San Marcos 7
7
Ti Pannursuro nga Impatawid dagiti Amma
(Mat. 15:1-9)
1Naguurnong iti ayan ni Jesus dagiti Fariseo ken sumagmamano a mamaestro iti Linteg a naggapu idiay Jerusalem. 2Nadlawda a mangmangan ti sumagmamano nga adalan ni Jesus a dida nagbuggo, kas naipakadawyan dagiti amin a Judio. (3Ta annuroten dagiti Fariseo, agraman dagiti dadduma a Judio dagiti pannursuro nga impatawid dagiti ammada. Dida mangan no dida buggoan dagiti imada iti umisu a panagbuggo. 4Dida mangan iti aniaman nga aggapu iti tiendaan no saan a mabuggoan nga umuna.#4 Dida mangan…saan a mabuggoan nga umuna; wenno saanda a mangan iti aniaman nga aggapu iti tiendaan no dida agbuggo, kuna ti dadduma a patarus. Adu pay ti annurotenda a pannursuro dagiti ammada, kas iti tumutop a panangugas kadagiti tasa, banga, lunglongan a gambang ken papag.)#4 awan ti ken papag kadagiti dadduma a manuskrito.
5Iti kasta, sinaludsod dagiti Fariseo ken mamaestro iti Linteg ken ni Jesus, “Apay a di tungpalen dagiti adalam ti pannursuro nga impatawid dagiti amma, ta dida agbuggo a mangan?”
6Insungbat#Is. 29:13 (LXX). ni Jesus, “Pudno unay ti impadto ni Isaias maipapan kadakayo! Aginsisingpetkayo kas insuratna,
‘Dagitoy a tattao,’ kuna ti Dios,
‘kunkunada a dayawendak babaen kadagiti bibigda.
Ngem adayo kaniak ti pusoda.
7Awan serbi ti panagdaydayawda kaniak,
gapu ta isursuroda dagiti annuroten nga inaramid ti tao
a kasla ketdin bukodko a linteg.’
8“Binaybay-anyon ti bilin ti Dios ket dagiti pannursuro ti tao ti tungtungpalenyo.”
9Ket intuloyna, “Nagsayaat ketdin ti panangilaksidyo iti bilin ti Dios tapno mataginayon dagiti pannursuro a tinawidyo. 10Ta#Ex. 20:12; Deut. 5:16; Ex. 21:17; Lev. 20:9. imbilin ni Moises, ‘Dayawem da amam ken inam,’ ken ‘Ti agsao iti dakes ken ni ama wenno inana rebbengna a mapapatay.’ 11Ngem isursuroyo met a no adda mabalin nga ipaay ti maysa a tao kadagiti nagannak kenkuana ket kunana, ‘Korban daytoy’ (kayatna a sawen, ‘Naikarin iti Dios’), 12saanen a masapul a tulonganna ida. 13Iti kastoy, binaybay-anyon ti sao ti Dios gapu iti pannursuro nga ipatawidyo kadagiti tattao. Adu pay dagiti kastoy a bambanag nga ar-aramidenyo.”
Dagiti Mangtulaw iti Tao
(Mat. 15:10-20)
14Pinaasideg manen ni Jesus dagiti tattao ket kinunana kadakuada: “Dumngegkayo amin kaniak ket amirisenyo a nalaing daytoy. 15Saan a ti ipauneg ti tao ti mangtulaw kenkuana, no di ket dagiti agtaud iti pusona.”#15 Inayon dagiti dadduma a manuskrito ti bersikulo 16: Dumngeg ngarud ti siasinoman nga addaan pannakaawat.
17Idi pinanawan ni Jesus dagiti tattao ket simrek iti balay, sinaludsod dagiti adalanna ti kaipapanan daytoy a pagsasao. 18Kinuna ni Jesus kadakuada, “Uray dakayo, diyo met aya maawatan? Saan a ti makan ti mangtulaw iti tao, 19ta saan a mapan iti pusona no di ket iti tianna ket kalpasanna rummuar.” (Iti panagkuna ni Jesus iti kastoy, impakaammona a mabalin a kanen ti amin a taraon.)
