Temel kerra ma 10
10
Tolla ge Bitrus ne mbo Korneliyus
1Ge suwal Sezare go, ndu a̰me ka, na dḭl Korneliyus, a ga̰l ge asagar ge Roma ma ne ne, ka caɗeya ge a ne tol na Italiya pal. 2Na sḛ ka ndu ge ne ke laar ɓyareya ge Dok, a ne na yàl mwaɗak a ka sya Dok vo. Ka hon Yuda ma bobo gḛ ge be to, ka kaɗe Dok ɗaɗak me. 3Dam a̰me ɗu, le gyala tok gasamal, kwa maleka ge Dok ne wat ya na diŋ, tol na go: «Korneliyus!» 4Korneliyus ndil na ɗeer, vo wan na, ele na go: «Bageyal, a da ne ɗaa?» Maleka jan na go: «Mo kaɗeya ma ne mo bobo honna ma detɗa Dok ta digi ya. 5Se no, teme naa mbo tol Siman, na ge a ne tol na Bitrus ne suwal Yafa ya. 6Na sḛ ka gwasal ya Siman ndu ge wan kwalce diŋ, na yàl ya maŋgaɗam yuwam wak go.» 7Swaga ge maleka ge ne jya̰ na fare ne fá swaga ɗe, Korneliyus tol na dore ma azi, poseya ne asagar a̰me ge ne ke ya kaal na ta me, na sḛ no ka ndu ge ne ke laar ɓyareya ge Dok ne. 8Swaga ge ne wa̰ nama fare pe mwaɗak, teme nama mbo Yafa.
9Dam ge kwap ge go, ne jo̰ nama sḛ gale ne viya̰ zi mborra ya, a yan ja suwal ta gwa. Le gyala pala, Bitrus ndé ya jwaklak pala digi mbo ke kaɗeya. 10Kyamal wan na, ɗage ɓyare kaŋzam. Swaga ke na kaŋzam go gale, ɓol daalam. 11Kwa pḭr hageya, kaŋ a̰me dimma ne ba̰r ge fiyal go, na keŋ ma anda wanna digi, ka surbi ne digi ya mbo ya suwar se. 12Na pul go, kavaar ge ne kḛ ne suwar zi ma, ne ge ne sar ma, ne njoole ma pet a ka go. 13Ka̰l a̰me jan na go: «Bitrus, ɗage digi, vya̰, mo zam!» 14Bitrus jan go: «To, Bageyal, mbi be zam kaŋ a̰me seŋgre ko yaɗat to dam ɗu to bat#Lev 11:1-47, Eze 4:14.!» 15Ka̰l mbe gwan jan na ge ndwara azi go: «Kaŋ ge Dok ne há na yaɗat#Mar 7:15-19., kaage mo jan go na seŋgre to.» 16Ke mbe go ɗiŋ ndwara ataa, ne go̰r go, a gwan ne na digi zi ya. 17Iigiya zi, Bitrus ka ele tene go daalam mbe pe wanna gyana de. Swaga mbe go no, naa ge Korneliyus ne teme nama ya ma, a ɓyare Siman yàl pe ja ne swaga ma ya, a mbo ya mḛya zok wak pala zum, 18a tol swaga, a ele go: «Siman, na ge a ne tol Bitrus ya yàl mbe diŋ go ɗaa?» 19Bitrus gale ne dwatɗa na daalam mbe pal, O̰yom jan na go: «Ndi, naa ataa a ɓyare mo ya go. 20Ka̰ mo koo ya se avun cap, mbo poseya ne nama, kaage mo tumri tene to, ago mbi teme nama ya ne.» 21Bitrus kan na koo ya se naa mbe ma ta, jan nama go: «Aŋ ɓyare ne go mbi pe. Aŋ mbo ya da ne ma fare pe ɗaa?» 22A jan na go: «A Korneliyus, ga̰l ge asagar ma ne, ndu ge dosol, ge ne sya Dok vo, Yuda ma pet a hon na hormo, teme i ya ne. Maleka ge harcal dya̰ tene na ta ne, jya̰ na no go na mbo tol mo ya, mo ba wan na fare ma pe pet.» 23Bitrus ame nama yadiŋ, hon nama swaga dwamma. Dam ge kwap ge go, ɗage, a ne nama mbo, ná vya ge ne Yafa diŋ a̰me ma ɗame na. 24A det ya Sezare go dam ge kwap ge go. Korneliyus ne da̰re nama, tol na pehir ne na kondore ge laar wanna ma ja se. 25Swaga ge Bitrus ne ɗage wat yadiŋ, Korneliyus mbo kun na, gur na ndwara se ndwara san na wak ne hormo gḛ. 26Amma Bitrus