Lioka 17
17
Ny fanafintohinana
(Jereo Mt 18,6-7; Mk 9,42)
1Ary hoy indray i Jesoa tamin’ny mpianany: «Tsy maintsy ho avy ny fanafintohinana, fa loza no hanjò an’izay iaviany! 2Aleo anantonana vato fikosohan-dafarina ny vozony ka alentika any anatin’ny ranomasina izy, toy izay manafintohina na dia ny anankiray amin’ireto madinika ireto aza. 3Koa mitandrema ianareo.»
Fifananarana am-pihavanana
(Jereo Mt 18,15, 21-22)
«Raha diso aminao ny rahalahinao, anaro izy, ka raha mivalo izy, dia mamelà azy. 4Ary na dia ho diso aminao impito indray andro aza izy, ka miverina impito koa manao hoe: ‹Mifona aho›, dia mamelà.»
Herin’ny finoana
(Jereo Mt 17,20; 21,21; Mk 11,23)
5Ary hoy ny Apôstôly tamin’ny Tompo, «Ampitomboy ny finoanay.» 6Fa hoy ny Tompo: «Raha manam-pinoana ohatra ny voan-tsinapy iray ianareo, dia mahazo milaza amin’io voaroihazo io hoe: ‹Miongòta, ka mifindrà any anatin’ny ranomasina›, dia hanaiky anareo izy.»
Manompo am-panetren-tena
7«Ary iza moa aminareo no manana mpanompo miasa tany na miandry ondry avy any an-tsaha no mba hilaza aminy hoe: ‹Metia faingana, ary mipetraha hihinana› 8Moa tsy izao aza no holazainy aminy: ‹Amboary ny sakafoko, ary misikìna hampihinana ahy mandra-pitsahatro avy mihinana sy misotro, fa raha efa izany vao hihinana sy hisotro ianao?› 9Ary moa misaotra izany mpanompo izany akory va izy, satria nanao izay nasainy nataony io? 10Ataoko fa tsy izany. Koa tahaka izany koa ianareo: rehefa vitanareo izay nandidiana anareo, dia lazao hoe: ‹Mpanompo tsy mahasoa#17,10 Mpanompo tsy mahasoa. Tsy hoe tsy mendrika hovalian-tsoa tsy akory, fa hoe: tsy tokony hirehareha, fa raha tsy ny fahasoavan’Andriamanitra tsy ho nahavita inona akory. izahay, fa izay tsy maintsy ho nataonay ihany no hany vitanay.› »
Ireo boka folo lahy
11Nony nandeha ho any Jerosalema i Jesoa dia nanara-tsisina an’i Samaria sy i Galilea. 12Ary raha niditra tao amin’ny vohitra anankiray Izy, dia nifanena tamin’ny boka folo lahy, izay nijanona teny lavidavitra teny. 13Dia niantso izy ireo ka nanao hoe: «Ry Jesoa Mpampianatra ô! mamindrà fo aminay.» 14Vantany vao nahita azy ireo Izy dia nanao hoe: «Mandehana, misehoa amin’ny mpisorona,» ka nony nandeha ho any izy ireo dia sitrana teny am-pandehanana. 15Ary ny anankiray tamin’ireny, rehefa nahita fa sitrana izy, dia niverina ka nankalaza an’Andriamanitra tamin’ny feo mahery. 16Niankohoka tamin’ny tongotr’i Jesoa izy, dia nisaotra Azy; ary Samaritanina izy io. 17Dia niteny i Jesoa ka nanao hoe: «Moa tsy folo lahy va no nadio? Ka nankaiza àry ny sivy? 18Ny vahiny indray ity no hany niverina tamin’izy ireny mba hankalaza an’Andriamanitra?» 19Dia hoy Izy taminy: «Mitsangàna, ary mandehana, fa ny finoanao no nahavonjy anao.»
