱ ycui' Ndyosi
27Li' xa' ndyalaa ngu' nde Jerusalén. Xa' ndyatí̱ Jesús ndyaa xi ne' laa tonu jua. Na'a̱ sti jo'ó tlyu ji'i̱ yu, lo'o jua'a̱ nu mstru cha' jo'ó lo'o ngu' cusu' nu laca loo ji'i̱ quichi̱, na'a̱ ngu' ji'i̱ yu. Li' ndyu'u ti'i̱ ngu' slo yu.
28―¿Tilaca laca nu nda chacuayá' jinu'u̱ cha' cua'ni nu'u̱ cña nu ndyu'ni nu'u̱? ―nacui̱ ngu' ji'i̱ Jesús―. ¿Tilaca laca nu ngulo cña jinu'u̱? ―nacui̱ ngu'.
29―Lo'o jua'a̱ na', xcuane na' sca cha' ji'i̱ cu'ma̱ ―nacui̱ Jesús li'―. Xacui̱ ma̱ cha' bi' 'na, lo'o li' cacha' na' ji'i̱ ma̱ tilaca laca nu nda chacuayá' 'na ―nacui̱ yu―. 30Ndi'ya̱ laca cha' bi': ¿Tilaca laca nu ngulo cña ji'i̱ jyo'o Juan cha' tyucuatya yu ji'i̱ ngu'? ¿Ha ycui' Ndyosi nda chacuayá' ji'i̱ Juan bi' lijya̱? ¿Ha ñati̱ chalyuu ti nda chacuayá' ji'i̱ yu? Cacha' liñi cu'ma̱ jna' ―nacui̱ Jesús ji'i̱ ngu'.
31Li' cuaana ti nchcui' nu ngu' tlyu bi' lo'o tya'a ngu':
―Si ñacui̱ na cha' ycui' Ndyosi ngulo cña ji'i̱ jyo'o Juan bi', li' xacui̱ yu cha' ji'i̱ cua: “¿Ni cha' laca ná ndaquiya' ma̱ ji'i̱ cha' nu nchcui' yu lacua?” 32¿Ha tso'o la ñacui̱ na cha' ñati̱ chalyuu ti ngulo cña ji'i̱ Juan? ―nacui̱ ngu' ji'i̱ tya'a ngu'.
Na cua ntsi̱i̱ nu ngu' nu laca loo bi' ña'a̱ ji'i̱ lcaa ngu' nu ndi'i̱ quichi̱ bi'. Jlo ti' nu ngu' tlyu bi' cha' lcaa ngu' bi' cua ngusñi ngu' cha' ji'i̱ jyo'o Juan cha' tu'ba ji'i̱ ycui' Ndyosi ngua.
33―Ná jlo ti' ya ―nacui̱ ngu' ji'i̱ Jesús li'.
―Tso'o lacua ―nacui̱ Jesús―. Lo'o jua'a̱ na' ni, ná cacha' na' ji'i̱ ma̱ tilaca laca nu ngulo cña 'na cha' cua'ni na' cña nu ndyu'ni na' ―nacui̱ yu ji'i̱ nu ngu' tlyu bi'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.