Lukase 8
8
Arnanik, Jêsusemik maliktunik. Adsiujomik karngasuijomik. Jêsusib anânangata ᴋatangutingitalo kinauninginik. Imab ikubliartitauninganik. Jêsusib âᴋêninganik Sâtanaselingmik, arnamiglo auᴋatsainartomik. Jaîrusib paningata ômartitauninganik.
1Mattoma kingorngagut arvertarpok iglugasaksoatigut iglugasaktigullo, oᴋautsit tussarnertut Gûdib nâlegauvinganik oᴋautigivlugit, ipkoalo 12 it illagivât.
2Arnallo ilangit illaugivut, pijungnaititangit anerniâlungnit ᴋanimasinillo, tagva Marîa, Magdalênamik taijak, Sâtanasêrutijaujok 7 nik;
3Johannalo, Kusab, Herôdesib pimaklertingata, nulianga: Susannalo, assingillo unuktut; taipkoa perᴋutimingnit tunijivut tâpsomunga.
4Inugasaksuille katilermatta, iglugasaksoarnillo tamainit katsungaitomik nelipsarmatsuk, adsiujutigut oᴋautjilerpok:
5Karngasoijok karngasoijartorpok karngasûtiminik; karngasoitilugolo, ilangit apᴋosinermut katakput, tullerajartauvlutiglo, tingmitjallo ᴋilaub atânêtut pukumalukpait.
6Ilangillo ᴋairtomut (ivjokitomut) katakput; nuileramiglo ᴋunorlersârput, ipteᴋanginamik.
7Ilangillo katakput ukpigait kakilautilit akornganut; ukpigaillo kakilautilit peroramik, toᴋopait.
8Ilangillo katakput nunamut ivjoriktomut, nuilerutiglo perorlarmiglo karngasutiksaᴋalerput sulugainermingne 100 nik. Taimâk oᴋarame, niplialerpok: Tussâjungnik siutilik tussarle!
9Ilinniartingitale aperivât oᴋarlutik: Adsiujok una ᴋanok tukkilîk?
10Kiovaille: Ilipse Gûdib nâlegauviata nelonarninganik ᴋaujititaugalloarpose; assisele oᴋautjauvut adsiujutigut, takogalloardlutik takoᴋonagit, tussaralloardlutiglo tussarᴋonagit.
11Tamannale adsiujub tukkinga: Karngasûtiksat tagva Gûdib oᴋausingit.
12Apᴋosiniub sanianêtut, tâpkoangovut, tussartut tamakkoninga; kingorngagut Sâtanasib tâva oᴋautsit pêjariartorpait ômatinginit, okperᴋonagit piulijauᴋonagillo.
13Kairtomêtulle, tâpkoangovut, tamakkoninga tussarunik, ᴋuviasuklutik ilaliortut; tâpkoale amâᴋangilat; anikitomik okperput, kappianartoᴋalerangalle, katakput.
14Ukpigaille kakilautilit akornganut kataktut, tâpkoangovut, tamakkoninga tussartut, inôtsible siaklernarningane, akluitsomaninganelo, ikliguninginelo pijut, ipidlarpullo, sulugaineᴋtâratiglo sanaugaksatalingnik.
15Ivjoriktomulle pijut, tâpkoangovut, oᴋautsinik tussartut, torᴋorlugillo ômamingne idluartome, sulugaineᴋtârlutiglo sanaugaksatalingnik ᴋenuêdlutik.
16Ikitsijoᴋangilak nennergoamik, ᴋattaujab iksivautablônêt atânut ilivlugo; nennergoable ininganut ilivâ, itertunut takojauᴋovlugo nennergoak.
17Sagvangitoᴋangilak sakᴋertitauniangitomik, angigutjuteᴋangilarlo ᴋaujijauniangitomik.
18Tamanna pivlugo tussartase tussâtsiarsigik. Peᴋartok tunitjivioniarpok; peᴋangitorle aᴋsârtauniarpok piginasugijanganik.
19Anânangale ᴋatangutingillo tagvunga aivut, tikitsungnangilâlle inuit pivlugit.
20Ilangitalo oᴋautivât: Anânavît ᴋatangutivîllo silatânêtut takojomavâtit.
21Kiovlunele oᴋautivait: Anânaga ᴋatangutikka tâpkoangovut, Gûdib oᴋausinginik tussartut maliklugillo.
