मर्कूस 7
7
साइ ङा पतीके आ पर्बम शेंशो
मत्ती १५:१-२०
1फरिसीपुकी नु सास्त्री का निक्शी यरूसलेम रे यिशा, येसु आ बाक्तीकेम जाक्मा बाक्त। 2मिनु काथा बाक्मानु, येसु आ शेंसीबपुकीमी गुइ मचिक्थु जशो तामे बाक्त। 3फरिसी नु यहूदी नेल्लेमी गुइ मचिक्थु मजाइनीम। आन जोक्ब तुइक्ब खाल्पापुकीमी वोइश्शो पतीके नेल्ल पाइनीम। 4बजार लशा लेश्शा, खिं जाक्शा, चोव़खेसीशा ला जाइनीम। कचौरा, लोटा, गाग्री, नित्तीके नेल्ल चोव़खेचा माल्ब। मेको मोदेंशो पतीके शुश पाइनीम। मत्ती २३:२५ 5मोपतीके येसु आ शेंसीबपुकीमी गुइ मचिक्थु जशो तशा, येसु कली “इन शेंसीबपुकीमी किकी पिपीमी वोइश्शो रिती थिती मारदे मपाइनीमी? मचोव़खेसीथु गुइ मचिक्थु जाइबाक्तेक्म” दे मदमे बाक्त। 6मिनु येसुमी मेको आन कली “गे कपटीपुकी, यसैयामी पशो नोले दुम्ब लोव़ इन कली गारमाक्त। मार ब्रेक्शो बाक्त देंशा हना ‘मेकोपुकीमी शोव़ रे पा ला आं कली मान पाइनीम। आन थुंमी चहिं मदाक्नीम, आं देंशो यो मपाइनीम। यसैया २९:१३ 7आं कली सेउ पखु पा, परमप्रभु यावे आ लोव़ बाक्त, दे शेंनीमी, तन्न मुरुमी मिम्शो ला शेंनीम’ दे ब्रेक्शो बाक्त। यसैया २९:१३ 8परमप्रभु यावे आ अरेशो लोव़ प्रोंइशा, मुरुमी वोइश्शो पतीके पाइनीनी” दे माइक्मी बाक्त। 9मिनु लोव़ बोइश्शा “गिश जोक्ब तुइक्ब ननी। परमप्रभु यावे आ देंशो शेंचा प्रोंइशा, आंम सेल्शो इन पतीके ला शेंनीनी। 10मोसामी ब्रेक्शो लोव़ का ‘आम आफ आस कली मान पचा’ मिनु लोव़ का ‘सु सुमी आम आफ आस कली मरिम्शो लोव़ पामे, मेकोपुकी साइक्चा पुंइसमल’ दे ब्रेक्शो बाक्त। प्रस्थान २०:१२; प्रस्थान २१:१७ 11गेपुकीमी चहिं सुमी आम आफ आस कली ‘इन कली गेचा माल्शो थोव़क लाइश्शा, कुरबन कली गेता’ दे माइक्बा, मेकोमी आम आफ आस कली मारेइ गेचा ममाल्ब दे शेंनीनी। ‘कुरबन गेता’ देंशो चहिं ‘परमप्रभु कली गेता’ देंशो रुम्सीब। 12मोपा इन शेंतीक लोव़मी आम आफ आस कली वारच पचा तेक्नीनी। 13इन वोइश्शो रिती थितीमी परमप्रभु यावे आ देंशो टिचा प्रोंइपाइक्नीनी। मिनु मोदेंशो कपटी गेय शुश पाइनीनी” दे हुइक्तीमी बाक्त।
ग्रांग्रा दिशो सेल्ब थोव़क
14मिनु येसुमी मुर आन कली लेंशा ब्रेश्शा “गे नेल्लेमी नोफा दाइश्शा नेंशा रुपीने। 15लाङगा रे ओव़शो थोव़कीमी मुर कली ग्रांग्रा दिशो सेल्ने मचाप्ब। मुर रे ग्रूशो थोव़कीमी चहिं मुर कली ग्रांग्रा दिशो सेल्ब। प्रेरित १०:१४-१५ 16सु के नेंब नोफा बाक्मे, मेकोमी नेंनल” दे शेंदीमी बाक्त। मर्कूस ४:२३ 17मिनु मुर आन कली प्रोंइशा, खिं ओव़मेनु, आ शेंसीबपुकीमी “इन शेंशो लोव़ थमा पा मार रुम्सीबा?” दे हिल्लो पामे बाक्त। 