Ho avy ny Fanjakan’Andriamanitra
20Ary nanontanian’ny Farisianina izay andro hiavian’ny fanjakan’Andriamanitra Izy ka namaly hoe: «Tsy mba manetriketrika fiavy ny fanjakan’Andriamanitra, 21ary tsy hataon’ny olona hoe: ‹Indro atỳ na arỳ izy›; fa indro ao anatinareo ny fanjakan’Andriamanitra#17,20-21 Ny fanjakan’Andriamanitra, sns. dia tsy fanjakan’izao tontolo izao, tsy zavatra manetriketrika fiavy, fa ao am-pon’ny olona no misy azy ka efa tonga aza..»
Ny Andron’ny Zanak’olona
(Jereo Mk 13,21; Mt 24,23, 26-27)
22Dia hoy koa Izy tamin’ny mpianany: «Ho avy ny andro hanirianareo hahita ny anankiray amin’ny andron’ny Zanak’olona#17,22-24 Ny andron’ny Zanak’olona. Fiaviany hafa indray io, dia ilay fanjakany farany amim-boninahitra: hanetriketrika fiavy izany ka tsy tokony hotadiavina etỳ sy erỳ., fa tsy hahita ianareo. 23Hilazan’ny olona ianareo fa hoe: ‹Indro erỳ; na indro etỳ›; nefa aza mankany ianareo, na manaraka izany akory. 24Fa tahaka ny fanjelatry ny hela-baratra miserana ny faravodilanitra hatramin’ny lafiny iray ka hatrany amin’ny lafiny hafa, dia ho tahaka izany koa no fiavin’ny Zanak’olona amin’ny androny. 25Fa tsy maintsy hijaly mafy aloha Izy, sy holavin’ity taranaka ity.»
(Jereo Mt 24,37-39)
26«Ary toy ny niseho tamin’ny andron’i Nôe no hiseho koa amin’ny andron’ny Zanak’olona: 27nihinana sy nisotro ny olona ary nampaka-bady sy namoa-jazavavy, mandra-pahatongan’ny andro nidiran’i Nôe tao amin’ny sambo fiara, dia tonga ny safodrano ka nandringana azy rehetra. 28Ary koa tahaka ny tamin’ny andron’i Lôta: nihinana sy nisotro ny olona, nividy sy nivarotra, ary namboly sy nanao trano; 29fa tamin’ny andro nivoahan’i Lôta tao Sôdôma kosa, nisy afo sy solifara avy any an-danitra nilatsaka nandringana azy rehetra. 30Dia ho tahaka izany koa amin’ny andro hisehoan’ny Zanak’olona.»
(Jereo Mt 24,17-18; 10,39; 22,40-41; 28; Mk 13,15-16)
31«Amin’izany andro izany, izay any ambony tafon-trano aoka tsy hiditra haka ny zavany ao an-tranony; toy izany koa, izay any an-tsaha aoka tsy hiverina haka izay nilaozany, 32Tsarovy ny vadin’i Lôta! 33Izay hitady hamonjy ny ainy, dia hahavery azy, fa izay hahafoy azy no hamonjy azy. 34Lazaiko aminareo fa amin’izany alina izany, amin’ny olona roa lahy miray fandriana, ny iray horaisina ary ny iray havela; 35amin’ny olona roa vavy miara-manodina fikosohan-dafarina, ny iray horaisina ary ny iray havela; ary amin’ny olona roa lahy izay eny an-tsaha, ny iray horaisina ary ny iray havela.» 36Dia namaly izy ireo ka nanao taminy hoe: «Ho aiza Tompoko?» 37Ary hoy Izy taminy: «Amin’izay hitoeran’ny faty no hiangonan’ny voromahery#17,36-37 Todiho Mt 24,27-28 sy ny fivoasana azy. Na toy izao angamba no hevitr’io: Hankaiza ireo horaisina (ny olom-pinidy)? hoy ny mpianatra, ka novalian’ny Tompo hoe: Amin’izay hisy Ahy no tsy maintsy hiangonan’izy rehetra, mova tsy ny iangonan’ny voromahery amin’izay misy fatin-javatra..»