20Insarunona pay, “Dagiti agtaud iti tao ti mangtulaw kenkuana. 21Ta manipud iti uneg ti puso ti tao, rumusing dagiti dakes a panunot a pagtaudan dagiti maikaniwas a bambanag a kas iti pannakiabig, panagtakaw, pammapatay, 22pannakikamalala, panagagum ken dadduma pay a kita ti kinadakes; panangallilaw, kinaderrep, kinaapal, pammadpadakes, kinapalangguad ken kinamaag.
23“Agtaud iti puso ti tao amin dagitoy dakes a bambanag, ket isuda ti mangtulaw kenkuana.”
Ti Pammati ti Maysa a Babai
(Mat. 15:21-28)
24Pimmanaw ni Jesus sadiay ket napan iti lugar nga asideg iti siudad ti Tiro. Nakidagus iti maysa a balay. Dina koma kayat nga adda makaammo iti ayanna, ngem naammoan latta dagiti tattao.
25Adda idi maysa nga ina. Linuganan ti dakes nga espiritu ti anakna a babai. Nadamagna ti maipapan ken ni Jesus ket dinagdagusna ti napan kenkuana sa nagparintumeng iti sakaananna. 26Griego daytoy a babai a nayanak idiay Fenicia, maysa nga ili iti Siria. Nagpakpakaasi a paksiaten koma ni Jesus ti demonio a nanglugan iti anakna.
27Kinuna ni Jesus, “Masapul a pakanen nga umuna dagiti ubbing ta saan a rumbeng nga alaen ti kanenda sa ipurruak kadagiti aso.”
28“Agpayso ta kunam, Apo,” kinuna ti babai, “ngem dagiti aso nga adda iti sirok ti lamisaan kanenda met dagiti regreg dagiti ubbing.”
29Kinuna ni Jesus, “Gapu iti daytoy a panagsaom, mabalinmon ti agawid. Pimmanawen ti dakes nga espiritu iti anakmo!”
30Nagawid ngarud ti babai ket nasangpetanna ti anakna nga agid-idda a sitatalna, ta pudno a pimmanawen ti demonio kenkuana.
Paimbagen ni Jesus ti Lalaki a Tuleng ken Umel
31Pimmanaw ni Jesus iti beddeng ti Tiro. Nagna idiay Sidon ket nanglikaw iti sakup ti Decapolis agingga a dimteng iti Dan-aw ti Galilea. 32Inyeg dagiti tattao ken ni Jesus ti maysa a lalaki a tuleng ken umel ket nagpakpakaasida kenkuana nga ipatayna ti imana iti lalaki. 33Inyadayo ni Jesus ti lalaki kadagiti tattao. Idi agwaywayasdan insullatna dagiti tammudona kadagiti lapayag ti lalaki. Kalpasanna, timmupra sana sinagid ti dila ti lalaki. 34Tinangad ni Jesus ti langit, nagsennaay sana kinuna iti lalaki, “Efata,” (kayatna a sawen, “Maluktanka”). 35Dagus a nakangngeg ti lalaki, limmukay ti dilana ket saanen a marigatan nga agsao.
36Imbilin ni Jesus kadagiti tattao a dida ipadpadamag daytoy iti siasinoman; ngem no kasano ti panangigunamgunamna a dida isarsarita, ad-adda pay ti gagarda a nangipadpadamag.
37Napalalo ti siddaaw dagiti amin a nakangngeg iti daytoy a damag. Kinunkunada, “Nagsayaat ketdin ti amin nga aramidna! Agasanna dagiti tuleng ken dagiti umel ket makangngeg ken makasaoda manen.”