18मिनु येसुमी “मार, गे यो एको लोव़ मरुप्नी? लाङगा रे ओव़शो थोव़कीमी मुर कली ग्रांग्रा दिशो सेल्ने मचाप्ब, 19मारदे हना मुर आ थुंमी मओव़ब। आ कोव़जीम ओव़शा ग्रिम्शा, क्यी लां पा ग्रूब, दे मतुइक्नीनी?” दे शेंदीमी बाक्त। मो देंशोमी जचा थोव़क नेल्ल ग्रांग्रा मबाक्नीम, दे शेंदा बाक्त। 20मिनु मेकोमी “मुर रे मार ग्रूबा, मेकोमी मुर कली ग्रांग्रा दिशो सेल्ब। 21मुर आ थुं रे दोदेंशो ग्रांग्रा दितीके ग्रूब देंशा हना, तेल्लेम पचा, खुइ पचा, साइक्चा, 22ग्युंबे पशो मुर अर्को नु इप्चा, शिंम पचा, जोल पचा, गेहे पचा, नें तोक्चा, ठेयब लेत्चा, ममिम्थु गेय पचा। 23मोदेंशो पतीके मुर आ थुंम बाक्ब। मेको ग्रूशा, मुर कली ग्रांग्रा दिशो सेल्ब” दे शेंदीमी बाक्त।
सुरोफोनीसीया ङा मीश मुर
मत्ती १५:२१-२८
24मिनु बोक्शा, मेकेर रे टायर नु सीदोन गे लशा, खिं का ओव़माक्त। सुइमी मतुइक्तमेक्ल देंत हना यो, ख्रुइश्शा बाक्ने मचबा बाक्त। 25मिनु ग्रांग्रा दिचा ङा वोलम सुम्शो आइक्च आल आ ममामी “येसु जाक्माक्त” देंशो नेंशा, येसु आ बाक्तीके जाक्दीम्माक्त। 26मेको मीश मुर अर्को रागी ङा, सुरोफोनीसीयामी जरमेशो ङा बाक्माक्त। मिनु मेको जाक्शा, येसु आ ङोंइती खुम्की पा बाप्शा “आं तमी रे वोल ग्रुंइदीने” दे पुना बाक्त। 27मिनु येसुमी “ङोंइती आल आन कली थुल्चा माल्ब। आल आन कली गेचा माल्शो शोब्ले कुचुम आन कली गेचा मदुम्ब” दे मदा बाक्त। 28मिनु मेको मीश मुरुमी “मदुम्ब, प्रभु, तन्न कुचुमपुकीमी यो आलपुकीमी तोक्शो शोब्ले जचा ताइनीम” देंमाक्त। 29मिनु येसुमी “इ मो देंतीके इ पुंइशो गेतन। वोल इ तमी रे ग्रूत” दे मदा बाक्त। 30मिनु आ खिं लेश्शा जाक्मेनु, वोल ग्रूशा, आल सेस दुम्शा इप्शो बाक्माक्त।
नोफा मनेंब कली सापाइश्शो
31मिनु टायर रे लेश्शा, सीदोन नु डेकापोलीस सहर दाते लां पा लशा, गालील ङा समुन्द्र जाक्दीम्माक्त। मत्ती १५:२९-३१; मर्कूस ५:२० 32मिनु नोफा मनेंब मुर का चाक्शा “एको तार इन गुइ वोतीने” दे पुन्मे बाक्त। 33मिनु येसुमी मेको नोफा मनेंब कली हुल रे फ्राशा लदा बाक्त। मिनु आ ब्रेप्चो मुर आ नोफामी ओंइशा, थुथु पा तोक्शा, नाक्चुकमी आ लें थिशा, 34सरीङ गे कोव़शा, लाइश्शो सोक्त कीशा “हेफाता” दे मदा बाक्त। मेको चहिं “रोक्सो” देंशो रुम्सीब। 35मिनु आ नोफा रोक्सीशा, नोफा नेंब दुम्माक्त। आ लें लोक्सीशा, लोव़ पाइब दुम्माक्त। 36मिनु “सुइ आन कली मशेंदीने” दे माइक्मी बाक्त। मशेंदीने माइक्मी बाक्त हना यो, मेकोपुकीमी तेइ तेइ शेंना शेंन गाक्मा बाक्त। मर्कूस १:४३-४५ 37मिनु आ लोव़ नेंबपुकी थाम्पा छक लाक्शा “मेकोमी नेल्ल रिम्शो सेल्बाक्त। नोफा मनेंब आन कली नोफा नेंब सेल्बाक्त। लोव़ पस मजोक्ब आन कली लोव़ पाइब सेल्बाक्त” देंमा बाक्त।
Currently Selected:
मर्कूस 7: susz
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