22Uvlullo illangane, ilinniartine illagilugit umiamut ikigame, oᴋautivait: Tesseᴋsûb akianut ikârta! Aulalerput tagva.
23Umiaᴋtoleramiglo, (Jêsuse) sinilerpok. Ulajutjeradlalerporle tesseᴋsoarme, mallillo umiak itibjuavlugo pivât, nangiadlarpullo.
24Tagva ᴋanilerpât, tupârdlugolo oᴋautivât: Ajoᴋertuijok, ajoᴋertuijok, sutairpogut! Tagva makipok, anorelo imablo malidlarningit inerterpait; sorairpullo, ikublialilarmelo.
25Oᴋautivaille: Okpernise naûk? Tâpkoale erᴋsidlarput, tataminiarlarmiglo ingmingnut oᴋarput: Kina unâ? Inertermagik, anorib imablo nâlekpâk.
26Umiakullo ingergavut Gadarênerit nunanganut pilutik, Galilêab akianêtomut.
27Niungmallo nunamut, angut pâksivok Jêsusemik, iglugasaksoarnit pijok, sâtanasinik ilumiktoᴋ itsanit; tâmna annorânik atungilak, iglomelo ᴋikajuipok, iluvine kissiane.
28Jêsusele takogamiuk, nipliadlarpok, pâmaktervigivlugolo nipperᴋortovlune oᴋarpok: Suniarpagît, Jêsuse, Gûdib ᴋotsingnerojub Erningâ? Tuksiarpagit, kappiasuktiniarnanga!
29Anernek maᴋojungnartok anerᴋungmago inungmit tâpsomangat; akunêrtoksoarmik kappiasuktilaungmago. ᴋelaksortaulaukporlo ᴋelaumgujanut, parngnanairsûtinullo; ᴋelaksûtille kiktorâvait, Sâtanasiblo aularutivâ inuᴋangitomut.
30Jêsusiblo aperivâ, oᴋarlune: Kinauvêt? Kiovok: Legiônemik ateᴋarpunga. Sâtanasit unuktut pulamavigilaungmatsuk.
31Tuksiarvigivâllo, itijomut aulartitaujomanatik.
32Tagvanele kuingêngigasaksoaᴋarpok nerrijunik ᴋakᴋame. Tuksiarvigivâllo, tâpkonunga pularᴋojaujomavlutik. Perᴋovaillo.
33Sâtanasit tâva anivut inungmit tâpsomangat, kuingênginullo pulavut, kuingêngigasaksuillo pangaliklutik ingmingnik ijukkâdlarput imânut, ipivlutiglo.
34Mianersijulle tamanna takogamitsuk, ᴋemâvut, iglogasaksoarmiunullo iglogasangmiunullo tamanna oᴋautigijartorpât.
35Tagva takojartoramitsuk tamanna, Jêsuse tikipât, inuglo sâtanasêrutjaujok naipipât, annorâlijalertok silatovlune iksivajok Jêsusib itigangita sângane; erᴋsivlutiglo.
36Tamakkoningalo takolauktut oᴋautivait sâtanaseᴋalauktub pijungnaititauninganik.
37Inugasaksuillo Gadarênerit ilûnamatsiatik tamattomalo erᴋânêtut tuksiarpât, ᴋemaktigijomavlugo, erᴋsidlaramik. Umiamullo ikivok utermilunelo.
38Angutible sâtanasêrutjaujok tuksiarvigivâ, najoromavlugo. Jêsusible aularᴋovâ oᴋarlune:
39Iglungnut angergarit, pitsiarvionîlle Gûdemut oᴋautigileruk. Aularporlo, iglugasaksoarmiunullo tamainut oᴋâlalerpok pitsiarvionerminik angijomik Jêsusemut.
40Jêsuselo utermat, inuit illaliorpât, ilûnatik utaᴋigamitsuk.
41Ahâglo, katimaviub angajoᴋângita ilangat Jaîrusemik atilik tikipok, pâmakterlunelo Jêsusib itiganginut; tuksiarvigivlugolo iglominut iterᴋovâ.
42Panetuaᴋarame, jârelingmik 12 nik, tâmna Toᴋokasâkpok. Tagvungalo (Jêsuse) aitilugo, inugasaksuit igvikliortipât.
43Arnarlo, jârinik 12 nik auᴋatsainarpok; tâpsoma perᴋutine tamaita nungulaukpait âniasiortinut, pijungnaititaujungnangilarlo kimullônêt.
