Temel kerra ma 14
14
Bulus ma ne Barnabas ge Suwal Ikoniya go
1Ge Ikoniya go, a mbo wat ge Sinagog ge Yuda ma ne zi me, a jan fare ge ne mbya janna, e Yuda ma ne Grek ma gḛ hon fareba. 2Amma Yuda ge ne ho̰ fareba to ma par fare pehir ge ɗogle ma zi, a ɗage ne ho̰l ná vya ma ta. 3Go no puy ɗe, Bulus ma ne Barnabas ke kaal suwal Ikoniya go. A ka jan fare ndaar kaka Bageyal zi. Bageyal ka hon nama pool ge ke kaŋ ŋgayya ma ne kaŋ ajab ma, ndwara ŋgay go nama fare janna kwa a̰se ge na ne zi, na fare ge fareba ne. 4Naa ge ne suwal diŋ ma varse se, naa ge mbut ma kat Yuda ma pe go, ge mbut ma kat naa ge temeya ma pe go. 5Ne jo̰ Yuda ma, ne pehir ge ɗogle ma, ne bama ga̰l ma a ka nṵsi ta go bama ke nama yál, bama mbá nama uzi ne njal me, 6swaga ge a ne za̰ fare mbe, a syat bama pe so mbo suwal ge Lukaniya ne ma ya, ndwara go Listra ma ne Derbe, ma ne suwal ge ne nama ziyar go ma ya. 7Swaga mbe ma go uwale, a ka jan fare ge kwaɗa.
Bulus ma ne Barnabas suwal Listra go
8Ge Listra go, ndu a̰me ge ne tó looɗol, ge ne mḛ digi mbo viya̰ dam ɗu to ka. 9Dam a̰me ɗu, swaga za̰ Bulus farra go, Bulus dol na ndwara fa̰ na ndwara pul zi, ne jo̰ kwa go na da ne hon fareba ge ndwara ɓol zonna ɗe, 10ndage na ka̰l jan go: «Ɗage digi mḛya mo koo ma pal!» Za̰me digi, ɗage mbo viya̰. 11Swaga ge tabeya ma ne kwa kaŋ ge Bulus ne ke, ka̰l ma ndage ne ɓase zi ya janna ne Ikoniya ma wak go: «Dok ma saŋge ta naa dasana ma, a ka̰ bama koo ya nee buwal zi no.» 12A syal Barnabas dḭl «Zees», a syal Bulus dḭl «Hermes» me, ne da pe ka ndu ge ne ka zwagre fare janna. 13Ndu ge ke tuwaleya ge Zees ne, na ge na swaga tuwaleya ne gulum ga̰l wak zum, poseya ne ɓase ma, a wan nday pool digli ma ya kageya se ne pataga ma ne gergeleŋ ma ndwara mbo ya tyare tuwaleya hon Barnabas ma ne Bulus. 14Swaga ge naa ge temeya ma, ndwara go Barnabas ma ne Bulus ne za̰ fare mbe, a taabe bama ba̰r ma ne bama ta uzi, a gandale mbo ya naa buwal zi, a ndage bama ka̰l oyya go: 15«Aŋ te ke da go ɗaa? I naa dasana ma ne dimma ne aŋ go me! Fare ge kwaɗa ge i ne waage aŋ na mbe no, ago aŋ ya̰ kaŋ ge baŋ yak mbe ma no uzi, aŋ saŋge ta ya Dok ge ndwara ta, na ge ne dó digi ma ne suwar, ne maŋgaɗam ga̰l yuwam, ne kaŋ ma ge ne nama pul zi ma pet. 16Zaman ge ne kale ma zi ya, ya̰ naa dasana ma ke bama laar ɓyareya, 17go no puy ɗe, be ya̰ be ge ŋgay nama kwaɗa ge na ne to, ka swar nama mam ne digi ya se, ka zon nama kaŋ ma bama swaga ma pal, go no a ka ɓol kaŋzam huriya, nama laar ka ke saal me.» 18Ne fare janna mbe ma no ta puy ɗe, da ne yál yál a ɗage tele nama be ge tyare bama tuwaleya no.