मर्कूस 7
7
साइ ङा पतीके आ पर्बम शेंशो
मत्ती १५:१-२०
1फरिसीपुकी नु सास्त्री का निक्शी यरूसलेम रे यिशा, येसु आ बाक्तीकेम जाक्मा बाक्त। 2मिनु काथा बाक्मानु, येसु आ शेंसीबपुकीमी गुइ मचिक्थु जशो तामे बाक्त। 3फरिसी नु यहूदी नेल्लेमी गुइ मचिक्थु मजाइनीम। आन जोक्ब तुइक्ब खाल्पापुकीमी वोइश्शो पतीके नेल्ल पाइनीम। 4बजार लशा लेश्शा, खिं जाक्शा, चोव़खेसीशा ला जाइनीम। कचौरा, लोटा, गाग्री, नित्तीके नेल्ल चोव़खेचा माल्ब। मेको मोदेंशो पतीके शुश पाइनीम। मत्ती २३:२५ 5मोपतीके येसु आ शेंसीबपुकीमी गुइ मचिक्थु जशो तशा, येसु कली “इन शेंसीबपुकीमी किकी पिपीमी वोइश्शो रिती थिती मारदे मपाइनीमी? मचोव़खेसीथु गुइ मचिक्थु जाइबाक्तेक्म” दे मदमे बाक्त। 6मिनु येसुमी मेको आन कली “गे कपटीपुकी, यसैयामी पशो नोले दुम्ब लोव़ इन कली गारमाक्त। मार ब्रेक्शो बाक्त देंशा हना ‘मेकोपुकीमी शोव़ रे पा ला आं कली मान पाइनीम। आन थुंमी चहिं मदाक्नीम, आं देंशो यो मपाइनीम। यसैया २९:१३ 7आं कली सेउ पखु पा, परमप्रभु यावे आ लोव़ बाक्त, दे शेंनीमी, तन्न मुरुमी मिम्शो ला शेंनीम’ दे ब्रेक्शो बाक्त। यसैया २९:१३ 8परमप्रभु यावे आ अरेशो लोव़ प्रोंइशा, मुरुमी वोइश्शो पतीके पाइनीनी” दे माइक्मी बाक्त। 9मिनु लोव़ बोइश्शा “गिश जोक्ब तुइक्ब ननी। परमप्रभु यावे आ देंशो शेंचा प्रोंइशा, आंम सेल्शो इन पतीके ला शेंनीनी। 10मोसामी ब्रेक्शो लोव़ का ‘आम आफ आस कली मान पचा’ मिनु लोव़ का ‘सु सुमी आम आफ आस कली मरिम्शो लोव़ पामे, मेकोपुकी साइक्चा पुंइसमल’ दे ब्रेक्शो बाक्त। प्रस्थान २०:१२; प्रस्थान २१:१७ 11गेपुकीमी चहिं सुमी आम आफ आस कली ‘इन कली गेचा माल्शो थोव़क लाइश्शा, कुरबन कली गेता’ दे माइक्बा, मेकोमी आम आफ आस कली मारेइ गेचा ममाल्ब दे शेंनीनी। ‘कुरबन गेता’ देंशो चहिं ‘परमप्रभु कली गेता’ देंशो रुम्सीब। 12मोपा इन शेंतीक लोव़मी आम आफ आस कली वारच पचा तेक्नीनी। 13इन वोइश्शो रिती थितीमी परमप्रभु यावे आ देंशो टिचा प्रोंइपाइक्नीनी। मिनु मोदेंशो कपटी गेय शुश पाइनीनी” दे हुइक्तीमी बाक्त।
ग्रांग्रा दिशो सेल्ब थोव़क
14मिनु येसुमी मुर आन कली लेंशा ब्रेश्शा “गे नेल्लेमी नोफा दाइश्शा नेंशा रुपीने। 15लाङगा रे ओव़शो थोव़कीमी मुर कली ग्रांग्रा दिशो सेल्ने मचाप्ब। मुर रे ग्रूशो थोव़कीमी चहिं मुर कली ग्रांग्रा दिशो सेल्ब। प्रेरित १०:१४-१५ 16सु के नेंब नोफा बाक्मे, मेकोमी नेंनल” दे शेंदीमी बाक्त। मर्कूस ४:२३ 17मिनु मुर आन कली प्रोंइशा, खिं ओव़मेनु, आ शेंसीबपुकीमी “इन शेंशो लोव़ थमा पा मार रुम्सीबा?” दे हिल्लो पामे बाक्त। 