wan na digi, jan na go: «Ɗage digi, mbi ndu dasana dimma ne mo go baŋ!» 27Swaga sigɗi fare ne ta go, a wat yadiŋ, Bitrus kwa naa ne tabeya, 28jan nama go: «Dimma ne aŋ ne kwa go, tele tele ne Yuda ma ta ge na ɓan dagre ne pehir ge ɗogle, ko na mbo na diŋ. Amma Dok ŋgay mbi go, na kaage mbi ndi ndu a̰me go na seŋgre ko yaɗat to to. 29Da ne pe no, swaga ge mo ne teme naa mbo tol mbi ya, mbi be kat ne tumriya to. Mbi ele aŋ, aŋ mbo tol mbi ya da ne ma fare pe ɗaa?» 30Korneliyus jan go: «Ndi, dam ma̰ no anda, mbi ka ke kaɗeya mbi diŋ, le gyala tok gasamal, ndu a̰me dya̰ ya mbi ndwara go no, ka da ne ba̰r ge serra cicim na ta, 31na sḛ jan mbi go: ‹Korneliyus, a za̰ mo kaɗeya, Dok dwa da ne bobo ge mo ne ke ma, 32teme naa mbo tol Siman, na ge a ne tol na Bitrus ne suwal Yafa ya, ka gwasal ya Siman bage wan kwalce diŋ, na yàl ya maŋgaɗam ga̰l yuwam wak go.› 33A go no, mbi teme naa no avun cap mbo tol mo ya, mo ke kwaɗa ge mo ne mbo ya. Ndi i ne kote ne Dok ndwara se no ndwara za̰ fare ge Bageyal ne ho̰ mo wak go mo jya̰.»
Fare janna ge Bitrus ne Korneliyus diŋ
34Bitrus hé fare, jan go: «A fareba, mbi kwa ya go go vareya a̰me ne Dok ta to, 35amma ge suwal ge daage go pet, ndu ge ne sya na vo, ge ne ke temel dosol pal, Dok ame na ame. 36Teme na fare ya Israyela vya ma ta, waage nama fare ge kwaɗa ge katɗa halas ne Jeso Kris zi, na sḛ Bageyal ge naa ne ne pet. 37Kaŋ ge ne ke suwal Yahudiya go mwaɗak, aŋ da ne na kwarra, é pe da ne suwal Galile ya, go̰r baptisma ge Yohanna ne ka waage na go, 38Aŋ kwa kanna ge Dok ne ka̰ pool ge O̰yom ge mbegeya ne Jeso ge Nazaret pal, aŋ kwa anna ge Jeso ne ka anna suwal ma go ke naa kwaɗa, ka ndage o̰yom ge seŋgre ma ne naa zi uzi, ago Dok ka poseya ne na. 39I sḛ ma sayda ge kaŋ ge Jeso ne ke suwal ge Yuda ma ne go pet, ne Ursalima diŋ me. A hṵ na pella uwara kaŋgre pala digi. 40Dok ta̰ na digi dam ge ataa go, ho̰ na viya̰ ge dyan tene naa ta, 41a be naa ta pet to, amma naa ge sayda ge Dok ne tá nama ne zaŋgal day ma ta, ndwara i ge i ne za, ne njotɗa dagre na ma go̰r tanna ge na ne go. 42Na sḛ ho̰ i wak go i waage fare mbe naa ta pet, i jya̰ naa go, Dok é nà bage kun sarya naa ge ndwara ma ne naa ge siya ma pal. 43A na ge anabi ma pet a ne waage fare na pal go: Ndu ge daage pet ge ne hon fareba ya na ta, na ɓol poreya ge na sone ma ne#Isa 53:5-6, Irm 31:34..»
Naa ge pe ɗogle ma ɓol O̰yom ge mbegeya
44Bitrus ne swaga jan fare go gale, O̰yom ge mbegeya sugi ya nama pal pet. 45Naa ge vyan ba̰y ge ne ho̰ fareba ge a ne ɗame Bitrus ya ma ke ajab ne bobo ge O̰yom harcal ne sugi ya pehir ge ɗogle ma pal pe. 46Ago a ka za̰ nama jan fare ne wak ma hini hini, a ka komre Dok. 47Swaga mbe go, Bitrus gwan jan go: «Nee da ne pool kuri naa ge a ne ɓo O̰yom ge mbegeya dimma ne nee go be ge ke nama baptisma mam se ɗaa?» 48Hon wak go a ke nama baptisma dḭl ge Jeso Kris ne zi. Swaga mbe go, a kaɗe na na ka poseya ne bama dam ma kwaɗa lwak.
