Pe eya 11
11
Zok ge haal ge Babel ne
1Naa ge ne suwar pal ma pet a ka far wak ge ɗu, ne fare janna ge ɗu me. 2A ɗage ne le ham ya, a mbo ya ɓol babur pul a̰me ge suwal Chineyar go, a kat na go. 3A jan ta go: «Mbo me nee, sḭ me nee jalab, tṵ me nee nama.» Jalab ma kat dimma ne njal ge sin kaŋ ma go, njiyal-mboo kat dimma ne Sima ge sin kaŋ go me. 4A jan ta go uwale: «Sḭ me nee suwal ga̰l ma ne zok ge haal cat ge na pala njeel mbo tat dok pul siya̰r! Go no nee dḭl ba tol, nee ba ɓarse se suwar pal to.»
5Bage ɗiŋnedin kan na koo ne digi ya se ndwara ndil suwal ga̰l ma ne zok ge haal cat ge naa dasana ma ne sin. 6Bage ɗiŋnedin jan go: «Ndi, a naa ge ɗu ge ma ne, a far wak ge ɗu. Ndi me kaŋ ge a ne ɗage ya kerra gale! Se no, kaŋ ge daage pet ge a ne ɓyare ya kerra, a̰me ge gwan tele nama to. 7Mbo me nee, ka̰ me ne koo ya se, vuuɗi me nee nama wak farra digi, ne da pe nama gwan za̰ ta ta buwal zi to.» 8Bage ɗiŋnedin ɓarse nama se teteŋ suwar pal, a ya̰ suwal ga̰l mbe be sinna. 9Da ne pe no, a tó na no Babel. A swaga mbe go no, Bage ɗiŋnedin vuuɗi naa dasana ma wak farra digi no, ɓarse nama se suwar pal no pet me.
Pehir ge Sem ma ne na báŋ ma ne
(1Maa 1:24-27, Luk 3:34-36)
10Pehir ge Sem ne ma no: Swaga ge Sem ne ke del kis, tol Arpakchad, tó na del azi go̰r mam yḛreya go. 11Go̰r tolla ge Arpakchad ne go, Sem gwan ke del kikis anuwa̰y. Gwan tol vya sonmo ma ne vya gwale ma.
12Arpakchad ke del tapolɗu para anuwa̰y, tol Chela. 13Go̰r tolla ge Chela ne go, Arpakchad gwan ke del kikis anda para ataa. Gwan tol vya sonmo ma ne vya gwale ma.
14Chela ke del tapolɗu, tol Eber. 15Go̰r tolla ge Eber ne go, Chela gwan ke del kikis anda para ataa. Gwan tol vya sonmo ma, ne vya gwale ma.
16Eber ke del tapolɗu para anda, tol Peleg. 17Go̰r tolla ge Peleg ne go, Eber gwan ke del kikis anda para tapolɗu. Gwan tol vya sonmo ma, ne vya gwale ma.
18Peleg ke del tapolɗu, tol Rewu. 19Go̰r tolla ge Rewu ne go, Peleg gwan ke del kikis azi para lamaɗo. Gwan tol vya sonmo ma, ne vya gwale ma.
20Rewu ke del tapolɗu para azi, tol Serug. 21Go̰r tolla ge Serug ne go, Rewu gwan ke del kikis azi para ɓyalar. Gwan tol vya sonmo ma, ne vya gwale ma.
22Serug ke del tapolɗu, tol Nahor. 23Go̰r tolla ge Nahor ne go, Serug gwan ke del kikis azi. Gwan tol vya sonmo ma, ne vya gwale ma.
24Nahor ke del wara azi para lamaɗo, tol Tera. 25Go̰r tolla ge Tera ne go, Nahor gwan ke del kis para wol para lamaɗo. Gwan tol vya sonmo ma, ne vya gwale ma.
26Tera ke del wara ɓyalar, tol Abram, Nahor ne Haran.
27Pehir ge Tera ne ma no: Tera tol Abram, Nahor ne Haran. Haran me tol Lot.
28Haran sú na bá Tera ndwara zḛ, na suwal ge tolla go, ge suwal Ur ge Kaldeya ma ne go. 29Abram ma ne Nahor a san gwale ma. Abram gwale dḭl Saray, Nahor gwale dḭl Milka. Milka ma ne Yiska jwak a Haran vya ma ne. 30Saray ba̰ gisil, be tol vya to. 31Tera wan na vya Abram, ne na báŋ Lot, ge Haran vya, ne Saray na tisi ge Abram gwale, a ɗage ne suwal Ur ge Kaldeya ma ne go, ndwara mbo suwal Kanan, a det ya suwal Haran go, a kat na go. 32Swaga ge Tera ne ke del kikis azi para anuwa̰y, sú suwal Haran go.