Currently Selected:
Lioka 17: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
Lioka 17
17
Ny fanafintohinana
(Jereo Mt 18,6-7; Mk 9,42)
1Ary hoy indray i Jesoa tamin’ny mpianany: «Tsy maintsy ho avy ny fanafintohinana, fa loza no hanjò an’izay iaviany! 2Aleo anantonana vato fikosohan-dafarina ny vozony ka alentika any anatin’ny ranomasina izy, toy izay manafintohina na dia ny anankiray amin’ireto madinika ireto aza. 3Koa mitandrema ianareo.»
Fifananarana am-pihavanana
(Jereo Mt 18,15, 21-22)
«Raha diso aminao ny rahalahinao, anaro izy, ka raha mivalo izy, dia mamelà azy. 4Ary na dia ho diso aminao impito indray andro aza izy, ka miverina impito koa manao hoe: ‹Mifona aho›, dia mamelà.»
Herin’ny finoana
(Jereo Mt 17,20; 21,21; Mk 11,23)
5Ary hoy ny Apôstôly tamin’ny Tompo, «Ampitomboy ny finoanay.» 6Fa hoy ny Tompo: «Raha manam-pinoana ohatra ny voan-tsinapy iray ianareo, dia mahazo milaza amin’io voaroihazo io hoe: ‹Miongòta, ka mifindrà any anatin’ny ranomasina›, dia hanaiky anareo izy.»
Manompo am-panetren-tena
7«Ary iza moa aminareo no manana mpanompo miasa tany na miandry ondry avy any an-tsaha no mba hilaza aminy hoe: ‹Metia faingana, ary mipetraha hihinana› 8Moa tsy izao aza no holazainy aminy: ‹Amboary ny sakafoko, ary misikìna hampihinana ahy mandra-pitsahatro avy mihinana sy misotro, fa raha efa izany vao hihinana sy hisotro ianao?› 9Ary moa misaotra izany mpanompo izany akory va izy, satria nanao izay nasainy nataony io? 10Ataoko fa tsy izany. Koa tahaka izany koa ianareo: rehefa vitanareo izay nandidiana anareo, dia lazao hoe: ‹Mpanompo tsy mahasoa#17,10 Mpanompo tsy mahasoa. Tsy hoe tsy mendrika hovalian-tsoa tsy akory, fa hoe: tsy tokony hirehareha, fa raha tsy ny fahasoavan’Andriamanitra tsy ho nahavita inona akory. izahay, fa izay tsy maintsy ho nataonay ihany no hany vitanay.› »
Ireo boka folo lahy
11Nony nandeha ho any Jerosalema i Jesoa dia nanara-tsisina an’i Samaria sy i Galilea. 12Ary raha niditra tao amin’ny vohitra anankiray Izy, dia nifanena tamin’ny boka folo lahy, izay nijanona teny lavidavitra teny. 13Dia niantso izy ireo ka nanao hoe: «Ry Jesoa Mpampianatra ô! mamindrà fo aminay.» 14Vantany vao nahita azy ireo Izy dia nanao hoe: «Mandehana, misehoa amin’ny mpisorona,» ka nony nandeha ho any izy ireo dia sitrana teny am-pandehanana. 15Ary ny anankiray tamin’ireny, rehefa nahita fa sitrana izy, dia niverina ka nankalaza an’Andriamanitra tamin’ny feo mahery. 16Niankohoka tamin’ny tongotr’i Jesoa izy, dia nisaotra Azy; ary Samaritanina izy io. 17Dia niteny i Jesoa ka nanao hoe: «Moa tsy folo lahy va no nadio? Ka nankaiza àry ny sivy? 18Ny vahiny indray ity no hany niverina tamin’izy ireny mba hankalaza an’Andriamanitra?» 19Dia hoy Izy taminy: «Mitsangàna, ary mandehana, fa ny finoanao no nahavonjy anao.»