Currently Selected:
San Marcos 7: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
San Marcos 7
7
Ti Pannursuro nga Impatawid dagiti Amma
(Mat. 15:1-9)
1Naguurnong iti ayan ni Jesus dagiti Fariseo ken sumagmamano a mamaestro iti Linteg a naggapu idiay Jerusalem. 2Nadlawda a mangmangan ti sumagmamano nga adalan ni Jesus a dida nagbuggo, kas naipakadawyan dagiti amin a Judio. (3Ta annuroten dagiti Fariseo, agraman dagiti dadduma a Judio dagiti pannursuro nga impatawid dagiti ammada. Dida mangan no dida buggoan dagiti imada iti umisu a panagbuggo. 4Dida mangan iti aniaman nga aggapu iti tiendaan no saan a mabuggoan nga umuna.#4 Dida mangan…saan a mabuggoan nga umuna; wenno saanda a mangan iti aniaman nga aggapu iti tiendaan no dida agbuggo, kuna ti dadduma a patarus. Adu pay ti annurotenda a pannursuro dagiti ammada, kas iti tumutop a panangugas kadagiti tasa, banga, lunglongan a gambang ken papag.)#4 awan ti ken papag kadagiti dadduma a manuskrito.
5Iti kasta, sinaludsod dagiti Fariseo ken mamaestro iti Linteg ken ni Jesus, “Apay a di tungpalen dagiti adalam ti pannursuro nga impatawid dagiti amma, ta dida agbuggo a mangan?”
6Insungbat#Is. 29:13 (LXX). ni Jesus, “Pudno unay ti impadto ni Isaias maipapan kadakayo! Aginsisingpetkayo kas insuratna,
‘Dagitoy a tattao,’ kuna ti Dios,
‘kunkunada a dayawendak babaen kadagiti bibigda.
Ngem adayo kaniak ti pusoda.
7Awan serbi ti panagdaydayawda kaniak,
gapu ta isursuroda dagiti annuroten nga inaramid ti tao
a kasla ketdin bukodko a linteg.’
8“Binaybay-anyon ti bilin ti Dios ket dagiti pannursuro ti tao ti tungtungpalenyo.”
9Ket intuloyna, “Nagsayaat ketdin ti panangilaksidyo iti bilin ti Dios tapno mataginayon dagiti pannursuro a tinawidyo. 10Ta#Ex. 20:12; Deut. 5:16; Ex. 21:17; Lev. 20:9. imbilin ni Moises, ‘Dayawem da amam ken inam,’ ken ‘Ti agsao iti dakes ken ni ama wenno inana rebbengna a mapapatay.’ 11Ngem isursuroyo met a no adda mabalin nga ipaay ti maysa a tao kadagiti nagannak kenkuana ket kunana, ‘Korban daytoy’ (kayatna a sawen, ‘Naikarin iti Dios’), 12saanen a masapul a tulonganna ida. 13Iti kastoy, binaybay-anyon ti sao ti Dios gapu iti pannursuro nga ipatawidyo kadagiti tattao. Adu pay dagiti kastoy a bambanag nga ar-aramidenyo.”
Dagiti Mangtulaw iti Tao
(Mat. 15:10-20)
14Pinaasideg manen ni Jesus dagiti tattao ket kinunana kadakuada: “Dumngegkayo amin kaniak ket amirisenyo a nalaing daytoy. 15Saan a ti ipauneg ti tao ti mangtulaw kenkuana, no di ket dagiti agtaud iti pusona.”#15 Inayon dagiti dadduma a manuskrito ti bersikulo 16: Dumngeg ngarud ti siasinoman nga addaan pannakaawat.