19Yuda ma ɗage ne Antiyokus ya, ne Ikoniya ya me, a mbo ya par fare ɓase ma zi. A mbal Bulus ne njal ma, a zwal na ya dolla gulum go̰r zum, ne dwatɗa go na su su. 20Amma swaga ge naa ge ame hateya ma ne kote ya na ta, ɗage digi, a gwan suwal diŋ. Dam ge kwap ge go, a ne Barnabas mbo suwal Derbe.
Gwanna ge Barnabas ma ne mbo Antiyokus ge Pisidi ne ya
21Swaga ge a ne waage fare ge kwaɗa suwal Derbe go, a ɓol naa ge ame hateya ma gḛ ge be to. A gwan’a suwal Listra, ne Ikoniya, ne Antiyokus go. 22A ka sirsi naa ge ne ame hateya ma, a ka moɗege nama, nama wa̰ ta ndiŋ hon fareba zi, a ka jan nama go: «Ago da ne yál njotɗa ma gḛ ta nee ba mbo wat muluk ge Dok ne zi.» 23A ka tal naa ga̰l ma eya swaga koteya ge ɓase ge Dok ne ma ge daage zi. Swaga ge a ne ke kaɗeya ne asiyam, a deŋge nama Bageyal, na ge a ne ho̰ fareba na ta tok go. 24A kale Pisidi a mbo ya Pamfili go. 25Swaga ge a ne waage fare Perge go, a mbo ya Ataliya go. 26Ne suwal mbe go, a her fak gwan mbo Antiyokus, na ge a ne deŋge nama kwa a̰se ge Dok zi ne temel pe kerra, ge a ne wi na wak mbe no ya. 27Swaga ge a ne dé ya suwal ɗiŋ, a kote ɓase ge Dok ne ma se, a wan nama kaŋ ge Dok ne ke ne bama pe, ne viya̰ ge ne hage ne pehir ge ɗogle ma pe ndwara detɗa ya hon fareba go. 28A gá katɗa dam ma kaal poseya ne naa ge ame hateya ma.
Currently Selected:
Temel kerra ma 14: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Temel kerra ma 14
14
Bulus ma ne Barnabas ge Suwal Ikoniya go
1Ge Ikoniya go, a mbo wat ge Sinagog ge Yuda ma ne zi me, a jan fare ge ne mbya janna, e Yuda ma ne Grek ma gḛ hon fareba. 2Amma Yuda ge ne ho̰ fareba to ma par fare pehir ge ɗogle ma zi, a ɗage ne ho̰l ná vya ma ta. 3Go no puy ɗe, Bulus ma ne Barnabas ke kaal suwal Ikoniya go. A ka jan fare ndaar kaka Bageyal zi. Bageyal ka hon nama pool ge ke kaŋ ŋgayya ma ne kaŋ ajab ma, ndwara ŋgay go nama fare janna kwa a̰se ge na ne zi, na fare ge fareba ne. 4Naa ge ne suwal diŋ ma varse se, naa ge mbut ma kat Yuda ma pe go, ge mbut ma kat naa ge temeya ma pe go. 5Ne jo̰ Yuda ma, ne pehir ge ɗogle ma, ne bama ga̰l ma a ka nṵsi ta go bama ke nama yál, bama mbá nama uzi ne njal me, 6swaga ge a ne za̰ fare mbe, a syat bama pe so mbo suwal ge Lukaniya ne ma ya, ndwara go Listra ma ne Derbe, ma ne suwal ge ne nama ziyar go ma ya. 7Swaga mbe ma go uwale, a ka jan fare ge kwaɗa.