Ho avy ny Fanjakan’Andriamanitra
20Ary nanontanian’ny Farisianina izay andro hiavian’ny fanjakan’Andriamanitra Izy ka namaly hoe: «Tsy mba manetriketrika fiavy ny fanjakan’Andriamanitra, 21ary tsy hataon’ny olona hoe: ‹Indro atỳ na arỳ izy›; fa indro ao anatinareo ny fanjakan’Andriamanitra#17,20-21 Ny fanjakan’Andriamanitra, sns. dia tsy fanjakan’izao tontolo izao, tsy zavatra manetriketrika fiavy, fa ao am-pon’ny olona no misy azy ka efa tonga aza..»
Ny Andron’ny Zanak’olona
(Jereo Mk 13,21; Mt 24,23, 26-27)
22Dia hoy koa Izy tamin’ny mpianany: «Ho avy ny andro hanirianareo hahita ny anankiray amin’ny andron’ny Zanak’olona#17,22-24 Ny andron’ny Zanak’olona. Fiaviany hafa indray io, dia ilay fanjakany farany amim-boninahitra: hanetriketrika fiavy izany ka tsy tokony hotadiavina etỳ sy erỳ., fa tsy hahita ianareo. 23Hilazan’ny olona ianareo fa hoe: ‹Indro erỳ; na indro etỳ›; nefa aza mankany ianareo, na manaraka izany akory. 24Fa tahaka ny fanjelatry ny hela-baratra miserana ny faravodilanitra hatramin’ny lafiny iray ka hatrany amin’ny lafiny hafa, dia ho tahaka izany koa no fiavin’ny Zanak’olona amin’ny androny. 25Fa tsy maintsy hijaly mafy aloha Izy, sy holavin’ity taranaka ity.»
(Jereo Mt 24,37-39)
26«Ary toy ny niseho tamin’ny andron’i Nôe no hiseho koa amin’ny andron’ny Zanak’olona: 27nihinana sy nisotro ny olona ary nampaka-bady sy namoa-jazavavy, mandra-pahatongan’ny andro nidiran’i Nôe tao amin’ny sambo fiara, dia tonga ny safodrano ka nandringana azy rehetra. 28Ary koa tahaka ny tamin’ny andron’i Lôta: nihinana sy nisotro ny olona, nividy sy nivarotra, ary namboly sy nanao trano; 29fa tamin’ny andro nivoahan’i Lôta tao Sôdôma kosa, nisy afo sy solifara avy any an-danitra nilatsaka nandringana azy rehetra. 30Dia ho tahaka izany koa amin’ny andro hisehoan’ny Zanak’olona.»
(Jereo Mt 24,17-18; 10,39; 22,40-41; 28; Mk 13,15-16)
31«Amin’izany andro izany, izay any ambony tafon-trano aoka tsy hiditra haka ny zavany ao an-tranony; toy izany koa, izay any an-tsaha aoka tsy hiverina haka izay nilaozany, 32Tsarovy ny vadin’i Lôta! 33Izay hitady hamonjy ny ainy, dia hahavery azy, fa izay hahafoy azy no hamonjy azy. 34Lazaiko aminareo fa amin’izany alina izany, amin’ny olona roa lahy miray fandriana, ny iray horaisina ary ny iray havela; 35amin’ny olona roa vavy miara-manodina fikosohan-dafarina, ny iray horaisina ary ny iray havela; ary amin’ny olona roa lahy izay eny an-tsaha, ny iray horaisina ary ny iray havela.» 36Dia namaly izy ireo ka nanao taminy hoe: «Ho aiza Tompoko?» 37Ary hoy Izy taminy: «Amin’izay hitoeran’ny faty no hiangonan’ny voromahery#17,36-37 Todiho Mt 24,27-28 sy ny fivoasana azy. Na toy izao angamba no hevitr’io: Hankaiza ireo horaisina (ny olom-pinidy)? hoy ny mpianatra, ka novalian’ny Tompo hoe: Amin’izay hisy Ahy no tsy maintsy hiangonan’izy rehetra, mova tsy ny iangonan’ny voromahery amin’izay misy fatin-javatra..»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.