Pe eya 32
32
1Laban ɗage digi cya̰wak vḛ, abe na báŋ ma ne na vya ma na sḛ zi komreya, é nama wak busu, gwan mbo di.
Yakub nṵsi tene mbo ɓol na ná vya Esawu
2Yakub dol tene viya̰ go mborra, maleka ge Dok ne ma mbo ya ɓol na. 3Swaga ge Yakub ne kwa nama, jan go: «A swaga katɗa ge Dok ne ne!» Hon na dḭl Mahanayim.
4Yakub dol temel ne ful pul ge Edom ne ya, ndwara go ne suwal ge Seyir ne ya, na ná vya Esawu pal. 5Na sḛ hon nama na wak go: «No a fare ge aŋ ba mbo jan mbi bageyal Esawu ne: ‹Mo dore Yakub jan go: Mbi ke kaal katɗa mbay Laban diŋ, ɗiŋ ne se no. 6Mbi da ne nday ma, ne kwara ma, ne gii ma, ne dore ma, ne kale ma. Mbi dó temel ya waage mbi bageyal go, na ma̰ kat ge kwa mbi a̰se nde de!›»
7Naa ge temeya ma gwan’a jan Yakub go: «I mbo mo ná vya ta ya. Na sḛ mbo ya go mo ndwara zi ne naa kikis anda na pe go.» 8Yakub sḛ wan vo ge be to, varse na naa ma, ne na gii ma, ne na nday ma, ne na jambal ma se pe azi. 9Jya̰ tene go: «Kadɗa Esawu ma̰ det naa ge no ma ya, naa ge may ma ma̰ má ta.»
10Yakub kaɗe Dok go: «O! Dok ge mbi bá Abraham ne, ne Dok ge mbi bá Isaku ne. O! Bage ɗiŋnedin, mo ge ne jya̰ mbi go: ‹Gwa̰ mo suwal ya, mo sele ma buwal zi ya, mbi ma̰ ke mo kwaɗa›. 11Mbi ge mo dore, mbi be mbyat ge ɓol kwa a̰se ne kwaɗa ge mo ne mbe no to. Swaga ge mbi ne ka har maŋgaɗam Urdun mborra go, mbi ka da ne calaŋ gagak mbi tok go, se no, mbi gwan ja ne naa varra se pe azi mbi pe go. 12Mbi kaɗe mo, má mbi, ne mbi ná vya Esawu tok go. Mbi da ne vo go na ma̰ hat mbo ya hun i ne mbi vya ma ne mbi gwale ma. 13Mo sḛ, mo gá dḛ jya̰ mbi go, mo mbo ke mbi kwaɗa, mo mbo zuli mbi pehir ma se lala̰y dimma ne kar ge ne maŋgaɗam ga̰l yuwam wak go go to’a?»
14Yakub dwam swaga mbe go, caɗe kaŋ ma mbut ne kaŋ ge na ne ɓó ya ma buwal zi ndwara ke bobo hon na ná vya Esawu: 15ɓiya̰ ge gwale ma kikis azi, ne bemjere ma wara- azi, tame ná ma kikis azi, ne gamla ma wara azi, 16jambal ná ma tapolɗu poseya ne bama vya ge a gale ne njot pam ma, ne nday ná ma anda, ne nday pool digli ma wol, ne kwara ná ma wara azi, ne kwara ge pool ma wol me. 17Hon nama varseya se hini hini na dore ma tok go, jan nama go: «Mbo me mbi ndwara zḛ, ya̰ me aŋ buwal ma zum nde nde.» 18Yuwale ge zḛ ge go: «Swaga ge mbi ná vya Esawu ma̰ ɓol mo ya, ele mo go: ‹Mo wuɗi dore ne ɗaa? Mo mbo da ɗaa? Mo pole wuɗi kavaar ma ɗaa?› 19Gwa̰ ne na janna go: A mo dore Yakub ne ma ne. A bobo ge ne teme ya hon mo, mbi bageyal Esawu ma ne. Ndi na sḛ mbo ya go ne i go̰r ya.» 20Uwale hon bage azi, ne ge ataa, ne ge may ma ge a ne kare bama kaam ma pe pet wak yuwaleya mbe no: «Aŋ ka jan fare ge ɗu mbe no, swaga ge aŋ ne ɓol mbi bageyal Esawu ya.» 21Uwale, aŋ jya̰ na go: «Ndi mo dore Yakub mbo ya go ne i go̰r ya.» Ago Yakub ka dwat go, na ma̰ iyal na laar ne bobo ge na ne teme nama na ndwara zḛ ya mbe ma no. Go no swaga ge i ne na ma̰ ɓol ta ya, tamekyala ma̰ ame mbi kwaɗa. 22Bobo mbe ma mbo na ndwara zḛ ya, amma na sḛ gá dwamma na swaga katɗa go.
