Wat zum Fare pala hageya
Fare pala hageya
Maktub Wat zum dimma ne na dḭl ne tó go, ŋgay abeya ge Dok ne abe Israyela vya ma ne mo̰r ge suwal Masar ne zi ya ndwara gene nama mbo suwal wak tuli Kanan. A swaga mbe no ŋgay dḭl ge maktub mbe ne ne. «Mbi Bage ɗiŋnedin Dok ge mo ne ge ne ndage mo ne suwal Masar diŋ ya, ne swaga mo̰r zi ya ne.» (20:2)
Dok a Bage ne zu Israyela vya ma ne pool ge na ne, laar wanna ge na zi, wak tuli ge na ne pal.
Maktub ma ŋgay go na Musa, dore ge Bage ɗiŋnedin ne njaŋge Maktub Wat zum ne (Wat 17:14, 24:4, 34:27, Jus 8:31, Mar 7:10, 12:26.)
Swaga ge Yakub, na ge na dḭl Israyela ne ɗage ne na vya ma mbo suwal Masar ne kyamal pe (Pe 45:17-20, 47:11), a gá katɗa ya del ma gḛ, nama pehir ma zuli ta se no ceɗed. Ne go̰r go Masar ma saŋge nama bama mo̰r ma no. A go no, yál njotɗa ge nama ne zi, Dok sya nama ko̰r no, tá Musa no, ne da pe na abe nama ne mo̰r zi ya zum ne pool ge na ne, ne kaŋ ŋgayya ma gḛ me (1:1—15:21). A na ka ɗame nama ne, ka koy nama ful pul ge Sinay ne zi ne (15:22—18:27). Ful pul zi, ke wak tuli ne nama ge njal Sinay pal (19:1—24:18). Swaga ge Dok ne tó Musa ge njal pala digi ya (Wat 25—31), Musa ne ke kaal swak, Israyela vya ma saŋge Dok bama go̰r, a ɗeere nday vya ne fool kaal no, a gá janna no go na na zu bama ya zum ne. Nama fare mbe e Dok laar hotɗa, mḛre nama no (Wat 32—34). Maktub mbe pe aya ŋgay nee gúr swaga ɓol ta larra (Wat 35—40).
Maktub Wat zum ŋgay pool ge Dok ne, ne viya̰ ge Dok ne ke ne naa ge ne za̰ yál ne bama kaam ma tok go ma pe. Dok a bage ne zur ndu dasana ne mo̰r ge Saytan, bage ho̰l ne zi ya ne ndwara hat na suli ne suwal wak tuli joo pe zamma.
Varseya ge maktub wat zum ne
1- Viya̰ ge Dok ne ke ne zur Israyela vya ma pe (1:1—15:21)
2- Mborra ge Israyela vya ma ne ful pul zi (15:22—18:27)
3- Wak tuli ge Dok ne ke ne Israyela vya ma (19:1—24:18)
4- Wak honna ne gúr ge mbegeya pe nṵsiya (25:1—31:18)
5- Sone ge Israyela vya ma ne (32:1—34:35)
6- Gúr swaga ɓol ta (35:1—40:38)
Currently Selected:
Wat zum Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Wat zum Fare pala hageya
Fare pala hageya
Maktub Wat zum dimma ne na dḭl ne tó go, ŋgay abeya ge Dok ne abe Israyela vya ma ne mo̰r ge suwal Masar ne zi ya ndwara gene nama mbo suwal wak tuli Kanan. A swaga mbe no ŋgay dḭl ge maktub mbe ne ne. «Mbi Bage ɗiŋnedin Dok ge mo ne ge ne ndage mo ne suwal Masar diŋ ya, ne swaga mo̰r zi ya ne.» (20:2)
Dok a Bage ne zu Israyela vya ma ne pool ge na ne, laar wanna ge na zi, wak tuli ge na ne pal.
Maktub ma ŋgay go na Musa, dore ge Bage ɗiŋnedin ne njaŋge Maktub Wat zum ne (Wat 17:14, 24:4, 34:27, Jus 8:31, Mar 7:10, 12:26.)
Swaga ge Yakub, na ge na dḭl Israyela ne ɗage ne na vya ma mbo suwal Masar ne kyamal pe (Pe 45:17-20, 47:11), a gá katɗa ya del ma gḛ, nama pehir ma zuli ta se no ceɗed. Ne go̰r go Masar ma saŋge nama bama mo̰r ma no. A go no, yál njotɗa ge nama ne zi, Dok sya nama ko̰r no, tá Musa no, ne da pe na abe nama ne mo̰r zi ya zum ne pool ge na ne, ne kaŋ ŋgayya ma gḛ me (1:1—15:21). A na ka ɗame nama ne, ka koy nama ful pul ge Sinay ne zi ne (15:22—18:27). Ful pul zi, ke wak tuli ne nama ge njal Sinay pal (19:1—24:18). Swaga ge Dok ne tó Musa ge njal pala digi ya (Wat 25—31), Musa ne ke kaal swak, Israyela vya ma saŋge Dok bama go̰r, a ɗeere nday vya ne fool kaal no, a gá janna no go na na zu bama ya zum ne. Nama fare mbe e Dok laar hotɗa, mḛre nama no (Wat 32—34). Maktub mbe pe aya ŋgay nee gúr swaga ɓol ta larra (Wat 35—40).
Maktub Wat zum ŋgay pool ge Dok ne, ne viya̰ ge Dok ne ke ne naa ge ne za̰ yál ne bama kaam ma tok go ma pe. Dok a bage ne zur ndu dasana ne mo̰r ge Saytan, bage ho̰l ne zi ya ne ndwara hat na suli ne suwal wak tuli joo pe zamma.
Varseya ge maktub wat zum ne
1- Viya̰ ge Dok ne ke ne zur Israyela vya ma pe (1:1—15:21)
2- Mborra ge Israyela vya ma ne ful pul zi (15:22—18:27)
3- Wak tuli ge Dok ne ke ne Israyela vya ma (19:1—24:18)
4- Wak honna ne gúr ge mbegeya pe nṵsiya (25:1—31:18)
5- Sone ge Israyela vya ma ne (32:1—34:35)
6- Gúr swaga ɓol ta (35:1—40:38)
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.