Bulus ma ne Barnabas suwal Listra go
8Ge Listra go, ndu a̰me ge ne tó looɗol, ge ne mḛ digi mbo viya̰ dam ɗu to ka. 9Dam a̰me ɗu, swaga za̰ Bulus farra go, Bulus dol na ndwara fa̰ na ndwara pul zi, ne jo̰ kwa go na da ne hon fareba ge ndwara ɓol zonna ɗe, 10ndage na ka̰l jan go: «Ɗage digi mḛya mo koo ma pal!» Za̰me digi, ɗage mbo viya̰. 11Swaga ge tabeya ma ne kwa kaŋ ge Bulus ne ke, ka̰l ma ndage ne ɓase zi ya janna ne Ikoniya ma wak go: «Dok ma saŋge ta naa dasana ma, a ka̰ bama koo ya nee buwal zi no.» 12A syal Barnabas dḭl «Zees», a syal Bulus dḭl «Hermes» me, ne da pe ka ndu ge ne ka zwagre fare janna. 13Ndu ge ke tuwaleya ge Zees ne, na ge na swaga tuwaleya ne gulum ga̰l wak zum, poseya ne ɓase ma, a wan nday pool digli ma ya kageya se ne pataga ma ne gergeleŋ ma ndwara mbo ya tyare tuwaleya hon Barnabas ma ne Bulus. 14Swaga ge naa ge temeya ma, ndwara go Barnabas ma ne Bulus ne za̰ fare mbe, a taabe bama ba̰r ma ne bama ta uzi, a gandale mbo ya naa buwal zi, a ndage bama ka̰l oyya go: 15«Aŋ te ke da go ɗaa? I naa dasana ma ne dimma ne aŋ go me! Fare ge kwaɗa ge i ne waage aŋ na mbe no, ago aŋ ya̰ kaŋ ge baŋ yak mbe ma no uzi, aŋ saŋge ta ya Dok ge ndwara ta, na ge ne dó digi ma ne suwar, ne maŋgaɗam ga̰l yuwam, ne kaŋ ma ge ne nama pul zi ma pet. 16Zaman ge ne kale ma zi ya, ya̰ naa dasana ma ke bama laar ɓyareya, 17go no puy ɗe, be ya̰ be ge ŋgay nama kwaɗa ge na ne to, ka swar nama mam ne digi ya se, ka zon nama kaŋ ma bama swaga ma pal, go no a ka ɓol kaŋzam huriya, nama laar ka ke saal me.» 18Ne fare janna mbe ma no ta puy ɗe, da ne yál yál a ɗage tele nama be ge tyare bama tuwaleya no.
19Yuda ma ɗage ne Antiyokus ya, ne Ikoniya ya me, a mbo ya par fare ɓase ma zi. A mbal Bulus ne njal ma, a zwal na ya dolla gulum go̰r zum, ne dwatɗa go na su su. 20Amma swaga ge naa ge ame hateya ma ne kote ya na ta, ɗage digi, a gwan suwal diŋ. Dam ge kwap ge go, a ne Barnabas mbo suwal Derbe.
Gwanna ge Barnabas ma ne mbo Antiyokus ge Pisidi ne ya
21Swaga ge a ne waage fare ge kwaɗa suwal Derbe go, a ɓol naa ge ame hateya ma gḛ ge be to. A gwan’a suwal Listra, ne Ikoniya, ne Antiyokus go. 22A ka sirsi naa ge ne ame hateya ma, a ka moɗege nama, nama wa̰ ta ndiŋ hon fareba zi, a ka jan nama go: «Ago da ne yál njotɗa ma gḛ ta nee ba mbo wat muluk ge Dok ne zi.» 23A ka tal naa ga̰l ma eya swaga koteya ge ɓase ge Dok ne ma ge daage zi. Swaga ge a ne ke kaɗeya ne asiyam, a deŋge nama Bageyal, na ge a ne ho̰ fareba na ta tok go. 24A kale Pisidi a mbo ya Pamfili go. 25Swaga ge a ne waage fare Perge go, a mbo ya Ataliya go. 26Ne suwal mbe go, a her fak gwan mbo Antiyokus, na ge a ne deŋge nama kwa a̰se ge Dok zi ne temel pe kerra, ge a ne wi na wak mbe no ya. 27Swaga ge a ne dé ya suwal ɗiŋ, a kote ɓase ge Dok ne ma se, a wan nama kaŋ ge Dok ne ke ne bama pe, ne viya̰ ge ne hage ne pehir ge ɗogle ma pe ndwara detɗa ya hon fareba go. 28A gá katɗa dam ma kaal poseya ne naa ge ame hateya ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.