44Tagva Jêsuse annorângata sinâgut aktoriartorpâ tunuanit; tagvainarlo aunga kigikpok.
45Jêsuselo oᴋarpok: Kia aktorpângâ? Ilûnatigle misiarmatta, Pêtruse najortingillo oᴋarput: Ajoᴋertuijok, inuit tatidlalarpillo igvikliortipâtit; oᴋarpotillo: Kia aktorpângâ?
46Jêsusele oᴋarpok: Aktortauvunga; misigigapkok pitsartunek uvamnit anisimangmat.
47Tagva arnab tamanna angigutjutigijungnanginamiuk, sajuklune pâmaktervigijartorpâ, inuillo ilûnatik tussartilugit unipkârpok suna pivlugo aktulauramiuk pijungnaisârnerminiglo.
48Jêsusible oᴋautivâ: Paniga, manigolerit, okpernivît pijungnaitipâtit; ulapirsauteᴋarlutit aularit.
49Sulle taimâk oᴋartilugo, katimaviub angajoᴋângata kivgangita illangat tikipok oᴋautilâllo: Panît toᴋovok; ajoᴋertuijok pagvisârniarnago.
50Jêsusible tamanna tussaramiuk, kiovâ oᴋautivlugolo: Erᴋsiniarnak; okpituinarit, ᴋanoetsungnailârpok tagva.
51Iglunganulle iterame, assingit iterᴋongilait, Pêtruse, Jakôbuselo, Johanneselo, niviarsiablo atâtanga kissêta iterᴋovait.
52Ilûnatigle ᴋeavut, ogguarivlugo. Jêsusele oᴋarpok: ᴋeanase; toᴋungilak, sinikporle.
53Ijoridlarpâllo toᴋojomik nalungikalloaramik.
54Tamaitale anitipait, aggangitigullo tiguvâ, nipliavlunelo oᴋarpok: Niviarsiak makitit!
55Anerningatalo utervigivâ, makisârporlo. Nerrititauᴋovâlo.
56Angajoᴋâgiglo tataminiadlarpuk. Inerterpaille, oᴋâlaᴋonagit inungnut tamattominga.
Currently Selected:
Lukase 8: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Lukase 8
8
Arnanik, Jêsusemik maliktunik. Adsiujomik karngasuijomik. Jêsusib anânangata ᴋatangutingitalo kinauninginik. Imab ikubliartitauninganik. Jêsusib âᴋêninganik Sâtanaselingmik, arnamiglo auᴋatsainartomik. Jaîrusib paningata ômartitauninganik.
1Mattoma kingorngagut arvertarpok iglugasaksoatigut iglugasaktigullo, oᴋautsit tussarnertut Gûdib nâlegauvinganik oᴋautigivlugit, ipkoalo 12 it illagivât.
2Arnallo ilangit illaugivut, pijungnaititangit anerniâlungnit ᴋanimasinillo, tagva Marîa, Magdalênamik taijak, Sâtanasêrutijaujok 7 nik;
3Johannalo, Kusab, Herôdesib pimaklertingata, nulianga: Susannalo, assingillo unuktut; taipkoa perᴋutimingnit tunijivut tâpsomunga.
4Inugasaksuille katilermatta, iglugasaksoarnillo tamainit katsungaitomik nelipsarmatsuk, adsiujutigut oᴋautjilerpok:
5Karngasoijok karngasoijartorpok karngasûtiminik; karngasoitilugolo, ilangit apᴋosinermut katakput, tullerajartauvlutiglo, tingmitjallo ᴋilaub atânêtut pukumalukpait.
6Ilangillo ᴋairtomut (ivjokitomut) katakput; nuileramiglo ᴋunorlersârput, ipteᴋanginamik.
7Ilangillo katakput ukpigait kakilautilit akornganut; ukpigaillo kakilautilit peroramik, toᴋopait.
8Ilangillo katakput nunamut ivjoriktomut, nuilerutiglo perorlarmiglo karngasutiksaᴋalerput sulugainermingne 100 nik. Taimâk oᴋarame, niplialerpok: Tussâjungnik siutilik tussarle!
9Ilinniartingitale aperivât oᴋarlutik: Adsiujok una ᴋanok tukkilîk?
10Kiovaille: Ilipse Gûdib nâlegauviata nelonarninganik ᴋaujititaugalloarpose; assisele oᴋautjauvut adsiujutigut, takogalloardlutik takoᴋonagit, tussaralloardlutiglo tussarᴋonagit.