18मिनु येसुमी “मार, गे यो एको लोव़ मरुप्नी? लाङगा रे ओव़शो थोव़कीमी मुर कली ग्रांग्रा दिशो सेल्ने मचाप्ब, 19मारदे हना मुर आ थुंमी मओव़ब। आ कोव़जीम ओव़शा ग्रिम्शा, क्यी लां पा ग्रूब, दे मतुइक्नीनी?” दे शेंदीमी बाक्त। मो देंशोमी जचा थोव़क नेल्ल ग्रांग्रा मबाक्नीम, दे शेंदा बाक्त। 20मिनु मेकोमी “मुर रे मार ग्रूबा, मेकोमी मुर कली ग्रांग्रा दिशो सेल्ब। 21मुर आ थुं रे दोदेंशो ग्रांग्रा दितीके ग्रूब देंशा हना, तेल्लेम पचा, खुइ पचा, साइक्चा, 22ग्युंबे पशो मुर अर्को नु इप्चा, शिंम पचा, जोल पचा, गेहे पचा, नें तोक्चा, ठेयब लेत्चा, ममिम्थु गेय पचा। 23मोदेंशो पतीके मुर आ थुंम बाक्ब। मेको ग्रूशा, मुर कली ग्रांग्रा दिशो सेल्ब” दे शेंदीमी बाक्त।
सुरोफोनीसीया ङा मीश मुर
मत्ती १५:२१-२८
24मिनु बोक्शा, मेकेर रे टायर नु सीदोन गे लशा, खिं का ओव़माक्त। सुइमी मतुइक्तमेक्ल देंत हना यो, ख्रुइश्शा बाक्ने मचबा बाक्त। 25मिनु ग्रांग्रा दिचा ङा वोलम सुम्शो आइक्च आल आ ममामी “येसु जाक्माक्त” देंशो नेंशा, येसु आ बाक्तीके जाक्दीम्माक्त। 26मेको मीश मुर अर्को रागी ङा, सुरोफोनीसीयामी जरमेशो ङा बाक्माक्त। मिनु मेको जाक्शा, येसु आ ङोंइती खुम्की पा बाप्शा “आं तमी रे वोल ग्रुंइदीने” दे पुना बाक्त। 27मिनु येसुमी “ङोंइती आल आन कली थुल्चा माल्ब। आल आन कली गेचा माल्शो शोब्ले कुचुम आन कली गेचा मदुम्ब” दे मदा बाक्त। 28मिनु मेको मीश मुरुमी “मदुम्ब, प्रभु, तन्न कुचुमपुकीमी यो आलपुकीमी तोक्शो शोब्ले जचा ताइनीम” देंमाक्त। 29मिनु येसुमी “इ मो देंतीके इ पुंइशो गेतन। वोल इ तमी रे ग्रूत” दे मदा बाक्त। 30मिनु आ खिं लेश्शा जाक्मेनु, वोल ग्रूशा, आल सेस दुम्शा इप्शो बाक्माक्त।
नोफा मनेंब कली सापाइश्शो
31मिनु टायर रे लेश्शा, सीदोन नु डेकापोलीस सहर दाते लां पा लशा, गालील ङा समुन्द्र जाक्दीम्माक्त। मत्ती १५:२९-३१; मर्कूस ५:२० 32मिनु नोफा मनेंब मुर का चाक्शा “एको तार इन गुइ वोतीने” दे पुन्मे बाक्त। 33मिनु येसुमी मेको नोफा मनेंब कली हुल रे फ्राशा लदा बाक्त। मिनु आ ब्रेप्चो मुर आ नोफामी ओंइशा, थुथु पा तोक्शा, नाक्चुकमी आ लें थिशा, 34सरीङ गे कोव़शा, लाइश्शो सोक्त कीशा “हेफाता” दे मदा बाक्त। मेको चहिं “रोक्सो” देंशो रुम्सीब। 35मिनु आ नोफा रोक्सीशा, नोफा नेंब दुम्माक्त। आ लें लोक्सीशा, लोव़ पाइब दुम्माक्त। 36मिनु “सुइ आन कली मशेंदीने” दे माइक्मी बाक्त। मशेंदीने माइक्मी बाक्त हना यो, मेकोपुकीमी तेइ तेइ शेंना शेंन गाक्मा बाक्त। मर्कूस १:४३-४५ 37मिनु आ लोव़ नेंबपुकी थाम्पा छक लाक्शा “मेकोमी नेल्ल रिम्शो सेल्बाक्त। नोफा मनेंब आन कली नोफा नेंब सेल्बाक्त। लोव़ पस मजोक्ब आन कली लोव़ पाइब सेल्बाक्त” देंमा बाक्त।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.