उत्पत्ती 5
5
आदम आ चच युइ
१इतिहास १:१-४
1एको आदम आ चच, युइ बाक्नीम। परमप्रभुमी मुर सेलानु, आ खोदेंशो पा सेला बाक्त। लूका ३:३७-३८; उत्पत्ती १:२७ 2वोंइश मुर का नु मीश मुर का सेला बाक्त। मिनु मेको आस कली आसीक गेशा, आस नें मुर वोंइसी बाक्त। 3मिनु आदम सहे का ३० बर्स दुम्मेनु, आ खोदेंशो तौ का थिमाक्त। मिनु मेको कली सेथ नें वोदा बाक्त। भजन संग्रह ५१:७; १कोरिन्थी १५:४५ 4सेथ थिशा नोले आदम ८ सहे बर्स ब्रोंइमाक्त। अरु तमी तौ यो थिमाक्त। 5मिनु आदम नेल्ल पा ९ सहे ३० बर्स ब्रोंइशा बेक्माक्त।
6मिनु सेथ सहे का ५ बर्स दुम्मेनु, तौ का थिमाक्त। मेको कली एनोश नें वोदा बाक्त। 7एनोश थिशा नोले ८ सहे ७ बर्स ब्रोंइमाक्त। अरु तमी तौ यो थिमाक्त। 8मिनु सेथ नेल्ल पा ९ सहे १२ बर्स ब्रोंइशा बेक्माक्त।
9मिनु एनोश ९० बर्स दुम्मेनु, तौ का थिमाक्त। मेको कली केनान नें वोदा बाक्त। 10केनान थिशा नोले ८ सहे १५ बर्स ब्रोंइमाक्त। अरु तमी तौ यो थिमाक्त। 11मिनु एनोश नेल्ल पा ९ सहे ५ बर्स ब्रोंइशा बेक्माक्त।
12मिनु केनान ७० बर्स दुम्मेनु, तौ का थिमाक्त। मेको कली मा-हालालेल नें वोदा बाक्त। 13केनान मा-हालालेल थिशा नोले ८ सहे ४० बर्स ब्रोंइमाक्त। अरु तमी तौ यो थिमाक्त। 14मिनु केनान नेल्ल पा ९ सहे १० बर्स ब्रोंइशा बेक्माक्त।
15मिनु मा-हालालेल ६५ बर्स दुम्मेनु, तौ का थिमाक्त। मेको कली यरेद नें वोदा बाक्त। 16यरेद थिशा नोले ८ सहे ३० बर्स ब्रोंइमाक्त। अरु तमी तौ यो थिमाक्त। 17मिनु मा-हालालेल नेल्ल पा ८ सहे ९५ बर्स ब्रोंइशा बेक्माक्त।
18मिनु यरेद सहे का ६२ बर्स दुम्मेनु, तौ का थिमाक्त। मेको कली हनोक नें वोदा बाक्त। 19यरेद हनोक थिशा नोले ८ सहे बर्स ब्रोंइमाक्त। अरु तमी तौ यो थिमाक्त। 20मिनु यरेद नेल्ल पा ९ सहे ६२ बर्स ब्रोंइशा बेक्माक्त।
21मिनु हनोक ६५ बर्स दुम्मेनु, तौ का थिमाक्त। मेको कली मेथुसेलाह नें वोदा बाक्त। हनोक कली हिब्रू लोव़मी एनोक देंनीम। 22हनोक आ थुंमी परमप्रभु आ नेक्था बाक्शो बाक्माक्त। हनोक मेथुसेलाह थिशा नोले सहे सां बर्स ब्रोंइमाक्त। अरु तमी तौ यो थिमाक्त। उत्पत्ती ६:९ 23मिनु हनोक नेल्ल पा सहे सां ६५ बर्स दुम्माक्त। 24हनोक परमप्रभु नु गाक्बाक्माक्त। मिनु परमप्रभुमी हनोक कली आ बाक्तीक लदा बाक्त। मुरपुकीम हनोक कली माल्शा, मथिदमे बाक्त। २राजा २:११; हिब्रू ११:५
25मिनु मेथुसेलाह सहे का ८७ बर्स दुम्मेनु, तौ का थिमाक्त। मेको कली लमेक नें वोदा बाक्त। 26मेथुसेलाह लमेक थिशा नोले ७ सहे ८२ बर्स ब्रोंइमाक्त। अरु तमी तौ यो थिमाक्त। 27मिनु मेथुसेलाह नेल्ल पा ९ सहे ६९ बर्स ब्रोंइशा बेक्माक्त।
28मिनु लमेक सहे का ८२ बर्स दुम्मेनु, तौ का थिमाक्त। 29मेको कली नोआह नें वोदा बाक्त। मेको नें आ अर्थ थुं बारपाइक्तीक बाक्ब। मिनु लमेकमी “परमप्रभु यावेमी खप कली सराप पाप्तु। आं तौ रूम गेय पपाइक्तीके श्येत रे प्रोंइब बाक्ब” देंमाक्त। उत्पत्ती ३:१७-१९ 30लमेक नोआह थिशा नोले ५ सहे ९५ बर्स ब्रोंइमाक्त। अरु तमी तौ यो थिमाक्त। 31मिनु लमेक नेल्ल पा ७ सहे ७७ बर्स ब्रोंइशा बेक्माक्त।
32मिनु नोआह ५ सहे बर्स दुम्मेनु, शेम हाम नु यफेथ थीमी बाक्त।
Currently Selected:
उत्पत्ती 5: susz
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