Currently Selected:
Pe eya 11: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Pe eya 11
11
Zok ge haal ge Babel ne
1Naa ge ne suwar pal ma pet a ka far wak ge ɗu, ne fare janna ge ɗu me. 2A ɗage ne le ham ya, a mbo ya ɓol babur pul a̰me ge suwal Chineyar go, a kat na go. 3A jan ta go: «Mbo me nee, sḭ me nee jalab, tṵ me nee nama.» Jalab ma kat dimma ne njal ge sin kaŋ ma go, njiyal-mboo kat dimma ne Sima ge sin kaŋ go me. 4A jan ta go uwale: «Sḭ me nee suwal ga̰l ma ne zok ge haal cat ge na pala njeel mbo tat dok pul siya̰r! Go no nee dḭl ba tol, nee ba ɓarse se suwar pal to.»
5Bage ɗiŋnedin kan na koo ne digi ya se ndwara ndil suwal ga̰l ma ne zok ge haal cat ge naa dasana ma ne sin. 6Bage ɗiŋnedin jan go: «Ndi, a naa ge ɗu ge ma ne, a far wak ge ɗu. Ndi me kaŋ ge a ne ɗage ya kerra gale! Se no, kaŋ ge daage pet ge a ne ɓyare ya kerra, a̰me ge gwan tele nama to. 7Mbo me nee, ka̰ me ne koo ya se, vuuɗi me nee nama wak farra digi, ne da pe nama gwan za̰ ta ta buwal zi to.» 8Bage ɗiŋnedin ɓarse nama se teteŋ suwar pal, a ya̰ suwal ga̰l mbe be sinna. 9Da ne pe no, a tó na no Babel. A swaga mbe go no, Bage ɗiŋnedin vuuɗi naa dasana ma wak farra digi no, ɓarse nama se suwar pal no pet me.
Pehir ge Sem ma ne na báŋ ma ne
(1Maa 1:24-27, Luk 3:34-36)
10Pehir ge Sem ne ma no: Swaga ge Sem ne ke del kis, tol Arpakchad, tó na del azi go̰r mam yḛreya go. 11Go̰r tolla ge Arpakchad ne go, Sem gwan ke del kikis anuwa̰y. Gwan tol vya sonmo ma ne vya gwale ma.
12Arpakchad ke del tapolɗu para anuwa̰y, tol Chela. 13Go̰r tolla ge Chela ne go, Arpakchad gwan ke del kikis anda para ataa. Gwan tol vya sonmo ma ne vya gwale ma.
14Chela ke del tapolɗu, tol Eber. 15Go̰r tolla ge Eber ne go, Chela gwan ke del kikis anda para ataa. Gwan tol vya sonmo ma, ne vya gwale ma.
16Eber ke del tapolɗu para anda, tol Peleg. 17Go̰r tolla ge Peleg ne go, Eber gwan ke del kikis anda para tapolɗu. Gwan tol vya sonmo ma, ne vya gwale ma.
18Peleg ke del tapolɗu, tol Rewu. 19Go̰r tolla ge Rewu ne go, Peleg gwan ke del kikis azi para lamaɗo. Gwan tol vya sonmo ma, ne vya gwale ma.
20Rewu ke del tapolɗu para azi, tol Serug. 21Go̰r tolla ge Serug ne go, Rewu gwan ke del kikis azi para ɓyalar. Gwan tol vya sonmo ma, ne vya gwale ma.
22Serug ke del tapolɗu, tol Nahor. 23Go̰r tolla ge Nahor ne go, Serug gwan ke del kikis azi. Gwan tol vya sonmo ma, ne vya gwale ma.
24Nahor ke del wara azi para lamaɗo, tol Tera. 25Go̰r tolla ge Tera ne go, Nahor gwan ke del kis para wol para lamaɗo. Gwan tol vya sonmo ma, ne vya gwale ma.
26Tera ke del wara ɓyalar, tol Abram, Nahor ne Haran.
27Pehir ge Tera ne ma no: Tera tol Abram, Nahor ne Haran. Haran me tol Lot.
28Haran sú na bá Tera ndwara zḛ, na suwal ge tolla go, ge suwal Ur ge Kaldeya ma ne go. 29Abram ma ne Nahor a san gwale ma. Abram gwale dḭl Saray, Nahor gwale dḭl Milka. Milka ma ne Yiska jwak a Haran vya ma ne. 30Saray ba̰ gisil, be tol vya to. 31Tera wan na vya Abram, ne na báŋ Lot, ge Haran vya, ne Saray na tisi ge Abram gwale, a ɗage ne suwal Ur ge Kaldeya ma ne go, ndwara mbo suwal Kanan, a det ya suwal Haran go, a kat na go. 32Swaga ge Tera ne ke del kikis azi para anuwa̰y, sú suwal Haran go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.