11Tamannale adsiujub tukkinga: Karngasûtiksat tagva Gûdib oᴋausingit.
12Apᴋosiniub sanianêtut, tâpkoangovut, tussartut tamakkoninga; kingorngagut Sâtanasib tâva oᴋautsit pêjariartorpait ômatinginit, okperᴋonagit piulijauᴋonagillo.
13Kairtomêtulle, tâpkoangovut, tamakkoninga tussarunik, ᴋuviasuklutik ilaliortut; tâpkoale amâᴋangilat; anikitomik okperput, kappianartoᴋalerangalle, katakput.
14Ukpigaille kakilautilit akornganut kataktut, tâpkoangovut, tamakkoninga tussartut, inôtsible siaklernarningane, akluitsomaninganelo, ikliguninginelo pijut, ipidlarpullo, sulugaineᴋtâratiglo sanaugaksatalingnik.
15Ivjoriktomulle pijut, tâpkoangovut, oᴋautsinik tussartut, torᴋorlugillo ômamingne idluartome, sulugaineᴋtârlutiglo sanaugaksatalingnik ᴋenuêdlutik.
16Ikitsijoᴋangilak nennergoamik, ᴋattaujab iksivautablônêt atânut ilivlugo; nennergoable ininganut ilivâ, itertunut takojauᴋovlugo nennergoak.
17Sagvangitoᴋangilak sakᴋertitauniangitomik, angigutjuteᴋangilarlo ᴋaujijauniangitomik.
18Tamanna pivlugo tussartase tussâtsiarsigik. Peᴋartok tunitjivioniarpok; peᴋangitorle aᴋsârtauniarpok piginasugijanganik.
19Anânangale ᴋatangutingillo tagvunga aivut, tikitsungnangilâlle inuit pivlugit.
20Ilangitalo oᴋautivât: Anânavît ᴋatangutivîllo silatânêtut takojomavâtit.
21Kiovlunele oᴋautivait: Anânaga ᴋatangutikka tâpkoangovut, Gûdib oᴋausinginik tussartut maliklugillo.
22Uvlullo illangane, ilinniartine illagilugit umiamut ikigame, oᴋautivait: Tesseᴋsûb akianut ikârta! Aulalerput tagva.
23Umiaᴋtoleramiglo, (Jêsuse) sinilerpok. Ulajutjeradlalerporle tesseᴋsoarme, mallillo umiak itibjuavlugo pivât, nangiadlarpullo.
24Tagva ᴋanilerpât, tupârdlugolo oᴋautivât: Ajoᴋertuijok, ajoᴋertuijok, sutairpogut! Tagva makipok, anorelo imablo malidlarningit inerterpait; sorairpullo, ikublialilarmelo.
25Oᴋautivaille: Okpernise naûk? Tâpkoale erᴋsidlarput, tataminiarlarmiglo ingmingnut oᴋarput: Kina unâ? Inertermagik, anorib imablo nâlekpâk.
26Umiakullo ingergavut Gadarênerit nunanganut pilutik, Galilêab akianêtomut.
27Niungmallo nunamut, angut pâksivok Jêsusemik, iglugasaksoarnit pijok, sâtanasinik ilumiktoᴋ itsanit; tâmna annorânik atungilak, iglomelo ᴋikajuipok, iluvine kissiane.
28Jêsusele takogamiuk, nipliadlarpok, pâmaktervigivlugolo nipperᴋortovlune oᴋarpok: Suniarpagît, Jêsuse, Gûdib ᴋotsingnerojub Erningâ? Tuksiarpagit, kappiasuktiniarnanga!
29Anernek maᴋojungnartok anerᴋungmago inungmit tâpsomangat; akunêrtoksoarmik kappiasuktilaungmago. ᴋelaksortaulaukporlo ᴋelaumgujanut, parngnanairsûtinullo; ᴋelaksûtille kiktorâvait, Sâtanasiblo aularutivâ inuᴋangitomut.
30Jêsusiblo aperivâ, oᴋarlune: Kinauvêt? Kiovok: Legiônemik ateᴋarpunga. Sâtanasit unuktut pulamavigilaungmatsuk.
31Tuksiarvigivâllo, itijomut aulartitaujomanatik.
