Simuluho 21
21
Ku pepwa kwa Isaka
1Muñ'a Bupilo a tusa Sara, sina mw'a n'a sepiselize. 2#Maheb 11.11 A itwala, mi a pepela Abrahama mwana wa mushimani niha n'a s'a supezi. Mushimani a pepwa ka nako y'a n'a bulezi Mulimu. 3Abrahama a mu beya libizo la Isaka. 4#Sim 17.12; Lik 7.8 Mushimani ha s'a na ni mazazi a supile ni li li liñwi, Abrahama a mu isa kwa mupato, sina mw'a n'a mu laelezi Mulimu. 5Isaka h'a pepwa, Abrahama n'a s'a na ni lilimo ze mwanda. 6Sara a li, “Mulimu u ni tiselize tabo ni liseho. Mutu kamukana ya ka utwa, u ta seha ni na cwalo.” 7Mi a ekeza, a li, “Ki mañi ya n'a ka bulelela Abrahama kuli Sara u ka lela banana? Kono nikahulicwalo, ni mu pepezi mushimani mwa bucembele bwa hae.”
8Mwanana a hula, mi ka lona lizazi la ku kwiswa kwa hae, Abrahama a eza mukiti o mutuna.
Hagare ni Ishimaele ba lelekwa
9Zazi le liñwi Ishimaele, mwan'a Abrahama ya n'a pepilwe ki Hagare wa Muegepita, n'a nz'a sheununa Isaka mwan'a Sara. 10#Magal 4.29-30 Sara a bona taba yeo, mi kih'a li ku Abrahama, “Leleka musali yo wa mutanga, ni mwan'a hae. Mwan'a mutanga yo a si ke a fumana kabelo kwa bufumu bwa hao, bo bu ka yoliwa ki mwan'a ka Isaka.” 11Taba ye ya kataza hahulu Abrahama, kakuli ni yena Ishimaele n'e li mwan'a hae. 12#Baro 9.7; Maheb 11.18 Kono Mulimu a li ku Abrahama, “U si ke wa ikataza ka mushimani ni mutang'a hao Hagare. Eza s'a ka ku bulelela Sara kamukana, kakuli lusika lo ni ku sepisize lu ka simuluha ku Isaka. 13Ni yena mwan'a mutanga yo, ni ta mu fa lusika lo luñata, kuli ni bona ba be sicaba, kakuli ni yena cwalo ki mwan'a hao.”
14Habusa i sa li kakusasa Abrahama a fa Hagare lico ni swaki ya mezi ni mwana cwalo. Kiha s'a ba fundula. Ba funduka, mi ba yambaela mwa lihalaupa la Beeresheba. 15Mezi ha s'a felile, Hagare a siya mwana mwa sicacani. 16A y'o ina kwahulenyana, fo ku bata ku eza mihato ye mwanda. Kih'a bulela mwa pilu, a li, “Ha ni koni ku talimela mwan'a ka a nz'a shwa.” Ha n'a sa inzi fo, mwan'a a kala ku lila.
17Mulimu a utwa mwana ha n'a lila, mi lingeloi la Mulimu li li kwa lihalimu la bulelela Hagare, la li, “Hagare, u katazwa kiñi? U si ke wa saba. Mulimu u utwile mushimani ha n'a lila. 18Nanuha, u y'o mu nga. U mu kuzise, kakuli ni ta eza sicaba se situna ka lusika lwa hae.” 19Cwale Mulimu a mu yaula fa meeto, mi a bona siliba. A ya, mi a y'o taza swaki ya hae ka mezi. Kiha s'a nwisa mwan'a hae a mañwi. 20Mulimu a babalela mushimani h'a nz'a hula. A pila mwa naheñi, mwa naha ya Parani, mi a ba muzumi yo mutuna. 21M'ahe a mu batela musali kwa Egepita.