Currently Selected:
Temel kerra ma 10: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Temel kerra ma 10
10
Tolla ge Bitrus ne mbo Korneliyus
1Ge suwal Sezare go, ndu a̰me ka, na dḭl Korneliyus, a ga̰l ge asagar ge Roma ma ne ne, ka caɗeya ge a ne tol na Italiya pal. 2Na sḛ ka ndu ge ne ke laar ɓyareya ge Dok, a ne na yàl mwaɗak a ka sya Dok vo. Ka hon Yuda ma bobo gḛ ge be to, ka kaɗe Dok ɗaɗak me. 3Dam a̰me ɗu, le gyala tok gasamal, kwa maleka ge Dok ne wat ya na diŋ, tol na go: «Korneliyus!» 4Korneliyus ndil na ɗeer, vo wan na, ele na go: «Bageyal, a da ne ɗaa?» Maleka jan na go: «Mo kaɗeya ma ne mo bobo honna ma detɗa Dok ta digi ya. 5Se no, teme naa mbo tol Siman, na ge a ne tol na Bitrus ne suwal Yafa ya. 6Na sḛ ka gwasal ya Siman ndu ge wan kwalce diŋ, na yàl ya maŋgaɗam yuwam wak go.» 7Swaga ge maleka ge ne jya̰ na fare ne fá swaga ɗe, Korneliyus tol na dore ma azi, poseya ne asagar a̰me ge ne ke ya kaal na ta me, na sḛ no ka ndu ge ne ke laar ɓyareya ge Dok ne. 8Swaga ge ne wa̰ nama fare pe mwaɗak, teme nama mbo Yafa.
9Dam ge kwap ge go, ne jo̰ nama sḛ gale ne viya̰ zi mborra ya, a yan ja suwal ta gwa. Le gyala pala, Bitrus ndé ya jwaklak pala digi mbo ke kaɗeya. 10Kyamal wan na, ɗage ɓyare kaŋzam. Swaga ke na kaŋzam go gale, ɓol daalam. 11Kwa pḭr hageya, kaŋ a̰me dimma ne ba̰r ge fiyal go, na keŋ ma anda wanna digi, ka surbi ne digi ya mbo ya suwar se. 12Na pul go, kavaar ge ne kḛ ne suwar zi ma, ne ge ne sar ma, ne njoole ma pet a ka go. 13Ka̰l a̰me jan na go: «Bitrus, ɗage digi, vya̰, mo zam!» 14Bitrus jan go: «To, Bageyal, mbi be zam kaŋ a̰me seŋgre ko yaɗat to dam ɗu to bat#Lev 11:1-47, Eze 4:14.!» 15Ka̰l mbe gwan jan na ge ndwara azi go: «Kaŋ ge Dok ne há na yaɗat#Mar 7:15-19., kaage mo jan go na seŋgre to.» 16Ke mbe go ɗiŋ ndwara ataa, ne go̰r go, a gwan ne na digi zi ya. 17Iigiya zi, Bitrus ka ele tene go daalam mbe pe wanna gyana de. Swaga mbe go no, naa ge Korneliyus ne teme nama ya ma, a ɓyare Siman yàl pe ja ne swaga ma ya, a mbo ya mḛya zok wak pala zum, 18a tol swaga, a ele go: «Siman, na ge a ne tol Bitrus ya yàl mbe diŋ go ɗaa?» 19Bitrus gale ne dwatɗa na daalam mbe pal, O̰yom jan na go: «Ndi, naa ataa a ɓyare mo ya go. 20Ka̰ mo koo ya se avun cap, mbo poseya ne nama, kaage mo tumri tene to, ago mbi teme nama ya ne.» 21Bitrus kan na koo ya se naa mbe ma ta, jan nama go: «Aŋ ɓyare ne go mbi pe. Aŋ mbo ya da ne ma fare pe ɗaa?» 22A jan na go: «A Korneliyus, ga̰l ge asagar ma ne, ndu ge dosol, ge ne sya Dok vo, Yuda ma pet a hon na hormo, teme i ya ne. Maleka ge harcal dya̰ tene na ta ne, jya̰ na no go na mbo tol mo ya, mo ba wan na fare ma pe pet.» 23Bitrus ame nama yadiŋ, hon nama swaga dwamma. Dam ge kwap ge go, ɗage, a ne nama mbo, ná vya ge ne Yafa diŋ a̰me ma ɗame na. 24A det ya Sezare go dam ge kwap ge go. Korneliyus ne da̰re nama, tol na pehir ne na kondore ge laar wanna ma ja se. 25Swaga ge Bitrus ne ɗage wat yadiŋ, Korneliyus mbo kun na, gur na ndwara se ndwara san na wak ne hormo