32Tagvanele kuingêngigasaksoaᴋarpok nerrijunik ᴋakᴋame. Tuksiarvigivâllo, tâpkonunga pularᴋojaujomavlutik. Perᴋovaillo.
33Sâtanasit tâva anivut inungmit tâpsomangat, kuingênginullo pulavut, kuingêngigasaksuillo pangaliklutik ingmingnik ijukkâdlarput imânut, ipivlutiglo.
34Mianersijulle tamanna takogamitsuk, ᴋemâvut, iglogasaksoarmiunullo iglogasangmiunullo tamanna oᴋautigijartorpât.
35Tagva takojartoramitsuk tamanna, Jêsuse tikipât, inuglo sâtanasêrutjaujok naipipât, annorâlijalertok silatovlune iksivajok Jêsusib itigangita sângane; erᴋsivlutiglo.
36Tamakkoningalo takolauktut oᴋautivait sâtanaseᴋalauktub pijungnaititauninganik.
37Inugasaksuillo Gadarênerit ilûnamatsiatik tamattomalo erᴋânêtut tuksiarpât, ᴋemaktigijomavlugo, erᴋsidlaramik. Umiamullo ikivok utermilunelo.
38Angutible sâtanasêrutjaujok tuksiarvigivâ, najoromavlugo. Jêsusible aularᴋovâ oᴋarlune:
39Iglungnut angergarit, pitsiarvionîlle Gûdemut oᴋautigileruk. Aularporlo, iglugasaksoarmiunullo tamainut oᴋâlalerpok pitsiarvionerminik angijomik Jêsusemut.
40Jêsuselo utermat, inuit illaliorpât, ilûnatik utaᴋigamitsuk.
41Ahâglo, katimaviub angajoᴋângita ilangat Jaîrusemik atilik tikipok, pâmakterlunelo Jêsusib itiganginut; tuksiarvigivlugolo iglominut iterᴋovâ.
42Panetuaᴋarame, jârelingmik 12 nik, tâmna Toᴋokasâkpok. Tagvungalo (Jêsuse) aitilugo, inugasaksuit igvikliortipât.
43Arnarlo, jârinik 12 nik auᴋatsainarpok; tâpsoma perᴋutine tamaita nungulaukpait âniasiortinut, pijungnaititaujungnangilarlo kimullônêt.
44Tagva Jêsuse annorângata sinâgut aktoriartorpâ tunuanit; tagvainarlo aunga kigikpok.
45Jêsuselo oᴋarpok: Kia aktorpângâ? Ilûnatigle misiarmatta, Pêtruse najortingillo oᴋarput: Ajoᴋertuijok, inuit tatidlalarpillo igvikliortipâtit; oᴋarpotillo: Kia aktorpângâ?
46Jêsusele oᴋarpok: Aktortauvunga; misigigapkok pitsartunek uvamnit anisimangmat.
47Tagva arnab tamanna angigutjutigijungnanginamiuk, sajuklune pâmaktervigijartorpâ, inuillo ilûnatik tussartilugit unipkârpok suna pivlugo aktulauramiuk pijungnaisârnerminiglo.
48Jêsusible oᴋautivâ: Paniga, manigolerit, okpernivît pijungnaitipâtit; ulapirsauteᴋarlutit aularit.
49Sulle taimâk oᴋartilugo, katimaviub angajoᴋângata kivgangita illangat tikipok oᴋautilâllo: Panît toᴋovok; ajoᴋertuijok pagvisârniarnago.
50Jêsusible tamanna tussaramiuk, kiovâ oᴋautivlugolo: Erᴋsiniarnak; okpituinarit, ᴋanoetsungnailârpok tagva.
51Iglunganulle iterame, assingit iterᴋongilait, Pêtruse, Jakôbuselo, Johanneselo, niviarsiablo atâtanga kissêta iterᴋovait.
52Ilûnatigle ᴋeavut, ogguarivlugo. Jêsusele oᴋarpok: ᴋeanase; toᴋungilak, sinikporle.
53Ijoridlarpâllo toᴋojomik nalungikalloaramik.
54Tamaitale anitipait, aggangitigullo tiguvâ, nipliavlunelo oᴋarpok: Niviarsiak makitit!
55Anerningatalo utervigivâ, makisârporlo. Nerrititauᴋovâlo.
56Angajoᴋâgiglo tataminiadlarpuk. Inerterpaille, oᴋâlaᴋonagit inungnut tamattominga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.