Tumelelano mwahal'a Abrahama ni Abimeleke
22 #
Sim 26.26
Ka nako yeo Abimeleke a ya ni Pikoli, muzamaisi wa mpi ya hae, ku Abrahama, mi a li, “Mulimu u na ni wena ku z'o eza kaufela. 23Cwalehe, u itame honafa, fapil'a Mulimu, kuli ha u na ku ni puma, na, bana ba ka, kamba baikulu ba ka. Na ni ku ezize hande. Cwale u ni sepise ni wena kuli u ta ni eza hande, hamohocwalo ni naha y'o pila ku yona ye.”
24Abrahama a li, “Ni sepisa cwalo.”
25Abrahama kiha s'a bilaela ku Abimeleke ka siliba se ne ba ngile batanga ba hae ka mañañazwana. 26Abimeleke a li, “Taba yeo ne ni sa i zibi. N'o si ka ni bulelela yona, mi lo ki lona lwa pili ni i utwa.” 27Abrahama kih'a fa Abimeleke lingu ni likomu, mi bubeli bwa bona ba eza tumelelano. 28Abrahama a zwisa lingunyana ze supile mwa mutapi wa hae. 29Abimeleke a mu buza, a li, “Kiñi ha u ezize cwalo?”
30Abrahama a alaba, a li, “U swanezi ku amuhela lingunyana ze supile ze. Ka ku eza cwalo, u lumela kuli ki na ya yepile siliba seo.” 31Kabakaleo, sibaka seo sa bizwa Beeresheba, kakuli ki fona fo ne ba tamezi litumelelano za bona, ba babeli bao.
32Ha ba se ba ezize tumelelano yeo fa Beeresheba, Abimeleke ni Pikoli, muzamaisi wa mpi ya hae, ba kutela kwa naha ya Mafilisita. 33Cwale Abrahama a cala kota mwa Beeresheba, mi a lapela Muñ'a Bupilo, Mulimu wa Kamita. 34Abrahama a pila mwa naha ya Mafilisita nako ye telele.
Currently Selected:
Simuluho 21: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Simuluho 21
21
Ku pepwa kwa Isaka
1Muñ'a Bupilo a tusa Sara, sina mw'a n'a sepiselize. 2#Maheb 11.11 A itwala, mi a pepela Abrahama mwana wa mushimani niha n'a s'a supezi. Mushimani a pepwa ka nako y'a n'a bulezi Mulimu. 3Abrahama a mu beya libizo la Isaka. 4#Sim 17.12; Lik 7.8 Mushimani ha s'a na ni mazazi a supile ni li li liñwi, Abrahama a mu isa kwa mupato, sina mw'a n'a mu laelezi Mulimu. 5Isaka h'a pepwa, Abrahama n'a s'a na ni lilimo ze mwanda. 6Sara a li, “Mulimu u ni tiselize tabo ni liseho. Mutu kamukana ya ka utwa, u ta seha ni na cwalo.” 7Mi a ekeza, a li, “Ki mañi ya n'a ka bulelela Abrahama kuli Sara u ka lela banana? Kono nikahulicwalo, ni mu pepezi mushimani mwa bucembele bwa hae.”
8Mwanana a hula, mi ka lona lizazi la ku kwiswa kwa hae, Abrahama a eza mukiti o mutuna.
Hagare ni Ishimaele ba lelekwa
9Zazi le liñwi Ishimaele, mwan'a Abrahama ya n'a pepilwe ki Hagare wa Muegepita, n'a nz'a sheununa Isaka mwan'a Sara. 10#Magal 4.29-30 Sara a bona taba yeo, mi kih'a li ku Abrahama, “Leleka musali yo wa mutanga, ni mwan'a hae. Mwan'a mutanga yo a si ke a fumana kabelo kwa bufumu bwa hao, bo bu ka yoliwa ki mwan'a ka Isaka.” 11Taba ye ya kataza hahulu Abrahama, kakuli ni yena Ishimaele n'e li mwan'a hae. 12#Baro 9.7; Maheb 11.18 Kono Mulimu a li ku Abrahama, “U si ke wa ikataza ka mushimani ni mutang'a hao Hagare. Eza s'a ka ku bulelela Sara kamukana, kakuli lusika lo ni ku sepisize lu ka simuluha ku Isaka. 13Ni yena mwan'a mutanga yo, ni ta mu fa lusika lo luñata, kuli ni bona ba be sicaba, kakuli ni yena cwalo ki mwan'a hao.”