gḛ. 26Amma Bitrus wan na digi, jan na go: «Ɗage digi, mbi ndu dasana dimma ne mo go baŋ!» 27Swaga sigɗi fare ne ta go, a wat yadiŋ, Bitrus kwa naa ne tabeya, 28jan nama go: «Dimma ne aŋ ne kwa go, tele tele ne Yuda ma ta ge na ɓan dagre ne pehir ge ɗogle, ko na mbo na diŋ. Amma Dok ŋgay mbi go, na kaage mbi ndi ndu a̰me go na seŋgre ko yaɗat to to. 29Da ne pe no, swaga ge mo ne teme naa mbo tol mbi ya, mbi be kat ne tumriya to. Mbi ele aŋ, aŋ mbo tol mbi ya da ne ma fare pe ɗaa?» 30Korneliyus jan go: «Ndi, dam ma̰ no anda, mbi ka ke kaɗeya mbi diŋ, le gyala tok gasamal, ndu a̰me dya̰ ya mbi ndwara go no, ka da ne ba̰r ge serra cicim na ta, 31na sḛ jan mbi go: ‹Korneliyus, a za̰ mo kaɗeya, Dok dwa da ne bobo ge mo ne ke ma, 32teme naa mbo tol Siman, na ge a ne tol na Bitrus ne suwal Yafa ya, ka gwasal ya Siman bage wan kwalce diŋ, na yàl ya maŋgaɗam ga̰l yuwam wak go.› 33A go no, mbi teme naa no avun cap mbo tol mo ya, mo ke kwaɗa ge mo ne mbo ya. Ndi i ne kote ne Dok ndwara se no ndwara za̰ fare ge Bageyal ne ho̰ mo wak go mo jya̰.»
Fare janna ge Bitrus ne Korneliyus diŋ
34Bitrus hé fare, jan go: «A fareba, mbi kwa ya go go vareya a̰me ne Dok ta to, 35amma ge suwal ge daage go pet, ndu ge ne sya na vo, ge ne ke temel dosol pal, Dok ame na ame. 36Teme na fare ya Israyela vya ma ta, waage nama fare ge kwaɗa ge katɗa halas ne Jeso Kris zi, na sḛ Bageyal ge naa ne ne pet. 37Kaŋ ge ne ke suwal Yahudiya go mwaɗak, aŋ da ne na kwarra, é pe da ne suwal Galile ya, go̰r baptisma ge Yohanna ne ka waage na go, 38Aŋ kwa kanna ge Dok ne ka̰ pool ge O̰yom ge mbegeya ne Jeso ge Nazaret pal, aŋ kwa anna ge Jeso ne ka anna suwal ma go ke naa kwaɗa, ka ndage o̰yom ge seŋgre ma ne naa zi uzi, ago Dok ka poseya ne na. 39I sḛ ma sayda ge kaŋ ge Jeso ne ke suwal ge Yuda ma ne go pet, ne Ursalima diŋ me. A hṵ na pella uwara kaŋgre pala digi. 40Dok ta̰ na digi dam ge ataa go, ho̰ na viya̰ ge dyan tene naa ta, 41a be naa ta pet to, amma naa ge sayda ge Dok ne tá nama ne zaŋgal day ma ta, ndwara i ge i ne za, ne njotɗa dagre na ma go̰r tanna ge na ne go. 42Na sḛ ho̰ i wak go i waage fare mbe naa ta pet, i jya̰ naa go, Dok é nà bage kun sarya naa ge ndwara ma ne naa ge siya ma pal. 43A na ge anabi ma pet a ne waage fare na pal go: Ndu ge daage pet ge ne hon fareba ya na ta, na ɓol poreya ge na sone ma ne#Isa 53:5-6, Irm 31:34..»
Naa ge pe ɗogle ma ɓol O̰yom ge mbegeya
44Bitrus ne swaga jan fare go gale, O̰yom ge mbegeya sugi ya nama pal pet. 45Naa ge vyan ba̰y ge ne ho̰ fareba ge a ne ɗame Bitrus ya ma ke ajab ne bobo ge O̰yom harcal ne sugi ya pehir ge ɗogle ma pal pe. 46Ago a ka za̰ nama jan fare ne wak ma hini hini, a ka komre Dok. 47Swaga mbe go, Bitrus gwan jan go: «Nee da ne pool kuri naa ge a ne ɓo O̰yom ge mbegeya dimma ne nee go be ge ke nama baptisma mam se ɗaa?» 48Hon wak go a ke nama baptisma dḭl ge Jeso Kris ne zi. Swaga mbe go, a kaɗe na na ka poseya ne bama dam ma kwaɗa lwak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.