Yakub det kyarga ne Dok
23Yakub ɗage digi ɗaal mbe zi, abe na gwale ma jwak, ne na kale ma jwak, ne na vya ge wol para ɗu ma mwaɗak, a tot mam-so̰o̰l Yabbok le may ya. 24Tó mam-so̰o̰l mbe le may ya da ne na kaŋ ge may ma pet. 25Yakub gá katɗa hini ɗu kikit. Ndu a̰me mbo ya det kyarga ne na ɗiŋ swaga syal na pala ko̰yya. 26Swaga ge ndu mbe ne kwa go, na be mbyat hál na to ɗe, iyal na po̰y le swaga pe go, Yakub po̰y mon. 27Ndu mbe jan na go: «Ya̰ mbi digi, ago swaga ko̰y ko̰y.» Yakub jan na go: «Mbi ya̰ mo to, é mbi wak busu ɓya.» 28Ndu mbe jan na go: «A tol mo gyana?» Yakub jan na go: «A tol mbi Yakub.» 29Ndu mbe jan na: «A gwan tol mo Yakub to, a gá tol mo Israyela, ne da pe, mo ke kyarga da ne Dok, ne naa dasana ma me, mo há nama no.» 30Yakub jan na go: «Ŋgay mbi mo dḭl.» Ndu mbe gwan ne na janna go: «Kyaɗa mo ba ka ɓyare mbi dḭl pe ɗaa?» Swaga mbe go no, é na wak busu. 31Yakub hon swaga mbe dḭl Penuwel#32:31 Penuwel: Penuwel sḭ go, Dok ndwara., ka jan go: «Mbi kwa Dok ne mbi ndwara fa̰, go no puy ɗe, mbi be su to.» 32Swaga ge gyala ne ndwa ya digi, Yakub tot ne swaga haal ge Penuwel ne go, gá zaareya ne na po̰y pe. 33Ma̰ ne se no ɗiŋ, Israyela vya ma zam too ga̰l ge po̰y ne to, ne da pe, Dok iya Yakub na too ga̰l ge po̰y ne go.
Currently Selected:
Pe eya 32: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Pe eya 32
32
1Laban ɗage digi cya̰wak vḛ, abe na báŋ ma ne na vya ma na sḛ zi komreya, é nama wak busu, gwan mbo di.
Yakub nṵsi tene mbo ɓol na ná vya Esawu
2Yakub dol tene viya̰ go mborra, maleka ge Dok ne ma mbo ya ɓol na. 3Swaga ge Yakub ne kwa nama, jan go: «A swaga katɗa ge Dok ne ne!» Hon na dḭl Mahanayim.
4Yakub dol temel ne ful pul ge Edom ne ya, ndwara go ne suwal ge Seyir ne ya, na ná vya Esawu pal. 5Na sḛ hon nama na wak go: «No a fare ge aŋ ba mbo jan mbi bageyal Esawu ne: ‹Mo dore Yakub jan go: Mbi ke kaal katɗa mbay Laban diŋ, ɗiŋ ne se no. 6Mbi da ne nday ma, ne kwara ma, ne gii ma, ne dore ma, ne kale ma. Mbi dó temel ya waage mbi bageyal go, na ma̰ kat ge kwa mbi a̰se nde de!›»
7Naa ge temeya ma gwan’a jan Yakub go: «I mbo mo ná vya ta ya. Na sḛ mbo ya go mo ndwara zi ne naa kikis anda na pe go.» 8Yakub sḛ wan vo ge be to, varse na naa ma, ne na gii ma, ne na nday ma, ne na jambal ma se pe azi. 9Jya̰ tene go: «Kadɗa Esawu ma̰ det naa ge no ma ya, naa ge may ma ma̰ má ta.»
10Yakub kaɗe Dok go: «O! Dok ge mbi bá Abraham ne, ne Dok ge mbi bá Isaku ne. O! Bage ɗiŋnedin, mo ge ne jya̰ mbi go: ‹Gwa̰ mo suwal ya, mo sele ma buwal zi ya, mbi ma̰ ke mo kwaɗa›. 11Mbi ge mo dore, mbi be mbyat ge ɓol kwa a̰se ne kwaɗa ge mo ne mbe no to. Swaga ge mbi ne ka har maŋgaɗam Urdun mborra go, mbi ka da ne calaŋ gagak mbi tok go, se no, mbi gwan ja ne naa varra se pe azi mbi pe go. 12Mbi kaɗe mo, má mbi, ne mbi ná vya Esawu tok go. Mbi da ne vo go na ma̰ hat mbo ya hun i ne mbi vya ma ne mbi gwale ma. 13Mo sḛ, mo gá dḛ jya̰ mbi go, mo mbo ke mbi kwaɗa, mo mbo zuli mbi pehir ma se lala̰y dimma ne kar ge ne maŋgaɗam ga̰l yuwam wak go go to’a?»