14Habusa i sa li kakusasa Abrahama a fa Hagare lico ni swaki ya mezi ni mwana cwalo. Kiha s'a ba fundula. Ba funduka, mi ba yambaela mwa lihalaupa la Beeresheba. 15Mezi ha s'a felile, Hagare a siya mwana mwa sicacani. 16A y'o ina kwahulenyana, fo ku bata ku eza mihato ye mwanda. Kih'a bulela mwa pilu, a li, “Ha ni koni ku talimela mwan'a ka a nz'a shwa.” Ha n'a sa inzi fo, mwan'a a kala ku lila.
17Mulimu a utwa mwana ha n'a lila, mi lingeloi la Mulimu li li kwa lihalimu la bulelela Hagare, la li, “Hagare, u katazwa kiñi? U si ke wa saba. Mulimu u utwile mushimani ha n'a lila. 18Nanuha, u y'o mu nga. U mu kuzise, kakuli ni ta eza sicaba se situna ka lusika lwa hae.” 19Cwale Mulimu a mu yaula fa meeto, mi a bona siliba. A ya, mi a y'o taza swaki ya hae ka mezi. Kiha s'a nwisa mwan'a hae a mañwi. 20Mulimu a babalela mushimani h'a nz'a hula. A pila mwa naheñi, mwa naha ya Parani, mi a ba muzumi yo mutuna. 21M'ahe a mu batela musali kwa Egepita.
Tumelelano mwahal'a Abrahama ni Abimeleke
22 #
Sim 26.26
Ka nako yeo Abimeleke a ya ni Pikoli, muzamaisi wa mpi ya hae, ku Abrahama, mi a li, “Mulimu u na ni wena ku z'o eza kaufela. 23Cwalehe, u itame honafa, fapil'a Mulimu, kuli ha u na ku ni puma, na, bana ba ka, kamba baikulu ba ka. Na ni ku ezize hande. Cwale u ni sepise ni wena kuli u ta ni eza hande, hamohocwalo ni naha y'o pila ku yona ye.”
24Abrahama a li, “Ni sepisa cwalo.”
25Abrahama kiha s'a bilaela ku Abimeleke ka siliba se ne ba ngile batanga ba hae ka mañañazwana. 26Abimeleke a li, “Taba yeo ne ni sa i zibi. N'o si ka ni bulelela yona, mi lo ki lona lwa pili ni i utwa.” 27Abrahama kih'a fa Abimeleke lingu ni likomu, mi bubeli bwa bona ba eza tumelelano. 28Abrahama a zwisa lingunyana ze supile mwa mutapi wa hae. 29Abimeleke a mu buza, a li, “Kiñi ha u ezize cwalo?”
30Abrahama a alaba, a li, “U swanezi ku amuhela lingunyana ze supile ze. Ka ku eza cwalo, u lumela kuli ki na ya yepile siliba seo.” 31Kabakaleo, sibaka seo sa bizwa Beeresheba, kakuli ki fona fo ne ba tamezi litumelelano za bona, ba babeli bao.
32Ha ba se ba ezize tumelelano yeo fa Beeresheba, Abimeleke ni Pikoli, muzamaisi wa mpi ya hae, ba kutela kwa naha ya Mafilisita. 33Cwale Abrahama a cala kota mwa Beeresheba, mi a lapela Muñ'a Bupilo, Mulimu wa Kamita. 34Abrahama a pila mwa naha ya Mafilisita nako ye telele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.