17Idi pinanawan ni Jesus dagiti tattao ket simrek iti balay, sinaludsod dagiti adalanna ti kaipapanan daytoy a pagsasao. 18Kinuna ni Jesus kadakuada, “Uray dakayo, diyo met aya maawatan? Saan a ti makan ti mangtulaw iti tao, 19ta saan a mapan iti pusona no di ket iti tianna ket kalpasanna rummuar.” (Iti panagkuna ni Jesus iti kastoy, impakaammona a mabalin a kanen ti amin a taraon.)
20Insarunona pay, “Dagiti agtaud iti tao ti mangtulaw kenkuana. 21Ta manipud iti uneg ti puso ti tao, rumusing dagiti dakes a panunot a pagtaudan dagiti maikaniwas a bambanag a kas iti pannakiabig, panagtakaw, pammapatay, 22pannakikamalala, panagagum ken dadduma pay a kita ti kinadakes; panangallilaw, kinaderrep, kinaapal, pammadpadakes, kinapalangguad ken kinamaag.
23“Agtaud iti puso ti tao amin dagitoy dakes a bambanag, ket isuda ti mangtulaw kenkuana.”
Ti Pammati ti Maysa a Babai
(Mat. 15:21-28)
24Pimmanaw ni Jesus sadiay ket napan iti lugar nga asideg iti siudad ti Tiro. Nakidagus iti maysa a balay. Dina koma kayat nga adda makaammo iti ayanna, ngem naammoan latta dagiti tattao.
25Adda idi maysa nga ina. Linuganan ti dakes nga espiritu ti anakna a babai. Nadamagna ti maipapan ken ni Jesus ket dinagdagusna ti napan kenkuana sa nagparintumeng iti sakaananna. 26Griego daytoy a babai a nayanak idiay Fenicia, maysa nga ili iti Siria. Nagpakpakaasi a paksiaten koma ni Jesus ti demonio a nanglugan iti anakna.
27Kinuna ni Jesus, “Masapul a pakanen nga umuna dagiti ubbing ta saan a rumbeng nga alaen ti kanenda sa ipurruak kadagiti aso.”
28“Agpayso ta kunam, Apo,” kinuna ti babai, “ngem dagiti aso nga adda iti sirok ti lamisaan kanenda met dagiti regreg dagiti ubbing.”
29Kinuna ni Jesus, “Gapu iti daytoy a panagsaom, mabalinmon ti agawid. Pimmanawen ti dakes nga espiritu iti anakmo!”
30Nagawid ngarud ti babai ket nasangpetanna ti anakna nga agid-idda a sitatalna, ta pudno a pimmanawen ti demonio kenkuana.
Paimbagen ni Jesus ti Lalaki a Tuleng ken Umel
31Pimmanaw ni Jesus iti beddeng ti Tiro. Nagna idiay Sidon ket nanglikaw iti sakup ti Decapolis agingga a dimteng iti Dan-aw ti Galilea. 32Inyeg dagiti tattao ken ni Jesus ti maysa a lalaki a tuleng ken umel ket nagpakpakaasida kenkuana nga ipatayna ti imana iti lalaki. 33Inyadayo ni Jesus ti lalaki kadagiti tattao. Idi agwaywayasdan insullatna dagiti tammudona kadagiti lapayag ti lalaki. Kalpasanna, timmupra sana sinagid ti dila ti lalaki. 34Tinangad ni Jesus ti langit, nagsennaay sana kinuna iti lalaki, “Efata,” (kayatna a sawen, “Maluktanka”). 35Dagus a nakangngeg ti lalaki, limmukay ti dilana ket saanen a marigatan nga agsao.
36Imbilin ni Jesus kadagiti tattao a dida ipadpadamag daytoy iti siasinoman; ngem no kasano ti panangigunamgunamna a dida isarsarita, ad-adda pay ti gagarda a nangipadpadamag.
37Napalalo ti siddaaw dagiti amin a nakangngeg iti daytoy a damag. Kinunkunada, “Nagsayaat ketdin ti amin nga aramidna! Agasanna dagiti tuleng ken dagiti umel ket makangngeg ken makasaoda manen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society