14Yakub dwam swaga mbe go, caɗe kaŋ ma mbut ne kaŋ ge na ne ɓó ya ma buwal zi ndwara ke bobo hon na ná vya Esawu: 15ɓiya̰ ge gwale ma kikis azi, ne bemjere ma wara- azi, tame ná ma kikis azi, ne gamla ma wara azi, 16jambal ná ma tapolɗu poseya ne bama vya ge a gale ne njot pam ma, ne nday ná ma anda, ne nday pool digli ma wol, ne kwara ná ma wara azi, ne kwara ge pool ma wol me. 17Hon nama varseya se hini hini na dore ma tok go, jan nama go: «Mbo me mbi ndwara zḛ, ya̰ me aŋ buwal ma zum nde nde.» 18Yuwale ge zḛ ge go: «Swaga ge mbi ná vya Esawu ma̰ ɓol mo ya, ele mo go: ‹Mo wuɗi dore ne ɗaa? Mo mbo da ɗaa? Mo pole wuɗi kavaar ma ɗaa?› 19Gwa̰ ne na janna go: A mo dore Yakub ne ma ne. A bobo ge ne teme ya hon mo, mbi bageyal Esawu ma ne. Ndi na sḛ mbo ya go ne i go̰r ya.» 20Uwale hon bage azi, ne ge ataa, ne ge may ma ge a ne kare bama kaam ma pe pet wak yuwaleya mbe no: «Aŋ ka jan fare ge ɗu mbe no, swaga ge aŋ ne ɓol mbi bageyal Esawu ya.» 21Uwale, aŋ jya̰ na go: «Ndi mo dore Yakub mbo ya go ne i go̰r ya.» Ago Yakub ka dwat go, na ma̰ iyal na laar ne bobo ge na ne teme nama na ndwara zḛ ya mbe ma no. Go no swaga ge i ne na ma̰ ɓol ta ya, tamekyala ma̰ ame mbi kwaɗa. 22Bobo mbe ma mbo na ndwara zḛ ya, amma na sḛ gá dwamma na swaga katɗa go.
Yakub det kyarga ne Dok
23Yakub ɗage digi ɗaal mbe zi, abe na gwale ma jwak, ne na kale ma jwak, ne na vya ge wol para ɗu ma mwaɗak, a tot mam-so̰o̰l Yabbok le may ya. 24Tó mam-so̰o̰l mbe le may ya da ne na kaŋ ge may ma pet. 25Yakub gá katɗa hini ɗu kikit. Ndu a̰me mbo ya det kyarga ne na ɗiŋ swaga syal na pala ko̰yya. 26Swaga ge ndu mbe ne kwa go, na be mbyat hál na to ɗe, iyal na po̰y le swaga pe go, Yakub po̰y mon. 27Ndu mbe jan na go: «Ya̰ mbi digi, ago swaga ko̰y ko̰y.» Yakub jan na go: «Mbi ya̰ mo to, é mbi wak busu ɓya.» 28Ndu mbe jan na go: «A tol mo gyana?» Yakub jan na go: «A tol mbi Yakub.» 29Ndu mbe jan na: «A gwan tol mo Yakub to, a gá tol mo Israyela, ne da pe, mo ke kyarga da ne Dok, ne naa dasana ma me, mo há nama no.» 30Yakub jan na go: «Ŋgay mbi mo dḭl.» Ndu mbe gwan ne na janna go: «Kyaɗa mo ba ka ɓyare mbi dḭl pe ɗaa?» Swaga mbe go no, é na wak busu. 31Yakub hon swaga mbe dḭl Penuwel#32:31 Penuwel: Penuwel sḭ go, Dok ndwara., ka jan go: «Mbi kwa Dok ne mbi ndwara fa̰, go no puy ɗe, mbi be su to.» 32Swaga ge gyala ne ndwa ya digi, Yakub tot ne swaga haal ge Penuwel ne go, gá zaareya ne na po̰y pe. 33Ma̰ ne se no ɗiŋ, Israyela vya ma zam too ga̰l ge po̰y ne to, ne da pe, Dok iya Yakub na too ga̰l ge po̰y ne go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.